ᠮᠢᠨᠦ ᠡᠵᠢ ᠪᠣᠮᠪᠣᠭᠤᠷ ᠴᠢᠷᠠᠢ ᠲᠠᠢ᠂ ᠮᠦᠢᠯ ᠬᠠᠷᠠ ᠨᠢᠳᠦ ᠲᠠᠢ᠂ ᠵᠣᠷᠠᠶᠢᠭᠰᠠᠨ ᠣᠷᠲᠣ ᠬᠦᠮᠦᠰᠭᠡ ᠲᠠᠢ᠂ | ᠭᠦᠯᠦ ᠬᠠᠷᠠ ᠭᠡᠵᠢᠬᠡ ᠲᠠᠢ᠂ ᠳᠠᠷᠤᠥ ᠨᠣᠮᠣᠬᠠᠨ ᠵᠠᠩ ᠲᠠᠢ ᠵᠢᠷ ᠤᠨ ᠨᠢᠭᠡᠨ ᠲᠠᠷᠢᠶᠠᠴᠢᠨ ᠪᠦᠰᠡᠭᠦᠢ ᠶᠤᠮ᠃ | ᠮᠢᠨᠦ ᠡᠵᠢ ᠡᠳᠦᠷ ᠲᠤᠳᠤᠮ ᠤᠨ ᠠᠵᠢᠯ ᠳᠤ ᠪᠠᠨ ᠲᠣᠩ ᠶᠠᠭᠠᠷᠠᠤ ᠪᠠᠶᠢᠳᠠᠭ᠃ ᠦᠷ ᠤᠨ ᠭᠡᠭᠡ ᠲᠠᠢ | ᠤᠷᠤᠯᠳᠤᠨ ᠪᠣᠰᠴᠤ ᠡᠳᠦᠷ ᠤᠨ ᠠᠵᠢᠯ ᠢᠶᠠᠨ ᠡᠬᠢᠯᠡᠭᠦᠯᠳᠡᠭ᠃ ᠭᠡᠷ ᠤᠨ ᠭᠠᠳᠠᠨᠠ ᠳᠤᠲᠤᠨᠠᠬᠢ ᠠᠵᠢᠯ ᠢ ᠬᠦᠨᠳᠦ | ᠬᠦᠩᠬᠡᠨ ᠭᠡᠵᠦ ᠢᠯᠭᠠᠯ ᠦᠭᠡᠢ ᠡᠳᠦᠷᠵᠢᠨ ᠪᠤᠷᠪᠢ ᠨᠣᠭᠤᠷᠠᠯ ᠦᠭᠡᠢ ᠠᠵᠢᠯᠯᠠᠳᠠᠭ᠃ ᠠᠪᠤ ᠲᠠᠷᠢᠶᠠᠨ ᠠᠵᠢᠯ ᠳᠤ | ᠭᠠᠷᠪᠠᠯ ᠡᠵᠢ ᠶᠢᠨ ᠮᠢᠨᠢ ᠠᠵᠢᠯ ᠶᠠᠪᠤᠳᠠᠯ ᠨᠡᠩ ᠶᠠᠭᠠᠷᠠᠥ ᠪᠣᠯᠳᠠᠭ᠃ ᠡᠮᠦᠨᠡ ᠳᠤ ᠪᠠᠨ ᠡᠵᠢ ᠮᠢᠨᠢ ᠠᠪᠤ ᠶᠢ | ᠳᠠᠭᠠᠭᠠᠳ ᠲᠠᠷᠢᠶᠠᠨ ᠳᠤ ᠭᠠᠷᠴᠤ ᠠᠵᠢᠯ ᠬᠢᠵᠦ ᠪᠠᠶᠢᠭᠰᠠᠨ᠂ ᠭᠡᠪᠡᠴᠤ ᠨᠢᠳᠦᠨᠣᠨ ᠵᠢᠯ ᠠᠴᠠ ᠡᠬᠢᠯᠡᠭᠡᠳ ᠡᠵᠢ | ᠲᠠᠷᠢᠶᠠᠨ ᠳᠤ ᠭᠠᠷᠴᠤ ᠳᠡᠶᠢᠯᠬᠦ ᠦᠭᠡᠢ ᠪᠣᠯᠣᠭᠰᠠᠨ ᠶᠣᠮ᠃ ᠣᠴᠢᠷ ᠨᠢ ᠡᠮᠡᠭᠡ ᠡᠵᠢ ᠡᠪᠡᠳᠴᠢᠯᠡᠭᠡᠳ ᠬᠦᠳᠡᠯᠵᠦ | ᠳᠡᠶᠢᠯᠬᠦ ᠦᠭᠡᠢ ᠪᠤᠯᠵᠤ ᠡᠵᠢ ᠮᠢᠨᠢ ᠠᠰᠠᠷᠠᠵᠣ ᠬᠠᠷᠠᠭᠠᠯᠵᠠᠬᠤ ᠬᠡᠷᠡᠭᠲᠡᠢ ᠪᠣᠯᠵᠠᠢ᠃ | ᠮᠢᠨᠦ ᠡᠵᠢ ᠡᠮᠡᠭᠡ ᠶᠢ ᠦᠪᠡᠷ ᠤᠨ ᠲᠦᠷᠦᠭᠰᠡᠨ ᠡᠵᠢ ᠪᠠᠨ ᠰᠢᠭ ᠬᠦᠨᠳᠦᠳᠭᠡᠳᠡᠭ᠃ ᠡᠮᠡᠭᠡ ᠡᠵᠢ | ᠡᠪᠡᠳᠴᠢᠯᠡᠭᠰᠡᠨ ᠠᠴᠠ ᠡᠵᠢ ᠮᠢᠨᠢ ᠭᠠᠳᠠᠭᠰᠢ ᠭᠠᠷᠬᠤ ᠪᠠᠨ ᠪᠣᠯᠢᠵᠣ᠂ ᠡᠳᠦᠷᠵᠢᠨ ᠡᠮᠡᠭᠡ ᠶᠢ ᠦᠵᠡᠵᠦ | ᠬᠠᠷᠠᠭᠠᠯᠵᠠᠬᠤ ᠪᠠᠷ ᠪᠠᠷᠠᠬᠤ ᠦᠭᠡᠢ ᠭᠡᠷ ᠤᠨ ᠠᠵᠢᠯ ᠳᠤ ᠪᠠᠨ ᠶᠠᠭᠠᠷᠠᠨᠠ᠃ ᠦᠷᠯᠦᠭᠡ ᠡᠷᠲᠡ ᠪᠤᠰᠣᠭᠠᠳ ᠠᠪᠤ ᠶᠢ | ᠬᠠᠪᠰᠤᠷᠣᠨ ᠠᠵᠢᠯ ᠢᠶᠠᠨ ᠬᠢᠵᠦ ᠳᠠᠭᠤᠰᠬᠠᠪᠠᠯ᠂ ᠡᠮᠡᠭᠡ ᠶᠢ ᠪᠤᠰᠬᠠᠨ ᠬᠤᠪᠴᠠᠰᠤ ᠬᠤᠨᠠᠷ ᠢ ᠨᠢ ᠡᠮᠦᠰᠭᠡᠨ᠂ ᠨᠢᠭᠤᠷ | ᠭᠠᠷ ᠢ ᠨᠢ ᠤᠬᠢᠶᠠᠨ ᠴᠡᠪᠡᠷᠯᠡᠵᠦ᠂ ᠬᠤᠭᠤᠯᠠ ᠪᠣᠳᠠᠭᠠ ᠶᠢ ᠨᠢ ᠦᠢᠷᠠᠳᠤᠭᠤᠯᠳᠠᠭ᠃ ᠴᠢᠯᠦᠭᠡ ᠭᠠᠷᠪᠠᠯ ᠡᠮᠡᠭᠡ ᠶᠢ | ᠲᠦᠰᠢᠨ ᠠᠯᠬᠤᠭᠤᠯᠵᠤ ᠪᠡᠶᠡ ᠶᠢ ᠨᠢ ᠪᠣᠯᠪᠠᠰᠤᠷᠠᠭᠤᠯᠳᠠᠭ ᠪᠢᠯᠡ᠃ ᠦᠷᠡ ᠨᠢ ᠪᠣᠯᠣᠭᠰᠠᠨ ᠪᠢ ᠡᠵᠢ ᠶᠢᠨ ᠢᠶᠠᠨ | ᠶᠠᠳᠠᠷᠠᠭᠠ ᠵᠦᠳᠡᠷᠡᠯᠳᠡᠢ ᠶᠢ ᠨᠢ ᠦᠵᠡᠪᠡᠯ ᠶᠡᠭᠡ ᠯᠠ ᠦᠷᠦ ᠡᠪᠡᠳᠳᠡᠭ᠂ ᠭᠡᠪᠡᠴᠦ ᠵᠠᠷᠢᠮ ᠳᠤ ᠪᠠᠨ ᠵᠦᠭ | ᠦᠭᠡᠶᠢᠳᠡᠵᠦ ᠡᠵᠢ ᠪᠠᠨ ᠵᠤᠪᠠᠭᠠᠳᠠᠭ᠃ | ᠨᠢᠭᠡᠨ ᠭᠠᠷᠠᠭ ᠤᠨ ᠡᠳᠦᠷ ᠪᠢᠯᠡ᠃ ᠡ᠊ᠨᠡ ᠡᠳᠦᠷ ᠡᠵᠢ ᠶᠢᠨ ᠠᠵᠢᠯ ᠪᠠᠰᠠ ᠲᠣᠩ ᠶᠠᠭᠠᠷᠠᠥ ᠤᠴᠢᠷ ᠠᠴᠠ | ᠮᠢᠨᠦ ᠳᠠᠰᠬᠠᠯ ᠬᠢᠭᠰᠡᠨ ᠡᠰᠡᠬᠦ ᠶᠢ ᠠᠩᠬᠠᠷᠤᠭᠰᠠᠨ ᠦᠭᠡᠢ ᠶᠣᠮ᠃ ᠡ᠊ᠨᠡ ᠴᠢᠯᠦᠭᠡ ᠶᠢ ᠳᠠᠯᠢᠮᠳᠠᠭᠤᠯᠤᠨ ᠪᠢ | ᠨᠠᠭᠠᠳᠤᠮ ᠳᠤ ᠪᠠᠨ ᠪᠣᠯᠣᠭᠠᠳ ᠳᠠᠰᠬᠠᠯ ᠢᠶᠠᠨ ᠬᠢᠭᠰᠡᠨ ᠦᠭᠡᠢ᠂ ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠤ ᠳᠠᠷᠠᠭᠠ ᠰᠠᠶ᠋ᠢ ᠳᠠᠰᠬᠠᠯ | ᠬᠢᠭᠡᠳᠦᠢ ᠪᠠᠨ ᠰᠠᠨᠠᠵᠣ ᠣᠯᠣᠭᠠᠳ ᠨᠡᠯᠢᠶᠡᠳ ᠤᠷᠤᠢ ᠪᠤᠯᠤᠭᠠᠳ ᠬᠢᠵᠦ ᠳᠠᠭᠤᠰᠬᠠᠭᠰᠠᠨ ᠶᠣᠮ᠃ ᠡᠭᠦᠨ ᠢ | ᠦᠵᠡᠭᠡᠳ ᠡᠵᠢ ᠮᠢᠨᠢ ᠲᠣᠩ ᠠᠭᠤᠷᠯᠠᠭᠰᠠᠨ ᠭᠡᠳᠡᠭ ᠢ ᠪᠢ ᠴᠢᠷᠠᠢ ᠶᠢᠨ ᠢᠯᠡᠷᠡᠯ ᠠᠴᠠ ᠨᠢ ᠣᠶᠢᠯᠠᠭᠠᠯᠠ᠃ ᠭᠡᠪᠡᠴᠦ | ᠡᠵᠢ ᠮᠢᠨᠢ ᠨᠠᠮᠠ ᠶᠢ ᠵᠠᠩᠨᠠᠵᠤ ᠰᠢᠭᠦᠮᠵᠢᠯᠡᠭᠰᠡᠨ ᠦᠭᠡᠢ᠂ ᠡᠶᠡᠯᠳᠡᠭ ᠵᠦᠭᠡᠯᠡᠨ ᠬᠠᠷᠠᠴᠠ ᠪᠠᠷ ᠲᠤᠯᠤᠭᠠᠢ ᠶᠢ ᠢᠯᠪᠢᠵᠦ | ᠄ ︽ᠦᠬᠢᠨ ᠮᠢᠨᠢ᠂ ︿ᠪᠠᠷᠰ ᠴᠠᠭ ᠲᠤ ᠪᠠᠨ ᠪᠣᠰᠬᠤ ᠦᠭᠡᠢ ᠪᠣᠯ ᠡᠳᠦᠷ ᠤᠨ ᠶᠠᠪᠤᠳᠠᠯ ᠬᠤᠴᠤᠷᠤᠨᠠ᠂ ᠪᠠᠭᠠ | ᠨᠠᠰᠤᠨ ᠳᠤ ᠪᠠᠨ ᠰᠤᠷᠬᠤ ᠦᠭᠡᠢ ᠪᠣᠯ ᠨᠠᠰᠤᠨ ᠤ ᠶᠠᠪᠤᠳᠠᠯ ᠬᠤᠴᠤᠷᠤᠨᠠ﹀ ᠭᠡᠳᠡᠭ ᠦᠭᠡ ᠶᠢ ᠪᠠᠭᠰᠢ ᠴᠢᠨᠢ | ᠵᠢᠭᠠᠵᠤ ᠦᠭᠭᠦᠭᠰᠡᠨ ᠪᠢᠰᠢ ᠦᠦ︖ ᠴᠢ ᠶᠠᠭᠠᠬᠢᠭᠠᠳ ᠮᠠᠷᠲᠠᠴᠢᠬᠠᠭᠰᠠᠨ ᠪᠣᠢ︖ ᠴᠢ ᠡ᠊ᠨᠡ ᠦᠭᠡ ᠶᠢ ᠬᠡᠵᠢᠶᠡᠲᠡ | ᠴᠡᠭᠡᠵᠢᠯᠡᠵᠤ᠂ ᠡᠷᠬᠡᠪᠰᠢ ᠡᠳᠦᠷ ᠤᠨ ᠳᠠᠰᠬᠠᠯ ᠢᠶᠠᠨ ᠡᠳᠦᠷ ᠲᠤ ᠪᠠᠨ ᠳᠠᠭᠤᠰᠬᠠᠬᠤ ᠬᠡᠷᠡᠭᠲᠡᠢ ᠰᠢᠥ︕︾ ᠭᠡᠵᠦ | ᠵᠠᠬᠢᠪᠠ᠃ ᠡᠵᠢ ᠮᠢᠨᠢ ᠡᠳᠦᠷ ᠤᠨ ᠠᠵᠢᠯ ᠳᠤ ᠪᠠᠨ ᠬᠡᠳᠦᠢ ᠶᠠᠭᠠᠷᠠᠥ ᠪᠠᠶᠢᠪᠠᠴᠤ ᠦᠬᠢᠨ ᠨᠠᠳᠠ ᠳᠤ ᠪᠠᠨ ᠡᠷᠳᠡᠮ | ᠮᠡᠳᠡᠯᠭᠡ ᠰᠤᠷᠬᠤ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠣᠬᠠᠭᠤᠯᠵᠣ ᠶᠠᠪᠤᠭᠰᠠᠨ᠂ ᠬᠠᠶᠢᠷᠠᠲᠤ ᠦᠷᠡ ᠨᠠᠮᠠ ᠶᠢ ᠪᠠᠨ ᠬᠠᠯᠠᠭᠤᠨ | ᠬᠦᠯᠡᠮᠵᠢ ᠶᠢᠨ ᠴᠡᠴᠡᠭ ᠰᠢᠭ ᠪᠦᠪᠠᠶᠢᠯᠡᠭᠰᠡᠨ ᠦᠭᠡᠢ᠂ ᠬᠠᠳᠠᠨ ᠬᠢᠷᠠ ᠶᠢᠨ ᠦᠯᠴᠢᠷ ᠨᠠᠷᠠᠰᠤ ᠰᠢᠭ᠋ ᠬᠠᠲᠠᠭᠤ | ᠴᠢᠩᠭᠠ ᠰᠤᠷᠭᠠᠵᠤ ᠶᠠᠪᠤᠭᠰᠠᠨ ᠪᠢᠯᠡ᠃ | ᠮᠢᠨᠦ ᠡᠵᠢ ᠠᠮᠢᠳᠤᠷᠠᠯ ᠤᠨ ᠠᠯᠢᠪᠠ ᠵᠦᠢᠯᠡᠰ ᠢ ᠠᠮᠠ ᠪᠠᠷ ᠢᠶᠠᠨ ᠵᠠᠬᠢᠵᠤ ᠵᠢᠭᠠᠭᠰᠠᠨ ᠪᠢᠰᠢ᠂ ᠠᠵᠢᠯᠴᠢ | ᠪᠤᠷᠤᠭᠵᠢᠭᠤᠨ ᠭᠠᠷ ᠢᠶᠠᠷ ᠢᠶᠠᠨ᠂ ᠠᠷᠢᠭᠤᠨ ᠴᠠᠶᠢᠯᠭᠠᠨ ᠰᠡᠳᠬᠢᠯ ᠢᠶᠠᠷ ᠢᠶᠠᠨ᠂ ᠠᠭᠤᠥ ᠶᠡᠭᠡ ᠬᠠᠶᠢᠷᠠ ᠪᠠᠷ ᠢᠶᠠᠨ | ᠰᠤᠷᠭᠠᠵᠤ ᠣᠯᠠᠮᠵᠢᠯᠠᠭᠰᠠᠨ ᠶᠤᠮ᠃ | ᠮᠢᠨᠦ ᠡᠵᠢ ᠦᠲᠡᠯᠦᠭᠡ ᠨᠠᠰᠤᠲᠠᠶᠢᠴᠤᠳ ᠢᠶᠠᠨ ᠠᠰᠠᠷᠠᠨ ᠬᠦᠨᠳᠦᠯᠡᠵᠦ᠂ ᠦᠷᠡ ᠬᠡᠥᠬᠡᠳ ᠢᠶᠠᠨ ᠡᠩᠬᠦᠷᠡᠶᠢᠯᠡᠨ | ᠬᠠᠶᠢᠷᠠᠯᠠᠵᠤ ᠶᠠᠪᠤᠳᠠᠭ ᠠᠮᠢᠳᠤᠷᠠᠯ ᠤᠨ ᠮᠢᠨᠢ ᠭᠡᠷᠡᠯᠲᠦ ᠨᠠᠷᠠᠨ ᠪᠢᠯᠡ᠃ | ᠮᠢᠨᠦ ᠡᠵᠢ ᠬᠠᠶᠢᠷᠠ ᠰᠡᠳᠬᠢᠯᠬᠡ ᠪᠠᠨ ᠠᠳᠠᠯ ᠠᠮᠢᠳᠤᠷᠠᠯ ᠳᠤ ᠪᠠᠨ ᠬᠠᠷᠠᠮ ᠦᠭᠡᠢ ᠶᠡᠭᠦᠯᠡᠭᠰᠡᠨ᠂ ᠦᠭᠬᠢᠶᠡᠮᠦᠷᠴᠢ | ᠵᠠᠩ ᠢᠶᠠᠷ ᠢᠶᠠᠨ ᠪᠤᠰᠤᠳ ᠢ ᠭᠡᠷᠡᠯᠳᠦᠭᠦᠯᠦᠭᠰᠡᠨ ᠰᠡᠳᠬᠢᠯ ᠤᠨ ᠮᠢᠨᠢ ᠠᠷᠢᠭᠤᠨ ᠵᠣᠯᠠ ᠪᠢᠯᠡ᠃ | ᠪᠢ ᠡᠵᠢ ᠳᠤ ᠪᠠᠨ ᠬᠠᠶᠢᠷᠠᠲᠠᠢ᠂ ᠪᠢ ᠡᠵᠢ ᠳᠤ ᠪᠠᠨ ᠲᠤᠩ ᠬᠠᠶᠢᠷᠠᠲᠠᠢ᠃ | | ᠵᠤᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠭ᠄ ᠰᠤᠶᠤᠭᠠ ︵ᠡᠮᠦᠨᠡᠲᠦ ᠬᠤᠰᠢᠭᠤᠨ ᠤ ᠡᠷᠬᠢᠲᠦ ᠰᠤᠷᠭᠠᠭᠤᠯᠢ ᠶᠢᠨ ᠳᠦᠷᠪᠡ ᠶᠢᠨ | ᠭᠤᠷᠪᠠ ︶ | ᠵᠢᠯᠤᠭᠤᠳᠤᠭᠰᠠᠨ ᠪᠠᠭᠰᠢ᠄ ᠵᠡᠩ ᠱᠤᠸᠠᠩ ᠵᠢᠶᠧ | |