| ● ᠰᠡᠴᠡᠨᠪᠢᠯᠢᠭ | ᠠᠭᠤᠯᠠᠨ ᠤ ᠪᠤᠷᠤ ᠴᠠᠷᠠᠰᠤ ᠨᠢ ᠰᠠᠯᠬᠢᠨ ᠳᠤ ᠱᠤᠤᠭᠢᠭᠰᠠᠨ ᠬᠡᠯᠳᠡᠢ | ᠤᠭᠤᠨᠤ ᠶᠢᠨ ᠬᠠᠮᠠᠷ ᠰᠢᠭ᠋ ᠰᠡᠷᠪᠡᠩ ᠤᠳ ᠡᠪᠦᠯ ᠤᠨ ᠨᠠᠷᠠᠨ ᠳᠤ ᠲᠤᠭᠵᠢᠷᠠᠨᠠ | ᠠᠭᠤᠳᠠᠮ ᠶᠡᠭᠡ ᠬᠦᠨᠳᠡᠢ ᠳᠤ ᠨᠢ ᠨᠤᠤᠯᠤᠭᠤᠷ ᠵᠤᠯᠠᠭᠰᠠᠨ ᠬᠡᠯᠳᠡᠢ | ᠤᠳᠤᠭᠠ ᠰᠤᠭᠤᠨᠠᠭᠯᠠᠭᠰᠠᠨ ᠠᠶᠢᠯ ᠳᠤ ᠶᠢᠰᠦ ᠬᠤᠨᠤᠭᠰᠠᠨ ᠦᠪᠦᠷᠵᠢᠯᠠᠭᠠ | ᠮᠠᠯ ᠤᠨ ᠬᠦᠯ ᠳᠤ ᠴᠤᠬᠤᠷᠯᠠᠭᠰᠠᠨ ᠲᠠᠯᠠ ᠶᠢᠨ ᠨᠠᠷᠢᠨ ᠵᠠᠮ ᠢᠶᠠᠷ | ᠮᠤᠷᠢᠨ ᠤ ᠨᠠᠮᠤᠬᠠᠨ ᠠᠯᠬᠤᠭᠠ ᠵᠢᠩ ᠤᠨ ᠠᠳᠠ ᠰᠢᠭ᠋ ᠵᠢᠭᠳᠡᠶᠢᠬᠡᠨ | ᠮᠠᠰᠢᠨ ᠤ ᠰᠢᠩᠭᠡᠨ ᠲᠠᠭᠤ ᠬᠡᠷ ᠤᠨ ᠪᠠᠷᠠ ᠤᠶᠢᠷᠠᠳᠤᠨᠠ | ᠮᠠᠯᠴᠢᠨ ᠤᠳᠤᠮ ᠤᠨ ᠬᠡᠷ ᠲᠤ ᠡᠪᠦᠯ ᠵᠢᠷᠭᠠᠭᠰᠠᠨ ᠦᠪᠦᠷᠵᠢᠯᠠᠭᠠ | ᠳ᠋ᠦᠩ ᠡᠪᠦᠯ ᠤᠨ ᠴᠠᠰᠤᠨ ᠡᠷᠬᠢᠨ ᠲᠠᠭᠡᠷᠡ ᠴᠢᠨᠢ ᠤᠷᠭᠤᠵᠤ | ᠲᠠᠷᠠᠭᠠ ᠬᠠᠪᠤᠷ ᠤᠨ ᠨᠤᠭᠤᠭᠠ ᠴᠠᠰᠤᠨ ᠲᠤᠤᠷᠠ ᠴᠢᠨᠢ ᠲᠤᠷᠨᠢᠭᠠᠳ | ᠲᠦᠷᠦᠬᠡ ᠰᠤᠭᠤᠯᠵᠤ ᠪᠠᠭᠤᠬᠤ ᠳᠤ ᠨᠡᠬᠦᠳᠡᠯ ᠤᠨ ᠵᠢᠪᠡᠷ ᠨᠠᠮᠬᠠᠷᠠᠭᠠᠳ | ᠲᠦᠷᠪᠡᠨ ᠴᠠᠭ ᠤᠨ ᠦᠩᠭᠡᠨ ᠳᠤ ᠪᠠᠨ ᠰᠦ ᠬᠠᠶᠠᠯᠠᠳᠠᠭ ᠬᠦᠢᠯᠡᠷ ᠡ | ᠤᠰᠤᠨ ᠤ ᠴᠢᠨᠢ ᠲᠣᠩᠭᠠᠯᠠᠭ ᠲᠤ ᠵᠠᠰᠠᠭᠳᠤ ᠨᠤᠳᠤᠭ ᠭᠠᠩᠭᠠᠷᠠᠭᠠᠳ | ᠤᠭᠤᠷᠠᠭ ᠤᠨ ᠪᠤᠮᠠᠨ ᠬᠠᠶᠠᠯᠠᠭᠠ ᠭᠠᠩ ᠵᠢᠯ ᠢᠶᠠᠨ ᠠᠷᠭᠠᠳᠠᠭᠠᠳ | ᠤᠭᠤᠴᠢᠬᠤ ᠤᠤ ᠬᠡᠬᠦ ᠳᠤ ᠤᠷᠤᠭᠤᠯ ᠲᠠᠩᠨᠠᠢ ᠵᠢᠩᠳᠡᠭᠡᠳ | ᠤᠬᠠᠭᠠᠨ ᠤ ᠴᠢᠨᠢ ᠡᠯᠳᠡᠩ ᠳᠤ ᠡᠷᠭᠢᠵᠤ ᠰᠠᠨᠠᠮᠬᠠᠨ ᠬᠦᠢᠯᠡᠷ ᠡ | ᠲᠤᠬᠤᠮ ᠬᠡᠵᠤ ᠴᠤᠬᠤᠮ ᠴᠦ ᠰᠠᠶᠢᠬᠠᠨ ᠲᠤᠬᠤᠮ ᠳ᠋ᠠ | ᠲᠤᠷᠳᠦᠩ ᠰᠢᠭ᠋ ᠯᠡ ᠨᠠᠮᠢᠷᠠᠭᠰᠠᠨ ᠦᠩ ᠦᠷᠭᠡᠨ ᠲᠤᠬᠤᠮ | ᠰᠢᠷᠳᠡᠭ ᠤᠨ ᠬᠢᠷᠢ ᠯᠡ ᠨᠤᠳᠤᠭ ᠬᠡᠵᠤ ᠪᠤᠤ ᠰᠠᠨᠠ ᠡ | ᠰᠢᠷᠠ ᠡᠪᠡᠰᠦᠨ ᠳᠤ ᠨᠢ ᠲᠤᠰᠤ ᠪᠦᠮᠪᠦᠬᠡᠨᠡᠭᠰᠡᠨ ᠰᠢᠷᠭᠠᠯ ᠲᠤᠬᠤᠮ ᠡ | ᠲᠤᠷᠮᠤᠰ ᠬᠡᠰᠡᠨ ᠬᠠᠷᠠ ᠨᠢᠳᠦᠨ ᠲᠠᠩᠳᠠ ᠡᠷᠢᠭᠳᠡᠭᠡᠳ ᠪᠠᠶᠢᠳᠠᠭ ᠲᠤᠬᠤᠮ | ᠲᠠᠯᠳᠠᠭᠤᠷ ᠨᠢᠬᠡ ᠬᠦᠷᠬᠦ ᠤᠤ ᠬᠡᠵᠦ ᠰᠠᠭᠤᠳᠠᠯ ᠠᠯᠳᠠᠭᠤᠯᠳᠠᠭ ᠲᠤᠬᠤᠮ | ᠲᠤᠮᠤᠭᠠ ᠦᠭᠡᠢ ᠬᠠᠶᠢᠷᠠ ᠪᠠᠨ ᠲᠦᠷᠡᠯᠵᠡᠬᠦᠯᠵᠤ ᠬᠠᠶᠠᠭᠰᠠᠨ ᠲᠤᠬᠤᠮ | ᠲᠠᠬᠢᠨ ᠲᠠᠬᠢᠨ ᠲᠤᠷᠠᠰᠤᠭᠤᠯᠳᠠᠭ ᠲᠠᠩᠭᠢᠯᠬᠠᠨ ᠲᠤᠬᠤᠮ ᠡ | ᠪᠠᠭᠠᠳᠤᠷ ᠲᠤᠭᠳᠠᠬᠤ ᠶᠢᠨ ᠭᠠᠩ ᠫᠤᠤ ᠨᠦᠷ ᠬᠡᠯᠡ ᠤᠤ | ᠪᠠᠯᠠᠷ ᠤᠢ ᠪᠢᠳᠡᠭᠦᠬᠡᠨ ᠱᠤᠤᠬᠢᠵᠤ ᠨᠠᠮ ᠬᠡᠯᠡ | ᠪᠠᠶᠢᠯᠳᠤᠵᠤ ᠶᠠᠪᠤᠭᠰᠠᠨ ᠭᠤᠤ ᠰᠤᠵᠠᠭ ᠠᠴᠠ ᠲᠠᠷᠢ ᠶᠢᠨ ᠦᠨᠦᠷ ᠬᠠᠩᠬᠤᠯᠠᠨᠠ | ᠪᠠᠷᠠᠭᠤᠨ ᠬᠢᠷᠠ ᠳᠤ ᠪᠠᠨ ᠲᠠᠶᠢᠨ ᠤ ᠪᠠᠭᠤᠷᠢ ᠲᠠᠢ ᠰᠤᠯᠤᠨ ᠠᠭᠤᠯᠠ | ᠤᠷᠤᠢ ᠳᠤ ᠨᠢ ᠮᠠᠴᠣᠵᠣ ᠭᠠᠷᠤᠭᠠᠤᠨ ᠦᠩᠭᠡᠷᠭᠰᠡᠨ ᠵᠠᠭᠤᠨ ᠢᠶᠠᠨ ᠡᠷᠢᠬᠦ ᠳᠤ | ᠤᠯᠠ ᠲᠤᠤᠷᠠᠭᠢ ᠴᠢᠯᠠᠭᠤᠳ ᠰᠢᠩᠬᠤᠨ ᠦᠩᠭᠡ ᠪᠠᠷ ᠬᠠᠷᠠᠭᠳᠠᠪᠠ | ᠤᠮᠤᠭ ᠲᠤᠮᠤᠭ ᠲᠠᠢ ᠵᠠᠰᠠᠭᠳᠤ ᠬᠦᠮᠦᠨ ᠴᠢᠨᠦ ᠬᠡᠪᠡᠯᠢ ᠳᠤ ᠲᠦᠯᠵᠢᠪᠡ | ᠤᠯᠠᠨ ᠮᠤᠩᠭᠤᠯ ᠶᠠᠰᠣᠳᠠᠨ ᠳᠤ ᠴᠢᠨᠦ ᠠᠯᠳᠠᠷ ᠮᠦᠩᠭᠡᠷᠡᠨᠡ ᠰᠤᠯᠤᠨ ᠠᠭᠤᠯᠠ ᠡ | ᠵᠠᠮ ᠳᠤ ᠪᠠᠶᠢᠬᠤ ᠳᠤ ᠲᠠᠩᠳᠠ ᠤᠳᠠᠰᠤ ᠢᠷᠡᠭᠡᠳ ᠯᠠ | ᠵᠠᠪ ᠦᠭᠡᠢ ᠪᠠᠶᠢᠬᠤ ᠳᠤ ᠲᠠᠩᠳᠠ ᠡᠷᠭᠡᠯᠡᠭᠡᠳ ᠪᠠᠶᠢᠳᠠᠭ ᠵᠠᠰᠠᠭᠳᠤ | ᠵᠦᠬᠡᠷ ᠰᠠᠭᠤᠬᠤ ᠳᠤ ᠲᠠᠩᠳᠠ ᠠᠷᠢᠬᠢ ᠨᠢ ᠰᠡᠩᠭᠢᠨᠡᠭᠡᠳ ᠯᠠ | ᠵᠤᠷᠢᠵᠤ ᠬᠦᠷᠬᠦ ᠳᠤ ᠲᠠᠩᠳᠡ ᠠᠯᠢᠶᠠ ᠨᠢ ᠬᠦᠳᠡᠯᠳᠡᠭ ᠵᠠᠰᠠᠭᠳᠤ | ᠵᠢᠷᠢᠮ ᠤᠨ ᠴᠢᠭᠤᠯᠭᠠᠨ ᠳᠤ ᠪᠠᠨ ᠵᠢᠰᠤᠨ ᠭᠤᠸᠠ ᠵᠠᠰᠠᠭᠳᠤ | ᠵᠢᠷᠭᠤᠭᠠᠨ ᠬᠤᠰᠢᠭᠤ ᠬᠤᠷᠴᠢᠨ ᠤ ᠬᠤᠶᠢᠮᠤᠷ ᠰᠠᠭᠤᠭᠰᠠᠨ ᠵᠠᠰᠠᠭᠳᠤ | ᠵᠢᠯ ᠤᠨ ᠨᠠᠭᠠᠨᠠ ᠲᠠᠩᠳᠠ ᠮᠦᠩᠬᠦ ᠪᠠᠷ ᠭᠤᠶᠤᠳᠠᠭ ᠵᠠᠰᠠᠭᠳᠤ | ᠵᠢᠷᠦᠬᠡᠨ ᠤ ᠴᠠᠭᠠᠨᠠ ᠲᠠᠩᠳᠠ ᠴᠠᠭᠠᠨ ᠮᠦᠷ ᠲᠠᠢ ᠵᠠᠰᠠᠭᠳᠤ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠭᠤᠤᠯ ᠤᠨ ᠪᠠᠶᠢᠰᠢᠩ | ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ |