| ● ᠲ᠊ · ᠨᠠᠮᠢᠶᠠᠨ | ᠵᠢᠯ ᠪᠦᠷᠢ ᠶᠢᠨ ᠠᠷᠪᠠᠨ ᠰᠠᠷᠠ ᠶᠢᠨ ᠲᠤᠮᠳᠠᠴᠢ ᠪᠠᠷ᠂ ᠲᠦᠰᠢᠶᠡᠳᠣ ᠨᠤᠳᠤᠭ ᠤᠨ ᠮᠢᠨᠢ ᠴᠢᠮᠡᠭ ᠪᠤᠯᠤᠭᠰᠠᠨ᠂ | ᠲᠦᠮᠡᠨ ᠤᠯᠠᠨ ᠤ ᠪᠠᠨ ᠪᠠᠭ᠋ᠠᠷᠬᠠᠯ ᠪᠤᠯᠤᠭᠰᠠᠨ ᠪᠠᠳᠣᠴᠠᠭᠠᠨ ᠤ ᠬᠠᠮᠤᠭ ᠤᠨ ᠭᠤᠶᠤ ᠤᠯᠠᠷᠢᠯ ᠪᠤᠯᠳᠠᠭ ᠰᠠᠨ︕ | ᠡᠨᠡ ᠦᠶᠡ ᠠᠷᠪᠠᠨ ᠰᠠᠷᠠ ᠶᠢᠨ ᠠᠯᠳᠠᠨ ᠭᠠᠷᠠᠭ ᠲᠠᠢ ᠶᠠᠭ ᠴᠠᠪ ᠲᠤᠬᠢᠶᠠᠬᠤ ᠲᠤᠯᠠ ᠲᠦᠷᠪᠡᠨ ᠵᠦᠭ ᠨᠠᠢᠮᠠᠨ | ᠵᠤᠪᠬᠢᠰ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ ᠵᠤᠭᠠᠴᠠᠬᠰᠡᠳ ᠵᠢᠷᠤᠭ ᠰᠢᠭ᠋ ᠵᠢᠵᠢᠭᠭᠡᠨ ᠤᠢ ᠶᠢ ᠬᠦᠭᠵᠢᠯ ᠤᠨ ᠲᠠᠭᠤᠨ ᠢᠶᠠᠷ | ᠪᠢᠯᠬᠠᠭᠤᠯᠤᠨᠠ᠃ | ᠪᠠᠳᠣᠴᠠᠭᠠᠨ ᠰᠢᠭᠤᠢᠢᠷᠠᠬᠰᠠᠨ ᠤᠢ ᠭᠤᠤᠯᠳᠠᠭᠤ ᠬᠤᠰᠢᠭᠤᠨ ᠲᠦᠪ — ᠪᠠᠶᠠᠨᠬᠤᠰᠢᠭᠤ ᠪᠠᠯᠭᠠᠰᠣᠨ ᠠᠴᠠ | ᠵᠡᠭᠦᠨ ᠬᠤᠶᠢᠰᠢ ᠬᠤᠷᠢᠭᠠᠳ ᠺᠢᠯᠦᠮᠧᠲᠷ ᠵᠠᠢ ᠲᠠᠢ ᠲᠠᠶᠢᠴᠢᠨᠳᠠᠯᠠ ᠰᠣᠮᠣ ᠶᠢᠨ ᠪᠠᠷᠠᠭᠤᠨᠳᠡᠬᠢ ᠵᠢᠷᠦᠭᠡᠨ ᠠᠭᠤᠯᠠ᠂ | ᠲᠠᠪᠤᠨ ᠲᠤᠯᠤᠭᠠᠶᠢᠳᠣ ᠭᠡᠬᠦ ᠬᠤᠶᠠᠷ ᠨᠠᠮᠬᠠᠨ ᠠᠭᠤᠯᠠ ᠶᠢᠨ ᠬᠤᠭᠤᠷᠤᠨᠳᠣᠬᠢ ᠨᠠᠷᠢᠬᠠᠨ ᠵᠢᠯᠠᠭᠠ ᠪᠠᠷ ᠦᠷᠭᠦᠯᠵᠢᠯᠡᠵᠦ | ᠬᠡᠪᠴᠢᠶᠡ ᠪᠠᠭᠠ᠂ ᠲᠤᠭᠠ ᠪᠠᠷ ᠴᠦᠭᠡᠨ ᠪᠤᠯᠪᠠᠴᠦ ᠤᠨᠴᠠ ᠲᠠᠰᠣᠷᠬᠠᠢ ᠦᠩᠭᠡ᠂ ᠤᠭᠤ ᠰᠠᠶᠢᠬᠠᠨ | ᠭᠠᠯᠪᠢᠷ ᠢᠶᠠᠷ ᠢᠶᠠᠨ ᠮᠤᠳᠣᠳ ᠤᠨ ᠲᠤᠳᠣᠷᠠᠬᠢ ︽ᠢᠯᠠᠭᠤᠭᠰᠠᠨ ᠨᠢᠭᠡᠨ︾ ᠳᠤ ᠲᠤᠭᠠᠴᠠᠭᠳᠠᠵᠦ᠂ ︽ | ᠲᠦᠰᠢᠶᠡᠳᠣ ᠶᠢᠨ ᠰᠦᠯᠳᠡ ᠮᠤᠳᠣ︾ ︽ᠤᠯᠤᠰ ᠤᠨ ᠲᠡᠰ ᠤᠨ ᠦᠵᠡᠮᠵᠢ ᠶᠢᠨ ᠤᠢ︾ ᠭᠡᠵᠦ ᠬᠤᠯᠠ | ᠤᠶᠢᠷᠠ ᠳᠤ ᠪᠠᠨ ᠠᠯᠳᠠᠷᠰᠢᠵᠠᠢ᠃ ᠬᠡᠷᠪᠡ ᠲᠠ ᠮᠢᠨᠦ ᠨᠤᠲᠤᠭ ᠲᠦᠰᠢᠶᠡᠳᠣ ᠪᠠᠷ ᠠᠶᠢᠯᠴᠢᠯᠠᠵᠦ ᠢᠷᠡᠳᠡᠭ ᠯᠠ ᠪᠤᠯ | ᠪᠠᠳᠣᠴᠠᠭᠠᠨ ᠲᠠᠯᠠᠪᠠᠢ᠂ ᠪᠠᠳᠣᠴᠠᠭᠠᠨ ᠰᠡᠳᠭᠦᠯ᠂ ᠪᠠᠳᠣᠴᠠᠭᠠᠨ ᠬᠠᠮᠳᠣᠯᠢᠭ᠂ ᠪᠠᠳᠣᠴᠠᠭᠠᠨ ᠴᠠᠭᠠᠨ ᠢᠳᠡᠭᠡᠨ ᠤ | ᠦᠢᠯᠡᠳᠪᠤᠷᠢ ᠮᠡᠳᠣ ᠶᠢᠨ ᠪᠠᠳᠣᠴᠠᠭᠠᠨ ᠢᠶᠠᠷ ᠨᠡᠷᠡᠯᠡᠭᠰᠡᠨ ᠵᠦᠢᠯᠡᠰ ᠲᠠᠢ ᠵᠦᠩᠳᠡᠭᠡᠨ ᠲᠤᠬᠢᠶᠠᠯᠳᠤᠵᠦ ᠦᠪᠡᠷ ᠤᠨ | ᠡᠷᠭᠡ ᠦᠭᠡᠢ ᠪᠠᠳᠣᠴᠠᠭᠠᠨ ᠤ ᠲᠤᠬᠠᠢ ᠰᠣᠨᠢᠷᠬᠠᠯ ᠳᠤ ᠠᠪᠳᠠᠨ ᠪᠠᠲᠤᠴᠠᠭᠠᠨ ᠤᠢ ᠬᠦᠷᠭᠦ ᠪᠠᠷ ᠶᠠᠭᠠᠷᠠᠨ ᠲᠡᠮᠡᠦᠯᠡᠬᠦ | ᠶᠤᠮ ᠡ︕ | ᠦᠨᠡᠨᠳᠡᠭᠡᠨ ᠪᠠᠳᠣᠴᠠᠭᠠᠨ ᠨᠠᠷᠠᠰᠣ ᠮᠠᠶᠢᠯᠠᠰᠣ ᠰᠢᠭ᠋ ᠡᠭᠦᠯᠡ ᠰᠠᠮᠠᠯᠮᠠ ᠦᠨᠳᠦᠷ ᠰᠢᠯᠤᠭᠤᠨ ᠪᠢᠰᠢ᠂ | ᠨᠤᠳᠤᠭ ᠤᠨ ᠬᠠᠶᠢᠯᠠᠰᠣ ᠰᠢᠭ᠋ ᠠᠮᠳᠠᠳᠣ ᠵᠤᠭᠠ᠂ ᠠᠰᠢᠭᠳᠣ ᠲᠤᠷᠤᠰᠣ ᠲᠠᠢ ᠴᠦ ᠪᠢᠰᠢ᠂ ᠴᠠᠭᠠᠨ ᠤᠯᠢᠶᠠᠰᠣ ᠮᠡᠳᠦ | ᠮᠦᠴᠢᠷ ᠨᠠᠪᠴᠢ ᠨᠢ ᠲᠡᠭᠷᠢ ᠲᠡᠮᠡᠦᠯᠡᠭᠰᠡᠨ ᠶᠡᠭᠡᠮᠰᠦᠭ ᠤᠪᠤᠷ ᠲᠠᠢ ᠪᠢᠰᠢ᠂ ᠤᠨᠵᠢᠭᠠᠷ ᠤᠳᠠ ᠮᠡᠳᠦ ᠤᠶᠠᠨ | ᠵᠦᠭᠡᠯᠡᠨ᠂ ᠡᠶᠡᠯᠰᠡᠭ ᠪᠤᠯᠪᠠᠷᠠᠢ ᠵᠠᠩ ᠠᠷᠠᠨᠰᠢᠨ ᠲᠠᠢ ᠴᠦ ᠪᠢᠰᠢ᠂ ᠵᠦᠪᠭᠡᠨ ᠭᠠᠵᠠᠷ ᠠᠴᠠ ᠬᠡᠨᠡᠳᠲᠡ ᠤᠷᠭᠤᠵᠦ | ᠪᠤᠰᠣᠭᠰᠠᠨ ᠴᠡᠯ ᠨᠤᠭᠤᠭᠠᠨ ᠴᠢᠬᠢᠷᠠᠭ ᠲᠤᠮᠤ ᠮᠦᠬᠦ ᠮᠡᠳᠦ ᠰᠠᠬᠤᠯᠢᠭ ᠨᠠᠪᠴᠢ᠂ ᠨᠠᠮᠬᠠᠨ ᠨᠢᠷᠤᠭᠤ ᠲᠠᠢ ᠯᠠ ᠲᠡᠳᠦᠢ | ᠃ ᠭᠡᠳᠡᠯᠡ ᠭᠠᠶᠢᠬᠠᠮᠰᠢᠭ ᠲᠠᠢ ᠨᠢ ᠰᠡᠷᠢᠭᠦᠨ ᠨᠠᠮᠤᠷ ᠬᠦᠯᠭᠡᠯᠡᠭᠰᠡᠨ ᠴᠠᠭᠠᠨ ᠰᠢᠭᠦᠳᠡᠷᠢ ᠠᠬᠠᠢ ᠰᠡᠪ ᠰᠡᠮᠭᠡᠨ | ᠲᠡᠪᠳᠡᠷᠢᠵᠦ ᠪᠠᠭᠤᠭᠠᠳ ᠰᠢᠳᠢᠳᠦ ᠮᠤᠳᠣᠷ ᠢᠶᠠᠷ ᠢᠶᠠᠨ ᠬᠦᠪ ᠬᠦᠩᠭᠡᠭᠡᠨ ᠢᠯᠪᠢᠨ᠂ ᠰᠢᠩᠬᠤᠨ ᠤᠷᠤᠭᠤᠯ ᠢᠶᠠᠷ ᠢᠶᠠᠨ | ᠵᠦᠪ ᠵᠦᠭᠡᠯᠡᠭᠡᠨ ᠲᠠᠭᠠᠯᠠᠮᠠᠭᠴᠠ ᠴᠡᠯᠭᠡᠮᠡ ᠨᠤᠭᠤᠭᠠᠨ ᠪᠠᠶᠢᠳᠠᠭ ᠪᠠᠳᠣᠴᠠᠭᠠᠨ ᠤ ᠨᠠᠪᠴᠢᠰ ᠠᠴᠠ ᠨᠢᠯᠭᠢᠮᠠ ᠤᠯᠠᠭᠠᠨ | ᠰᠣᠷ᠂ ᠨᠤᠴᠤᠬᠤ ᠭᠠᠯ ᠤᠨ ᠲᠦᠯᠦ ᠪᠠᠳᠠᠷᠠᠵᠦ ᠠᠯᠣᠰ ᠠᠴᠠ ᠪᠠᠷᠠᠯᠠᠬᠤᠶᠡ ᠠᠰᠠᠭᠠᠭᠠᠳ ᠲᠠᠯᠪᠢᠭᠰᠠᠨ ᠲᠤᠭᠠ | ᠲᠤᠮᠰᠢ ᠦᠭᠡᠢ ᠭᠠᠯ ᠪᠠᠮᠪᠠᠷ ᠠᠭᠤᠯᠠ ᠲᠠᠯᠠ ᠶᠢ ᠪᠦᠷᠭᠦᠳᠡᠯᠡ ᠤᠴᠢᠯᠠᠨ ᠲᠦᠷᠡᠯᠵᠡᠬᠦ ᠮᠡᠳᠦ ᠦᠵᠡᠰᠭᠦᠯᠡᠩ | ᠰᠦᠷᠵᠢᠭᠦᠨ᠂ ᠤᠶᠢᠷᠠᠳᠴᠦ ᠠᠵᠢᠬᠤᠶᠡ ᠠᠷᠪᠠᠨ ᠦᠩᠭᠡ ᠶᠢᠨ ᠰᠣᠯᠣᠩᠭᠠᠨ ᠪᠦᠮᠪᠦᠭᠡ ᠶᠢ ᠠᠯᠳᠠᠨ ᠭᠠᠳᠠᠰᠣ ᠪᠠᠷ | ᠠᠷᠭᠠᠮᠵᠢᠭᠠᠳ ᠲᠠᠯᠪᠢᠴᠢᠬᠠᠭᠰᠠᠨ ᠮᠡᠳᠦ ᠠᠰᠣᠷᠤ ᠷᠤᠮᠠᠨᠲ᠋ᠢᠭ ᠪᠠᠶᠢᠳᠠᠭ ᠢᠶᠠᠷ ᠢᠶᠠᠨ ᠦᠵᠡᠭᠴᠢ ᠲᠦᠮᠡᠨ ᠤ ᠪᠠᠭ᠋ᠠᠷᠬᠠᠯ ᠢ | ᠲᠠᠳᠠᠵᠦ᠂ ᠰᠣᠨᠣᠰᠣᠭᠴᠢ ᠪᠦᠭᠦᠨ ᠤ ᠰᠡᠳᠭᠢᠯ ᠢ ᠬᠦᠪᠰᠦᠯᠵᠡᠭᠦᠯᠦᠨᠡ᠃ | ᠪᠠᠳᠣᠴᠠᠭᠠᠨ ᠤ ︽ᠲᠦᠷᠭᠦᠮ︾ ᠢ ᠨᠢ ᠬᠡᠯᠡᠪᠡᠯ ᠲᠦᠷᠦ ᠶᠢᠨ ᠨᠠᠶᠢᠰᠯᠠᠯ ᠪᠡᠭᠡᠵᠢᠩ ᠬᠤᠳᠠ ᠶᠢᠨ ᠲᠡᠯᠡᠭᠡᠢ ᠳᠤ | ᠠᠯᠳᠠᠷᠰᠢᠭᠰᠠᠨ ᠰᠢᠶᠠᠩ ᠱᠠᠨ ᠠᠭᠤᠯᠠᠨ ᠤ ᠤᠯᠠᠭᠠᠨ ᠨᠠᠪᠴᠢ ᠪᠤᠯᠤᠨᠠ᠃ ᠤᠳᠣ ᠠᠴᠠ ᠪᠠᠷᠤᠭ ᠲᠠᠪᠤᠨ ᠵᠠᠭᠤ | ᠰᠢᠬᠠᠮ ᠵᠢᠯ ᠤᠨ ᠡᠮᠦᠨᠡ ᠴᠢᠩ ᠤᠯᠤᠰ ᠤᠨ ᠡᠶᠡᠪᠡᠷ ᠵᠠᠰᠠᠭᠴᠢ ᠬᠠᠭᠠᠨ ᠲᠤᠮᠳᠠᠳᠣ ᠬᠦᠷᠦᠨ ᠢ ᠡᠵᠡᠯᠡᠭᠡᠳ | ᠰᠠᠭᠤᠳᠠᠯ ᠨᠢ ᠬᠠᠯᠠᠭᠠᠳᠣᠢ ᠰᠠᠨᠳᠣᠷᠴᠦ ᠪᠠᠶᠢᠭᠰᠠᠨ ᠦᠶᠡᠰ ᠲᠤ ᠪᠠᠨ ᠲᠦᠷᠦ ᠶᠢᠨ ᠠᠯᠳᠠᠨ ᠵᠢᠯᠤᠭᠤ ᠪᠠᠨ | ᠪᠠᠬᠢᠵᠢᠭᠦᠯᠬᠦ ᠶᠢᠨ ᠲᠦᠯᠦᠭᠡ ᠲᠡᠭᠦᠨ ᠤ ᠦᠭᠡᠷᠡ ᠡᠭᠡ ᠠᠴᠠ ᠲᠦᠷᠦᠭᠰᠡᠨ ᠦᠬᠢᠨ ᠲᠡᠭᠦᠦ ᠠᠮᠤᠷᠯᠢᠩᠭᠤᠢ ᠡᠷᠬᠢᠮ | ᠬᠦᠩᠵᠦ ᠶᠢ ᠲᠦᠰᠢᠶᠡᠳᠣ ᠴᠢᠨ ᠸᠠᠩ ᠪᠠᠶᠠᠰᠬᠤᠯᠠᠩ ᠳᠤ ᠪᠤᠭᠳᠣᠯᠣᠨ ᠦᠭᠴᠡᠢ᠃ ᠠᠯᠳᠠᠨ ᠰᠢᠬᠢᠳᠭᠡᠷᠲᠤ ᠮᠦᠩᠭᠦᠨ | ᠮᠠᠯᠠᠭᠠᠢ ᠤᠯᠵᠦ ᠵᠡᠭᠦᠭᠰᠡᠨ ᠪᠠᠶᠠᠰᠬᠤᠯᠠᠩ ᠴᠢᠨ ᠸᠠᠩ ᠤᠴᠢᠷ ᠦᠭᠡᠢ ᠤᠯᠵᠠᠷᠬᠠᠨ ᠬᠦᠭᠡᠷᠴᠦ ᠠᠮᠤᠷᠯᠢᠩᠭᠤᠢ ᠡᠷᠭᠢᠮ | ᠬᠦᠩᠵᠦ ᠶᠢ ᠠᠯᠠᠭᠠᠨ ᠳᠤ ᠪᠠᠨ ᠲᠠᠯᠪᠢᠪᠠᠯ ᠪᠦᠮᠪᠦᠷᠢᠮᠡᠷ ᠠᠮᠠᠨ ᠳᠤ ᠪᠠᠨ ᠬᠢᠪᠡᠯ ᠬᠠᠶᠢᠯᠤᠮᠠᠷ ᠡᠩᠭᠦᠷᠡᠶᠢᠯᠡᠨ | ᠬᠠᠶᠢᠷᠠᠯᠠᠭᠰᠠᠨ ᠪᠤᠯᠪᠠᠴᠦ ᠬᠠᠰᠢᠯᠠ ᠬᠦᠮᠦᠨ ᠤ ᠬᠡᠦᠭᠡᠨ ᠦᠷᠡ ᠲᠤᠯᠠ ᠦᠰᠴᠦ ᠲᠦᠷᠦᠭᠰᠡᠨ ᠪᠡᠭᠡᠵᠢᠩ ᠬᠤᠳᠠ᠂ | ᠦᠵᠡᠰᠭᠦᠯᠡᠩᠳᠣ ᠭᠤᠶᠤ ᠬᠠᠭᠠᠨ ᠤ ᠤᠷᠳᠣᠨ ᠢᠶᠠᠨ ᠦᠶᠡ ᠦᠶᠡ ᠦᠭᠡᠶᠢᠯᠡᠨ ᠲᠤᠷᠠᠰᠴᠦ ᠬᠠᠶᠠ ᠬᠠᠶᠠ ᠬᠠᠯᠠᠭᠤᠨ | ᠨᠢᠯᠪᠤᠰᠣ ᠠᠰᠬᠠᠷᠠᠭᠤᠯᠤᠭᠠᠳ ᠪᠠᠶᠢᠬᠤ ᠲᠤᠯᠠ ᠵᠠᠷᠤᠴᠠ ᠠᠯᠪᠠᠲᠤ ᠪᠠᠨ ᠵᠠᠬᠢᠵᠦ ᠨᠠᠶᠢᠰᠯᠠᠯ ᠬᠤᠳᠠ ᠶᠢᠨ ᠪᠡᠯᠭᠡᠳᠡᠯ | ᠪᠤᠯᠤᠭᠰᠠᠨ᠂ ᠨᠠᠮᠢᠶᠠᠨ ᠲᠠᠢ ᠬᠠᠳᠣᠨ ᠤ ᠪᠠᠨ ᠮᠦᠷᠦᠭᠡᠳᠦᠯ ᠪᠤᠯᠤᠭᠰᠠᠨ ᠰᠢᠶᠠᠩ ᠱᠠᠨ ᠠᠭᠤᠯᠠᠨ ᠤ ᠤᠯᠠᠭᠠᠨ | ᠨᠠᠪᠴᠢ ᠶᠢ ᠠᠪᠴᠢᠷᠠᠭᠤᠯᠵᠦ ᠦᠷᠭᠦᠭᠡᠨ ᠤ ᠪᠠᠨ ᠤᠷᠴᠢᠨ᠂ ᠤᠷᠳᠣᠨ ᠤ ᠪᠠᠨ ᠬᠠᠪᠢ ᠳᠤ ᠰᠠᠭᠤᠯᠭᠠᠨ ᠠᠰᠠᠷᠠᠭᠤᠯᠵᠠᠢ | ᠃ ᠤᠮᠠᠷᠠᠳᠣ ᠤᠷᠤᠨ ᠤ ᠬᠠᠯᠠᠭᠤᠨ ᠬᠦᠷᠦᠰᠣ ᠰᠢᠮᠠ ᠰᠠᠶᠢᠳᠠᠢ ᠠᠴᠠ ᠪᠤᠯᠤᠭᠰᠠᠨ ᠶᠤᠮ ᠤᠤ᠂ ᠡᠷᠦᠭᠡ ᠭᠡᠷ ᠢᠶᠠᠨ | ᠦᠭᠡᠶᠢᠯᠡᠵᠦ ᠮᠦᠷᠦᠭᠡᠳᠦᠭᠰᠡᠨ ᠡᠩᠭᠦᠷᠡᠢ ᠬᠠᠳᠣᠨ ᠤ ᠰᠡᠳᠭᠢᠯ ᠬᠦᠨᠳᠣ ᠠᠴᠠ ᠪᠤᠯᠤᠭᠰᠠᠨ ᠶᠤᠮ ᠤᠤ ᠪᠤᠤ ᠮᠡᠳᠡ᠂ | ᠤᠯᠠᠭᠠᠨ ᠨᠠᠪᠴᠢ ᠤᠷᠭᠤᠵᠦ ᠲᠦᠯᠵᠢᠬᠦ ᠶᠠᠪᠤᠴᠠ ᠳᠤ ᠪᠠᠨ ᠤᠤᠯ ᠨᠢ ᠪᠠᠶᠢᠭᠰᠠᠨ ᠭᠤᠷᠪᠠᠨ ᠰᠠᠯᠠᠭᠠᠳᠣ ᠨᠠᠪᠴᠢ ᠨᠢ | ᠭᠠᠷ ᠤᠨ ᠲᠠᠪᠤᠨ ᠬᠤᠷᠤᠭᠤ ᠰᠢᠭ᠋ ᠡᠳᠡᠭᠡᠳ ᠪᠤᠯᠵᠦ ᠤᠨᠳᠣᠣᠰᠢᠭᠠᠳ ᠤᠳᠣ ᠤᠷᠴᠢᠯᠠᠩ ᠳᠤ ᠬᠤᠪᠤᠷᠬᠠᠨ ᠲᠠᠪᠤᠨ | ᠰᠠᠯᠠᠭᠠᠳᠣ ᠤᠯᠠᠭᠠᠨ ᠨᠠᠪᠴᠢ — ᠪᠠᠳᠣᠴᠠᠭᠠᠨ ᠪᠤᠯᠵᠠᠢ ᠭᠡᠨᠡ᠃ | ᠡᠨᠡ ᠬᠡᠳᠦ᠋ᠢᠪᠡᠷ ᠦᠯᠢᠭᠡᠷ ᠲᠤᠮᠤᠭ ᠬᠡᠳᠡᠭ ᠪᠤᠯᠪᠠᠴᠦ ᠤᠳᠣ ᠶᠢᠨ ᠪᠠᠳᠣᠴᠠᠭᠠᠨ ᠤᠢ ᠳᠠᠬᠢ ᠬᠠᠮᠤᠭ | ᠪᠤᠭᠤᠷᠤᠯ ᠪᠠᠳᠣᠴᠠᠭᠠᠨ ᠤ ᠪᠠᠶᠢᠳᠠᠯ ᠠᠴᠠ ᠰᠢᠨᠵᠢᠪᠡᠯ ᠦᠨᠡᠭᠡᠷ ᠲᠠᠪᠤᠨ ᠵᠠᠭᠤ ᠰᠢᠬᠠᠮ ᠵᠢᠯ ᠤᠨ ᠤᠯᠪᠠᠭᠠ ᠲᠠᠢ | ᠪᠦᠭᠡᠳ ᠭᠤᠤᠯ ᠠᠴᠠ ᠪᠠᠨ ᠬᠦᠨᠳᠡᠶᠢᠷᠡᠵᠦ ᠬᠠᠳᠠᠵᠦ ᠬᠤᠷᠪᠤᠶᠢᠬᠤ ᠰᠢᠨᠵᠢ ᠤᠷᠤᠭᠰᠠᠨ ᠠᠳᠠᠯᠠ ᠮᠦᠴᠢᠷ | ᠨᠠᠪᠴᠢ ᠪᠠᠨ ᠲᠡᠩᠭᠡᠭᠡ ᠮᠡᠳᠡᠨ ᠪᠦᠭᠦᠯᠵᠡᠭᠦᠯᠬᠦ ᠨᠢ ᠨᠠᠷᠠᠨ ᠳᠤ ᠭᠤᠩᠬᠤᠨ᠂ ᠰᠠᠷᠠᠨ ᠳᠤ ᠭᠤᠨᠢᠶᠠᠨ᠂ ᠰᠠᠯᠬᠢᠨ ᠳᠤ | ᠰᠢᠪᠰᠢᠭᠦᠯᠦᠨ᠂ ᠴᠠᠰᠣ ᠪᠤᠷᠤᠭᠠᠨ ᠢ ᠦᠡᠭᠭᠡᠷᠡᠭᠦᠯᠦᠭᠰᠡᠨ ᠁ ᠮᠠᠷᠳᠠᠭᠳᠠᠰᠢ ᠦᠭᠡᠢ ᠤᠨ ᠰᠠᠷᠠ᠂ ᠮᠤᠷᠢᠨ | ᠨᠢᠷᠤᠭᠤᠨ ᠲᠡᠭᠡᠷᠡᠬᠢ ᠲᠤᠮᠤᠭ ᠢᠶᠠᠨ ᠤᠶᠢᠳᠬᠠᠷᠳᠠᠶᠢᠬᠠᠨ ᠬᠦᠦᠷᠨᠢᠬᠦ ᠮᠡᠳᠦ᠃ | ᠪᠠᠲᠤᠴᠠᠭᠠᠨ ᠭᠤᠷᠪᠠᠨ ᠰᠠᠷᠠ ᠳᠤ ᠴᠡᠴᠡᠭᠯᠡᠵᠦ᠂ ᠠᠷᠬᠠᠶᠢᠭᠰᠠᠨ ᠴᠦᠢᠳᠡᠩ ᠤᠨ ᠲᠤᠯᠤᠭᠠᠢ ᠮᠡᠳᠦ ᠵᠢᠵᠢᠭᠭᠡᠨ | ᠰᠢᠷᠠ ᠴᠡᠴᠡᠭ ᠨᠢ ᠲᠡᠯᠭᠡᠷᠡᠵᠦ ᠬᠦᠢᠴᠡᠭᠰᠡᠨ ᠤ ᠲᠠᠷᠠᠭᠠ ᠰᠠᠶ᠋ᠢ ᠨᠠᠪᠴᠢᠯᠠᠨᠠ᠃ ᠨᠠᠮᠤᠷ ᠪᠤᠯᠵᠦ ᠨᠠᠪᠴᠢ | ᠵᠤᠯᠭᠠᠷᠠᠬᠤ ᠠᠴᠠ ᠤᠷᠢᠳ ᠦᠷᠡ ᠨᠢ ᠬᠡᠳᠦ᠋ᠢᠨ ᠪᠤᠯᠪᠠᠰᠤᠷᠠᠴᠢᠬᠠᠳᠠᠭ᠃ ᠬᠡᠷᠪᠡ ᠵᠤᠯ ᠢᠶᠠᠷ ᠪᠠᠲᠤᠴᠠᠭᠠᠨ ᠤ ᠤᠢ ᠪᠠᠷ | ᠵᠤᠭᠠᠴᠠᠳᠠᠭ ᠶᠤᠮ ᠪᠤᠯ ᠮᠤᠳᠣᠳ ᠤᠨ ᠲᠤᠤᠭᠤᠷᠬᠢ ᠵᠢᠵᠢᠭᠭᠡᠨ ᠬᠤᠪᠤᠭᠤ ᠰᠢᠭ᠋ ᠬᠡᠳᠦᠨ ︽ᠤᠨᠠᠭᠤᠯᠢ︾ | ᠰᠣᠨᠢᠭᠤᠴᠢ ᠰᠡᠳᠭᠢᠯᠭᠡ ᠶᠢ ᠴᠢᠨᠢ ᠭᠡᠵᠢᠭᠡᠳᠡᠨ ᠰᠣᠨᠢᠷᠬᠠᠯ ᠲᠠᠭᠠᠮᠠᠭ ᠦᠯᠡᠳᠡᠭᠡᠳᠡᠭ᠃ ᠨᠢᠭᠡ ᠤᠳᠠᠭᠠ ᠪᠢ | ᠪᠠᠳᠣᠴᠠᠭᠠᠨ ᠤ ᠤᠢ ᠪᠠᠷ ᠵᠤᠭᠠᠴᠠᠬᠤ ᠳᠤ ᠪᠠᠨ ᠦᠨᠦᠭᠢ ︽ᠤᠨᠠᠭᠤᠯᠢ︾ ᠲᠤᠳᠣᠷᠠ ᠠᠴᠠ ᠠᠳᠬᠤ ᠦᠷᠡ ᠬᠠᠷᠮᠠᠵᠦ | ᠠᠪᠤᠭᠠᠳ ︽ᠰᠣᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡ ᠪᠠᠨ ᠭᠠᠩᠭᠠᠯᠠᠶᠡ︾ ᠭᠡᠰᠡᠨ ᠴᠢᠨᠢ ᠬᠠᠮᠳᠣ ᠠᠶᠠᠯᠠᠭᠠ ᠨᠤᠳᠤᠭ ᠤᠨ | ᠠᠬᠠᠮᠠᠳ ᠬᠠᠭ᠋ᠠᠯᠠᠨ ᠢᠨᠢᠶᠡᠭᠰᠡᠭᠡᠷ ︽ᠪᠠᠳᠣᠴᠠᠭᠠᠨ ᠪᠠᠷᠤᠭ ᠤᠨ ᠬᠦᠷᠦᠰᠦᠨ ᠳᠤ ᠨᠠᠭᠢᠶᠠᠯᠠᠳᠠᠭ ᠦᠭᠡᠢ᠂ ᠨᠠᠬᠢᠶᠠᠯᠠᠵᠦ | ᠤᠷᠭᠤᠭᠰᠠᠨ ᠴᠦ ᠦᠰᠴᠦ ᠬᠦᠷᠪᠡᠵᠢᠭᠦ ᠨᠢ ᠦᠨᠡᠭᠡᠷ ᠮᠢᠨᠳᠠᠭ ᠲᠠᠢ ᠰᠢᠦ᠂ ᠠᠶᠠᠭᠠᠨ ᠴᠢᠨᠡᠭᠡᠨ ᠪᠦᠳᠦᠭᠦᠨ | ᠵᠤᠯᠵᠠᠭᠠ ᠨᠢ ᠴᠦ ᠠᠳᠠᠭ ᠲᠤ ᠪᠠᠨ ᠵᠠᠭᠤ ᠭᠠᠷᠤᠢ ᠵᠢᠯ ᠤᠨ ᠲᠡᠦᠭᠡ ᠲᠠᠢ᠂ ᠠᠵᠢᠯ ᠠᠴᠠ ᠪᠠᠨ ᠠᠮᠠᠷᠠᠳᠠᠯᠠ ᠲᠠ | ᠰᠢᠯᠪᠢᠭᠦᠷ ᠤᠨ ᠡᠰᠢ ᠯᠠ ᠤᠰᠣᠯᠠᠨᠠ ᠳ᠋ᠠ︾ ᠭᠡᠰᠡᠨ ᠳᠤ ᠪᠢ ᠰᠠᠶ᠋ᠢ ᠠᠭᠤᠯᠠ ᠵᠤ ᠶᠢ ᠪᠦᠷᠭᠦᠳᠡᠯᠡ ᠤᠷᠭᠤᠨ | ᠴᠡᠴᠡᠭᠯᠡᠭᠰᠡᠨ ᠡᠭᠡᠯ ᠵᠢᠷ ᠤᠨ ᠪᠠᠳᠣᠴᠠᠭᠠᠨ ᠤ ᠤᠢ ᠳᠤ ᠮᠠᠨᠢ ᠬᠡᠳᠦᠨ ᠦᠶᠡ ᠶᠢᠨ ᠬᠦᠮᠦᠰ ᠤᠨ ᠤᠶᠢᠭᠠ ᠦᠭᠡᠢ | ᠵᠢᠳᠭᠦᠯ᠂ ᠤᠨᠳᠠᠷᠠᠰᠢ ᠦᠭᠡᠢ ᠬᠠᠶᠢᠷᠠ ᠰᠢᠩᠭᠡᠵᠦ ᠪᠠᠶᠢᠬᠤ ᠶᠢ ᠮᠡᠳᠡᠭᠡᠳ ᠲᠡᠪᠴᠢᠶᠡᠷᠢ ᠶᠡᠭᠡᠳᠡᠢ ᠪᠠᠳᠣᠴᠠᠭᠠᠨ ᠢᠶᠠᠨ | ᠤᠯᠠᠮ ᠬᠠᠶᠢᠷᠠᠯᠠᠵᠦ᠂ ᠲᠡᠰᠪᠤᠷᠢ ᠰᠠᠶᠢᠳᠠᠢ ᠨᠤᠳᠤᠭ ᠤᠨ ᠬᠦᠮᠦᠰ ᠢᠶᠠᠨ ᠨᠡᠩ ᠪᠢᠰᠢᠷᠡᠭᠦ ᠪᠤᠯᠤᠭᠰᠠᠨ ᠰᠠᠨ︕ | ᠪᠠᠳᠤᠴᠠᠭᠠᠨ ᠮᠤᠳᠣᠳ ᠤᠨ ᠲᠤᠳᠣᠷᠠᠬᠢ ︽ᠠᠯᠳᠠᠨ ᠤᠷᠤᠭᠳᠠᠨ︾ ᠶᠤᠮ᠃ ᠪᠢᠨᠳᠣ ᠨᠠᠶᠢᠷᠠᠮᠳᠠᠭᠤ ᠭᠤᠸᠠ | ᠦᠵᠡᠰᠭᠦᠯᠡᠩ ᠮᠦᠷᠳᠡᠭᠡᠨ ᠪᠤᠷᠤᠩᠬᠠᠶᠢᠯᠠᠨ ᠬᠠᠳᠣᠷᠠᠭᠰᠠᠳ ᠲᠤ ᠰᠦᠭᠦᠷᠡᠯ ᠦᠭᠡᠢ ᠡᠷᠡᠯᠬᠡᠭ ᠵᠢᠪᠬᠤᠭᠠᠳᠠᠢ ᠪᠠᠶᠢᠳᠠᠭ᠃ | ᠲᠠᠴᠢᠷ ᠠᠭᠤᠯᠠᠨ ᠪᠡᠯ ᠭᠡᠵᠦ ᠭᠤᠯᠤᠬᠤ ᠦᠭᠡᠢ᠂ ᠲᠠᠩᠰᠤᠭ ᠭᠠᠵᠠᠷ ᠠᠴᠠ ᠢᠷᠠᠯᠠ ᠬᠡᠵᠦ ᠲᠡᠭᠡᠷᠡᠩᠬᠦ᠋ᠢᠯᠡᠬᠦ ᠦᠭᠡᠢ᠂ | ᠤᠷᠤᠨ ᠵᠠᠢ ᠪᠤᠯᠢᠶᠠᠯᠳᠣᠵᠦ ᠢᠪᠢᠯᠴᠡᠳᠡᠭ ᠦᠭᠡᠢ᠂ ᠤᠯᠠᠭᠠᠨ ᠰᠢᠭᠤᠷᠭᠠ ᠲᠠᠭᠠᠷᠢᠭᠰᠠᠨ ᠴᠦ ᠪᠦᠭᠦᠯᠵᠠᠳᠡᠭ ᠦᠭᠡᠢ᠂ | ᠮᠤᠩᠭᠤᠯ ᠨᠤᠳᠤᠭ ᠤᠨ ᠢᠶᠠᠨ ᠤᠭᠤᠷᠠᠭ ᠰᠢᠮᠠ ᠶᠢ ᠬᠦᠯᠬᠦᠵᠦ᠂ ᠮᠠᠯᠴᠢᠨ ᠠᠷᠠᠳ ᠤᠨ ᠢᠶᠠᠨ ᠤᠶᠤᠨ ᠰᠦᠨᠡᠰᠦ ᠶᠢ | ᠪᠠᠭᠴᠠᠯᠠᠨ᠂ ᠤᠴᠠᠷᠠᠭᠰᠠᠨ ᠪᠦᠭᠦᠨ ᠳᠤ ᠤᠷᠠᠨ ᠠᠮᠢᠳᠣᠷᠠᠬᠤᠢ ᠶᠢᠨ ᠮᠦᠷᠦᠭᠡᠳᠦᠯ ᠤᠯᠭᠤᠵᠦ᠂ ᠬᠠᠷᠠᠭᠰᠠᠨ | ᠪᠦᠭᠦᠨ ᠳᠤ ᠬᠦᠭᠵᠢᠵᠦ ᠪᠠᠳᠠᠷᠠᠬᠤ ᠶᠢᠨ ᠵᠦᠩ ᠪᠢᠯᠢᠭ ᠢᠶᠠᠨ ᠢᠪᠡᠭᠡᠵᠦ ᠪᠠᠶᠢᠳᠠᠭ ᠡ︕ | ᠪᠠᠳᠣᠴᠠᠭᠠᠨ ᠤ ᠦᠷᠡ ᠶᠢ ᠨᠢ ᠴᠠᠢ ᠮᠡᠳᠦ ᠴᠢᠢᠯᠡᠭᠡᠳ ᠤᠳᠠᠭᠠᠨ ᠤᠤᠭᠤᠪᠠᠯ ᠲᠠᠮᠢᠷ ᠨᠦᠭᠦᠨᠠ᠃ ᠮᠣᠳᠣᠨ ᠤ | ᠰᠢᠷᠭᠡᠭ ᠨᠢ ᠨᠢᠭᠳᠠ ᠪᠤᠯᠪᠠᠴᠦ ᠶᠠᠰᠣᠯᠢᠭ ᠪᠤᠯᠬᠤᠷ ᠨᠠᠷᠢᠨ ᠵᠦᠢᠯᠡᠰ ᠤᠷᠠᠯᠠᠵᠦ ᠱᠣᠭᠤᠬᠤ ᠳᠤ ᠲᠤᠬᠢᠷᠠᠮᠵᠢ ᠦᠭᠡᠢ | ᠬᠠᠷᠢᠨ ᠠᠮᠪᠠᠨ ᠬᠢᠪᠠᠯ ᠴᠠᠪᠴᠢᠭᠳᠠᠵᠦ ᠬᠠᠭᠠᠷᠠᠬᠤ ᠦᠭᠡᠢ᠂ ᠬᠢᠰᠠ ᠳᠤ ᠲᠦᠯᠡᠪᠡᠯ ᠨᠦᠢᠳᠠᠨ ᠨᠢ ᠪᠤᠯᠪᠠᠴᠦ | ᠲᠦᠷᠴᠢᠭᠢᠨᠡᠳᠡᠯᠡ ᠨᠤᠴᠤᠵᠦ ᠨᠡᠭᠦᠷᠡᠰᠣ ᠮᠡᠳᠦ ᠬᠠᠲᠠᠭᠤ ᠲᠦᠯᠦ ᠪᠠᠳᠠᠷᠠᠳᠠᠭ᠃ ᠡᠳᠡᠭᠡᠷ ᠨᠢ ᠲᠡᠭᠦᠨ ᠤ ᠭᠠᠳᠠᠨᠠ ᠪᠠᠨ | ᠵᠦᠭᠡᠯᠡᠨ ᠴᠦ ᠲᠤᠳᠣᠷᠠ ᠪᠠᠨ ᠬᠠᠳᠠᠭᠤ᠂ ᠭᠠᠯ ᠪᠤᠯᠵᠦ ᠪᠠᠳᠠᠷᠠᠬᠤ ᠠᠴᠠ ᠪᠢᠰᠢ ᠬᠠᠶᠢᠯ ᠪᠤᠯᠵᠦ ᠤᠷᠤᠰᠬᠤ ᠦᠭᠡᠢ | ᠲᠠᠮᠢᠷᠯᠢᠭ ᠨᠢᠷᠤᠭᠤ᠂ ᠲᠦᠷᠦᠯᠬᠢ ᠠᠷᠠᠨᠰᠢᠨ ᠢ ᠬᠦᠢᠴᠡᠳ ᠢᠯᠡᠷᠡᠭᠦᠯᠵᠦ ᠪᠠᠶᠢᠭᠠ ᠪᠢᠰᠢᠤ ᠤᠤ︖ | ᠬᠤᠷᠢᠨ ᠨᠢᠭᠡᠳᠦᠭᠡᠷ ᠵᠠᠭᠤᠨ ᠤ ᠡᠬᠢᠨ ᠳᠠᠬᠢ ᠨᠢᠭᠡᠨ ᠨᠠᠮᠤᠷ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠮᠠᠰᠢ ᠤᠯᠠᠨ | ᠰᠣᠷᠭᠠᠭᠤᠯᠢ ᠶᠢᠨ ᠬᠡᠦᠭᠡᠳ ᠠᠶᠠᠯᠠᠷᠠ ᠢᠷᠡᠭᠡᠳ ᠤᠢ ᠶᠢᠨ ᠲᠤᠮᠳᠠᠭᠤᠷ ᠠᠯᠳᠠᠨ ᠪᠤᠯᠵᠤᠮᠤᠷ ᠰᠢᠭ᠋ ᠱᠤᠯᠤᠭᠠᠨᠠᠯᠳᠣᠵᠦ | ᠪᠠᠶᠢᠳᠠᠯᠠ ᠬᠡᠨᠡᠳᠳᠡ ᠬᠡᠬᠡᠨ ᠡᠳᠦᠷ ᠢᠶᠠᠷ ᠠᠶᠤᠩᠭᠠ ᠲᠠᠴᠢᠬᠢᠨᠠᠵᠦ ᠬᠦᠢᠳᠡᠨ ᠮᠦᠨᠳᠦᠷ ᠬᠠᠶᠢᠷᠠ ᠨᠠᠶᠢᠷ ᠦᠭᠡᠢ | ᠴᠢᠳᠬᠤᠯᠠᠯᠠ᠃ ᠪᠠᠭᠰᠢ ᠨᠠᠷ᠂ ᠬᠡᠷ ᠤᠨ ᠠᠬᠠᠮᠠᠳ ᠰᠣᠴᠢᠨ ᠲᠦᠪᠡᠭᠳᠡᠵᠦ ᠬᠡᠦᠭᠡᠳ ᠢᠶᠠᠨ ᠬᠤᠷᠮᠦ᠋ᠢᠯᠠᠬᠤ ᠨᠢ | ᠬᠤᠷᠮᠦ᠋ᠢᠯᠠᠵᠦ᠂ ᠲᠡᠷᠭᠡᠨ ᠲᠡᠷᠭᠡᠳᠡ ᠪᠠᠨ ᠲᠠᠯᠳᠠᠯᠠᠬᠤ ᠶᠢ ᠨᠢ ᠲᠠᠯᠳᠠᠯᠠᠭᠰᠠᠨ ᠪᠤᠯᠪᠠᠴᠦ ᠬᠠᠰᠢᠯᠠ ᠤᠯᠠᠩᠭᠢ ᠬᠡᠦᠭᠡᠳ | ᠪᠠᠳᠣᠴᠠᠭᠠᠨ ᠤ ᠨᠦᠮᠦᠷᠢ ᠳᠤ ᠯᠠ ᠬᠤᠷᠭᠤᠳᠠᠬᠤ ᠬᠡᠷᠡᠭ ᠲᠠᠢ ᠪᠤᠯᠵᠠᠢ᠃ ᠡᠨᠡ ᠦᠶᠡ ᠳᠤ ᠭᠠᠩᠭᠠᠩ ᠨᠠᠶᠢᠷᠠᠮᠳᠠᠭᠤ | ᠪᠠᠳᠣᠴᠠᠭᠠᠨ ᠮᠠᠨᠢ ᠬᠤᠯᠴᠢᠢᠵᠦ ᠰᠢᠷᠭᠢᠭᠰᠡᠨ ᠦᠭᠡᠢ᠂ ᠰᠢᠯᠢ ᠶᠢᠨ ᠰᠠᠶᠢᠨ ᠡᠷᠡ ᠮᠡᠳᠦ ᠴᠡᠭᠡᠵᠢ ᠲᠦᠷᠢᠨ ᠪᠤᠰᠴᠦ | ᠭᠠᠴᠢᠭᠳᠠᠵᠦ ᠲᠦᠪᠡᠭᠳᠡᠭᠰᠡᠨ ᠨᠢᠯᠬᠠ ᠪᠠᠯᠴᠢᠷ ᠬᠡᠦᠭᠡᠳ ᠤᠳ ᠢ ︽ᠲᠡᠷᠯᠢᠭ ᠤᠨ ᠬᠤᠷᠮᠤᠢ︾ ᠪᠠᠷ ᠢᠶᠠᠨ ᠲᠠᠰᠣ | ᠬᠠᠯᠬᠠᠯᠠᠵᠦ ᠤᠭᠳᠣ ᠱᠠᠪᠰᠢᠭᠤᠯᠵᠦ ᠰᠢᠷᠬᠠᠳᠣᠭᠤᠯᠤᠭᠠ ᠦᠭᠡᠢ᠃ ᠠᠶᠤᠮᠰᠢᠭᠲᠤ ᠴᠠᠭ ᠠᠭᠤᠷ ᠨᠠᠮᠬᠠᠷᠠᠭᠰᠠᠨ ᠤ | ᠲᠠᠷᠠᠭᠠ ᠡᠷᠡᠭᠦᠯ ᠪᠦᠳᠦᠨ ᠦᠯᠡᠳᠡᠭᠰᠡᠨ ᠬᠦᠮᠦᠰ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠲᠠᠮᠳᠤᠭ ᠪᠤᠯᠳᠠᠯᠠ ᠴᠤᠬᠢᠭᠳᠠᠵᠦ᠂ ᠰᠠᠨᠠᠮᠰᠠᠷ | ᠦᠭᠡᠢ ᠵᠠᠳᠠᠷᠠᠨ ᠰᠦᠢᠷᠡᠬᠦ ᠰᠢᠬᠠᠭᠰᠠᠨ ᠪᠠᠳᠣᠴᠠᠭᠠᠨ ᠢᠶᠠᠨ ᠬᠠᠷᠠᠭᠠᠳ ᠡᠯᠢᠭᠡ ᠵᠢᠷᠦᠭᠡ ᠨᠢ ᠡᠮᠳᠡᠷᠡᠨ᠂ ᠡᠰ | ᠪᠦᠭᠦᠨ ᠨᠢ ᠰᠢᠮᠰᠢᠷᠡᠵᠦ᠂ ᠨᠢᠳᠣᠨ ᠠᠴᠠ ᠪᠠᠨ ᠨᠢᠯᠪᠤᠰᠣ ᠪᠢᠰᠢ ᠴᠢᠰᠦ ᠲᠤᠰᠣᠯᠠᠭᠤᠯᠵᠦ ᠪᠠᠶᠢᠪᠠ᠃ ᠭᠡᠳᠡᠯᠡ | ᠪᠠᠲᠤᠴᠠᠭᠠᠨ ᠮᠠᠨᠢ ᠲᠦᠮᠡᠨ ᠲᠠᠪᠬᠤᠷ ᠠᠰᠠᠷ ᠢ ᠲᠠᠰᠣ ᠨᠢᠷᠭᠡᠳᠡᠭ ︽ᠲᠡᠭᠷᠢ ᠶᠢᠨ ᠰᠣᠮᠣ︾ ᠴᠦ ︽ᠴᠠᠭᠠᠨ | ᠲᠤᠯᠤᠭᠠᠶᠢᠳᠣ︾ ᠶᠢᠨ ᠢᠶᠠᠨ ᠡᠩᠭᠡᠷ ᠲᠤ ᠦᠨᠳᠣᠰᠣ ᠬᠠᠳᠬᠤᠨ ᠤᠷᠭᠤᠵᠦ ᠴᠡᠴᠡᠭᠯᠡᠭᠰᠡᠨ ︽ᠪᠠᠳᠣᠴᠠᠭᠠᠨ︾ ᠢ | ᠲᠠᠰᠣ ᠨᠢᠷᠭᠡᠵᠦ ᠴᠢᠳᠠᠬᠤ ᠦᠭᠡᠢ ᠬᠡᠰᠡᠨ ᠰᠢᠭ ᠠᠶᠤᠩᠭᠠ ᠴᠠᠬᠢᠯᠭᠠᠨ ᠢ ᠰᠦᠷᠦᠨ ᠠᠵᠢᠭ ᠦᠭᠡᠢ ᠵᠤᠭᠰᠣᠭᠰᠠᠭᠠᠷ ᠁ | | ᠵᠢᠯ ᠪᠦᠷᠢ ᠶᠢᠨ ︽ᠠᠷᠪᠠᠨ ᠰᠠᠷᠠ ᠶᠢᠨ ᠠᠯᠳᠠᠨ ᠭᠠᠷᠠᠭ︾ ᠢᠶᠠᠷ ︽ᠪᠠᠳᠣᠴᠠᠭᠠᠨ ᠤᠢ︾ ᠳᠤ ᠮᠢᠨᠢ ᠵᠠᠪᠠᠯ | ᠠᠶᠠᠯᠠᠵᠦ ᠢᠷᠡᠭᠡᠷᠡᠢ᠂ ᠭᠠᠩᠭᠠᠩ ᠲᠦᠷᠭᠦ ᠨᠢ ᠤᠢ ᠪᠢᠯᠢᠭ ᠢ ᠴᠢᠨᠢ ᠤᠷᠮᠠᠰᠢᠭᠤᠯᠤᠨ ᠰᠡᠷᠭᠦᠭᠡᠵᠦ᠂ ᠭᠠᠩ ᠵᠤᠷᠢᠭ ᠨᠢ | ᠴᠢᠮᠠ ᠶᠢ ᠵᠢᠩᠭᠢᠨᠢ ᠶᠠᠰᠣ ᠲᠠᠢ᠂ ᠮᠦᠰᠦ ᠲᠠᠢ ᠮᠤᠩᠭᠤᠯ ᠬᠦᠮᠦᠨ ᠪᠤᠯᠭᠠᠨ ᠱᠤᠭᠤᠵᠤ ᠪᠦᠲᠦᠭᠡᠬᠦ ᠨᠢ ᠯᠠᠪᠳᠠᠢ ᠶᠤᠮ | ᠡ︕ | ᠪᠠᠲᠤᠴᠠᠭᠠᠨ — ᠮᠤᠩᠭᠤᠯ ᠨᠤᠳᠤᠭ ᠤᠨ ᠮᠢᠨᠢ ᠴᠢᠮᠡᠭ ᠪᠤᠯᠵᠦ ᠲᠠᠪᠤᠨ ᠲᠤᠯᠤᠭᠠᠶᠢᠳᠣ ᠶᠢᠨ ᠢᠶᠠᠨ | ᠡᠩᠭᠡᠷ ᠲᠤ ᠵᠤᠯᠭᠠᠷᠠᠰᠢ ᠦᠭᠡᠢ ᠰᠠᠭᠦ᠋ᠢᠨᠡ︕ | ᠪᠠᠳᠣᠴᠠᠭᠠᠨ — ᠮᠤᠩᠭᠤᠯ ᠶᠠᠰᠣᠳᠠᠨ ᠤ ᠮᠢᠨᠢ ᠰᠦᠯᠳᠡ ᠪᠤᠯᠵᠤ ︽ᠴᠠᠭᠠᠨ ᠲᠤᠯᠤᠭᠠᠶᠢᠳᠣ︾ ᠶᠢᠨ ᠢᠶᠠᠨ | ᠡᠩᠭᠡᠷ ᠲᠤ ᠮᠦᠭᠦᠰᠢ ᠦᠭᠡᠢ ᠰᠦᠮᠪᠤᠷᠯᠠᠨᠠ︕ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠣᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ | ᠲᠦᠷᠪᠡᠳᠦᠭᠡᠷ ᠲᠤᠮᠳᠠᠳᠣ ᠰᠤᠷᠭᠠᠭᠤᠯᠢ |