● ᠰ᠊᠂ ᠬᠤᠷᠴᠢᠨᠬᠦᠤ | ᠨᠠᠯᠠᠭᠠᠷ ᠨᠠᠮᠤᠷ ᠤᠨ ᠨᠠᠪᠴᠢᠰ ᠪᠦᠵᠢᠭᠯᠡᠨ᠂ ᠨᠠᠰᠤᠨ ᠤ ᠨᠠᠮᠤᠷ ᠤᠨ ᠬᠡᠶᠢᠮᠤᠷᠢ ᠲᠠᠯᠠᠯᠤᠭᠰᠠᠨ᠂ ᠨᠠᠶᠢᠷᠠᠭ ᠤᠨ | ᠲᠡᠭᠷᠢ ᠠᠴᠠ ᠤᠶᠤᠨ ᠤ ᠬᠤᠷᠠ ᠱᠠᠭᠢᠨ᠂ ᠨᠠᠶᠢᠷᠠᠯ ᠤᠶᠠᠩᠭᠠ ᠪᠠᠨ ᠴᠤᠤᠷᠢᠶᠠᠯᠠᠨ ᠬᠠᠩᠬᠢᠨᠠᠭᠤᠯᠤᠭᠰᠠᠨ ᠲᠦᠰᠢᠶᠡᠳᠦ | ᠨᠤᠳᠤᠭ ᠤᠨ ᠠᠮᠠᠰᠠᠷ ᠤᠨ ᠵᠢᠯᠠᠭᠠ ᠶᠢᠨ ᠡᠬᠢᠨ ᠳᠤ ᠠᠭᠤᠯᠠ ᠲᠦᠰᠢᠵᠦ ᠲᠠᠯᠠ ᠬᠠᠷᠠᠭᠰᠠᠨ ᠠᠭᠤᠳᠠᠮ ᠲᠡᠭᠰᠢᠬᠡᠨ | ᠪᠠᠶᠢᠷᠢᠰᠢᠯ ᠲᠠᠢ᠂ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠨ ᠤᠷᠳᠤᠯᠠᠨ ᠰᠤᠨᠵᠤᠭᠤᠷᠠᠭᠰᠠᠨ᠂ ᠤᠷᠳᠤᠭᠤᠷ ᠬᠤᠶᠢᠭᠤᠷ ᠨᠢ ᠤᠳᠠ | ᠤᠯᠢᠶᠠᠰᠤ ᠭᠠᠵᠠᠷ ᠰᠢᠭᠦᠷᠦᠮᠡ ᠨᠠᠮᠠᠭᠠ ᠬᠠᠶᠠᠯᠠᠭᠰᠠᠨ᠂ ᠤᠷᠳᠤ ᠶᠢᠨ ᠲᠠᠭᠤᠣ ᠪᠠᠨ ᠤᠶᠠᠩᠭᠠᠯᠢᠭ ᠰᠠᠶᠢᠬᠠᠨ | ᠠᠶᠠᠯᠠᠭᠤᠯᠤᠭᠰᠠᠨ᠂ ᠤᠨᠳᠤᠷᠤᠯ ᠠᠮᠢᠳᠤᠷᠠᠯ ᠦᠭᠡᠳᠡ ᠡᠰᠡᠷᠡᠭ ᠲᠠᠢ ᠨᠤᠮᠤᠬᠠᠨ ᠠᠷᠠᠳ ᠲᠠᠢ᠂ ᠦᠨᠢᠷ ᠰᠦᠷᠦᠭ ᠨᠢ | ᠦᠰᠦᠯᠳᠡ ᠰᠠᠶᠢᠳᠠᠢ ᠪᠠᠶᠢᠳᠠᠭ ᠦᠩᠰᠢᠭ ᠰᠠᠶᠢᠬᠠᠨ ᠡᠨᠡ ᠨᠤᠳᠤᠭ ᠪᠤᠯ ᠲᠠᠷᠤᠢ ᠠᠷᠪᠠ ᠶᠢᠰᠦᠳᠦᠭᠡᠷ ᠵᠠᠭᠤᠨ ᠤ | ᠲᠤᠮᠳᠠᠴᠢ ᠡᠬᠢᠨ ᠤ ᠦᠶᠡ ᠳᠤ ᠵᠡᠭᠦᠨ ᠤᠷᠤᠨ ᠤ ᠠᠷᠠᠳ ᠤᠨ ᠲᠠᠭᠤᠣ ᠦᠷᠭᠡᠨ ᠢᠶᠠᠷ ᠲᠡᠯᠭᠡᠷᠡᠭᠰᠡᠨ ᠭᠠᠵᠠᠷ ᠤᠨ | ᠨᠢᠭᠡ ᠪᠤᠯᠬᠤ ᠲᠦᠰᠢᠶᠡᠳᠦ ᠠᠷᠠᠳ ᠤᠨ ᠲᠠᠭᠤᠣ ︽ᠷᠤᠯᠭᠠᠷᠮᠠ︾ ᠶᠢᠨ ᠨᠤᠳᠤᠭ ᠠᠮᠠᠰᠠᠷ ᠤᠨ ᠠᠶᠢᠯ ᠪᠤᠯᠬᠤ ᠶᠤᠮ᠃ | | ᠮᠠᠨᠵᠤ ᠴᠢᠩ ᠤᠯᠤᠰ ᠤᠨ ᠦᠶᠡ ᠪᠠᠷ ᠮᠠᠨ ᠤ ᠦᠪᠦᠷ ᠮᠤᠩᠭᠤᠯ ᠤᠷᠤᠨ ᠳᠤ ᠨᠢᠭᠡᠨ ᠦᠶᠡ ᠠᠷᠠᠳ ᠤᠨ ᠲᠠᠭᠤᠣ | ᠦᠷᠭᠡᠨ ᠢᠶᠠᠷ ᠲᠡᠯᠭᠡᠷᠡᠭᠰᠡᠨ ᠪᠦᠭᠡᠳ ᠪᠠᠰᠠ ᠵᠡᠭᠦᠨ ᠤᠷᠤᠨ ᠤ ᠠᠷᠠᠳ ᠤᠨ ᠲᠠᠭᠤᠣ᠂ ᠪᠠᠷᠠᠭᠤᠨ ᠤᠷᠤᠨ ᠤ | ᠠᠷᠠᠳ ᠤᠨ ᠲᠠᠭᠤᠣ ᠭᠡᠵᠦ ᠬᠤᠪᠢᠶᠠᠭᠳᠠᠭᠰᠠᠨ ᠮᠦᠷᠳᠡᠭᠡᠨ ᠵᠡᠭᠦᠨ ᠤᠷᠤᠨ ᠤ ᠠᠷᠠᠳ ᠤᠨ ᠲᠠᠭᠤᠨ ᠳᠤ ᠬᠤᠷᠴᠢᠨ | ᠠᠷᠠᠳ ᠤᠨ ᠲᠠᠭᠤᠣ ᠪᠠᠭᠳᠠᠳᠠᠭ᠃ ᠬᠤᠷᠴᠢᠨ ᠠᠷᠠᠳ ᠤᠨ ᠲᠠᠭᠤᠣ ᠳᠤ ︽ᠷᠤᠯᠭᠠᠷᠮᠠ︾ ᠪᠤᠯ ᠲᠦᠯᠦᠭᠡᠯᠡᠭᠴᠢ | ᠴᠢᠨᠠᠷ ᠲᠠᠢ ᠠᠷᠠᠳ ᠤᠨ ᠲᠠᠭᠤᠣ ᠭᠡᠵᠦ ᠬᠡᠯᠡᠵᠦ ᠪᠤᠯᠬᠤ ᠶᠤᠮ᠃ ᠲᠡᠷᠡ ᠨᠢ ᠦᠯᠢᠭᠡᠷᠴᠢᠯᠡᠭᠰᠡᠨ ᠠᠷᠠᠳ ᠤᠨ ᠲᠠᠭᠤᠣ | ᠪᠤᠯᠬᠤ ᠮᠦᠷᠳᠡᠭᠡᠨ ᠵᠦᠴᠦᠭᠡᠴᠢᠯᠡᠨ ᠲᠤᠭᠯᠠᠵᠤ ᠪᠠᠶᠢᠭᠰᠠᠨ ᠶᠤᠮ᠃ ᠲᠡᠷᠡ ᠨᠢ ᠮᠠᠨᠵᠤ ᠴᠢᠩ ᠤᠨ ᠨᠤᠶᠠᠷᠬᠠᠯ | ᠲᠤᠣᠷᠠᠬᠢ ᠮᠤᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠤ ᠭᠠᠰᠠᠯᠠᠩ ᠵᠤᠪᠠᠯᠠᠩᠳᠤ ᠠᠮᠢᠳᠤᠷᠠᠯ ᠪᠠ ᠡᠮᠡᠭᠳᠡᠶᠢᠴᠦᠳ ᠤᠨ ᠭᠤᠨᠢᠭᠳᠤ | ᠤᠴᠠᠷᠠᠯ ᠢ ᠲᠤᠰᠬᠠᠭᠰᠠᠨ ᠪᠠᠶᠢᠨᠠ᠃ ︽ᠷᠤᠯᠭᠠᠷᠮᠠ︾ ᠳᠠᠭᠤᠤ ᠳᠠᠬᠢ ᠭᠤᠣᠯ ᠪᠠᠭᠠᠳᠤᠷ ᠷᠤᠯᠭᠠᠷᠮᠠ ᠪᠤᠯ | ᠲᠦᠰᠢᠶᠡᠳᠦ ᠬᠤᠰᠢᠭᠤᠨ ᠤ ᠠᠮᠠᠰᠠᠷ ᠤᠨ ᠠᠶᠢᠯ ᠤᠨ ᠰᠢᠯᠤᠭᠤᠨ ᠰᠢᠳᠤᠷᠭᠤ ᠠᠳᠤᠭᠤᠴᠢᠨ ᠬᠦᠮᠦᠨ ᠤ ᠦᠬᠢᠨ ᠶᠤᠮ | ᠃ ᠠᠷᠪᠠᠨ ᠲᠤᠯᠤᠭᠠᠨ ᠨᠠᠰᠤ ᠬᠦᠷᠦᠮᠡᠭᠴᠡ ᠦᠪᠦᠷ ᠵᠢᠯᠠᠭᠠ ᠠᠶᠢᠯ ᠤᠨ ᠮᠠᠨᠵᠤ ᠶᠢᠨ ᠪᠠᠶᠠᠨ ᠤ ᠬᠦᠤ | ᠠᠯᠳᠠᠨᠰᠦ᠋ᠬᠡ ᠳᠤ ᠤᠷᠤᠭ ᠲᠤᠭᠳᠠᠵᠤ ᠪᠤᠭᠳᠤᠯᠠᠨ ᠦᠭᠬᠦ ᠪᠠᠷ ᠬᠤᠷᠢᠮ ᠨᠠᠶᠢᠷ ᠬᠢᠵᠦ ᠪᠠᠶᠢᠬᠤ ᠦᠶᠡᠰ ᠲᠤ | ᠪᠡᠭᠡᠵᠢᠩ ᠤᠨ ᠵᠤᠷᠭᠠᠨ ᠶᠠᠮᠤᠨ ᠠᠴᠠ ᠵᠠᠬᠢᠶᠠ ᠵᠠᠷᠯᠢᠭ ᠢᠷᠡᠵᠦ᠂ ᠮᠤᠩᠭᠤᠯ ᠬᠤᠰᠢᠭᠤ ᠨᠤᠳᠤᠭ ᠠᠴᠠ ᠨᠢᠭᠡᠨ | ᠮᠤᠩᠭᠤᠯ ᠴᠡᠷᠢᠭ ᠲᠠᠳᠠᠪᠤᠷᠢᠯᠠᠵᠤ ᠲᠠᠢ ᠫᠢᠩ ᠲᠢᠶᠠᠨ ᠭᠦᠸᠧ ᠶᠢᠨ ᠪᠤᠰᠤᠯᠭᠠ ᠶᠢ ᠲᠠᠷᠤᠩᠭᠤᠶᠢᠯᠠᠭᠤᠯᠬᠤ ᠪᠠᠷ | ᠪᠤᠯᠤᠭᠰᠠᠨ ᠲᠤᠯᠠ ᠠᠯᠳᠠᠨᠰᠦ᠋ᠬᠡ ᠠᠷᠭᠠ ᠪᠤᠰᠤ ᠠᠯᠪᠠᠨ ᠴᠡᠷᠢᠭ ᠲᠤ ᠮᠤᠷᠳᠠᠬᠤ ᠪᠠᠷ ᠪᠤᠯᠵᠤ᠂ ᠠᠪᠤ ᠡᠵᠢ ᠳᠤ ᠪᠠᠨ | ᠠᠮᠠᠷᠠᠭ ᠪᠦᠰᠡᠭᠦᠢ ᠷᠤᠯᠭᠠᠷᠮᠠ ᠪᠠᠨ ᠲᠤᠰᠢᠶᠠᠵᠤ᠂ ᠲᠠᠬᠢᠨ ᠠᠮᠠᠷᠠᠭ ᠪᠦᠰᠡᠭᠦᠢ ᠷᠤᠯᠭᠠᠷᠮᠠ ᠳᠤ ᠪᠠᠨ ᠠᠪᠤ ᠡᠵᠢ ᠪᠠᠨ | ᠲᠤᠰᠢᠶᠠᠬᠤ ᠳᠤ ᠷᠤᠯᠭᠠᠷᠮᠠ ᠨᠢ ᠠᠯᠳᠠᠨᠰᠦᠬᠡ ᠳᠤ ᠪᠠᠨ ︽ᠠᠷᠠᠭᠠᠨ ᠰᠢᠳᠦ ᠪᠠᠨ ᠤᠨᠠᠳᠠᠯᠠ ᠪᠠᠨ ᠠᠷᠤ ᠠᠴᠠ ᠴᠢᠨᠢ | ᠪᠠᠷᠠᠯᠠᠵᠤ ᠪᠠᠶᠢᠶᠠ︕︾ ᠭᠡᠵᠦ ᠠᠮᠠᠯᠳᠤᠭᠰᠠᠨ ᠭᠡᠨᠡ᠃ ᠠᠯᠳᠠᠨᠰᠦ᠋ᠬᠡ ᠠᠯᠪᠠᠨ ᠴᠡᠷᠢᠭ ᠲᠤ ᠶᠠᠪᠤᠬᠤ ᠠᠴᠠ ᠪᠠᠨ | ᠡᠮᠦᠨᠡ ᠴᠢᠩ ᠤᠯᠤᠰ ᠤᠨ ᠴᠡᠷᠢᠭ ᠤᠨ ᠠᠯᠪᠠ ᠬᠡᠴᠡᠭᠦᠤ ᠶᠢ ᠲᠦᠷᠰᠦᠯᠡᠵᠦ ᠲᠠᠭᠤᠯᠠᠭᠰᠠᠨ ᠨᠢ᠄ ᠲᠡᠭᠷᠢ ᠶᠢᠨ | ᠲᠤᠣᠷᠠᠬᠢ ᠬᠠᠷᠠ ᠬᠡᠷᠢᠶᠡ ᠪᠦᠬᠦᠨ ᠠᠳᠠᠯᠢᠬᠠᠨ ᠬᠠᠷᠠ ᠦᠰᠦᠳᠡᠢ ᠪᠤᠶᠤ ᠲᠡᠯᠡᠬᠡᠢ ᠲᠠᠬᠢᠨ ᠤ ᠠᠷᠠᠳ ᠪᠦᠬᠦᠨ | ᠠᠳᠠᠯᠢᠬᠠᠨ ᠭᠠᠰᠠᠯᠠᠩ ᠵᠤᠪᠠᠯᠠᠩ ᠲᠠᠢ ᠭᠡᠷ ᠲᠡᠭᠡᠨ ᠬᠤᠴᠤᠷᠤᠭᠰᠠᠨ ᠴᠢ ᠮᠢᠨᠢ ᠭᠠᠰᠠᠯᠠᠩ ᠵᠤᠪᠠᠯᠠᠩ ᠢ ᠠᠮᠰᠠᠬᠤ ᠳᠤ | ᠬᠦᠶ ᠭᠡᠷ ᠠᠴᠠ ᠭᠠᠷᠤᠭᠰᠠᠨ ᠪᠢ ᠴᠢᠨᠢ ᠪᠠᠰᠠᠴᠤ ᠰᠡᠳᠭᠢᠯ ᠠᠮᠤᠷ ᠦᠭᠡᠢ ᠶᠠᠪᠤᠭᠰᠠᠨ ᠬᠦᠶ︕ | ᠮᠠᠨᠵᠤ ᠶᠢᠨ ᠪᠠᠶᠠᠨ ᠤ ᠠᠪᠠᠯᠢ ᠡᠬᠡᠨᠡᠷ ᠨᠢ ᠠᠯᠢ ᠡᠷᠳᠡ ᠨᠠᠰᠤ ᠪᠠᠷᠠᠭᠠᠳ ᠪᠠᠰᠠ ᠨᠢᠭᠡ ᠪᠠᠭᠠ ᠡᠭᠡᠨᠡᠷ ᠠᠪᠤᠭᠰᠠᠨ | ᠭᠡᠳᠡᠭ᠃ ᠠᠯᠳᠠᠨᠰᠦ᠋ᠬᠡ ᠪᠤᠯ ᠠᠪᠠᠯᠢ ᠡᠬᠡᠨᠡᠷ ᠠᠴᠠ ᠲᠦᠷᠦᠭᠰᠡᠨ ᠬᠦᠤ ᠪᠤᠯᠬᠤ ᠤᠴᠢᠷ ᠠᠴᠠ ᠬᠤᠶᠢᠳᠤ | ᠡᠬᠡ ᠶᠢᠨ ᠢᠶᠠᠨ ᠭᠠᠷ ᠲᠡᠭᠡᠷᠡ ᠬᠦᠮᠦᠨ ᠤ ᠵᠡᠷᠭᠡ ᠳᠤ ᠬᠦᠷᠴᠦ ᠬᠦᠯᠦᠭ ᠤᠨ ᠵᠢᠯᠤᠭᠤ ᠰᠢᠭᠦᠷᠦᠭᠰᠡᠨ ᠰᠠᠨ᠃ | ᠮᠠᠨᠵᠤ ᠶᠢᠨ ᠪᠠᠶᠠᠨ ᠬᠡᠳᠦ᠋ᠢᠪᠡᠷ ᠪᠠᠶᠠᠨ ᠪᠤᠯᠪᠠᠴᠤ ᠭᠡᠷ ᠲᠡᠭᠡᠨ ᠲᠤᠯᠤᠭᠠᠢ ᠮᠡᠳᠡᠬᠦ ᠦᠭᠡᠢ᠂ ᠮᠢᠬᠠᠨ ᠤᠪᠤᠭᠠ | ᠮᠠᠯᠠᠭᠠᠢ ᠶᠢᠨ ᠲᠠᠯᠪᠢᠭᠤᠷ ᠪᠤᠯᠬᠤᠷ ᠠᠯᠳᠠᠨᠰᠦ᠋ᠬᠡ ᠶᠢ ᠠᠯᠪᠠᠨ ᠴᠡᠷᠢᠭ ᠲᠤ ᠶᠠᠪᠤᠭᠤᠯᠤᠮᠠᠭᠴᠠ ᠬᠤᠶᠢᠳᠤ ᠡᠬᠡ ᠨᠢ | ᠶᠠᠩᠵᠤ ᠶᠢᠨ ᠠᠷᠭᠠ ᠪᠠᠰᠢᠷ ᠭᠠᠷᠭᠠᠵᠤ ᠪᠠᠶᠢᠭᠠᠳ ᠷᠤᠯᠭᠠᠷᠮᠠ ᠶᠢ ᠠᠪᠤ ᠶᠢᠨ ᠨᠤᠳᠤᠭ ᠲᠤᠨᠢ ᠶᠠᠪᠤᠭᠤᠯᠤᠭᠰᠠᠨ | ᠪᠠᠶᠢᠨᠠ᠃ | ᠠᠯᠳᠠᠨᠰᠦ᠋ᠬᠡ ᠠᠯᠪᠠᠨ ᠴᠡᠷᠢᠭ ᠠᠴᠠ ᠪᠠᠨ ᠡᠩᠬᠡ ᠮᠡᠨᠳᠦᠬᠡᠨ ᠢᠶᠠᠷ ᠤᠷᠭᠤᠵᠤ ᠢᠷᠡᠭᠰᠡᠨ ᠪᠦᠭᠡᠳ ᠡᠷᠦᠬᠡ ᠭᠡᠷ ᠲᠡᠭᠡᠨ | ᠪᠤᠴᠠᠵᠤ ᠢᠷᠡᠬᠦ ᠳᠤ ᠠᠮᠠᠷᠠᠭ ᠪᠦᠰᠡᠭᠦᠢ ᠨᠢ ᠷᠤᠯᠭᠠᠷᠮᠠ ᠨᠢ ᠬᠠᠷᠠᠭᠳᠠᠬᠤ ᠦᠭᠡᠢ ᠲᠤᠯᠠ ᠭᠠᠶᠢᠬᠠᠰᠢ ᠠᠯᠳᠠᠨ | ᠲᠤᠳᠤᠭᠰᠢ ᠤᠷᠤᠨ ᠠᠰᠠᠭᠤᠬᠤ ᠳᠤ ᠬᠤᠶᠢᠳᠤ ᠡᠬᠡ ᠨᠢ ᠬᠤᠪᠢᠨ ᠤ ᠲᠤᠷᠠ ᠰᠤᠨᠢᠷᠬᠠᠯ ᠤᠨ ᠲᠠᠪᠠ ᠪᠠᠷ ᠶᠠᠪᠤᠬᠤ ᠶᠢᠨ | ᠲᠦᠯᠦᠭᠡ ᠭᠡᠷ ᠲᠤᠨᠢ ᠬᠠᠷᠢᠭᠤᠯᠤᠭᠰᠠᠨ ᠳᠤ ᠪᠠᠨ ᠬᠤᠶᠢᠬᠤᠷᠯᠠᠵᠤ᠄ ︽ᠠᠩᠭᠠ ᠦᠷᠡ ᠠᠯᠳᠠᠨᠰᠦ᠋ᠬᠡ ᠴᠢᠮᠠ ᠳᠤ | ᠠᠪᠳᠤᠷ ᠦᠭᠡᠢ ᠷᠤᠯᠭᠠᠷᠮᠠ ᠠᠴᠠ ᠠᠷᠪᠠᠨ ᠲᠠᠬᠢᠨ ᠰᠠᠶᠢᠨ ᠢ ᠨᠢ ᠠᠪᠴᠤ ᠦᠭᠭᠦᠶᠡ︕︾ ᠭᠡᠬᠦ ᠳᠤ ᠠᠯᠳᠠᠨᠰᠦ᠋ᠬᠡ | ᠬᠤᠶᠢᠳᠤ ᠡᠬᠡ ᠶᠢᠨ ᠢᠶᠠᠨ ᠬᠤᠣᠷ ᠲᠠᠢ ᠬᠦᠮᠦᠨ ᠪᠤᠯᠬᠤ ᠶᠢ ᠮᠡᠳᠡᠬᠦ ᠤᠴᠢᠷ ᠠᠴᠠ ᠠᠯᠢᠪᠠ ᠤᠴᠢᠷ ᠢ ᠭᠠᠳᠠᠷᠯᠠᠵᠤ | ᠮᠡᠳᠡᠮᠡᠭᠴᠡ ᠠᠭᠳᠠ ᠬᠦᠯᠦᠭ ᠮᠤᠷᠢᠨ ᠳᠠᠭᠠᠨ ᠠᠯᠠᠪᠬᠢᠨ ᠮᠤᠷᠳᠠᠵᠤ ᠠᠩᠭᠠ ᠪᠠᠭᠠ ᠷᠤᠯᠭᠠᠷᠮᠠ ᠶᠢᠨ ᠨᠤᠳᠤᠭ | ᠬᠠᠮᠢᠭᠠ ᠪᠠᠶᠢᠨᠠ ᠭᠡᠳ ᠲᠠᠪᠬᠢᠯᠠ᠃ | ᠡᠳᠦᠷ ᠤᠨ ᠵᠠᠮ ᠢ ᠦᠨᠵᠢᠯ ᠦᠭᠡᠢ ᠲᠤᠭᠤᠯᠤᠭᠰᠠᠭᠠᠷ ᠦᠵᠡᠵᠦ ᠪᠠᠶᠢᠳᠠᠯᠠ ᠠᠮᠠᠰᠠᠷ ᠤᠨ ᠠᠶᠢᠯ ᠳᠤ ᠬᠦᠷᠦᠭᠡᠳ | ᠢᠷᠡᠯᠡ᠃ ᠠᠩᠭᠠ ᠪᠠᠭᠠ ᠷᠤᠯᠭᠠᠷᠮᠠ ᠠᠪᠤᠭᠰᠠᠨ ᠭᠠᠵᠠᠷ ᠠᠴᠠ ᠪᠠᠨ ᠬᠦᠭᠡᠭᠡᠭᠳᠡᠭᠡᠳ ᠠᠪᠤ ᠡᠵᠢ ᠶᠢᠨ ᠢᠶᠠᠨ | ᠲᠡᠷᠭᠡᠳᠡ ᠢᠷᠡᠵᠦ ᠠᠮᠤᠷ ᠵᠢᠮᠤᠷ ᠰᠠᠭᠤᠵᠤ ᠠᠪᠤᠭᠰᠠᠨ ᠡᠷᠡ ᠠᠯᠳᠠᠨᠰᠦ᠋ᠬᠡ ᠪᠠᠨ ᠠᠷᠤ ᠠᠴᠠ ᠢᠷᠡᠵᠦ ᠠᠪᠠᠴᠢᠬᠤ ᠶᠢ | ᠠᠯᠤᠰ ᠤᠨ ᠠᠯᠤᠰ ᠠᠴᠠ ᠪᠠᠷᠠᠯᠠᠨ ᠪᠠᠷᠠᠯᠠᠨ ᠪᠠᠶᠢᠯᠠ᠃ ᠬᠦᠰᠡᠵᠦ ᠮᠦᠷᠦᠭᠡᠳᠦᠭᠰᠡᠨ ᠬᠠᠶᠢᠷᠠ ᠶᠢᠨ ᠰᠡᠳᠭᠢᠯ ᠳᠤᠨᠢ | ᠬᠤᠩᠭᠤᠷ ᠭᠠᠯᠠᠭᠤ ᠴᠦ ᠭᠠᠩᠭᠠᠨᠠᠯᠳᠤᠳᠠᠭ ᠭᠡᠭᠴᠢ ᠪᠠᠷ ᠠᠯᠳᠠᠨᠰᠦ᠋ᠬᠡ᠂ ᠷᠤᠯᠭᠠᠷᠮᠠ ᠬᠤᠶᠠᠭᠤᠯᠠ ᠪᠠᠨ ᠬᠡᠨ | ᠠᠯᠢᠨ ᠢᠶᠠᠨ ᠲᠠᠨᠢᠮᠠᠭᠴᠠ ᠡᠰᠡᠷᠬᠦ ᠡᠰᠡᠷᠭᠦ ᠪᠠᠨ ᠭᠦᠶᠦᠯᠴᠡᠨ ᠬᠠᠷᠢᠯᠴᠠᠨ ᠲᠡᠪᠡᠷᠢᠯᠴᠡᠨ ᠤᠬᠢᠯᠠᠯᠳᠤᠯᠠ᠃ ᠲᠡᠭᠡᠭᠡᠳ | ᠬᠤᠶᠠᠭᠤᠯᠠ ᠪᠠᠨ ᠦᠪᠡᠷ ᠦᠪᠡᠷ ᠤᠨ ᠤᠴᠠᠷᠠᠯ ᠲᠤᠬᠢᠶᠠᠯ ᠢᠶᠠᠨ ᠬᠡᠳᠦᠨ ᠰᠦᠨᠢ ᠬᠡᠳᠦᠨ ᠡᠳᠦᠷ ᠢᠶᠠᠷ | ᠶᠠᠷᠢᠯᠴᠠᠭᠰᠠᠨ ᠭᠡᠨᠡ᠃ | ᠠᠯᠳᠠᠨᠰᠦ᠋ᠬᠡ᠂ ᠷᠤᠯᠭᠠᠷᠮᠠ ᠬᠤᠶᠠᠷ ᠭᠠᠷ ᠭᠠᠷ ᠢᠶᠠᠨ ᠬᠤᠯᠪᠤᠨ ︽ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠪᠠᠨ ᠦᠷᠭᠦᠯᠵᠢᠳᠡ | ᠴᠢᠷᠮᠠᠶᠢᠨ ᠠᠵᠢᠯᠯᠠᠶᠠ︕ ᠡᠷᠦᠬᠡ ᠭᠡᠷ ᠠᠳᠠᠯ ᠠᠮᠢᠳᠤᠷᠠᠯ ᠢᠶᠠᠨ ᠡᠪᠳᠡᠢ ᠰᠠᠶᠢᠬᠠᠨ ᠲᠤᠬᠢᠷᠠᠭᠤᠯᠤᠶᠠ︕︾ ᠭᠡᠵᠦ | ᠬᠤᠶᠠᠷ ᠵᠠᠯᠠᠭᠤ ᠵᠤᠯ ᠵᠢᠷᠭᠠᠯ᠂ ᠰᠠᠶᠢᠨ ᠰᠠᠶᠢᠬᠠᠨ ᠬᠦᠰᠡᠯᠡᠩ ᠢᠶᠠᠨ ᠢᠯᠡᠳᠭᠡᠭᠰᠡᠨ ᠦᠯᠢᠭᠡᠷᠳᠦ ᠲᠠᠭᠤᠣ ᠪᠤᠯᠬᠤ ᠶᠤᠮ | ᠃ | ᠦᠯᠢᠭᠡᠷᠳᠦ ᠲᠠᠭᠤᠣ ᠪᠤᠯ ᠬᠠᠭᠤᠴᠢᠨ ᠠᠷᠠᠳᠴᠢᠯᠠᠭᠰᠠᠨ ᠬᠤᠪᠢᠰᠬᠠᠯ ᠤᠨ ᠦᠶᠡ ᠳᠤ ᠦᠷᠭᠡᠨ ᠲᠡᠯᠭᠡᠷᠡᠭᠰᠡᠨ | ᠠᠷᠠᠳ ᠤᠨ ᠲᠠᠭᠤᠣ ᠶᠢᠨ ᠨᠢᠭᠡ ᠵᠦᠢᠯ ᠤᠨ ᠬᠡᠯᠪᠡᠷᠢ ᠪᠤᠶᠤ ᠲᠢᠭ ᠮᠠᠶ᠋ᠢᠭ ᠪᠤᠯᠤᠨᠠ᠃ ᠲᠡᠭᠦᠨ ᠤ ᠦᠨᠳᠦᠰᠦᠨ | ᠤᠨᠴᠠᠯᠢᠭ ᠭᠡᠪᠡᠯ᠄ ᠨᠢᠭᠡ ᠳᠤ᠂ ᠦᠨᠡᠨ ᠬᠦᠮᠦᠨ ᠦᠨᠡᠨ ᠤᠴᠢᠷ ᠪᠤᠶᠤ ᠶᠠᠮᠠᠷ ᠨᠢᠭᠡᠨ ᠲᠡᠦᠬᠡᠳᠦ ᠬᠡᠷᠡᠭ ᠤᠴᠢᠷ ᠠᠴᠠ | ᠰᠡᠳᠦᠪ ᠢᠶᠠᠨ ᠰᠤᠩᠭᠤᠭᠰᠠᠨ ᠪᠠᠶᠢᠳᠠᠭ᠃ ᠬᠤᠶᠠᠷ ᠲᠤ᠂ ᠦᠯᠢᠭᠡᠷ ᠢᠶᠠᠷ ᠴᠢᠩᠭᠠ᠂ ᠪᠦᠷᠢᠨ ᠪᠦᠳᠦᠨ ᠤᠶᠢᠯᠡ | ᠶᠠᠪᠤᠳᠠᠯ ᠲᠠᠢ ᠪᠠᠶᠢᠳᠠᠭ᠃ ᠭᠤᠷᠪᠠ ᠳᠤ᠂ ᠰᠢᠯᠦᠭᠯᠡᠯᠳᠦ ᠬᠡᠯᠪᠡᠷᠢ ᠪᠠᠷ ᠤᠶᠠᠩᠭᠠᠯᠠᠨ ᠲᠠᠭᠤᠯᠠᠬᠤ ᠪᠠ | ᠦᠷᠭᠦᠯᠵᠢᠯᠡᠭᠰᠡᠨ ᠦᠭᠡ ᠪᠠᠷ ᠬᠦᠦᠷᠨᠢᠨ ᠦᠭᠦᠯᠡᠬᠦ ᠶᠢ ᠬᠠᠷᠢᠯᠴᠠᠨ ᠤᠶᠠᠯᠳᠤᠭᠤᠯᠤᠭᠰᠠᠨ ᠪᠠᠶᠢᠳᠠᠭ᠃ ᠲᠦᠷᠪᠡ ᠳᠤ᠂ | ᠬᠦᠭᠵᠢᠮ ᠬᠠᠪᠰᠤᠷᠭᠠᠨ ᠲᠠᠭᠤᠯᠠᠬᠤ ᠳᠤ ᠮᠠᠰᠢ ᠲᠤᠬᠢᠷᠠᠮᠵᠢᠳᠠᠢ ᠪᠠᠶᠢᠳᠠᠭ᠃ ᠦᠯᠢᠭᠡᠷᠳᠦ ᠲᠠᠭᠤᠣ ᠪᠤᠢ | ᠪᠤᠯᠤᠭᠰᠠᠨ ᠨᠢ ᠬᠦᠨ ᠬᠦᠨᠵᠡᠭᠡᠢ ᠨᠡᠶᠢᠭᠡᠮ ᠤᠨ ᠦᠨᠳᠦᠰᠦ ᠰᠢᠯᠳᠠᠭᠠᠨ ᠲᠠᠢ ᠶᠤᠮ᠃ ᠬᠠᠭᠤᠴᠢᠨ ᠠᠷᠠᠳᠴᠢᠯᠠᠭᠰᠠᠨ | ᠬᠤᠪᠢᠰᠬᠠᠯ ᠤᠨ ᠴᠠᠭ ᠦᠶᠡ ᠪᠤᠯ ᠦᠨᠳᠦᠰᠦᠳᠡᠨ ᠤ ᠵᠦᠷᠢᠴᠡᠯ ᠪᠤᠯᠤᠨ ᠠᠩᠬᠢ ᠶᠢᠨ ᠵᠦᠷᠢᠴᠡᠯ ᠡᠳᠦᠷ ᠢᠷᠡᠬᠦᠶᠡ | ᠬᠤᠷᠴᠠᠳᠤᠨ ᠰᠢᠷᠦᠭᠦᠰᠴᠦ ᠪᠠᠶᠢᠭᠰᠠᠨ ᠴᠠᠭ ᠦᠶᠡ ᠪᠤᠯᠤᠨᠠ᠃ ᠲᠤᠬᠠᠢ ᠶᠢᠨ ᠦᠶᠡ ᠳᠤ ᠬᠠᠷᠢ ᠶᠢᠨ ᠲᠤᠪᠳᠤᠯᠤᠯ᠂ | ᠹᠸᠦᠳᠠᠯ ᠨᠤᠶᠠᠷᠬᠠᠭᠴᠢᠳ ᠤᠨ ᠲᠠᠷᠤᠯᠠᠯ ᠨᠢ ᠦᠨᠳᠦᠰᠦᠳᠡᠨ ᠤ ᠠᠷᠠᠳ ᠲᠦᠮᠡᠨ ᠤ ᠡᠰᠡᠷᠭᠦᠴᠡᠯ ᠢ ᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠡᠨᠡ ᠡᠰᠡᠷᠭᠦᠴᠡᠯ ᠲᠡᠮᠡᠴᠡᠯ ᠨᠢ ᠠᠷᠠᠳ ᠲᠦᠮᠡᠨ ᠤ ᠠᠩᠬᠢ ᠶᠢᠨ ᠦᠵᠡᠯ ᠤᠬᠠᠮᠰᠠᠷ᠂ ᠦᠨᠳᠦᠰᠦᠳᠡᠨ ᠤ | ᠪᠤᠳᠤᠯ ᠮᠡᠳᠡᠷᠡᠯ ᠤᠨ ᠲᠡᠭᠡᠭᠰᠢᠯᠡᠯᠳᠡ ᠳᠤ ᠮᠡᠳᠡᠭᠳᠡᠬᠦ᠋ᠢᠴᠡ ᠰᠡᠩᠭᠡᠷᠡᠭᠦᠯᠦᠯ ᠤᠯᠭᠤᠭᠰᠠᠨ ᠪᠠᠶᠢᠨᠠ᠃ ᠡᠶᠢᠮᠦ ᠪᠠᠶᠢᠳᠠᠯ | ᠲᠤᠣᠷᠠ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ ᠠᠷᠠᠳ ᠲᠦᠮᠡᠨ ᠨᠡᠶᠢᠭᠡᠮ ᠤᠨ ᠠᠮᠢᠳᠦᠷᠠᠯ ᠳᠤ ᠠᠬᠤᠶᠢᠴᠢ ᠤᠪᠤᠷ ᠢᠶᠠᠷ | ᠬᠠᠨᠳᠤᠭᠠᠳ ᠡᠰᠡᠷᠭᠦᠴᠡᠯ ᠲᠠᠯᠪᠢᠭᠰᠠᠨ ᠪᠠᠶᠢᠨᠠ᠃ ᠲᠠᠷᠤᠢ ᠠᠯᠳᠠᠨᠰᠦ᠋ᠬᠡ ᠦᠪᠡᠷ ᠤᠨ ᠬᠠᠶᠢᠷᠠᠳᠠᠢ ᠪᠦᠰᠡᠭᠦᠢ | ᠷᠤᠯᠭᠠᠷᠮᠠ ᠪᠠᠨ ᠡᠷᠢᠵᠦ ᠴᠢᠯᠦᠭᠡᠳᠦ ᠠᠮᠢᠳᠤᠷᠠᠯ ᠢ ᠬᠦᠭᠡᠭᠡᠴᠡᠯᠳᠦᠭᠰᠡᠨ ᠨᠢ ᠡᠭᠦᠨ ᠢ ᠬᠠᠷᠠᠭᠤᠯᠵᠤ ᠪᠠᠶᠢᠨᠠ᠃ | ᠦᠯᠢᠭᠡᠷᠳᠦ ᠲᠠᠭᠤᠣ ᠶᠢᠨ ᠪᠤᠢ ᠪᠤᠯᠤᠭᠰᠠᠨ ᠨᠢ ᠮᠤᠩᠭᠤᠯ ᠠᠷᠠᠳ ᠤᠨ ᠠᠮᠠᠨ ᠢᠷᠠᠭᠤ ᠨᠠᠶᠢᠷᠠᠭ ᠤᠨ ᠬᠦᠭᠵᠢᠯ ᠤᠨ | ᠲᠤᠳᠤᠭᠠᠳᠤ ᠵᠢᠮᠡ ᠬᠠᠦᠯᠢ ᠲᠠᠢ ᠬᠤᠯᠪᠤᠭᠳᠠᠵᠤ ᠪᠠᠶᠢᠳᠠᠭ᠃ ᠲᠡᠷᠡ ᠨᠢ ᠬᠦᠰᠡᠭᠦ᠋ᠢᠴᠢ ᠦᠵᠡᠯ ᠤᠨ ᠦᠩᠭᠡ | ᠭᠢᠯᠪᠠᠭᠠ ᠲᠠᠢ ᠪᠠᠭᠠᠳᠤᠷ ᠤᠨ ᠤᠷᠠᠨ ᠲᠦᠷᠢ ᠪᠠᠷ ᠲᠠᠮᠵᠢᠭᠤᠯᠤᠨ ᠮᠤᠩᠭᠤᠯᠴᠤᠳ ᠤᠨ ᠤᠶᠤᠨ ᠤᠬᠠᠭᠠᠨ᠂ ᠬᠦᠴᠦᠨ | ᠴᠢᠳᠠᠯ᠂ ᠬᠦᠰᠡᠯ ᠮᠦᠷᠦᠭᠡᠳᠦᠯ ᠢ ᠲᠤᠰᠬᠠᠨ ᠬᠠᠷᠠᠭᠤᠯᠳᠠᠭ ᠪᠠᠶᠢᠯᠠ᠃ | ᠠᠮᠠᠰᠠᠷ ᠤᠨ ᠵᠢᠯᠠᠭᠠ ᠪᠠᠷ ᠠᠮᠠ ᠪᠠᠨ ᠴᠠᠩᠭᠠᠭᠠᠳᠠᠯᠠ ᠶᠠᠪᠤᠭᠠᠳ ᠠᠰᠢᠳᠠᠢ ᠬᠠᠷᠢᠭᠤᠯᠳᠠ ᠤᠯᠤᠭᠰᠠᠨ ᠦᠭᠡᠢ ᠴᠦ | ᠠᠬᠢᠮᠠᠭ ᠨᠠᠰᠤᠨ ᠤ ᠬᠡᠳᠦᠨ ᠪᠤᠭᠤᠷᠤᠯᠴᠤᠳ ᠠᠴᠠ ᠲᠤᠭᠤᠯᠤᠭᠰᠠᠨ ᠦᠦᠭᠡ ᠲᠡᠦᠬᠡ᠂ ᠲᠤᠬᠠᠢ ᠶᠢᠨ ᠦᠶᠡ ᠶᠢᠨ | ᠵᠤᠬᠢᠶᠠᠭᠳᠠᠭᠰᠠᠨ ᠦᠯᠢᠭᠡᠷᠳᠦ ᠲᠠᠭᠤᠣ ᠨᠢ ᠪᠦᠷ ᠯᠠ ᠤᠯᠤᠰ ᠲᠦᠷᠦ ᠶᠢᠨ ᠲᠡᠮᠡᠴᠡᠯ᠂ ᠴᠡᠷᠢᠭ ᠲᠠᠶᠢᠨ ᠤ ᠠᠵᠢᠯᠯᠠᠭᠠ | ᠂ ᠬᠠᠦᠯᠢ ᠴᠠᠭᠠᠵᠠ᠂ ᠱᠠᠰᠢᠨ ᠰᠤᠷᠳᠠᠬᠤᠨ᠂ ᠢᠨᠠᠭ ᠬᠠᠶᠢᠷᠠ ᠶᠢᠨ ᠲᠠᠯᠠ ᠪᠠᠷ ᠰᠡᠳᠦᠪᠯᠡᠭᠰᠡᠨ ᠪᠠᠶᠢᠳᠠᠭ᠃ ︽ | ᠷᠤᠯᠭᠠᠷᠮᠠ︾ ᠪᠠᠷ ᠵᠢᠱᠢᠶᠡᠯᠡᠵᠦ ᠦᠭᠦᠯᠡᠬᠦ ᠳᠤ᠂ ᠷᠤᠯᠭᠠᠷᠮᠠ ᠶᠢᠨ ᠤᠶᠢᠯᠡ ᠶᠠᠪᠤᠳᠠᠯ ᠪᠦᠷᠢᠨ ᠪᠦᠳᠦᠨ᠂ | ᠦᠯᠢᠭᠡᠷᠴᠢ ᠴᠢᠨᠠᠷ ᠴᠢᠩᠭᠠ ᠪᠠᠶᠢᠳᠠᠭ᠃ ᠭᠡᠬᠦ ᠳᠤ ᠪᠠᠨ ᠵᠤᠬᠢᠶᠠᠯ ᠤᠨ ᠪᠠᠭᠠᠳᠤᠷ ᠤᠨ ᠤᠷᠠᠨ ᠲᠦᠷᠢ ᠶᠢ | ᠠᠮᠵᠢᠯᠳᠠ ᠲᠠᠢ ᠰᠠᠶᠢᠬᠠᠨ ᠠᠮᠢᠯᠠᠭᠤᠯᠤᠨ ᠪᠦᠳᠦᠭᠡᠭᠰᠡᠨ ᠪᠠᠶᠢᠨᠠ᠃ ᠠᠳᠤᠭᠤᠴᠢᠨ ᠤ ᠦᠬᠢᠨ ᠷᠤᠯᠭᠠᠷᠮᠠ ᠶᠢ | ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ᠂ ᠠᠰᠪᠤᠷ ᠴᠠᠭᠠᠪᠤᠷ᠂ ᠡᠯᠪᠡᠷᠢᠯᠳᠡᠢ᠂ ᠢᠨᠠᠭ ᠲᠤᠷᠠᠯᠠᠯ ᠳᠠᠭᠠᠨ ᠦᠨᠡᠨᠴᠢ ᠪᠠᠶᠢᠳᠠᠭ ᠭᠡᠵᠦ | ᠲᠦᠷᠰᠦᠯᠡᠭᠰᠡᠨ ᠪᠠᠶᠢᠬᠤ ᠳᠤ ᠡᠰᠡᠷᠭᠦ ᠲᠠᠯᠠ ᠶᠢᠨ ᠭᠤᠣᠯ ᠪᠠᠭᠠᠳᠤᠷ ᠬᠤᠶᠢᠳᠤ ᠡᠬᠡ ᠨᠢ ᠰᠠᠳᠤᠷ ᠰᠠᠮᠠᠭᠤᠨ᠂ | ᠬᠤᠶᠢᠬᠤᠷ ᠬᠤᠯᠵᠢᠨ᠂ ᠵᠢᠰᠤᠷ ᠵᠠᠯᠢᠬᠠᠢ᠂ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠡᠷᠬᠡ ᠰᠦᠷ ᠢᠶᠠᠨ ᠠᠰᠢᠭᠯᠠᠵᠤ ᠪᠤᠰᠤᠳ ᠢ | ᠬᠢᠯᠢᠰ ᠭᠦᠵᠢᠷ ᠢᠶᠠᠷ ᠲᠠᠷᠤᠯᠠᠨ ᠲᠤᠷᠤᠮᠵᠢᠯᠠᠳᠠᠭ ᠬᠠᠷᠠ ᠬᠤᠣᠷᠳᠠᠢ ᠬᠦᠮᠦᠨ ᠤ ᠲᠦᠷᠢ ᠮᠦᠨ᠃ | ᠠᠷᠤ ᠶᠢᠨ ᠠᠭᠤᠯᠠᠨ ᠳᠤ ᠠᠪᠠᠷᠢᠭᠠᠳ ᠠᠶᠢᠯ ᠭᠡᠷ ᠤᠨ ᠲᠤᠳᠤᠷᠠᠬᠢ ᠬᠦᠮᠦᠰ ᠤᠨ ᠬᠠᠷᠢᠴᠠᠭᠠ ᠶᠢ ᠹᠸᠦᠳᠠᠯ ᠤᠨ ᠶᠤᠰᠤ | ᠲᠢᠭᠯᠢᠮ ᠨᠤᠶᠠᠷᠬᠠᠵᠤ ᠪᠠᠶᠢᠭᠰᠠᠨ ᠬᠠᠭᠤᠴᠢᠨ ᠨᠡᠶᠢᠭᠡᠮ ᠤᠨ ᠶᠠᠯᠠ ᠬᠡᠮ ᠢ ᠰᠢᠭᠦᠨ ᠲᠤᠩᠭᠠᠵᠤ᠂ ᠦᠯᠢᠭᠡᠷ ᠤᠨ | ᠤᠶᠢᠯᠡ ᠶᠠᠪᠤᠳᠠᠯ ᠢ ᠬᠠᠷᠠᠰᠤ ᠴᠤᠯᠭᠤᠢ ᠪᠠᠷ ᠬᠦᠦᠷᠨᠢᠨ ᠲᠤᠭᠠᠴᠠᠭᠰᠠᠨ ᠦᠭᠡᠢ᠂ ᠬᠠᠷᠢᠨ ᠦᠷᠨᠢᠯᠳᠡ | ᠬᠦᠭᠵᠢᠯᠳᠡ ᠶᠢᠨ ᠲᠠᠭᠠᠦ ᠬᠦᠮᠦᠰ ᠤᠨ ᠲᠤᠳᠤᠭᠠᠳᠤ ᠰᠡᠳᠭᠢᠯ ᠤᠨ ᠶᠢᠷᠳᠢᠨᠴᠤ ᠶᠢ ᠤᠷᠠᠨ ᠲᠤᠳᠤ᠂ ᠤᠷᠤᠰᠤᠮᠠ | ᠢᠯᠭᠤᠮ ᠬᠡᠯᠡ ᠬᠡᠯᠡᠯᠭᠡ ᠪᠠᠷ ᠤᠶᠠᠩᠭᠠᠯᠠᠵᠤ ᠢᠷᠡᠭᠰᠡᠨ ᠠᠷᠠᠳ ᠤᠨ ᠲᠠᠭᠤᠣ ᠮᠠᠨᠢ ᠠᠮᠠᠰᠠᠷ ᠤᠨ ᠵᠢᠯᠠᠭᠠ ᠪᠠᠷ | ᠤᠶᠠᠩᠭᠠᠷᠠᠨ ᠤᠶᠠᠩᠭᠠᠷᠠᠭᠰᠠᠭᠠᠷ ᠪᠢᠯᠡ︕ |