| — ᠯᠦ ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠤᠨ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠨᠠᠷ ᠲᠤ ᠪᠠᠨ | ● ᠴᠢ᠊ · ᠲᠤᠯᠬᠢᠶᠠᠨ | ᠨᠢᠭᠡ | 2020 ᠤᠨ ᠤ ᠯᠥ ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠤᠨ 35 ᠳ᠋ᠤᠭᠠᠷ ᠬᠤᠭᠤᠴᠠᠭᠠᠨ ᠤ | ᠴᠦᠬᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠬᠦ ᠠᠩᠭᠢ ︵ᠦᠪᠦᠷ ᠮᠤᠩᠭᠤᠯ ᠤᠨ | ᠠᠩᠭᠢ︶ ᠳᠤ ᠰᠤᠷᠤᠯᠴᠠᠬᠤ ᠠᠵᠠ ᠵᠠᠪᠰᠢᠶᠠᠨ ᠢ ᠤᠯᠤᠭᠰᠠᠨ ᠳᠤ ᠪᠠᠨ ᠪᠢ ᠬᠦᠯ ᠭᠠᠵᠠᠷ ᠬᠦᠷᠬᠦ ᠦᠭᠡᠢ ᠪᠠᠶᠠᠷᠯᠠᠪᠠ᠃ | ᠨᠢᠳᠤᠨᠤᠨ ᠤ 2 ᠰᠠᠷᠠ ᠶᠢᠨ 17 ᠤ ᠡᠳᠦᠷ ᠰᠤᠷᠤᠯᠭᠠ ᠡᠬᠢᠯᠡᠬᠦ ᠭᠡᠵᠦ ᠪᠠᠶᠢᠭᠰᠠᠨ᠃ ᠭᠡᠪᠡᠴᠦ ᠰᠢᠨᠠ ᠲᠢᠳᠢᠮᠯᠢᠭ | ᠠᠭᠤᠰᠬᠢᠨ ᠦᠷᠪᠢᠰᠤᠯ ᠤᠨ ᠬᠢᠵᠢᠭ ᠡᠪᠡᠳᠴᠢᠨ ᠠᠴᠠ ᠪᠤᠯᠵᠤ ᠬᠤᠶᠢᠰᠢᠯᠠᠪᠠ᠃ ᠬᠤᠵᠢᠮ ᠨᠢ ᠰᠦᠯᠵᠢᠶᠡ ᠪᠠᠷ | ᠬᠢᠴᠢᠶᠡᠯᠯᠡᠬᠦ ᠭᠡᠵᠦ ᠰᠠᠨᠠᠯ ᠬᠤᠷᠢᠶᠠᠪᠠ᠃ ᠭᠡᠪᠡᠴᠦ ᠤᠯᠠᠭᠤᠯᠠ ᠪᠠᠨ ᠯᠥ ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ | ᠬᠦᠷᠢᠶᠡᠯᠡᠩ ᠳᠤ ᠬᠦᠷᠴᠦ ᠰᠤᠷᠤᠯᠴᠠᠵᠤ ᠲᠡᠶᠢᠯᠬᠦ ᠦᠭᠡᠢ ᠪᠤᠯ ᠲᠤᠩ ᠬᠠᠷᠠᠮᠰᠠᠯ ᠲᠠᠢ ᠭᠡᠵᠦ ᠭᠤᠶᠤᠴᠢᠯᠠᠯ | ᠭᠠᠷᠭᠠᠭᠰᠠᠨ ᠳᠤ᠂ ᠦᠪᠦᠷ ᠮᠤᠩᠭᠤᠯ ᠤᠨ ᠤᠳᠬᠠ ᠤᠷᠠᠯᠢᠭ ᠤᠨ ᠬᠢᠨ ᠤ ᠬᠤᠯᠪᠤᠭᠠ᠂ ᠵᠤᠬᠢᠶᠠᠯᠴᠢᠳ ᠤᠨ | ᠨᠡᠶᠢᠭᠡᠮᠯᠢᠭ ᠠᠴᠠ ᠬᠡᠳᠦᠨᠳᠡ ᠴᠢᠷᠮᠠᠶᠢᠵᠤ ᠪᠠᠶᠢᠭᠠᠳ ᠠᠷᠠᠢ ᠭᠡᠵᠦ ᠡᠨᠡ ᠰᠤᠷᠤᠯᠴᠠᠬᠤ ᠵᠠᠪᠰᠢᠶᠠᠨ ᠢ ᠤᠯᠭᠤᠵᠤ ᠪᠢᠯᠡ᠃ | | ᠪᠢ 2020 ᠤᠨ ᠤ 9 ᠰᠠᠷᠠ ᠶᠢᠨ 13 ᠤ ᠡᠳᠦᠷ ᠭᠡᠷ ᠠᠴᠠ ᠪᠠᠨ ᠭᠠᠷᠴᠤ᠂ ᠭᠠᠯᠳᠤ ᠲᠡᠷᠭᠡ ᠪᠠᠷ | ᠲᠠᠪᠬᠢᠭᠤᠯᠤᠭᠰᠠᠭᠠᠷ᠂ 14 ᠤ ᠡᠳᠦᠷ ᠤᠨ ᠦᠷᠯᠦᠭᠡ ᠤᠨᠢᠶᠠᠷ ᠬᠦᠳᠡᠩᠳᠦ ᠪᠡᠭᠡᠵᠢᠩ ᠬᠤᠳᠠᠨ ᠳᠤ ᠬᠦᠷᠪᠡ᠃ | ᠨᠠᠮᠠ ᠶᠢ ᠭᠠᠯᠳᠤ ᠲᠡᠷᠭᠡᠨ ᠠᠴᠠ ᠪᠠᠭᠤᠬᠤ ᠳᠤ᠂ ᠪᠡᠭᠡᠵᠢᠩ ᠬᠤᠳᠠᠨᠠ ᠰᠠᠩᠰᠠᠨ ᠪᠤᠷᠤᠭᠠᠨ ᠤᠷᠤᠵᠤ ᠪᠠᠶᠢᠪᠠ᠃ ᠯᠥ | ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠳᠤ ᠬᠦᠷᠬᠦ ᠳᠤ᠂ ᠵᠡᠭᠦᠨᠰᠢ ᠬᠠᠨᠳᠤᠭᠰᠠᠨ ᠡᠬᠦᠳᠡᠨ ᠲᠡᠭᠡᠷᠡ ᠨᠢ ︽ᠯᠥ | ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ︾ ᠭᠡᠬᠦ ᠦᠰᠦᠭ ᠬᠢᠯᠠᠯᠵᠠᠵᠤ᠂ ᠯᠥ ᠰᠢᠶᠦ᠋ᠨ ᠤ ᠬᠠᠭᠠᠰ ᠪᠡᠶᠡ ᠶᠢᠨ | ᠬᠦᠷᠦᠭ ᠡᠭᠦᠳᠡᠨ ᠤ ᠬᠠᠵᠠᠭᠤ ᠳᠤ ᠬᠠᠳᠠᠭᠠᠰᠤᠳᠠᠢ᠃ ᠶᠡᠭᠡ ᠡᠭᠦᠳᠡ ᠨᠢ ᠬᠠᠭᠠᠵᠤ ᠪᠠᠶᠢᠪᠠ᠃ ᠪᠢ ᠵᠢᠵᠢᠭ | ᠬᠠᠭᠠᠯᠭᠠ ᠪᠠᠷ ᠨᠢ ᠲᠤᠳᠤᠭᠰᠢ ᠤᠷᠤᠬᠤ ᠳᠤ᠂ ᠠᠮᠤᠷ ᠢ ᠬᠠᠮᠠᠭᠠᠯᠠᠭᠴᠢ ᠨᠢ ᠤᠭᠳᠤᠨ ᠠᠪᠴᠤ᠂ ᠮᠢᠨᠦ ᠨᠡᠷᠡ ᠶᠢ | ᠠᠰᠠᠭᠤᠭᠠᠳ᠂ ︽ᠠᠮᠠᠪᠴᠢ ᠪᠠᠨ ᠰᠤᠯᠢᠬᠤ ᠤᠤ︖︾ ᠭᠡᠵᠦ ᠰᠢᠷᠡᠭᠡᠨ ᠲᠡᠭᠡᠷᠡᠬᠢ ᠤᠭᠤᠳᠠ ᠲᠠᠢ ᠠᠮᠠᠪᠴᠢ ᠪᠠᠨ | ᠵᠢᠭᠠᠪᠠ᠃ ᠲᠡᠷᠡᠭᠡᠨ ᠬᠤᠭᠤᠷᠤᠨᠳᠤ ᠡᠨᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠯᠠᠭᠤᠨ ᠪᠦᠯᠢᠶᠡᠨ ᠳᠤ ᠰᠡᠳᠬᠢᠯ ᠢᠭᠳᠦᠯᠪᠡ᠃ | ᠶᠡᠭᠡ ᠡᠭᠦᠳᠡ ᠪᠠᠷ ᠲᠤᠳᠤᠭᠰᠢ ᠵᠠᠭᠤᠨ ᠮᠧᠲᠷ ᠬᠢᠷᠢ ᠶᠠᠪᠤᠮᠠᠭᠴᠠ ᠭᠤᠤᠯ ᠠᠰᠠᠷ ᠲᠤ ᠬᠦᠷᠴᠦ ᠲᠤᠳᠤᠭᠰᠢ | ᠤᠷᠤᠬᠤ ᠳᠤ ᠬᠡᠳᠦᠨ ᠪᠠᠭᠰᠢ ᠨᠢᠭᠡ ᠮᠦᠷ ᠢᠶᠠᠷ ᠰᠠᠭᠤᠵᠤ᠂ ᠨᠡᠷᠡ ᠮᠡᠳᠡᠭᠦᠯᠤᠨ ᠠᠪᠴᠤ ᠪᠠᠶᠢᠪᠠ᠃ ᠬᠠᠮᠤᠭ | ᠲᠦᠷᠦᠭᠦᠦ ᠪᠤᠰᠤᠭᠠᠳ ᠡᠯᠡ ᠵᠦᠢᠯ ᠤᠨ ᠮᠠᠲ᠋ᠧᠷᠢᠶᠠᠯ ᠢ ᠬᠢᠨᠠᠮᠠᠭᠠᠢ ᠪᠠᠷ ᠬᠤᠷᠢᠶᠠᠨ ᠠᠪᠴᠤ ᠢᠯᠭᠠᠨ ᠰᠠᠯᠭᠠᠵᠤ | ᠴᠠᠭᠠᠰᠤᠨ ᠬᠠᠶᠢᠷᠴᠠᠭ ᠲᠤ ᠬᠢᠵᠦ ᠪᠠᠶᠢᠭᠰᠠᠨ ᠨᠢ ᠮᠠᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠴᠧᠩ ᠶᠤᠸᠠᠨ ᠲᠦ᠋ ᠪᠠᠭᠰᠢ | ᠪᠠᠶᠢᠵᠠᠢ᠃ ᠬᠦᠮᠦᠨ ᠪᠦᠷᠢ ᠠᠮᠠᠪᠴᠢ ᠵᠡᠭᠦᠭᠰᠡᠨ ᠪᠦᠭᠡᠳ ᠠᠩᠬᠠ ᠠᠭᠤᠯᠵᠠᠵᠤ ᠪᠠᠶᠢᠬᠤ ᠲᠤᠯᠠ ᠬᠤᠶᠠᠷ ᠡᠳᠦᠷ ᠤᠨ | ᠲᠠᠷᠠᠭᠠ ᠰᠠᠶ᠋ᠢ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠪᠠᠨ ᠲᠠᠨᠢᠵᠠᠢ᠃ ᠮᠠᠨ ᠤ ᠠᠩᠭᠢ ᠶᠢᠨ ᠡᠷᠬᠢᠯᠡᠭᠴᠢ ᠴᠧᠩ ᠪᠠᠭᠰᠢ ᠦᠨᠳᠦᠷ | ᠪᠡᠶᠡ ᠲᠠᠢ᠂ ᠴᠠᠭᠠᠬᠠᠨ ᠴᠢᠷᠠᠢ ᠲᠠᠢ᠂ ᠡᠴᠡᠩᠭᠢ ᠴᠦ ᠪᠢᠰᠢ ᠮᠠᠷᠢᠶᠠ ᠲᠠᠢ ᠴᠦ ᠪᠢᠰᠢ᠂ ᠵᠠᠯᠠᠭᠤᠬᠠᠨ ᠪᠠᠭᠰᠢ ᠪᠠᠶᠢᠵᠠᠢ᠃ | | 14 ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠡᠮᠦᠨᠡ ᠨᠡᠷᠡ ᠮᠡᠳᠡᠭᠦᠯᠦᠭᠡᠳ 307 ᠦᠷᠦᠭᠡᠨ ᠳᠤ ᠪᠠᠨ ᠤᠷᠤᠵᠤ | ᠰᠠᠭᠤᠪᠠ᠃ ᠪᠢᠳᠡ ᠬᠤᠶᠠᠷ ᠬᠤᠨᠤᠭ ᠦᠷᠦᠭᠡᠨ ᠳᠤ ᠪᠠᠨ ᠲᠤᠰᠠᠭᠠᠷᠯᠠᠵᠤ᠂ ᠤᠤᠭᠤᠬᠤ ᠷᠠᠰᠢᠶᠠᠨ ᠤᠰᠤ ᠶᠢ | ᠪᠡᠯᠡᠳᠭᠡᠨ ᠦᠭᠴᠦ᠂ ᠪᠠᠰᠠ ᠦᠵᠡᠬᠦ ᠨᠤᠮ ᠲᠡᠪᠳᠡᠷ ᠨᠢᠭᠡ ᠤᠪᠤᠭᠠ ᠲᠠᠯᠪᠢᠵᠦ ᠦᠭᠪᠡ᠃ ᠡᠳᠦᠷ ᠤᠨ ᠭᠤᠷᠪᠠᠨ | ᠡᠷᠢᠨ ᠤ ᠬᠤᠭᠤᠯᠠ ︵ᠵᠢᠮᠢᠰ ᠪᠠ ᠤᠮᠳᠠᠭᠠᠨ ᠲᠠᠢ︶ ᠶᠢ ᠦᠢᠯᠡᠴᠢᠯᠡᠭᠴᠢ ᠲᠤᠭᠳᠠᠭᠰᠠᠨ ᠴᠠᠭ ᠲᠤ ᠬᠦᠷᠭᠡᠵᠦ | ᠢᠷᠡᠨᠡ᠃ ᠪᠢᠳᠡ ᠪᠠᠰᠠ ᠡ᠊ᠨᠳᠡ ᠪᠠᠶᠢᠬᠤ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ᠦᠷᠯᠦᠭᠡ ᠤᠷᠤᠢ ᠡᠳᠦᠷ ᠤᠨ ᠬᠤᠶᠠᠷ ᠤᠳᠠᠭᠠ | ᠪᠡᠶᠡ ᠶᠢᠨ ᠬᠠᠯᠠᠭᠤᠨ ᠢᠶᠠᠨ ᠮᠡᠳᠡᠭᠳᠡᠨᠡ᠃ ᠦᠨᠦ ᠬᠤᠶᠠᠷ ᠬᠤᠨᠤᠭ ᠲᠤ ᠪᠢ ᠠᠩᠭᠢ ᠶᠢᠨ ᠰᠣᠷᠤᠭᠴᠢ ᠶᠢᠨ ᠢᠶᠠᠨ | ᠡᠯᠡ ᠵᠦᠢᠯ ᠤᠨ ᠬᠦᠰᠦᠨᠦᠭᠳᠦ ᠶᠢ ᠲᠠᠭᠯᠠᠭᠰᠠᠨ ᠪᠦᠭᠡᠳ ᠨᠤᠮ ᠤᠷᠪᠠᠭᠤᠯᠵᠤ ᠰᠠᠭᠤᠪᠠ᠃ ᠡ᠊ᠨᠳᠡᠬᠢ ᠦᠷᠦᠬᠡ | ᠪᠦᠷᠢ ᠳᠤ ᠨᠢ ᠲᠧᠯᠸᠢᠰ᠂ ᠺᠤᠮᠫᠢᠥ᠋ᠲ᠋ᠧᠷ ᠪᠠᠶᠢᠬᠤ ᠨᠢ ᠦᠨᠡᠬᠡᠷ ᠲᠦᠭᠦᠮ᠃ ᠪᠢ ᠺᠤᠮᠫᠢᠦ᠋ᠲ᠋ᠧᠷ ᠲᠡᠭᠡᠷᠡ ᠡᠯᠡ | ᠵᠦᠢᠯ ᠤᠨ ᠬᠦᠰᠦᠨᠦᠭᠳᠦ ᠶᠢ ᠲᠠᠭᠯᠠᠵᠤ᠂ ᠪᠠᠰᠠ 9 ᠰᠠᠷᠠ ᠶᠢᠨ 30 ᠤ ᠡᠳᠦᠷ ᠠᠴᠠ ᠡᠮᠦᠨᠡ ᠰᠤᠷᠤᠯᠴᠠᠵᠤ | ᠲᠠᠭᠤᠰᠬᠠᠬᠤ ᠤᠯᠤᠰ ᠤᠨ ᠪᠤᠯᠪᠠᠰᠤᠷᠠᠯ ᠤᠨ ᠠᠭᠤᠯᠭᠠ ᠪᠠᠨ ᠰᠤᠷᠤᠯᠴᠠᠪᠠ᠃ ᠪᠠᠰᠠ ︽ᠦᠨᠢᠳᠡ ᠶᠢᠨ ᠯᠦ ᠰᠢᠶᠦ᠋ᠨ | ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ︾ ᠭᠡᠬᠦ ᠨᠤᠮ ᠢ ᠤᠷᠪᠠᠭᠤᠯᠵᠤ᠂ ᠡ᠊ᠨᠳᠡ ᠰᠤᠷᠤᠯᠴᠠᠵᠤ ᠦᠩᠭᠡᠷᠡᠭᠰᠡᠨ | ᠵᠤᠬᠢᠶᠠᠯᠴᠢᠳ ᠤᠨ ᠲᠤᠷᠠᠰᠤᠮᠵᠢ ᠶᠢ ᠤᠩᠰᠢᠨ ᠰᠤᠨᠢᠷᠬᠠᠵᠤ᠂ ᠲᠡᠳᠡᠨ ᠲᠠᠢ ᠬᠠᠮᠳᠤ ᠤᠶᠠᠷᠠᠵᠤ ᠲᠤᠭᠳᠤᠯᠵᠤ ᠬᠤᠶᠠᠷ | ᠬᠤᠨᠤᠭ ᠢ ᠨᠦᠭᠴᠢᠭᠡᠪᠡ᠃ | ᠬᠤᠶᠠᠷ ᠬᠤᠨᠤᠭ ᠦᠷᠦᠭᠡᠨ ᠳᠤ ᠪᠠᠨ ᠲᠤᠰᠠᠭᠠᠷᠯᠠᠭᠳᠠᠭᠰᠠᠨ ᠪᠤᠯᠪᠠᠴᠤ ᠬᠢᠬᠦ ᠠᠵᠢᠯ ᠲᠠᠢ ᠲᠤᠯᠠ ᠨᠠᠳᠠ ᠳᠤ | ᠲᠡᠶᠢᠮᠦ ᠯᠠ ᠤᠶᠢᠳᠬᠠᠷ ᠲᠠᠢ ᠰᠠᠨᠠᠭᠳᠠᠭᠰᠠᠨ ᠦᠭᠡᠢ᠃ ᠵᠦᠪᠬᠡᠨ ᠪᠠᠳᠠᠭᠠᠨᠠ ᠳᠤ ᠬᠠᠵᠠᠭᠳᠠᠵᠤ᠂ ᠬᠦᠯ ᠭᠠᠷ ᠬᠠᠴᠠᠷ | ᠪᠦᠷ ᠡ᠊ᠨᠳᠡ ᠲᠡᠨᠳᠡ ᠤᠯᠠᠶᠢᠵᠦ ᠬᠠᠪᠤᠳᠪᠠ᠃ ᠡᠨᠡ ᠪᠠᠶᠢᠳᠠᠯ ᠢ ᠮᠡᠳᠡᠭᠡᠳ᠂ ᠠᠩᠭᠢ ᠶᠢᠨ ᠪᠠᠭᠰᠢ ᠪᠢᠳᠡᠨ ᠳᠤ | ᠪᠠᠳᠠᠭᠠᠨᠠ ᠬᠦᠭᠡᠭᠡᠬᠦ ᠬᠦᠵᠢ ᠠᠪᠴᠢᠷᠠᠵᠤ ᠦᠭᠪᠡ᠃ | ᠮᠠᠨ ᠤ ᠠᠩᠭᠢ ᠶᠢᠨ ᠭᠡᠷ ᠡᠨᠡ ᠭᠤᠤᠯ ᠠᠰᠠᠷ ᠤᠨ ᠲᠠᠪᠤᠳᠤᠭᠠᠷ ᠲᠠᠪᠬᠤᠷᠯᠢᠭ ᠲᠤ ᠪᠠᠶᠢᠨᠠ᠃ 16 ᠤ | ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ᠂ ᠪᠢᠳᠡ ᠠᠩᠭᠢ ᠶᠢᠨ ᠭᠡᠷ ᠲᠤ ᠪᠠᠨ ᠴᠤᠭᠯᠠᠷᠠᠵᠤ᠂ ᠠᠩᠭᠢ ᠶᠢᠨ ᠬᠤᠷᠠᠯ ᠬᠢᠪᠡ᠃ | ᠯᠥ ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠤᠨ ᠪᠠᠭᠰᠢ ᠨᠠᠷ ᠠᠴᠠ ᠰᠤᠷᠤᠯᠴᠠᠯᠭᠠ ᠶᠢᠨ ᠬᠤᠭᠤᠴᠠᠭᠠᠨ ᠳᠠᠬᠢ | ᠲᠦᠷᠢᠮ ᠲᠤᠭᠳᠠᠭᠠᠯ ᠢ ᠠᠬᠢᠨ ᠲᠠᠬᠢᠨ ᠶᠠᠷᠢᠨ ᠦᠭᠴᠦ᠂ ᠪᠢᠳᠡᠨ ᠳᠤ ᠠᠮᠤᠷ ᠲᠦᠪᠰᠢᠨ ᠢᠶᠠᠷ ᠰᠤᠷᠤᠯᠴᠠᠬᠤ ᠶᠢ | ᠠᠩᠬᠠᠷᠤᠭᠤᠯᠪᠠ᠃ ᠲᠠᠷᠠᠭᠠ ᠨᠢ ᠮᠠᠨ ᠤ ᠠᠩᠭᠢ ᠶᠢᠨ 36 ᠰᠤᠷᠤᠯᠭᠠᠳᠠᠨ ᠠᠴᠠ ᠵᠠᠬᠠ ᠲᠠᠷᠠᠭᠠᠯᠠᠨ ᠦᠪᠡᠷ ᠢ ᠪᠠᠨ | ᠲᠠᠨᠢᠯᠴᠠᠭᠤᠯᠪᠠ᠃ ᠶᠠᠷᠢᠶᠠᠨ ᠦᠭᠡᠢ ᠦᠨᠦ ᠦᠳᠡ ᠶᠢᠨ ᠬᠤᠶᠢᠨᠠᠬᠢ ᠪᠦᠬᠦ ᠶᠠᠪᠤᠴᠠ ᠳᠤ ᠠᠮᠠᠪᠴᠢ ᠵᠡᠭᠦᠵᠦ ᠪᠠᠶᠢᠭᠠ | ᠪᠦᠭᠡᠳ ᠡᠭᠦᠨ ᠠᠴᠠ ᠬᠤᠶᠢᠰᠢ ᠶᠢᠨ ᠰᠤᠷᠤᠯᠴᠠᠯᠭᠠ ᠳᠤ ᠴᠦ ᠠᠮᠠᠪᠴᠢ ᠵᠡᠭᠦᠭᠡᠷᠡᠢ ᠭᠡᠵᠦ ᠨᠡᠷᠡ ᠮᠡᠳᠡᠭᠦᠯᠬᠦ | ᠦᠶᠡᠰ ᠲᠤ ᠪᠢᠳᠡᠨ ᠳᠤ ᠬᠦᠮᠦᠨ ᠪᠦᠷᠢ ᠳᠤ ᠬᠤᠷᠢᠨ ᠠᠮᠠᠪᠴᠢ ᠦᠭᠪᠡ᠃ | 17 ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠡᠮᠦᠨᠡ ᠰᠤᠷᠤᠯᠭᠠ ᠡᠬᠢᠯᠡᠬᠦ ᠶᠤᠰᠤᠯᠠᠯ ᠶᠠᠪᠤᠭᠳᠠᠵᠤ᠂ ᠬᠠᠮᠳᠤ ᠶᠢᠨ | ᠰᠡᠭᠦᠳᠡᠷ ᠲᠠᠳᠠᠪᠠ᠃ ᠪᠠᠭᠰᠢ ᠪᠠ ᠨᠦᠬᠦᠳ ᠤᠨ ᠢᠶᠠᠨ ᠬᠠᠯᠠᠭᠤᠬᠠᠨ ᠲᠤᠯᠠᠭᠠᠬᠠᠨ ᠨᠢᠭᠤᠷ ᠴᠢᠷᠠᠢ ᠶᠢ ᠰᠠᠶ᠋ᠢ ᠯᠠ | ᠰᠠᠶᠢᠬᠠᠨ ᠤᠯᠵᠤ ᠬᠠᠷᠠᠪᠠ᠃ 17 ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ ᠠᠴᠠ ᠰᠤᠷᠤᠯᠴᠠᠯᠭᠠ ᠵᠢᠩᠭᠢᠨᠢ ᠪᠠᠷ | ᠡᠬᠢᠯᠡᠪᠡ᠃ | ᠴᠢᠦ ᠬᠤᠸᠠ ᠳ᠋ᠦᠩ᠂ ᠪᠠᠢ ᠶᠧ᠂ ᠵᠠᠩ ᠯᠢ᠂ ᠫᠧᠩ ᠰᠢᠦᠸᠠᠢ ᠮᠢᠩ ᠵᠡᠷᠭᠡ ᠠᠯᠳᠠᠷᠳᠤ ᠵᠤᠬᠢᠶᠠᠯᠴᠢ ᠪᠤᠶᠤ | ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠭᠰᠢ ᠨᠠᠷ ᠬᠦᠮᠦᠨ ᠪᠦᠷᠢ ᠬᠠᠭᠠᠰ ᠡᠳᠦᠷ ᠤᠨ ᠬᠢᠴᠢᠶᠡᠯ ᠤᠷᠤᠪᠠ᠃ ᠤᠯᠠᠨ ᠪᠠᠭᠰᠢ ᠶᠢᠨ | ᠠᠳᠠᠯᠢ ᠪᠤᠰᠤ ᠬᠠᠷᠠᠭᠠᠰᠤ ᠠᠴᠠ᠂ ᠠᠳᠠᠯᠢ ᠪᠤᠰᠤ ᠰᠡᠳᠬᠢᠴᠡ ᠠᠴᠠ ᠵᠤᠬᠢᠶᠠᠨ ᠪᠢᠴᠢᠬᠦ ᠲᠤᠬᠠᠢ ᠲᠤᠷᠰᠢᠯᠭᠠ ᠪᠠᠨ | ᠶᠠᠷᠢᠵᠤ᠂ ᠪᠢᠳᠡᠨ ᠳᠤ ᠴᠤᠬᠤᠮ ᠬᠦ ᠦᠨᠳᠦᠷ ᠦᠨᠡ ᠦᠷᠳᠡᠭ ᠪᠦᠬᠦᠢ ᠬᠢᠴᠢᠶᠡᠯ ᠤᠷᠤᠪᠠ᠃ ᠡᠭᠦᠨ ᠳᠤ ᠤᠯᠠᠨ | ᠵᠤᠬᠢᠶᠠᠯ ᠤᠩᠰᠢᠭᠰᠠᠨ ᠵᠤᠬᠢᠶᠠᠯᠴᠢ ᠭᠡᠵᠦ ᠠᠯᠳᠠᠷᠰᠢᠭᠰᠠᠨ ᠲᠤᠮᠳᠠᠳᠤ ᠤᠯᠤᠰ ᠤᠨ ᠵᠤᠬᠢᠶᠠᠯᠴᠢᠳ ᠤᠨ | ᠨᠡᠶᠢᠭᠡᠮᠯᠢᠭ ᠤᠨ ᠱᠦᠵᠢ ᠶᠢᠨ ᠭᠠᠵᠠᠷ ᠤᠨ ᠱᠦᠵᠢ᠂ ᠵᠤᠬᠢᠶᠠᠯᠴᠢ ᠴᠢᠦ ᠬᠤᠸᠠ ᠳ᠋ᠦᠩ ᠪᠠᠭᠰᠢ ᠶᠢᠨ ︽ᠶᠡᠭᠡ | ᠵᠤᠬᠢᠶᠠᠯᠴᠢ ᠶᠢᠨ ᠵᠤᠬᠢᠶᠠᠮᠠᠯ ᠪᠤᠰᠤ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ︾ ᠭᠡᠬᠦ ᠰᠡᠳᠦᠪᠳᠦ ᠬᠢᠴᠢᠶᠡᠯ᠂ ᠪᠡᠭᠡᠵᠢᠩ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠫᠷᠤᠹᠧᠰᠰᠤᠷ᠂ ᠳ᠋ᠤᠺᠲ᠋ᠤᠷ ᠤᠨ ᠵᠢᠯᠤᠭᠤᠳᠤᠭᠴᠢ ᠪᠠᠭᠰᠢ᠂ ᠠᠯᠳᠠᠷᠳᠤ ᠬᠡᠦᠬᠡᠳ ᠤᠨ ᠵᠤᠬᠢᠶᠠᠯᠴᠢ | ᠼᠤᠤ ᠸᠧᠨ ᠰᠢᠤᠸᠠᠨ ᠪᠠᠭᠰᠢ ᠶᠢᠨ ︽ᠰᠠᠵᠢᠯᠠᠯᠳᠠ — ᠲᠤᠭᠤᠵᠢᠰ ᠤᠨ ᠬᠦᠳᠡᠯᠭᠡᠬᠦ ᠬᠦᠴᠦ︾ ᠭᠡᠬᠦ ᠰᠡᠳᠦᠪᠳᠦ | ᠬᠢᠴᠢᠶᠡᠯ᠂ ᠪᠡᠭᠡᠵᠢᠩ ᠤᠨ ᠵᠤᠬᠢᠶᠠᠯᠴᠢᠳ ᠤᠨ ᠨᠡᠶᠢᠭᠡᠮᠯᠢᠭ ᠤᠨ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠠᠯᠳᠠᠷᠳᠤ ᠲᠤᠭᠤᠵᠢᠰ ᠤᠨ | ᠵᠤᠬᠢᠶᠠᠯᠴᠢ ᠯᠢᠦ ᠴᠢᠩ ᠪᠠᠩ ᠪᠠᠭᠰᠢ ᠶᠢᠨ ︽ᠨᠠᠷᠢᠨ ᠵᠦᠢᠯᠡᠰ ᠤᠨ ᠰᠠᠶᠢᠬᠠᠨ︾ ᠭᠡᠬᠦ ᠰᠡᠳᠦᠪᠳᠦ ᠬᠢᠴᠢᠶᠡᠯ ᠮᠢᠨᠦ | ᠤᠷᠮᠠ ᠶᠢ ᠤᠨᠴᠠ ᠲᠠᠳᠠᠪᠠ᠃ ᠪᠠᠰᠠ ᠶᠠᠩ ᠰᠢ ᠪᠠᠭᠰᠢ ᠶᠢᠨ ︽ᠶᠠᠳᠤᠭᠠ ᠶᠢᠨ ᠰᠤᠨᠢᠷᠬᠠᠯ︾ ᠭᠡᠬᠦ ᠬᠢᠴᠢᠶᠡᠯᠯᠡᠭᠡ᠂ | ᠶᠠᠳᠠᠷᠠᠵᠤ ᠪᠠᠶᠢᠭᠰᠠᠨ ᠪᠡᠶᠡ ᠰᠡᠳᠬᠢᠯ ᠢ ᠤᠷᠮᠠᠰᠢᠭᠤᠯᠪᠠ᠃ | ᠡᠬᠦᠨ ᠳᠤ ᠬᠤᠶᠠᠷ ᠤᠳᠠᠭᠠᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠶᠠᠷᠢᠯᠴᠠᠭᠠ ᠪᠠ ᠬᠤᠶᠠᠷ ᠤᠳᠠᠭᠠᠨ ᠤ | ᠲᠤᠭᠤᠶᠢᠯᠠᠩ ᠬᠤᠪᠢᠶᠠᠵᠤ ᠶᠠᠷᠢᠯᠴᠠᠬᠤ ᠬᠦᠳᠡᠯᠭᠡᠭᠡᠨ ᠶᠠᠪᠤᠭᠤᠯᠪᠠ᠃ ᠤᠳᠬᠠ ᠵᠤᠬᠢᠶᠠᠯ ᠤᠨ ᠶᠠᠷᠢᠯᠴᠠᠭᠠ ᠳᠤ᠂ | ᠶᠦᠸᠧ ᠸᠧᠨ᠂ ᠯᠢᠦ ᠳ᠋ᠢᠩ ᠵᠡᠷᠭᠡ ︽ᠠᠷᠠᠳ ᠤᠨ ᠤᠳᠬᠠ ᠵᠤᠬᠢᠶᠠᠯ︾᠂ ︽ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ | ︾᠂ ︽ᠲᠤᠮᠳᠠᠳᠤ ᠤᠯᠤᠰ ᠤᠨ ᠵᠤᠬᠢᠶᠠᠯᠴᠢ︾ ᠵᠡᠷᠭᠡ ᠰᠡᠳᠭᠦᠯ ᠤᠨ ᠨᠠᠶᠢᠷᠠᠭᠤᠯᠤᠭᠴᠢ ᠪᠠᠭᠰᠢ ᠨᠠᠷ ᠤᠷᠤᠯᠴᠠᠪᠠ᠃ | ᠪᠠᠭᠠ ᠲᠤᠭᠤᠶᠢᠯᠠᠩ ᠤᠨ ᠶᠠᠷᠢᠯᠴᠠᠭᠠ ᠪᠠᠷ ᠲᠠᠮᠵᠢᠵᠤ᠂ ᠵᠤᠬᠢᠶᠠᠨ ᠪᠦᠳᠦᠭᠡᠯᠭᠡ ᠶᠢᠨ ᠢᠶᠠᠨ ᠲᠤᠬᠠᠢ | ᠶᠠᠷᠢᠯᠴᠠᠵᠤ᠂ ᠲᠤᠭᠤᠶᠢᠯᠠᠩ ᠤᠨ ᠨᠦᠬᠦᠳ ᠤᠨ ᠬᠤᠭᠤᠷᠤᠨᠳᠤᠬᠢ ᠤᠶᠢᠯᠠᠭᠠᠯᠴᠠᠯ᠂ ᠨᠦᠬᠦᠷᠯᠡᠯ ᠢᠶᠠᠨ | ᠭᠦᠨᠵᠡᠭᠡᠶᠢᠷᠡᠭᠦᠯᠪᠡ᠃ | ᠬᠤᠶᠠᠷ | ᠮᠠᠨ ᠤ ᠰᠤᠷᠤᠯᠴᠠᠯᠭᠠ ᠶᠢ ᠪᠢᠳᠡᠭᠦᠮᠵᠢᠯᠡᠵᠦ ᠬᠠᠮᠢᠶᠠᠷᠬᠤ ᠲᠤᠯᠠ ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠠᠴᠠ ᠭᠠᠷᠴᠤ | ᠪᠤᠯᠬᠤ ᠦᠭᠡᠢ᠃ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠵᠢᠵᠢᠭᠬᠡᠨ ᠬᠦᠷᠢᠶᠡᠯᠡᠩ ᠢᠶᠠᠷ ᠨᠢᠭᠡᠨ ᠵᠡᠷᠭᠡ ᠰᠤᠯᠠ ᠠᠯᠬᠤᠯᠠᠨᠠ᠃ | ᠰᠤᠷᠭᠠᠭᠤᠯᠢ ᠶᠢᠨ ᠬᠦᠷᠢᠶᠡᠨ ᠳᠤ ᠵᠠᠭᠤᠨ ᠮᠧᠲᠷ ᠤᠷᠳᠤ ᠬᠢᠷᠢ ᠯᠠ ᠭᠠᠭᠴᠠ ᠵᠤᠷᠪᠤᠰ ᠵᠠᠮ ᠲᠠᠢ᠃ ᠲᠡᠪᠡᠷᠢ | ᠪᠦᠳᠦᠭᠦᠨ ᠬᠡᠳᠦᠨ ᠮᠤᠳᠤ ᠯᠠ ᠲᠡᠭᠷᠢ ᠶᠢ ᠪᠠᠭᠠᠨᠠᠳᠠᠨ ᠰᠦᠨᠳᠡᠷᠯᠡᠵᠦ᠂ ᠡᠨᠡ ᠬᠦᠷᠢᠶᠡᠯᠡᠩ ᠤᠨ ᠦᠨᠢ ᠤᠳᠠᠭᠠᠨ | ᠪᠦᠭᠡᠳ ᠰᠦᠷ ᠰᠦᠯᠳᠡ ᠲᠠᠢ ᠭᠡᠳᠡᠭ ᠢ ᠮᠡᠳᠡᠷᠡᠬᠦᠯᠵᠦ᠂ ᠠᠭᠤᠤ ᠶᠡᠭᠡ ᠤᠳᠬᠠ ᠵᠤᠬᠢᠶᠠᠯᠴᠢ᠂ ᠪᠤᠳᠤᠯᠭᠠᠳᠠᠨ᠂ | ᠠᠷᠠᠳᠴᠢᠯᠠᠭᠰᠠᠨ ᠦᠵᠡᠯ ᠤᠨ ᠪᠠᠶᠢᠯᠳᠤᠭᠴᠢ ᠯᠥ ᠰᠢᠶᠦ᠋ᠨ ᠤ ᠬᠦᠷᠦᠭ ᠪᠠ ᠰᠡᠭᠦᠳᠡᠷ ᠵᠢᠷᠤᠭ ᠤᠳ ᠡᠨᠡ | ᠬᠦᠷᠢᠶᠡᠯᠡᠩ ᠢ ᠡᠴᠢᠨᠡ ᠬᠦᠨ ᠤᠳᠬᠠ ᠲᠡᠭᠦᠯᠳᠡᠷ ᠪᠤᠳᠤᠭᠯᠠᠵᠤ᠂ ᠦᠪᠡᠷ ᠤᠨ ᠡᠷᠭᠡ ᠦᠭᠡᠢ ᠪᠢᠰᠢᠷᠡᠨ | ᠬᠦᠨᠳᠦᠳᠭᠡᠬᠦ ᠰᠡᠳᠬᠢᠯᠬᠡ ᠤᠷᠬᠢᠯᠤᠭᠤᠯᠳᠠᠭ᠃ | ᠲᠤᠰ ᠤᠳᠠᠭᠠᠨ ᠤ ᠬᠠᠮᠳᠤ ᠰᠤᠷᠤᠯᠭᠠᠳᠡᠳ ᠪᠤᠯ ᠦᠪᠦᠷ ᠮᠤᠩᠭᠤᠯ ᠤᠨ ᠠᠷᠪᠠᠨ ᠬᠤᠶᠠᠷ ᠠᠶᠢᠮᠠᠭ | ᠬᠤᠳᠠ ᠠᠴᠠ ᠬᠦᠷᠦᠯᠴᠡᠨ ᠢᠷᠡᠭᠰᠡᠨ 36 ᠨᠡᠷᠡᠰ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠤᠷᠠ ᠪᠠᠭ᠋ᠠᠳᠠᠨ ᠢᠶᠠᠷ ᠪᠦᠷᠢᠯᠳᠦᠪᠡ᠃ | ᠡᠭᠦᠨ ᠳᠤ ᠰ᠊ · ᠡᠷᠬᠢᠮᠪᠡᠶᠠᠷ᠂ ᠬᠠ · ᠠᠯᠳᠠᠨᠪᠤᠯᠠᠭ᠂ ᠠ᠊ · ᠵᠢᠷᠤᠮᠳᠤ᠂ ᠭᠤ · ᠠᠯᠮᠠᠰ᠂ ᠤᠷᠢᠶᠠᠩᠬᠠᠢ ᠪᠤᠶᠠᠨᠳᠤ | ᠵᠡᠷᠭᠡ ᠬᠠᠮᠳᠤ ᠰᠤᠷᠤᠯᠭᠠᠳᠠᠨ ᠨᠠᠷ ᠲᠠᠢ ᠪᠠᠨ ᠨᠠᠷᠬᠢᠵᠤ ᠶᠠᠪᠤᠭᠰᠠᠨ ᠮᠢᠨᠢ ᠨᠠᠨᠳᠢᠨ ᠲᠤᠷᠠᠰᠤᠯ ᠪᠤᠯᠵᠤ ᠬᠤᠴᠤᠷᠵᠠᠢ᠃ | ᠪᠢᠳᠡ ᠠᠷᠪᠠᠨ ᠭᠤᠷᠪᠠᠭᠤᠯᠠ ᠪᠠᠨ ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠡᠳᠦᠷ ᠤᠨ ᠲᠠᠰᠬᠠᠯ ᠢᠶᠠᠨ ᠪᠡᠶᠡᠯᠡᠬᠦᠯᠵᠦ | ᠪᠠᠷᠠᠪᠠᠯ ᠨᠢᠭᠡ ᠪᠠᠶᠢᠷᠢ ᠳᠤ ᠨᠢ ᠴᠤᠭᠯᠠᠷᠠᠭᠠᠳ ᠤᠷᠠᠨ ᠵᠤᠬᠢᠶᠠᠯ ᠤᠨ ᠲᠤᠬᠠᠢ᠂ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ᠂ ᠲᠠᠨᠢᠳᠠᠭ | ᠮᠡᠳᠡᠳᠡᠭ ᠬᠦᠮᠦᠰ ᠤᠨ ᠲᠤᠬᠠᠢ ᠨᠠᠷᠭᠢᠶᠠ ᠵᠤᠭᠤᠭ ᠡᠭᠦᠰᠭᠡᠵᠦ ᠦᠳᠡᠰᠢ ᠶᠢᠨ ᠴᠠᠭ ᠢ ᠨᠦᠭᠴᠢᠭᠡᠳᠡᠭ᠃ | ᠯᠤ᠋ ᠰᠢᠶᠦ᠋ᠨ ᠤᠳᠬᠠ ᠵᠤᠬᠢᠶᠠᠯ ᠤᠨ ᠬᠦᠷᠢᠶᠡᠯᠡᠩ ᠤᠨ ᠠᠷᠪᠠᠨ ᠭᠤᠷᠪᠠᠨ ᠬᠤᠨᠤᠭ ᠲᠤ᠂ ᠪᠢᠳᠡᠨ ᠠᠷᠪᠠᠨ | ᠭᠤᠷᠪᠠᠭᠤᠯᠠ ᠪᠠᠨ ᠠᠷᠪᠠᠨ ᠭᠤᠷᠪᠠᠳᠤᠭᠠᠷ ᠵᠠᠭᠤᠨ ᠠᠴᠠ ᠤᠳᠤ᠂ ᠢᠷᠡᠭᠡᠳᠦᠢ ᠬᠦᠷᠳᠡᠯᠡ ᠵᠤᠭᠤᠭᠳᠠᠵᠤ᠂ ᠤᠷᠠᠨ | ᠵᠤᠬᠢᠶᠠᠯ ᠤᠨ ᠢᠳᠡᠭᠡᠯ ᠪᠢᠰᠢᠷᠡᠯ ᠢᠶᠠᠨ ᠨᠡᠮᠡᠭᠳᠡᠭᠦᠯᠵᠦ᠂ ᠤᠶᠤᠨ ᠪᠢᠯᠢᠭ ᠢᠶᠠᠨ ᠬᠤᠷᠴᠠᠯᠠᠵᠤ ᠨᠠᠷᠭᠢᠭᠰᠠᠨ ᠰᠠᠨ᠃ | ᠠᠷᠪᠠᠨ ᠭᠤᠷᠪᠠᠨ ᠬᠦᠮᠦᠨ ᠤ ᠬᠤᠯᠪᠤᠭᠠᠨ ᠳᠤ ᠪᠠᠨ ᠬᠠᠶᠠ ᠬᠠᠶᠠ ᠨᠠᠷᠬᠢᠶᠠ ᠰᠢᠯᠦᠭ ᠢᠯᠡᠭᠡᠵᠦ᠂ ᠨᠦᠰᠡᠷ ᠬᠦᠨᠳᠦ | ᠰᠤᠷᠤᠯᠴᠠᠯᠭᠠ ᠶᠢᠨ ᠲᠠᠷᠤᠭᠠᠰᠤ ᠪᠠᠨ ᠬᠦᠩᠭᠡᠷᠡᠬᠦᠯᠵᠦ᠂ ᠨᠢᠭᠡᠨ ᠨᠢᠭᠡᠨ ᠢᠶᠠᠨ ᠭᠠᠳᠠᠷ ᠦᠩᠭᠡ ᠵᠢᠰᠦ᠂ ᠪᠡᠶᠡ | ᠪᠢᠯᠳᠠᠷ ᠠᠴᠠ ᠨᠢ ᠲᠤᠳᠤᠭᠠᠳᠤ ᠰᠡᠳᠬᠢᠯᠭᠡ ᠳᠤ ᠨᠢ ᠬᠦᠷᠳᠡᠯᠡ ᠤᠶᠢᠯᠠᠭᠠᠭᠰᠠᠨ ᠪᠦᠬᠦᠨ ᠢᠶᠠᠨ ᠵᠢᠷᠤᠭᠯᠠᠵᠤ ᠬᠠᠷᠢᠯᠴᠠᠨ | ᠪᠠᠶᠠᠰᠤᠯᠴᠡᠨ ᠢᠨᠢᠶᠡᠯᠴᠡᠳᠡᠭ᠃ | ᠭᠤᠷᠪᠠ | 23 ᠤ ᠡᠳᠦᠷ ᠤᠨ ᠦᠳᠡ ᠶᠢᠨ ᠬᠤᠶᠢᠨᠠ᠂ ᠮᠠᠨ ᠤ ᠠᠩᠭᠢ ᠤᠷᠠᠨ ᠰᠠᠶᠢᠬᠠᠨ ᠤ ᠲᠤᠭᠯᠠᠯᠳᠠ ᠭᠠᠷᠭᠠᠪᠠ᠂ | ᠮᠠᠨ ᠤ ᠲᠦᠷᠪᠡᠳᠦᠭᠡᠷ ᠲᠤᠭᠤᠶᠢᠯᠠᠩ ᠤᠨ ᠰ᠊ · ᠲᠠᠶᠢᠨᠴᠢ᠂ ᠠ᠊ · ᠵᠢᠷᠤᠮᠳᠤ᠂ ᠪ᠊ · ᠦᠵᠦᠮᠠ ᠮᠠᠨ ᠤ ᠲᠦᠷᠪᠡᠭᠦᠯᠡ | ︽ᠪᠢ ᠮᠤᠩᠭᠤᠯ ᠬᠦᠮᠦᠨ︾ ᠭᠡᠬᠦ ᠰᠢᠯᠦᠭ ᠢ ᠤᠷᠬᠢᠯᠤᠮᠠ ᠰᠡᠳᠬᠢᠯ ᠢᠶᠠᠷ ᠤᠶᠠᠩᠭᠠᠯᠠᠪᠠ᠃ ᠬᠠ᠊ · ᠠᠯᠳᠠᠨᠪᠤᠯᠠᠭ | ᠠᠬᠠ ᠶᠢᠨ ᠤᠷᠳᠤ ᠶᠢᠨ ᠲᠠᠭᠤᠤ ᠨᠢ ᠲᠤᠭᠯᠠᠯᠳᠠ ᠶᠢ ᠤᠷᠭᠢᠯ ᠳᠤ ᠨᠢ ᠲᠤᠯᠭᠠᠵᠠᠢ᠃ | 25 ᠤ ᠤᠷᠤᠢ᠂ ᠪᠢᠳᠡ ᠬᠠᠮᠳᠤ ᠪᠠᠷ ᠲᠤᠮᠳᠠᠳᠤ ᠤᠯᠤᠰ ᠤᠨ ᠤᠳᠤ ᠦᠶᠡ ᠶᠢᠨ ᠤᠳᠬᠠ ᠵᠤᠬᠢᠶᠠᠯ ᠤᠨ | ᠤᠷᠳᠤᠨ ᠳᠤ ᠬᠦᠷᠴᠦ᠂ ᠠᠷᠪᠠᠨ ᠬᠤᠶᠠᠳᠤᠭᠠᠷ ᠬᠤᠭᠤᠴᠠᠭᠠᠨ ᠤ ᠪᠦᠬᠦ ᠤᠯᠤᠰ ᠤᠨ ᠴᠦᠬᠡᠨ ᠲᠤᠭᠠᠳᠤ | ᠦᠨᠳᠦᠰᠦᠳᠡᠨ ᠤ ᠤᠳᠬᠠ ᠵᠤᠬᠢᠶᠠᠯ ᠤᠨ ᠵᠤᠬᠢᠶᠠᠨ ᠪᠦᠳᠦᠭᠡᠬᠦ ᠠᠵᠢᠨᠠᠢ ᠱᠠᠩᠨᠠᠯ ᠤᠯᠭᠤᠬᠤ ᠶᠤᠰᠤᠯᠠᠯ ᠳᠤ | ᠤᠷᠤᠯᠴᠠᠵᠤ ᠪᠢᠯᠡ᠃ ᠱᠠᠩᠨᠠᠯ ᠤᠯᠭᠤᠬᠤ ᠶᠤᠰᠤᠯᠠᠯ ᠦᠪᠡᠳᠡᠭᠰᠢ ᠶᠡᠭᠡ ᠪᠠᠷ ᠶᠠᠪᠤᠭᠳᠠᠵᠤ᠂ ᠮᠠᠨ ᠤ ᠦᠪᠦᠷ | ᠮᠤᠩᠭᠤᠯ ᠠᠴᠠ ᠠᠵᠢᠨᠠᠢ ᠱᠠᠩᠨᠠᠯ ᠤᠯᠤᠭᠰᠠᠨ ᠲᠤᠷᠤᠨᠠᠲ᠋ᠡᠭᠷᠢ ᠪᠠᠭᠰᠢ᠂ ᠬᠠᠶᠢᠯᠤᠨᠠ᠂ ᠬᠢᠯᠭᠠᠨᠠ ᠵᠡᠷᠭᠡ | ᠵᠤᠬᠢᠶᠠᠯᠴᠢ ᠳᠤ ᠪᠠᠨ ᠪᠠᠶᠠᠷ ᠬᠦᠷᠭᠡᠵᠦ᠂ ᠪᠢᠳᠡ ᠬᠠᠮᠳᠤ ᠶᠢᠨ ᠰᠡᠭᠦᠳᠡᠷ ᠲᠠᠳᠠᠪᠠ᠃ ︽ᠠᠷᠪᠠᠨ ᠵᠢᠯ ᠤᠨ ᠲᠠᠷᠠᠭᠠ | ᠪᠢ ᠴᠦ ᠡᠨᠡ ᠲᠠᠶᠢᠰᠠᠨ ᠲᠡᠭᠡᠷᠡ ᠵᠤᠭᠰᠤᠬᠤ ᠮᠠᠭᠠᠳ︾ ᠭᠡᠵᠦ ᠬᠡᠯᠡᠭᠡᠳ ᠪ᠊ · ᠦᠵᠦᠮᠡ ᠮᠢᠨᠢ ᠤᠯᠠᠨ ᠢ | ᠢᠨᠢᠶᠡᠯᠭᠡᠭᠡᠳ ᠢᠳᠡᠭᠡᠯ ᠲᠡᠭᠦᠯᠳᠡᠷ ᠮᠦᠢᠯ ᠬᠠᠷᠡ ᠨᠢᠳᠤ ᠪᠠᠨ ᠲᠤᠷᠮᠤᠯᠵᠠᠭᠤᠯᠵᠤ ᠪᠢᠯᠡ᠃ ᠵᠠᠯᠠᠭᠤ ᠬᠦᠮᠦᠨ ᠤ | ᠵᠠᠮ ᠤᠨ ᠬᠦᠵᠦᠭᠦᠦ ᠤᠷᠳᠤ ᠪᠠᠶᠢᠭᠠᠰᠠᠢ︕ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠡᠭᠤᠨ ᠭᠠᠷᠣᠨ ᠲᠤᠮᠳᠠᠳᠤ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ | ᠵᠢᠷᠭᠤᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ | | | | |