| ᠢ᠊ · ᠴᠡᠩᠭᠡᠷ | ᠬᠠᠯᠢᠯ ᠬᠠᠳᠠᠨ ᠳᠤ ᠮᠠᠴᠤᠵᠤ ᠪᠠᠶᠢᠬᠰᠠᠨ ᠰᠠᠷᠠᠨ | ᠬᠠᠯᠳᠤᠷᠢᠵᠦ ᠤᠶᠢᠴᠢᠭᠠᠳ ᠠᠷᠦ ᠶᠢᠨ ᠨᠠᠭᠤᠷ ᠲᠤ ᠫᠢᠯ ᠬᠢᠳᠡᠯᠡ ᠤᠨᠠᠨᠠ | ᠬᠦᠯᠳᠡᠭᠰᠡᠨ ᠭᠤᠤᠯ ᠮᠦᠷᠡᠨ ᠡᠬᠢᠯᠡᠨ ᠪᠤᠰᠤᠭᠠ ᠪᠠᠷ ᠰᠢᠷᠬᠢᠭᠯᠡᠵᠦ | ᠬᠦᠯ ᠲᠠᠯᠪᠢᠬᠰᠠᠭᠠᠷ ᠴᠦᠮᠦᠷᠡᠭᠡᠳ ᠤᠷᠤᠴᠢᠬᠠᠮᠠ ᠨᠡᠮᠡᠯᠵᠡᠨᠡ | ᠬᠦᠩᠬᠡᠨ ᠵᠡᠷᠭᠡᠯᠬᠡᠨ ᠵᠦ᠋ ᠲᠠᠯᠠ ᠶᠢ ᠢᠯᠪᠢᠨ ᠠᠯᠢᠶᠠᠯᠠᠬᠤ ᠨᠢ | ᠬᠡᠤᠬᠡᠨ ᠤ ᠲᠤᠷᠭᠤᠮᠰᠤᠭ ᠤᠷᠤᠭᠤᠯ ᠢ ᠰᠠᠨᠠᠬᠳᠠᠭᠤᠯᠤᠨᠠ | ᠦᠷ ᠤᠨ ᠪᠤᠯᠵᠤᠮᠤᠷ ᠤᠨ ᠡᠭᠡᠰᠢᠭᠯᠢᠭ ᠢᠶᠠᠷ | ᠦᠨᠦᠬᠢ ᠠᠶᠢᠯ ᠬᠤᠯᠠᠩ ᠤᠨ ᠤᠳᠤᠭᠠ ᠪᠠᠷ ᠢᠶᠠᠨ ᠡᠪᠰᠢᠶᠡᠵᠦ ᠰᠤᠨᠢᠶᠠᠨᠠ | ᠠᠪᠠ ᠶᠢᠨ ᠨᠤᠬᠠᠳ ᠤᠨ ᠠᠷᠬᠢᠷᠠᠬᠰᠠᠨ ᠲᠠᠭᠤᠨ ᠢ | ᠠᠶᠢᠯ ᠤᠨ ᠡᠪᠦᠭᠡ ᠲᠠᠮᠠᠬᠢᠨ ᠭᠠᠩᠰᠡᠨ ᠳᠤ ᠪᠠᠨ ᠨᠢᠢᠳᠭᠡᠵᠦ ᠫᠤᠬᠰᠢᠨᠠ | ᠱᠤᠩ ᠤᠨ ᠲᠡᠷᠭᠡᠳᠡ ᠤᠶᠠᠭᠠᠨ ᠤ ᠮᠤᠷᠢᠳ ᠤᠳᠤᠳ ᠤᠨ ᠭᠡᠭᠡ ᠶᠢ ᠰᠡᠭᠰᠦᠷᠦᠨ ᠲᠡᠪᠬᠡᠴᠡᠬᠦ ᠳᠤ | ᠰᠢᠨᠡ ᠨᠢᠭᠡᠨ ᠡᠳᠦᠷ ᠤᠨ ᠬᠦᠭᠵᠢᠯᠳᠡᠢ ᠵᠢᠷᠤᠭ ᠤᠳᠠᠯ ᠦᠭᠡᠢ ᠲᠡᠯᠭᠡᠭᠳᠡᠨᠡ | ᠲᠠᠯᠠ ᠶᠢᠨ ᠮᠠᠨᠠᠨ ᠢ ᠠᠶᠠᠷᠬᠠᠨ ᠢᠷᠠᠵᠤ | ᠲᠠᠯᠠ ᠬᠠᠴᠠᠷ ᠢᠶᠠᠨ ᠤᠯᠠᠶᠢᠯᠭᠠᠬᠰᠠᠭᠠᠷ ᠨᠠᠷᠠᠨ ᠭᠡᠶᠢᠭᠦᠨᠡ | ᠬᠡᠳᠦᠨ ᠡᠷᠪᠡᠬᠡᠢ ᠰᠢᠭᠦᠳᠡᠷᠢ ᠶᠢᠨ ᠤᠰᠤᠨ ᠳᠤ ᠠᠯᠢᠶᠠᠯᠠᠵᠤ | ᠬᠡᠬᠡᠨᠴᠡᠷ ᠵᠢᠰᠦ ᠪᠠᠨ ᠲᠤᠯᠢᠳᠠᠨ ᠨᠠᠭᠠᠳᠤᠨᠠ | ᠬᠤᠨᠢ ᠢᠮᠠᠭᠠ ᠮᠠᠶᠢᠯᠠᠯᠳᠤᠬᠰᠠᠨ ᠲᠠᠭᠤᠨ ᠳᠤ | ᠬᠤᠷᠭᠤᠢ ᠡᠮᠵᠢᠶᠡᠷᠳᠦ ᠲᠠᠯᠠ ᠨᠢᠳᠦ ᠠᠯᠳᠠᠮᠠ ᠲᠡᠨᠢᠭᠡᠷᠳᠦᠨᠡ | ᠬᠠᠯᠢᠨ ᠳᠡᠭᠦᠯᠢᠬᠦ ᠬᠠᠷᠢᠶᠠᠴᠠᠢ ᠶᠢᠨ ᠵᠢᠭᠦᠷ ᠢ | ᠬᠠᠨ ᠲᠡᠭᠷᠢ ᠭᠦᠩᠭᠡᠬᠡᠨ ᠱᠦᠷᠭᠦᠭᠡᠵᠦ ᠬᠦᠩᠭᠦ᠋ᠢᠨᠡ | ᠰᠠᠭᠠᠬᠰᠠᠨ ᠰᠦ ᠰᠠᠭᠤᠯᠭᠠ ᠬᠦᠭᠵᠢᠮᠳᠡᠬᠦ ᠪᠠᠷ | ᠰᠠᠶᠢᠷᠠᠮ ᠤᠨ ᠤᠰᠤᠨ ᠠᠷ ᠲᠠᠳᠠᠨ ᠵᠣᠣᠮᠠᠯᠵᠠᠨᠠ | ᠮᠤᠰᠬᠢᠷᠠᠨ ᠤᠷᠭᠤᠬᠰᠠᠨ ᠱᠠᠩᠰᠢ | ᠵᠦᠭ ᠪᠦᠷᠢ ᠶᠢᠨ ᠰᠠᠯᠬᠢᠨ ᠢ ᠤᠬᠳᠤᠨ | ᠵᠣ ᠲᠠᠯᠠ ᠶᠢᠨ ᠬᠦᠪᠡᠭᠡ ᠪᠠᠷ ᠭᠡᠵᠢᠭᠡ ᠤᠨᠵᠢᠭᠤᠯᠤᠨ ᠯᠠᠬᠰᠠᠶᠢᠨᠠ | ᠬᠦᠷᠦᠰᠦᠳᠦ ᠭᠠᠵᠠᠷ ᠤᠨ ᠳᠡᠭᠡᠷᠡ ᠵᠤᠷᠢᠭ ᠪᠤᠰᠤᠭᠠ | ᠬᠦᠬᠡ ᠲᠡᠭᠷᠢ ᠶᠢᠨ ᠲᠤᠤᠷᠠ ᠰᠦᠷ ᠪᠤᠰᠤᠭᠠ | ᠴᠠᠭ ᠬᠤᠭᠤᠴᠠᠭᠠ ᠲᠡᠭᠦᠨ ᠢ | ᠭᠡᠵᠢᠭᠡᠨ ᠠᠴᠠ ᠨᠢ ᠲᠤᠭᠤᠬᠰᠢ ᠴᠢᠩᠭᠠᠭᠠᠵᠦ ᠦᠰᠭᠡᠨᠡ | ᠤᠷᠭᠤᠬᠤ ᠪᠠᠷ ᠢᠶᠠᠨ ᠤᠷᠭᠤᠵᠤ ᠮᠣᠰᠬᠢᠷᠠᠨ ᠮᠣᠰᠬᠢᠷᠠᠭᠰᠠᠭᠠᠷ | ᠤᠳᠠᠭᠠᠨ ᠵᠢᠯ ᠪᠤᠯᠤᠭᠠᠳ ᠱᠠᠩᠰᠢᠯᠠᠵᠠᠢ | ᠬᠠᠨᠠᠨ ᠳᠤ ᠡᠯᠭᠦᠭᠡ ᠮᠤᠷᠢᠨ ᠬᠤᠭᠤᠷ | ᠡᠯᠦᠨᠴᠡ ᠶᠢᠨ ᠦᠶᠡ ᠠᠴᠠ ᠣᠯᠠᠮᠵᠢᠯᠠᠭᠰᠠᠨ | ᠡᠪᠦᠭᠡ ᠶᠢᠨ ᠦᠶᠡ ᠳᠤ ᠬᠠᠩᠬᠢᠨᠠᠭᠤᠯᠤᠬᠰᠠᠨ | ᠡᠳᠦᠭᠡ ᠪᠤᠯᠤᠭᠠᠳ ᠬᠠᠨᠠᠨ ᠳᠤ ᠡᠯᠭᠦᠭᠳᠡᠭᠰᠡᠨ | ᠢᠷᠡᠬᠦ ᠮᠠᠷᠭᠠᠰᠢ ᠳᠤ ᠬᠦᠰᠡᠯ ᠲᠠᠯᠪᠢᠭᠤᠯᠤᠬᠰᠠᠨ | ᠲᠤᠪ ᠲᠤᠭᠤᠢ ᠪᠠᠶᠢᠪᠠᠴᠤ | ᠲᠤᠳᠤᠷᠠ ᠪᠠᠨ ᠲᠤᠭᠠ ᠲᠠᠢ | ᠲᠤᠯᠤᠭᠠᠢ ᠨᠢ ᠮᠤᠷᠢ ᠪᠤᠯᠬᠤᠷ | ᠲᠤᠪᠳᠤᠯᠬᠤ ᠰᠤᠪᠢᠩ ᠲᠠᠢ | ᠬᠠᠨᠠᠨ ᠳᠤ ᠡᠯᠭᠦᠭᠡ ᠡᠨᠡ ᠬᠤᠭᠤᠷ | ᠬᠡᠨ ᠢ ᠬᠦᠯᠢᠶᠡᠭᠡᠳ ᠲᠠᠭᠤᠯᠠᠬᠤ ᠦᠭᠡᠢ ᠪᠠᠶᠢᠬᠤ ᠪᠤᠯ︖ | ᠲᠡᠨᠡᠭ | ᠲᠡᠨᠡᠭᠴᠤᠤᠯ ᠤᠨ ᠲᠤᠷᠠᠰᠬᠠᠯ ᠤᠨ ᠡᠳᠦᠷ | ᠲᠡᠨᠡᠭ ᠶᠠᠪᠤᠬᠰᠠᠨ ᠮᠢᠨᠢ ᠪᠤᠳᠤᠬᠳᠠᠨᠠ | ᠲᠡᠭᠷᠢ ᠨᠤᠷᠠᠬᠰᠠᠨ ᠰᠢᠭ᠋ | ᠲᠡᠰᠭᠡᠯ ᠦᠭᠡᠢ ᠡᠮᠢᠶᠡᠵᠦ ᠪᠠᠰᠠ ᠲᠤᠬᠳᠤᠯᠵᠤ ᠠᠪᠳᠠᠭ᠃ | ᠲᠡᠨᠡᠭ ᠢᠶᠠᠷ ᠤᠪᠯᠠᠬᠤ ᠨᠢ ᠶᠡᠭᠡ ᠵᠦᠭᠡᠷ ᠰᠠᠨᠠᠬᠳᠠᠨᠠ | ᠤᠴᠢᠷ ᠲᠠᠢ ᠤᠴᠢᠷ ᠦᠭᠡᠢ ᠵᠦᠢᠯ ᠳᠤ ᠤᠷᠢᠶᠠᠬᠳᠠᠬᠤᠨ ᠢᠶᠠᠷ ᠦᠭᠡᠢ | ᠬᠡᠳᠦᠷᠬᠡᠢ ᠮᠡᠷᠭᠡᠯᠡᠯᠡ ᠭᠡᠵᠦ ᠬᠡᠯᠡᠭᠳᠡᠬᠦᠨ ᠢᠶᠠᠷ ᠦᠭᠡᠢ | ᠬᠡ ᠪᠠᠨ ᠪᠠᠷᠠᠴᠢᠬᠠᠯᠠ ᠭᠡᠵᠦ ᠬᠠᠷᠢᠶᠠᠬᠳᠠᠬᠤᠨ ᠢᠶᠠᠷ ᠦᠭᠡᠢ | ᠬᠡᠨ ᠨᠢ ᠪᠠᠰᠠ ᠨᠢᠭᠡ ᠨᠠᠰᠤᠨ ᠳᠤ ᠪᠠᠨ | ᠬᠡᠳᠦᠨ ᠲᠡᠨᠡᠭ ᠶᠠᠪᠤᠳᠠᠯ ᠬᠢᠬᠦ ᠦᠭᠡᠢ ᠪᠤᠢ︖ | ᠬᠠᠶᠠ ᠨᠢᠭᠡ ᠲᠡᠨᠡᠭ ᠶᠠᠪᠤᠳᠠᠯ ᠨᠢ ᠵᠢᠷᠦᠭᠡ ᠰᠡᠳᠬᠢᠯ ᠢ ᠰᠢᠮᠰᠢᠷᠡᠭᠦᠯᠬᠦ ᠳᠤ | ᠬᠠᠶᠠ ᠨᠢᠭᠡ ᠲᠡᠨᠡᠭ ᠶᠠᠪᠤᠳᠠᠯ ᠨᠢ ᠬᠡᠭᠦᠳᠡᠭ ᠴᠡᠭᠡᠵᠢ ᠶᠢ ᠠᠭᠤᠵᠢᠷᠠᠭᠤᠯᠳᠠᠭ | ᠶᠠᠮᠠᠷ ᠲᠡᠨᠡᠭ ᠶᠠᠪᠤᠳᠠᠯ ᠬᠢᠭᠰᠡᠨ ᠪᠤᠯ ᠭᠡᠵᠦ ᠲᠠ ᠪᠢᠳᠡᠬᠢ ᠠᠰᠠᠭᠤ | ᠶᠠᠷᠢᠭᠠᠳ ᠦᠭᠬᠦᠪᠡᠯ ᠶᠠᠮᠠᠷ ᠴᠦ ᠤᠳᠬᠠ ᠦᠭᠡᠢ ᠪᠤᠯᠴᠢᠬᠠᠨᠠ | ᠶᠠᠭᠠᠷᠠᠬᠤ ᠦᠭᠡᠢ ᠪᠤᠳᠤᠯᠬᠢᠯᠠᠪᠠᠯ ᠲᠠ ᠶᠠᠭᠠᠬᠢᠬᠰᠠᠨ ᠴᠦ ᠮᠡᠳᠡᠴᠢᠬᠡᠨᠡ | ᠶᠠᠭ ᠦᠨᠡᠨ ᠳᠤ ᠪᠠᠨ ᠴᠢ ᠪᠢᠳᠡᠨ ᠦᠭᠡᠷᠡ ᠴᠦ ᠦᠦ ᠳ᠋ᠠ | ᠲᠡᠨᠡᠭ ᠪᠤᠯᠬᠤ ᠦᠭᠡᠢ ᠶᠢᠨ ᠲᠦᠯᠦᠭᠡ | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨᠲ᠋ᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠤᠳᠬᠠ | ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ | |