● ᠪᠤᠷᠵᠢᠭᠢᠨ · ᠪᠠᠶᠠᠨᠳᠦ᠋ᠭᠦᠷᠡᠩ | ᠲᠡᠭᠷᠢ ᠶᠢᠨ ᠢᠶᠠᠨ ᠴᠡᠯᠮᠡᠭ ᠦᠩᠭᠡ ᠳᠤ ᠪᠠᠨ ᠡᠭᠦᠯᠡᠰ ᠤᠨ ᠬᠡ ᠲᠠᠢ | ᠲᠦᠷᠪᠡᠨ ᠰᠠᠷᠠ ᠶᠢᠨ ᠰᠠᠯᠬᠢ | ᠲᠤᠷᠤᠨᠠ ᠶᠢᠨ ᠠᠯᠲᠠᠨ ᠲᠤᠶᠠᠭᠠ ᠬᠡᠯᠬᠢᠶᠡᠷᠡᠬᠦ ᠰᠢᠪᠠᠭᠤᠳ ᠤᠨ ᠵᠢᠭᠦᠷ ᠲᠤ | ᠳᠤᠭᠳᠤᠯᠤᠩᠭᠤᠢ ᠠᠶᠠᠯᠭᠤ ᠲᠠᠢ ᠵᠢᠷᠦᠬᠡᠨ ᠲᠠᠯᠠ ᠳᠤ ᠮᠢᠨᠢ ᠰᠠᠭᠠᠲᠠᠨᠠᠮ | ᠳᠤᠯᠤᠭᠠᠳ ᠤᠨ ᠤᠷᠤᠢ ᠳᠠᠮᠵᠢᠵᠦ ᠠᠭᠤᠳᠠᠮ ᠲᠠᠯᠠ ᠳᠤ ᠠᠯᠢᠶᠠᠷᠬᠠᠬᠤ | ᠳᠦᠷᠪᠡᠨ ᠰᠠᠷᠠ ᠶᠢᠨ ᠰᠠᠯᠬᠢ | ᠲᠡᠷᠯᠢᠭ ᠤᠨ ᠮᠢᠨᠢ ᠡᠩᠭᠡᠷ ᠲᠤ ᠤᠨ ᠰᠠᠷᠠ ᠶᠢ ᠴᠡᠴᠡᠭᠯᠡᠭᠦᠯᠵᠦ | ᠲᠡᠷᠡ ᠬᠤᠯᠠ ᠶᠢᠨ ᠡᠷᠢᠯ ᠳᠤ ᠮᠤᠷᠳᠠᠬᠤ ᠰᠢᠭ᠋ ᠬᠦᠰᠡᠯ ᠤᠨ ᠵᠢᠭᠦᠷ ᠢ ᠤᠷᠭᠤᠭᠤᠯᠤᠨᠠᠮ | ᠬᠦᠰᠡᠵᠦ ᠠᠮᠵᠢᠭᠠ ᠦᠭᠡᠢ ᠪᠤᠳᠤᠯ ᠬᠦᠰᠡᠵᠦ ᠤᠳᠠᠭᠰᠠᠨ ᠰᠡᠳᠭᠢᠯ | ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠳᠤ ᠬᠤᠯᠠ ᠶᠢᠨ ᠠᠶᠠᠨ ᠪᠤᠯᠵᠤ ᠡᠪᠬᠡᠭᠳᠡᠨᠡᠮ | ᠬᠦᠯᠦᠭ ᠤᠨ ᠲᠠᠷ ᠰᠢᠯᠭᠠᠬᠤ ᠰᠢᠭ᠋ ᠰᠢᠯᠦᠭ ᠤᠨ ᠤᠩᠭᠤᠳ ᠰᠡᠷᠭᠦᠵᠥ | ᠲᠦᠷᠪᠡᠨ ᠰᠠᠷᠠ ᠶᠢᠨ ᠰᠠᠯᠬᠢ | ᠳᠡᠩᠳᠡᠭᠦᠦ ᠤᠶᠠᠬᠠᠨ ᠰᠡᠳᠭᠢᠯ ᠳᠤ ᠮᠢᠨᠢ ᠨᠠᠶᠢᠷᠠᠭ ᠤᠨ ᠪᠤᠷᠤᠭᠠ ᠪᠤᠯᠵᠤ ᠱᠠᠭᠢᠨᠠᠮ ᠁ | ᠤᠶᠠᠩᠭᠠ ᠶᠢᠨ ᠬᠡᠯᠬᠢᠶᠡ ᠲᠠᠢ ᠬᠦᠨᠳᠦᠯ ᠨᠤᠲᠤᠭ | ᠠᠯᠲᠠᠨ ᠬᠠᠷᠠᠪᠤᠷ ᠴᠡᠴᠡᠭ ᠲᠡᠯᠭᠡᠷᠡᠬᠦ ᠤᠯᠠᠷᠢᠯ ᠢᠶᠠᠷ | ᠬᠦᠨᠳᠦᠯ ᠨᠤᠲᠤᠭ ᠲᠤ ᠪᠢᠷ ᠤᠨ ᠴᠤᠭᠯᠠᠭᠠᠨ ᠪᠤᠯᠤᠨᠰᠠᠨ | ᠠᠰᠬᠠ ᠬᠠᠳᠠᠨ ᠤ ᠬᠠᠯᠢᠯ ᠡᠭᠴᠡ ᠳᠤ ᠵᠤᠷᠢᠭ ᠢᠶᠠᠨ ᠬᠦᠪᠴᠢᠯᠡᠬᠦ ᠪᠠᠷ | ᠠᠯᠲᠠᠨ ᠬᠠᠷᠠᠪᠤᠷ ᠤᠨ ᠬᠠᠴᠢᠨ ᠭᠠᠶᠢᠬᠠᠮᠰᠢᠭ ᠲᠤ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠬᠤ ᠪᠠᠷ | ᠠᠯᠲᠠᠨ ᠤᠳᠤᠮ ᠤᠨ ᠤᠯᠠᠮᠵᠢᠯᠠᠯᠳᠤ ᠰᠤᠶᠤᠯ ᠤᠶᠤᠨ ᠤ ᠦᠪ ᠢᠶᠠᠨ ᠡᠭᠦᠷᠦᠭᠡᠳ | ᠠᠯᠠᠭ ᠵᠢᠷᠦᠬᠡᠨ ᠤ ᠢᠵᠢᠯ ᠯᠤᠭᠰᠢᠯᠲᠠ ᠪᠠᠷ ᠬᠦᠨᠳᠦᠯ ᠤᠨ ᠠᠭᠤᠯᠠᠨ ᠳᠤ ᠪᠤᠯᠵᠤᠨᠠᠮ | ᠰᠣᠣ ᠪᠢᠯᠢᠭ ᠤᠨ ᠷᠠᠰᠢᠶᠠᠨ ᠪᠤᠯᠠᠭ ᠬᠦᠨᠳᠦᠯ ᠨᠤᠲᠤᠭ ᠠᠴᠠ ᠣᠨᠳᠣᠷᠣᠨᠠᠮ | ᠰᠤᠳᠤᠨ ᠬᠠᠶᠢᠷᠠ ᠶᠢᠨ ᠤᠶᠤᠨ ᠤ ᠲᠤᠨᠤᠳᠠᠰᠤ ᠬᠦᠨᠳᠦᠯ ᠤᠨ ᠠᠭᠤᠯᠠᠨ ᠳᠤ ᠠᠰᠬᠠᠷᠠᠨᠠᠮ | ᠬᠦᠬᠡᠷᠡᠨ ᠰᠦᠭᠯᠡᠶᠢᠬᠦ ᠠᠭᠤᠯᠠᠰ ᠤᠨ ᠡᠵᠡᠳ ᠰᠠᠬᠢᠭᠤᠰᠤ ᠳᠤ ᠰᠦᠰᠦᠭᠯᠡᠵᠦ | ᠬᠦᠬᠡ ᠴᠢᠯᠠᠭᠤᠳ ᠤᠨ ᠢᠶᠠᠨ ᠦᠨᠢᠳᠡ ᠤᠷᠭᠤᠵᠤ ᠮᠦᠩᠬᠡ ᠰᠦᠨᠳᠡᠷᠯᠡᠬᠦ ᠶᠢ ᠬᠦᠰᠡᠨᠡᠮ | ᠠᠭᠤᠯᠠᠰ ᠤᠨ ᠤᠷᠤᠢ ᠠᠴᠠ ᠠᠯᠤᠰ ᠢ ᠪᠠᠷᠠᠯᠠᠬᠤ ᠳᠤ ᠰᠡᠳᠭᠢᠯ ᠬᠦᠨᠳᠦᠳᠴᠦ | ᠤᠳᠤᠮᠳᠤ ᠮᠤᠩᠭᠤᠯ ᠤᠨ ᠢᠶᠠᠨ ᠲᠡᠦᠬᠡ ᠱᠠᠰᠳᠢᠷ ᠢ ᠬᠠᠶᠢᠨ ᠰᠢᠨᠵᠢᠯᠡᠨᠡᠮ | ᠤᠷᠤᠰᠬᠤ ᠪᠤᠯᠠᠭ ᠤᠨ ᠬᠠᠴᠢᠨ ᠦᠵᠡᠮᠵᠢ ᠳᠤ ᠨᠠᠶᠢᠷᠠᠭ ᠬᠦᠪᠦᠯᠵᠡᠭᠡᠳ | ᠤᠶᠤᠲᠠᠨ ᠪᠢᠴᠢᠭᠳᠡᠨ ᠴᠤᠯᠭᠤᠷᠠᠭᠰᠠᠨ ᠬᠦᠨᠳᠦᠯ ᠨᠤᠲᠤᠭ ᠢ ᠭᠠᠶᠢᠬᠠᠨ ᠮᠠᠭᠳᠠᠨᠠᠮ | ᠬᠤᠯᠠ ᠶᠢᠨ ᠬᠤᠯᠠᠬᠢ ᠠᠭᠤᠯᠠᠰ ᠤᠨ ᠤᠷᠦ᠋ᠢᠳ ᠢ ᠬᠤᠯᠪᠤᠵᠤ ᠰᠡᠳᠭᠢᠯ ᠤᠨ ᠴᠤᠤᠷᠢᠶᠠ ᠨᠢᠰᠭᠡᠨ | ᠬᠤᠩᠭᠤᠷ ᠵᠢᠷᠦᠬᠡᠨ ᠳᠤ ᠭᠠᠭᠴᠠᠬᠠᠨ ᠪᠠᠶᠢᠳᠠᠭ ᠨᠤᠲᠤᠭ ᠤᠰᠤ ᠪᠠᠨ ᠪᠠᠭ᠋ᠠᠳᠤᠵᠤ | ᠬᠠᠯᠠᠭᠤᠨ ᠰᠡᠳᠭᠢᠯᠳᠦ ᠠᠬᠠ ᠲᠡᠭᠦᠦ ᠲᠦᠷᠪᠡᠭᠦᠯᠡ ᠶᠢᠨ ᠪᠢᠴᠢᠭ ᠤᠨ ᠦᠷᠦᠭᠡᠨ ᠳᠤ ᠰᠠᠭᠠᠳᠠᠨ | ᠵᠠᠭᠤᠨ ᠵᠠᠭᠤᠨ ᠤ ᠴᠦᠷᠬᠡᠯᠡᠭᠡ ᠲᠠᠢ ᠨᠡᠭᠦᠳᠡᠯ ᠤᠨ ᠲᠤᠭᠤᠰᠤ ᠶᠢ ᠠᠵᠢᠨᠠᠮ | ᠳᠡᠭᠳᠡᠬᠦ ᠨᠠᠷᠠᠨ ᠤ ᠠᠯᠲᠠᠨ ᠲᠤᠶᠠᠭᠠᠨ ᠳᠤ ᠠᠭᠤᠯᠠᠰ ᠤᠨ ᠮᠠᠩᠨᠠᠢ ᠲᠡᠨᠢᠢᠭᠡᠳ | ᠲᠡᠯᠭᠡᠷᠡᠵᠦ ᠠᠮᠵᠢᠭᠠ ᠦᠭᠡᠢ ᠠᠯᠲᠠᠨ ᠬᠠᠷᠠᠪᠤᠷ ᠲᠤᠷᠭᠠᠨ ᠬᠦᠰᠡᠯ ᠢᠶᠠᠷ ᠢᠶᠠᠨ ᠤᠭᠳᠤᠨᠠᠮ | ᠲᠡᠩᠳᠡᠭᠦᠦ ᠬᠠᠶᠢᠷᠠ ᠶᠢᠨ ᠡᠴᠢᠨᠡ ᠬᠢᠵᠠᠭᠠᠷ ᠠᠴᠠ ᠨᠠᠶᠢᠷᠠᠭ ᠤᠨ ᠤᠩᠭᠤᠳ ᠢ ᠳᠠᠯᠠᠯᠵᠣ | ᠳᠠᠯᠠᠢ ᠪᠠᠶᠠᠨ ᠮᠤᠩᠭᠤᠯ ᠬᠠᠶᠢᠷᠠ ᠪᠠᠷ ᠢᠶᠠᠨ ᠠᠯᠤᠰ ᠤᠨ ᠠᠯᠤᠰ ᠢ ᠵᠤᠷᠢᠨᠠᠮ | ᠬᠦᠨᠳᠦᠯ ᠨᠤᠲᠤᠭ ᠤᠨ ᠴᠡᠩᠭᠡᠷ ᠤᠭᠲᠠᠷᠭᠤᠢ ᠠᠴᠠ ᠰᠠᠯᠬᠢᠨ ᠤ ᠡᠭᠡᠰᠢᠭ ᠴᠢᠩᠨᠠᠵᠤ | ᠢᠷᠡᠬᠦ ᠮᠠᠷᠭᠠᠰᠢ ᠶᠢᠨ ᠤᠶᠤᠨ ᠤ ᠪᠤᠯᠵᠤᠭᠠ ᠶᠢ ᠨᠠᠶᠢᠷᠠᠭ ᠤᠨ ᠱᠠᠳ ᠢᠶᠠᠷ ᠮᠢᠯᠢᠶᠠᠨᠠᠮ | ᠶᠢᠷᠳᠢᠨᠴᠦ ᠶᠢᠨ ᠰᠢᠷᠦᠭᠦᠨ ᠤᠷᠤᠰᠬᠠᠯ ᠳᠤᠮᠳᠠᠭᠤᠷ ᠤᠩᠭᠤᠴᠠ ᠨᠢᠭᠡ ᠶᠢ ᠰᠡᠯᠢᠵᠦ | ᠢᠷᠡᠭᠡᠳᠦᠢ ᠳᠠᠯᠠᠯᠤᠭᠰᠠᠨ ᠮᠤᠩᠭᠤᠯ ᠳᠠᠭᠤᠯᠠᠯ ᠳᠤ ᠪᠠᠨ ᠨᠤᠲ ᠨᠢᠭᠡ ᠶᠢ ᠨᠡᠮᠡᠷᠢᠯᠡᠶᠠ︕ |