ᠦᠭᠡᠷ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠡᠪᠦᠯ ᠤᠨ ᠬᠦᠢᠳᠡᠨ ᠰᠠᠯᠬᠢ ᠰᠡᠷ ᠰᠡᠷ ᠦᠯᠢᠶᠡᠬᠦ ᠶᠢ ᠲᠠᠭᠠᠯᠳᠤᠨ ᠬᠦᠷᠦᠭᠡᠳ | ᠢᠷᠡᠭᠰᠡᠨ ᠰᠢᠭ ᠰᠠᠨᠠᠬᠳᠠᠨᠠ᠃ | ᠯᠠ ᠰᠠᠷᠠ ᠶᠢᠨ ᠬᠤᠷᠢᠨ ᠭᠤᠷᠪᠠᠨ ᠬᠦᠷᠤᠭᠡᠳ ᠢᠷᠡᠯᠡ᠂ ᠪᠠᠭᠠ ᠰᠢᠨᠡ ᠳᠤ ᠪᠠᠨ ᠭᠠᠯ ᠤᠨ ᠪᠤᠷᠬᠠᠨ ᠢᠶᠠᠨ | ᠲᠠᠬᠢᠬᠤ ᠭᠡᠵᠦ ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠲᠡᠯᠭᠡᠬᠦᠷ ᠲᠤ ᠤᠴᠢᠵᠦ ᠪᠤᠤᠪᠤ ᠪᠤᠭᠤᠷᠰᠤᠭ᠂ ᠴᠢᠪᠠᠭᠠ ᠰᠢᠬᠢᠷ ᠴᠠᠭᠠᠨ | ᠢᠳᠡᠭᠡ ᠬᠤᠳᠠᠯᠳᠤᠨ ᠠᠪᠴᠤ᠂ ᠪᠠᠰᠠ ᠨᠢᠭᠡ ᠪᠠᠭᠴᠠ ᠬᠦᠵᠢ ᠠᠪᠴᠦ ᠪᠡᠯᠡᠳᠭᠡᠯᠠ᠃ | ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭᠠ᠂ ᠠᠪᠤ ᠭᠠᠯ ᠲᠤᠭᠤᠭᠠᠨ ᠤ ᠦᠷᠦᠭᠡᠨ ᠳᠤ ᠤᠷᠤᠵᠤ᠂ ᠭᠠᠯ ᠡᠬᠦᠰᠭᠡᠵᠦ᠂ | ᠲᠡᠭᠡᠷᠡ ᠨᠢ ᠨᠠᠩᠬᠢ ᠪᠤᠳᠠᠭᠠ᠂ ᠰᠢᠬᠢᠷ ᠪᠤᠭᠤᠷᠰᠤᠭ᠂ ᠰᠢᠨᠡᠭᠡᠨ ᠤᠬᠢᠶᠠᠬᠰᠠᠨ ᠡᠯᠳᠡᠪ ᠵᠢᠮᠢᠰ᠂ ᠴᠠᠭᠠᠨ ᠢᠳᠡᠭᠡ ᠪᠠᠨ | ᠦᠷᠦᠵᠦ ᠰᠢᠳᠠᠭᠠᠭᠠᠳ᠂ ᠬᠦᠵᠢ ᠠᠰᠠᠭᠠᠵᠦ ᠪᠠᠷᠠᠭᠠᠳ ᠮᠠᠨᠤᠰ ᠢ ᠲᠠᠭᠤᠳᠠᠨ᠄ ︽ᠭᠠᠯ ᠤᠨ ᠪᠤᠷᠬᠠᠨ ᠳᠤ ᠪᠠᠨ | ᠮᠦᠷᠬᠦᠵᠡᠭᠡᠶᠡ︾ ᠭᠡᠪᠡ᠃ ᠠᠪᠤ ᠲᠠᠬᠢᠯᠭᠠ ᠶᠢᠨ ᠵᠦᠢᠯᠡᠰ ᠢᠶᠠᠨ ᠬᠦᠳᠡᠯᠭᠡᠵᠦ ᠰᠢᠳᠠᠭᠠᠵᠦ ᠪᠠᠶᠢᠬᠤ ᠬᠤᠭᠤᠷᠤᠨᠳᠤ ᠪᠠᠨ | ᠪᠠᠰᠠ ᠠᠮᠠᠨ ᠳᠤ ᠪᠠᠨ᠄ ︽ᠭᠠᠯ ᠤᠨ ᠪᠤᠷᠬᠠᠨ ᠠᠪᠤ ᠭᠠᠯᠠᠶᠢᠬᠠᠨ ᠡᠬᠡ ᠰᠠᠬᠢᠭᠤᠯᠰᠤᠨ ᠲᠠ ᠰᠢᠬᠢᠷ ᠵᠢᠮᠢᠰ ᠠᠴᠠ ᠨᠢ | ᠠᠮᠰᠠᠵᠦ ᠵᠤᠭᠤᠬᠯᠠ᠂ ᠠᠶᠠᠨ ᠵᠠᠮ ᠳᠤ ᠪᠠᠨ ᠰᠠᠶᠢᠨ ᠶᠠᠪᠤ᠂ ᠰᠠᠶᠢᠨ ᠢ ᠨᠢ ᠬᠡᠯᠡ᠂ ᠮᠠᠭᠤ ᠶᠢ ᠨᠢ ᠲᠠᠷᠤᠭᠠᠷᠠᠢ ᠁ | ︾ ᠭᠡᠵᠦ ᠲᠠᠭᠠᠳᠬᠠᠵᠦ ᠪᠠᠶᠢᠯᠠ᠃ | ᠠᠷᠠᠳ ᠤᠨ ᠤᠯᠠᠮᠵᠢᠯᠠᠯ ᠶᠠᠷᠢᠶᠠᠨ ᠳᠤ ᠪᠠᠭᠠ ᠰᠢᠨᠡ ᠬᠤᠷᠢᠨ ᠭᠤᠷᠪᠠᠨ ᠳᠤ ᠭᠠᠯ ᠤᠨ ᠪᠤᠷᠬᠠᠨ ᠲᠡᠭᠷᠢ ᠳᠤ | ᠭᠠᠷᠴᠦ ᠲᠤᠯᠤᠭᠠᠨ ᠬᠤᠨᠤᠭ ᠤᠨ ᠬᠤᠷᠠᠯ ᠳᠤ ᠰᠠᠭᠤᠨᠠ᠂ ᠡᠨᠡ ᠬᠤᠭᠤᠷᠤᠨᠳᠦ ᠭᠠᠵᠠᠷ ᠲᠡᠯᠡᠭᠡᠢ ᠳᠤ ᠪᠤᠷᠬᠠᠨ | ᠰᠠᠬᠢᠭᠤᠯᠰᠤᠨ ᠦᠭᠡᠢ ᠲᠤᠯᠠ ᠴᠢᠳᠬᠦᠷ ᠰᠢᠮᠨᠤᠰ ᠤᠨ ᠶᠢᠷᠲᠢᠨᠴᠦ ᠪᠤᠯᠵᠦ ᠲᠤᠷᠠ ᠪᠠᠷ ᠵᠤᠷᠴᠢᠨᠠ ᠭᠡᠨᠡ᠃ | ᠡᠶᠢᠮᠤ ᠠᠴᠠ ᠬᠦᠮᠦᠰ ᠴᠠᠭᠠᠨ ᠰᠠᠷᠠ ᠫᠤᠤᠵᠢᠩ ᠲᠠᠯᠪᠢᠵᠦ ᠲᠠᠭᠤ ᠴᠢᠮᠡᠭᠡ ᠭᠠᠷᠭᠠᠨ ᠮᠠᠭᠤ ᠵᠦᠢᠯᠡᠰ ᠢ ᠠᠶᠤᠯᠭᠠᠨ | ᠰᠦᠷᠳᠡᠬᠦᠯᠵᠦ ᠵᠠᠶᠢᠯᠠᠭᠤᠯᠳᠠᠭ ᠭᠡᠨᠡ᠃ ᠰᠤᠨᠤᠰᠤᠯᠲᠠ ᠪᠠᠷ ᠭᠠᠯ ᠤᠨ ᠪᠤᠷᠬᠠᠨ ᠤ ᠠᠭᠠᠰᠢ ᠵᠠᠩ ᠨᠢ ᠪᠠᠰᠠ ᠲᠡᠶᠢᠮᠤ | ᠰᠠᠶᠢᠨ ᠪᠢᠰᠢ ᠭᠡᠨᠡ᠂ ᠤᠯᠠᠨ ᠠᠷᠪᠢᠨ ᠭᠡᠷ ᠤᠨ ᠵᠤᠤᠬᠠ ᠲᠤᠭᠤᠭᠠ ᠶᠢ ᠬᠠᠮᠢᠶᠠᠷᠴᠦ ᠪᠠᠶᠢᠬᠤ ᠪᠤᠯᠬᠤᠷ ᠠᠭᠠᠰᠢ | ᠶᠡᠭᠡ ᠲᠠᠢ ᠠᠭᠤᠷ ᠤᠮᠤᠭ ᠲᠤᠯᠬᠢᠨ ᠭᠡᠨᠡ᠂ ᠡᠶᠢᠮᠤ ᠠᠴᠠ ᠭᠠᠯ ᠤᠨ ᠪᠤᠷᠬᠠᠨ ᠢ ᠮᠤᠷᠳᠠᠭᠤᠯᠬᠤ ᠡᠳᠦᠷ ᠲᠤ ᠪᠠᠨ | ᠰᠠᠶᠢᠨ ᠲᠠᠬᠢᠯᠭᠠ ᠪᠡᠯᠡᠳᠭᠡᠬᠦ ᠦᠭᠡᠢ᠂ ᠦᠪᠡᠷ ᠤᠨ ᠢᠳᠡᠵᠦ ᠦᠯᠡᠳᠡᠭᠰᠡᠨ ᠶᠠᠭᠤᠮᠠᠰ ᠢᠶᠠᠨ ᠡᠷᠭᠦᠵᠦ ᠲᠠᠬᠢᠪᠠᠯ | ᠭᠠᠯ ᠤᠨ ᠪᠤᠷᠬᠠᠨ ᠠᠭᠤᠷᠯᠠᠵᠦ ᠲᠡᠭᠷᠢ ᠳᠤ ᠭᠠᠷᠤᠬᠰᠠᠨ ᠤ ᠲᠠᠷᠠᠭᠠ ᠬᠤᠷᠮᠤᠰᠲᠠ ᠳᠤ ᠵᠠᠭᠠᠯᠳᠤᠵᠦ ᠮᠠᠭᠤ ᠦᠭᠡ | ᠭᠡᠯᠡᠬᠦ ᠳᠤ ᠬᠦᠷᠪᠡᠯ ᠰᠢᠨᠡ ᠵᠢᠯ ᠳᠤ ᠪᠠᠨ ᠡᠨᠡᠬᠦ ᠭᠡᠷ ᠤᠨ ᠠᠯᠢᠪᠠ ᠤᠴᠢᠷ ᠤᠷᠤᠬᠰᠢ ᠦᠭᠡᠢ ᠭᠡᠨᠡ᠃ ᠡᠶᠢᠮᠤ ᠠᠴᠠ | ᠪᠠᠭᠠ ᠰᠢᠨᠡ ᠶᠢᠨ ᠡᠳᠦᠷ ᠪᠡᠯᠭᠡ ᠮᠠᠭᠤᠳᠠᠢ ᠦᠭᠡ ᠶᠠᠷᠢᠵᠦ ᠪᠤᠯᠬᠤ ᠦᠭᠡᠢ᠂ ᠬᠤᠨᠢ ᠮᠠᠯ ᠠᠯᠠᠵᠦ ᠨᠢᠳᠤᠯᠬᠤ ᠦᠭᠡᠢ | ᠵᠡᠷᠭᠡ ᠴᠡᠭᠡᠷ ᠶᠤᠰᠤ ᠲᠠᠢ ᠪᠦᠭᠡᠳ ᠭᠡᠷ ᠪᠦᠯᠢ ᠪᠠᠷ ᠢᠶᠠᠨ ᠨᠠᠭᠠᠳᠤᠮ ᠨᠠᠷᠬᠢᠵᠦ᠂ ᠰᠢᠨᠡᠯᠡᠵᠦ ᠴᠠᠭᠠᠯᠠᠬᠤ | ᠪᠡᠯᠡᠳᠭᠡᠯ ᠢᠶᠠᠨ ᠬᠢᠪᠡᠯ ᠵᠤᠬᠢᠨᠠ ᠭᠡᠳᠡᠭ᠃ | ᠤᠳᠠᠯ ᠦᠭᠡᠢ ᠪᠢᠳᠡᠬᠦᠨ ᠤ ᠡᠳᠦᠷ ᠪᠤᠯᠤᠯᠠ᠃ ᠰᠤᠨᠤᠰᠬᠤᠯᠠᠷ ᠭᠠᠯ ᠤᠨ ᠪᠤᠷᠬᠠᠨ ᠴᠤ ᠬᠠᠷᠢᠭᠠᠳ ᠢᠷᠡᠭᠰᠡᠨ | ᠪᠠᠶᠢᠯᠬᠦᠢ᠃ ᠪᠢᠳᠡ ᠬᠡᠳᠦᠨ ᠭᠡᠷ ᠢᠶᠠᠷ ᠢᠶᠠᠨ ᠬᠠᠮᠳᠦ ᠰᠢᠨᠡᠯᠡᠭᠰᠡᠨ ᠲᠤᠯᠠ ᠬᠦᠮᠦᠨ ᠤᠯᠠᠨ ᠨᠠᠶᠢᠷ ᠬᠦᠷ ᠶᠡᠬᠡᠲᠠᠢ᠃ | ᠡᠵᠢ ᠭᠠᠯ ᠲᠤᠭᠤᠭᠠᠨ ᠤ ᠦᠷᠦᠭᠡᠨ ᠳᠤ ᠮᠢᠬᠠ ᠴᠢᠨᠠᠭᠠᠳ ᠶᠠᠭᠠᠷᠠᠵᠦ᠂ ᠠᠪᠤ ᠨᠤᠭᠤᠭᠠ ᠵᠠᠭᠤᠰᠢ ᠪᠡᠯᠡᠳᠭᠡᠵᠦ | ᠪᠠᠶᠢᠨᠠ᠃ ᠪᠤᠰᠤᠳ ᠨᠢ ᠫᠤᠤᠵᠢᠩ ᠢᠶᠠᠨ ᠭᠠᠷᠭᠠᠵᠦ ᠠᠪᠤᠭᠠᠳ ᠬᠦᠷᠢᠶᠡᠨ ᠲᠤᠮᠳᠠ ᠪᠤᠳᠠᠷᠠᠲᠠᠯᠠ ᠪᠠᠨ | ᠫᠦᠷᠴᠢᠬᠢᠨᠡᠬᠦᠯᠵᠦ᠂ ᠮᠠᠨ ᠤ ᠭᠡᠷ ᠬᠦᠷ ᠨᠠᠷᠬᠢᠶᠠᠨ ᠢᠶᠠᠷ ᠪᠢᠯᠬᠠᠯᠠ᠃ ᠦᠳᠡ ᠶᠢᠨ ᠬᠤᠶᠢᠨᠠ ᠨᠢ ᠲᠡᠳᠡᠨᠤᠰ ᠰᠠᠲᠤᠨ | ᠲᠦᠷᠦᠯ ᠤᠳ ᠢ ᠪᠠᠨ ᠡᠷᠬᠢᠨᠡ ᠭᠡᠳ ᠤᠯᠠᠨ ᠠᠷᠪᠢᠨ ᠴᠠᠭᠠᠰᠦᠨ ᠬᠠᠶᠢᠷᠴᠠᠭ ᠲᠠᠢ ᠠᠷᠢᠬᠢ ᠵᠢᠮᠢᠰ ᠠᠪᠤᠭᠠᠳ ᠶᠠᠪᠤᠯᠠ | ᠂ ᠪᠢ ᠨᠠᠭᠠᠴᠤ ᠡᠮᠡᠭᠡ ᠲᠠᠢ ᠪᠠᠨ ᠬᠦᠵᠦᠷ ᠲᠤᠬᠯᠠᠵᠦ ᠨᠠᠭᠠᠳᠪᠠ᠃ ᠤᠷᠤᠢ ᠶᠢᠨ ᠬᠤᠭᠤᠯᠠᠨ ᠤ ᠲᠠᠷᠠᠭᠠ ᠠᠪᠤ | ᠲᠡᠭᠡᠳᠦᠰ ᠲᠤ ᠪᠠᠨ ᠲᠦᠯᠡᠰᠢ ᠦᠭᠬᠦ ᠪᠠᠷ ᠪᠢᠳᠡᠬᠦᠨ ᠤ ᠮᠢᠬᠠᠨ ᠤ ᠲᠡᠭᠡᠵᠢ ᠪᠠ ᠪᠦᠬᠦ ᠨᠤᠭᠤᠭᠠ ᠵᠠᠭᠤᠰᠢ ᠶᠢᠨ | ᠲᠡᠭᠡᠵᠢ᠂ ᠬᠠᠶᠢᠴᠢᠯᠠᠬᠰᠠᠨ ᠲᠦᠷᠪᠡᠯᠵᠢᠨ ᠪᠦᠰ᠂ ᠰᠢᠬᠢᠷ ᠵᠢᠮᠢᠰ᠂ ᠴᠠᠭᠠᠨ ᠢᠳᠡᠭᠡ᠂ ᠠᠷᠢᠬᠢ ᠲᠠᠮᠠᠬᠢ | ᠪᠦᠬᠦᠳᠡ ᠶᠢ ᠪᠠᠨ ᠠᠪᠴᠤ᠂ ᠬᠤᠳᠠ ᠶᠢᠨ ᠲᠡᠬᠦᠷᠭᠡ ᠠᠴᠠ ᠬᠤᠯᠠ ᠴᠡᠪᠡᠷᠭᠡᠨ ᠬᠠᠷᠠ ᠭᠠᠵᠠᠷ ᠡᠷᠢᠵᠦ ᠴᠠᠭᠠᠰᠤ ᠪᠠᠨ | ᠰᠢᠳᠠᠭᠠᠭᠠᠳ ᠲᠡᠭᠡᠷᠡ ᠨᠢ ᠪᠦᠬᠦ ᠲᠠᠬᠢᠯᠭᠠ ᠶᠢᠨ ᠵᠦᠢᠯᠡᠰ ᠢ ᠪᠠᠨ ᠦᠷᠦᠵᠦ ᠰᠢᠳᠠᠭᠠᠯᠠ᠃ ᠲᠠᠬᠢᠯᠭᠠ ᠲᠠᠯᠪᠢᠵᠦ | ᠪᠠᠶᠢᠭᠠ ᠭᠠᠯ ᠤᠨ ᠢᠶᠠᠨ ᠭᠠᠳᠠᠭᠤᠷ ᠨᠢᠭᠡ ᠴᠠᠭᠠᠷᠢᠭ ᠵᠢᠷᠤᠵᠦ᠂ ᠴᠠᠭᠠᠷᠢᠭ ᠨᠢ ᠪᠠᠰᠠ ᠨᠢᠭᠡ ᠡᠬᠦᠳᠡ ᠲᠠᠢ᠃ ᠪᠠᠷᠤᠭ | ᠲᠡᠬᠦᠨ ᠢᠶᠠᠷ ᠨᠢ ᠲᠡᠭᠡᠳᠦᠰ ᠤᠨ ᠰᠦᠨᠡᠰᠦ ᠤᠷᠤᠵᠦ ᠭᠠᠷᠳᠠᠭ ᠭᠡᠵᠤ ᠤᠤ︖ ᠭᠡᠵᠦ ᠪᠢ ᠪᠤᠳᠤᠵᠦ ᠠᠮᠵᠢᠪᠠ᠃ | ᠮᠦᠷᠬᠦᠵᠦ ᠪᠠᠶᠢᠬᠤ ᠳᠤ ᠪᠠᠨ ᠲᠡᠭᠡᠳᠦᠰ ᠲᠤ ᠪᠠᠨ ᠵᠠᠯᠪᠠᠷᠢᠨ ᠲᠠᠭᠠᠳᠬᠠᠵᠦ᠂ ᠰᠢᠨᠡ ᠨᠢᠭᠡ ᠵᠢᠯ ᠳᠤ ᠦᠷᠡ | ᠬᠤᠶᠢᠴᠢᠰ ᠢᠶᠠᠨ ᠢᠪᠡᠭᠡᠨ ᠲᠡᠳᠬᠦᠵᠦ ᠡᠪᠡᠳᠴᠢᠨ ᠡᠮᠭᠡᠭ ᠡᠯᠳᠡᠪ ᠪᠠᠷᠴᠢᠳ ᠠᠴᠠ ᠵᠠᠶᠢᠯᠠᠭᠤᠯᠬᠤ ᠶᠢ ᠲᠠᠭᠠᠳᠬᠠᠨ | ᠵᠠᠯᠪᠠᠷᠢᠵᠦ᠂ ᠠᠯᠢᠪᠠ ᠪᠦᠬᠦᠨ ᠰᠠᠶᠢᠨ ᠰᠠᠶᠢᠬᠠᠨ ᠪᠠᠶᠢᠬᠤ ᠶᠢ ᠬᠦᠰᠡᠨ ᠲᠠᠭᠠᠳᠬᠠᠪᠠ᠃ ᠠᠪᠤ ᠴᠠᠭᠠᠰᠤᠨ | ᠵᠤᠭᠤᠰ ᠢ ᠨᠢ ᠰᠢᠳᠠᠭᠠᠵᠤ ᠪᠠᠶᠢᠬᠤ ᠲᠤᠮᠳᠠ ᠪᠠᠨ᠄ ︽ᠪᠦᠰ ᠢᠶᠠᠷ ᠨᠢ ᠬᠤᠪᠴᠠᠰᠤ ᠬᠢᠵᠦ ᠡᠮᠦᠰ ᠡ᠂ | ᠠᠷᠢᠬᠢᠨ ᠠᠴᠠ ᠨᠢ ᠠᠮᠰᠠ᠂ ᠮᠢᠬᠠ ᠠᠴᠠ ᠨᠢ ᠵᠤᠭᠤᠬᠯᠠ᠂ ᠰᠢᠬᠢᠷ ᠵᠢᠮᠢᠰ ᠢ ᠨᠢ ᠢᠳᠡ ᠁︾ ᠭᠡᠵᠦ ᠰᠢᠪᠡᠨᠡᠨ | ᠬᠡᠯᠡᠵᠦ ᠪᠠᠶᠢᠯᠠ᠃ | ᠤᠷᠤᠢ ᠨᠢ ᠴᠠᠭᠠᠨ ᠰᠠᠷᠠ ᠶᠢᠨ ᠦᠳᠡᠰᠢᠯᠡᠭᠡ ᠦᠵᠡᠵᠦ ᠪᠠᠶᠢᠬᠤ ᠬᠤᠭᠤᠷᠤᠨᠳᠤ ᠪᠠᠨ ᠪᠠᠩᠰᠢ ᠪᠠᠷᠢᠬᠤ | ᠵᠦᠢᠯᠡᠰ ᠢ ᠪᠠᠨ ᠪᠡᠯᠡᠳᠭᠡᠵᠦ ᠠᠮᠵᠢᠪᠠ᠃ ᠰᠤᠨᠤᠰᠬᠤᠯᠠᠷ ᠪᠠᠩᠰᠢ ᠢᠳᠡᠬᠦ ᠲᠠᠳᠬᠠᠯ ᠨᠢ ᠪᠠᠰᠠ ᠭᠡᠷ ᠭᠡᠷ ᠠᠳᠠᠯᠢ | ᠦᠭᠡᠢ ᠪᠠᠶᠢᠳᠠᠭ᠂ ᠤᠯᠠᠩᠬᠢ ᠭᠡᠷ ᠨᠢ ᠪᠦᠷ ᠰᠦᠨᠢ ᠲᠦᠯᠢ ᠠᠷᠪᠠᠨ ᠬᠤᠶᠠᠷ ᠴᠠᠭ ᠤᠨ ᠦᠶᠡ ᠪᠠᠷ ᠢᠳᠡᠳᠡᠭ | ᠪᠠᠶᠢᠬᠤ ᠳᠤ ᠮᠠᠨᠠᠶᠢᠬᠢ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠰᠠᠶ᠋ᠢ ᠴᠢᠨᠠᠵᠦ ᠢᠳᠡᠳᠡᠭ ᠪᠠᠶᠢᠯᠠ᠃ ᠨᠠᠮᠠ ᠶᠢ ᠰᠡᠷᠠᠳᠡᠯᠡ ᠪᠠᠩᠰᠢ | ᠪᠠᠷᠤᠭ ᠪᠡᠯᠡᠨ ᠪᠤᠯᠴᠢᠬᠠᠳᠠᠭ᠃ ᠠᠪᠤ ᠡᠵᠢ ᠪᠦᠷ ᠡᠷᠳᠡ ᠪᠤᠰᠴᠦ ᠮᠦᠷ ᠭᠠᠷᠭᠠᠳᠠᠬ ᠭᠡᠨᠠ᠂ ︽ᠮᠦᠷ ᠭᠠᠷᠭᠠᠬᠤ︾ | ᠭᠡᠳᠡᠭ ᠨᠢ ᠨᠠᠷᠠ ᠭᠠᠷᠬᠤ ᠠᠴᠠ ᠡᠮᠦᠨᠡ ᠪᠤᠰᠴᠦ ᠨᠢᠭᠡ ᠵᠢᠯ ᠤᠨ ᠪᠤᠶᠠᠨ ᠤ ᠵᠦᠭ᠂ ᠡᠳ᠋ ᠤᠨ ᠬᠡᠰᠢᠭ ᠤᠨ ᠵᠦᠭ | ᠭᠡᠬᠦ ᠮᠡᠳᠦ ᠪᠠᠷ ᠦᠯᠵᠡᠢ ᠮᠦᠷ ᠲᠠᠢ ᠵᠦᠭ ᠲᠤ ᠭᠠᠷᠴᠦ ᠵᠠᠭᠤᠨ ᠠᠯᠬᠤᠮ ᠠᠯᠬᠤᠳᠠᠭ ᠭᠡᠨᠡ᠂ ᠠᠯᠬᠤᠬᠤ ᠳᠤ ᠪᠠᠨ | ᠦᠭᠡ ᠲᠤᠤᠭᠠᠷᠴᠦ ᠪᠤᠯᠬᠤ ᠦᠭᠡᠢ᠂ ᠪᠤᠴᠠᠵᠦ ᠢᠷᠡᠬᠦ ᠵᠠᠮ ᠳᠤ ᠪᠠᠨ ᠬᠦᠮᠦᠨ ᠲᠠᠭᠠᠷᠠᠬᠰᠠᠨ ᠴᠤ ᠬᠡᠯᠡᠯᠴᠡᠳᠡᠭ ᠦᠭᠡᠢ | ᠭᠡᠨᠡ᠃ ᠪᠢ ᠪᠠᠰᠠ ᠡᠷᠳᠡ ᠪᠤᠰᠴᠦ ︽ᠮᠦᠷ ᠭᠠᠷᠭᠠᠬᠤ︾ ᠶᠢ ᠰᠠᠨᠠᠬᠰᠠᠭᠠᠷ ᠪᠤᠯᠪᠠᠴᠤ ᠡᠳᠦᠢ ᠪᠤᠯᠳᠠᠯᠠ ᠪᠤᠰᠴᠦ | ᠲᠡᠶᠢᠯᠦᠭᠡ ᠦᠭᠡᠢ᠂ ᠶᠡᠷᠦ ᠠᠴᠠ ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ︽ᠮᠦᠷ ᠭᠠᠷᠭᠠᠵᠦ︾ ᠠᠮᠵᠢᠭᠠᠳᠤᠢ ᠶᠤᠮ᠃ ᠲᠠᠷᠠᠭᠠ ᠵᠢᠯ | ᠶᠠᠭᠠᠬᠢᠬᠰᠠᠨ ᠴᠤ ᠨᠢᠭᠡ ᠴᠢᠷᠮᠠᠶᠢᠵᠦ ᠦᠵᠡᠶᠡ ᠳ᠋ᠠ᠂ ᠮᠠᠭᠠᠳ ᠲᠠᠢ ᠤᠤ ᠳ᠋ᠠ᠂ ᠭᠡᠨᠡᠳᠳᠡ ᠪᠠᠶᠢᠬᠰᠠᠭᠠᠷ | ᠰᠤᠷᠤᠯᠭᠠ ᠶᠢᠨ ︽ᠸᠠᠩ︾ ᠪᠤᠯᠴᠢᠬᠠᠵᠦ ᠬᠢᠴᠢᠶᠡᠯ ᠪᠦᠷᠢ ᠳᠤ ᠪᠠᠨ ᠲᠡᠷᠢᠬᠦᠯᠡᠭᠡᠳ ᠪᠠᠶᠢᠪᠠᠯ ᠴᠤᠬᠤᠮ ᠶᠠᠷᠰᠢᠭ ᠡ | ᠭᠡᠵᠦ ᠪᠤᠳᠤᠭᠠᠳ ᠢᠨᠢᠶᠡᠳᠦ ᠬᠦᠷᠴᠦ ︽ᠫᠦᠰ︾ ᠬᠢᠳᠡᠯᠡ ᠢᠨᠢᠶᠡᠪᠡ᠃ ᠡᠵᠢ ᠬᠠᠷᠠᠴᠢᠬᠠᠭᠠᠳ᠄ ︽ᠮᠢᠨᠤ ᠦᠬᠢᠨ | ᠤᠯᠠᠭᠠᠨ ᠪᠠᠭᠯᠠᠭᠠ ᠤᠯᠬᠤ ᠪᠠᠨ ᠪᠤᠳᠤᠭᠠᠳ ᠤᠷᠢᠳᠠᠪᠠᠷ ᠪᠠᠶᠠᠷᠯᠠᠭᠠᠳ ᠢᠨᠢᠶᠡᠵᠦ ᠪᠠᠶᠢᠨᠠ ᠦᠦ︾ ᠭᠡᠨᠡ᠃ | ᠦᠶᠡ ᠵᠡᠷᠭᠡ ᠪᠠᠷ ᠢᠶᠠᠨ ᠮᠦᠷᠯᠡᠵᠦ ᠵᠤᠬᠰᠤᠭᠠᠳ ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠳᠤ ᠮᠦᠷᠬᠦᠬᠦ ᠪᠠᠷ ᠪᠤᠯᠤᠯᠠ᠃ | ᠠᠪᠤ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠤᠨ ᠡᠮᠤᠨᠡᠳᠤ ᠬᠤᠰᠢᠭᠤ ᠪᠠᠷ ᠰᠤᠷᠪᠤᠯᠵᠢᠯᠠᠵᠦ ᠶᠠᠪᠤᠬᠰᠠᠨ ᠪᠠᠶᠢᠳᠠᠯ ᠢᠶᠠᠨ | ᠲᠤᠷᠠᠰᠴᠦ᠄ ︽ᠮᠠᠯᠵᠢᠬᠤ ᠤᠷᠤᠨ ᠳᠤ ᠡᠮᠦᠨᠡ ᠳᠤ ᠪᠠᠨ ᠬᠡᠤᠭᠡᠳ ᠰᠢᠨᠡ ᠶᠢᠨ ᠲᠡᠷᠢᠬᠦᠨ ᠮᠦᠷᠬᠦᠬᠦ ᠶᠢ ︿ᠪᠡᠯᠭᠡ | ᠮᠡᠳᠡᠬᠦᠯᠬᠦ﹀ ︿ᠪᠢᠯᠢᠭ ᠮᠡᠳᠡᠬᠦᠯᠬᠦ﹀ ᠭᠡᠬᠦ ᠪᠠᠷ ᠬᠤᠪᠢᠶᠠᠳᠠᠭ ᠭᠡᠵᠤ ᠪᠢᠳᠡᠨ ᠳᠤ ᠲᠠᠶᠢᠯᠪᠦᠷᠢᠯᠠᠪᠠ᠃ ᠪᠢᠴᠢᠭ | ᠰᠤᠶᠤᠯ ᠤᠨ ᠮᠦᠷ ᠬᠦᠭᠡᠭᠡᠵᠦ ᠪᠠᠶᠢᠭᠠ ᠬᠦᠮᠦᠰ ᠨᠢ ᠨᠠᠰᠤᠲᠠᠳ ᠲᠤ ᠪᠠᠨ ᠠᠷᠢᠬᠢ ᠪᠠᠷᠢᠵᠦ ᠮᠦᠷᠬᠦᠬᠦ ᠶᠢ ︿ᠪᠢᠯᠢᠭ | ᠮᠡᠳᠡᠬᠦᠯᠬᠦ﹀ ᠭᠡᠵᠦ ᠬᠡᠯᠡᠳᠡᠭ᠂ ᠠᠵᠢᠯ ᠶᠠᠪᠤᠳᠠᠯ ᠳᠤ ᠤᠷᠤᠬᠰᠠᠨ ᠬᠦᠮᠦᠰ ᠨᠢ ᠮᠦᠷᠬᠦᠬᠦ ᠶᠢ ︿ᠪᠡᠯᠭᠡ ᠮᠡᠳᠡᠬᠦᠯᠵᠦ﹀ | ᠪᠠᠶᠢᠨᠠ ᠭᠡᠳᠡᠭ ᠭᠡᠨᠠ᠃ | ᠵᠠ ᠶᠠᠭᠤ ᠴᠤ ᠪᠤᠯᠤᠬᠰᠠᠨ ᠨᠢᠭᠡ ᠶᠠᠭᠤᠮᠠ ᠶᠢ ᠨᠢ ᠮᠡᠳᠡᠬᠦᠯᠵᠦ ᠪᠠᠶᠢᠭᠠᠳ ᠯᠡ ᠤᠯᠠᠭᠠᠨ ᠪᠠᠭᠯᠠᠭᠠ ᠤᠯᠵᠦ | ᠠᠪᠬᠤ ᠨᠢ ᠤᠯᠵᠠ ᠭᠡᠵᠦ ᠪᠢ ᠪᠤᠳᠤᠪᠠ᠃ ︽ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠶᠢᠨ ᠤᠷᠳᠤ ᠨᠠᠰᠤᠯᠠᠵᠦ ᠤᠳᠠᠭᠠᠨ | ᠵᠢᠷᠭᠠᠬᠤ ᠶᠢ ᠵᠦᠩᠨᠡᠵᠦ ᠪᠠᠶᠢᠨᠠ︾ ᠭᠡᠳ ᠯᠡ ᠮᠦᠷᠬᠦᠪᠡ᠃ ᠲᠡᠭᠡᠭᠰᠡᠨ ᠴᠢᠨᠢ ᠨᠠᠭᠠᠴᠤ ᠡᠪᠦᠭᠡ ᠡᠮᠡᠭᠡ ᠠᠴᠠ᠄ ︽ | ᠦᠭᠡᠳᠡ ᠲᠠᠢ ᠶᠠᠪᠤ᠂ ᠦᠯᠵᠡᠶᠢᠲᠠᠢ ᠶᠠᠪᠤ᠂ ᠡᠳᠦᠷ ᠪᠦᠷᠢ ᠵᠤᠯ ᠵᠢᠷᠭᠠᠯ ᠲᠠᠢ ᠶᠠᠪᠤ︾ ᠭᠡᠵᠦ ᠢᠷᠦᠭᠡᠪᠡ᠃ ᠬᠤᠶᠠᠷ | ᠨᠠᠰᠤᠲᠠᠨ ᠨᠠᠳᠠᠳᠤ ᠪᠠᠭᠯᠠᠭᠠᠲᠠᠢ ᠮᠢᠩᠭᠠᠨ ᠲᠦᠬᠦᠷᠢᠭ ᠦᠭᠬᠦᠯᠡ᠃ ᠲᠡᠭᠡᠳᠡᠯᠡ ᠭᠠᠷ ᠤᠳᠠᠰᠤᠨ ᠲᠡᠭᠡᠷᠡ ᠭᠠᠳᠠᠨᠠ | ᠰᠢᠨᠡᠯᠡᠭᠰᠡᠨ ᠬᠤᠶᠠᠷ ᠨᠠᠭᠠᠴᠤ ᠡᠵᠢ ᠮᠦᠨ ᠤᠯᠠᠭᠠᠨ ᠪᠠᠭᠯᠠᠭᠠ ᠢᠷᠡᠬᠦᠯᠵᠦ ᠪᠠᠶᠢᠯᠠ᠃ ᠲᠤᠭᠠᠯᠠᠵᠦ ᠵᠠᠪᠳᠤᠭᠠᠳᠤᠢ | ᠪᠠᠶᠢᠳᠠᠯᠠ ᠡᠵᠢ᠄ ︽ᠵᠠ ᠡᠵᠢ ᠨᠢ ᠦᠬᠢᠨ ᠳᠤ ᠪᠠᠨ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠵᠦ ᠦᠭᠭᠦᠶᠡ︾ ᠭᠡᠬᠦ ᠳᠤ ᠪᠦᠬᠦᠳᠡᠭᠡᠷ ︽ | ᠨᠢᠷ︾ ᠬᠢᠳᠡᠯᠡ ᠢᠨᠢᠶᠡᠯᠴᠡᠪᠡ᠃ ᠤᠴᠢᠷ ᠨᠢ ᠭᠠᠷ ᠤᠳᠠᠰᠤᠨ ᠤ ᠨᠠᠶᠢᠵᠢ ᠶᠢᠨ ᠲᠤᠭᠤᠷᠢᠭ ᠲᠤ᠄ ︽ᠰᠢᠨᠡ ᠶᠢᠨ | ᠨᠢᠭᠡᠨ ᠤ ᠦᠷᠯᠦᠭᠡ ᠶᠢᠨ ᠤᠯᠠᠭᠠᠨ ᠪᠠᠭᠯᠠᠭᠠ ᠶᠢ ᠴᠢᠨᠢ ᠡᠵᠢ ᠴᠢᠨᠢ ᠰᠠᠶᠢᠬᠠᠨ ᠬᠠᠳᠠᠭᠠᠯᠠᠵᠦ ᠦᠭᠬᠦᠶᠡ︾ ᠭᠡᠰᠡᠨ | ᠶᠡᠷᠦᠮᠳᠡᠭ ᠮᠡᠬᠡᠯᠡᠯ ᠤᠨ ᠱᠤᠭ ᠵᠢᠷᠤᠭ ᠲᠠᠮᠵᠢᠬᠳᠠᠵᠤ ᠪᠠᠶᠢᠬᠰᠠᠨ ᠢ ᠡᠵᠢ ᠠᠴᠠ ᠤᠨᠳᠤᠤ ᠨᠢ ᠪᠦᠷ ᠦᠵᠡᠵᠦ | ᠠᠮᠵᠢᠭᠠᠳ ᠪᠠᠶᠢᠬᠰᠠᠠ ᠢ ᠡᠵᠢ ᠮᠡᠳᠡᠭᠡ ᠦᠭᠡᠢ ᠪᠠᠶᠢᠵᠠᠢ᠃ | ᠰᠢᠨᠡ ᠵᠢᠯ ᠤᠨ ᠪᠠᠩᠰᠢ ᠪᠠᠨ ᠢᠳᠡᠵᠡᠭᠡᠯᠡ᠃ ᠪᠠᠩᠰᠢ ᠲᠤᠳᠤᠷᠠ ᠪᠠᠨ ᠤᠯᠠᠭᠠᠨ ᠰᠢᠬᠢᠷ᠂ ᠲᠡᠮᠦᠷᠯᠢᠭ ᠵᠤᠭᠤᠰ | ᠬᠢᠭᠡᠳ ᠪᠠᠷᠢᠬᠰᠠᠨ ᠨᠢ ᠪᠦᠷ ᠨᠠᠳᠠᠳᠤ ᠤᠯᠳᠠᠵᠠᠢ᠃ ᠪᠠᠷᠤᠭ ᠨᠠᠭᠠᠴᠤ ᠡᠮᠡᠭᠡ ᠨᠠᠭᠠᠴᠤ ᠡᠪᠦᠭᠡ ᠨᠠᠮᠠ ᠳᠤ ᠡᠷᠢᠭᠡᠳ | ᠦᠭᠴᠢᠭᠡᠭᠰᠡᠨ ᠪᠠᠶᠢᠵᠦ ᠮᠡᠳᠡᠨᠡ᠃ ᠲᠡᠭᠡᠭᠡᠳ ᠯᠡ ᠲᠤᠯᠢᠶᠠ ᠴᠢᠨᠢ ᠡᠨᠡ ᠵᠢᠯ ᠶᠤᠰᠤᠲᠠᠢ ᠤᠯᠵᠠ ᠤᠮᠤᠭ ᠲᠠᠢ᠂ | ᠠᠷᠪᠢᠨ ᠪᠠᠶᠠᠷ ᠲᠠᠢ ᠬᠦᠮᠦᠨ ᠪᠠᠶᠢᠨᠠ ᠭᠡᠵᠦ ᠪᠦᠬᠦᠳᠡᠭᠡᠷ ᠪᠠᠶᠠᠰᠪᠠ᠃ | ᠪᠠᠩᠰᠢ ᠪᠠᠨ ᠢᠳᠡᠵᠦ ᠪᠠᠷᠠᠭᠠᠳ ᠠᠨᠢᠶᠠ᠄ ︽ᠵᠠ ᠵᠠ ᠰᠢᠨᠡᠯᠡᠨᠡ ᠴᠠᠭᠠᠯᠠᠨᠠ ᠭᠡᠳ ᠯᠡ ᠰᠢᠷᠪᠦᠰᠦ ᠪᠠᠨ | ᠰᠤᠨᠳᠠᠯᠠ ᠬᠦᠶᠦᠳᠡᠭ ᠶᠤᠮ᠂ ᠤᠳᠤ ᠰᠢᠨᠡᠯᠡᠭᠡᠳ ᠪᠠᠷᠠᠴᠢᠬᠠᠵᠠᠢ︾ ᠭᠡᠬᠦ ᠳᠤ ᠨᠠᠭᠠᠴᠤ ᠡᠮᠡᠭᠡ᠄ ︽ᠬᠦᠶ᠋ᠢ ᠬᠠᠮᠢᠭᠠ | ᠪᠠᠶᠢᠬᠰᠠᠨ ᠶᠤᠮ︖ ᠰᠢᠨᠡ ᠶᠢᠨ ᠲᠠᠪᠤᠨ ᠳᠤ ᠪᠠᠩᠰᠢ ᠢᠳᠡᠨᠡ᠂ ᠠᠷᠪᠠᠨ ᠲᠠᠪᠤᠨ ᠳᠤ ᠳ᠋ᠧᠩ ᠦᠵᠡᠨᠡ᠂ ᠬᠤᠯᠠ | ᠪᠠᠶᠢᠬᠰᠠᠭᠠᠷ ᠳ᠋ᠠ︾ ᠭᠡᠨᠡ᠃ ᠨᠠᠭᠠᠴᠤ ᠡᠪᠦᠭᠡ᠄ ︽ᠰᠢᠨᠡᠯᠡᠬᠦ ᠲᠤᠷᠠ ᠲᠠᠢ ᠬᠦᠮᠦᠰ ᠲᠤ ᠪᠤᠯ ᠨᠡᠭᠡᠷᠡᠨ ᠬᠤᠯᠠ | ᠪᠠᠶᠢᠨᠠ ᠰᠢᠤ᠂ ᠮᠠᠨ ᠤ ᠨᠤᠳᠤᠭ ᠤᠨ ᠮᠤᠩᠭᠤᠯᠴᠤᠳ ᠤᠨ ᠤᠤᠯ ᠤᠨ ᠬᠡᠯᠡᠯᠭᠡ ᠪᠠᠷ ᠪᠤᠯ ᠬᠦᠭᠡ ᠡᠪᠡᠰᠦ | ᠬᠦᠯᠦᠭ ᠤᠨ ᠲᠤᠭᠤᠷᠠᠢ ᠶᠢ ᠲᠠᠪᠠᠪᠠᠯ ᠰᠠᠶ᠋ᠢ ᠰᠢᠨᠡᠯᠡᠵᠦ ᠴᠠᠭᠠᠯᠠᠵᠦ ᠪᠠᠷᠠᠳᠠᠭ ᠶᠤᠮ︾ ᠭᠡᠬᠦ ᠳᠤ ᠪᠦᠬᠦᠳᠡᠭᠡᠷ ᠢᠶᠠᠨ ︽ | ᠶᠤᠰᠤᠲᠠᠢ ᠲᠡᠶᠢᠮᠤ ᠡ᠂ ᠲᠡᠶᠢᠮᠤ ᠡ︾ ᠭᠡᠵᠡᠭᠡᠵᠦ ᠢᠨᠢᠶᠡᠯᠴᠡᠨᠠ᠃ | ᠦᠩᠭᠡᠷᠡᠭᠰᠡᠨ ᠵᠢᠯ ᠡᠪᠡᠳᠴᠢᠨ ᠬᠢᠵᠢᠭ ᠠᠴᠠ ᠪᠤᠯᠤᠭᠠᠳ ᠮᠠᠰᠢ ᠡᠯᠦᠢ ᠬᠤᠯᠤᠢ ᠰᠢᠨᠡᠯᠡᠭᠰᠡᠨ ᠪᠠᠶᠢᠳᠠᠭ ᠶᠤᠮ | ᠡ᠂ ᠡᠨᠡ ᠵᠢᠯ ᠤᠨ ᠴᠠᠭᠠᠨ ᠰᠠᠷᠠ ᠴᠤᠬᠤᠮ ᠬᠦᠭᠵᠢᠶᠡᠨ ᠨᠠᠷᠬᠢᠶᠠᠨ ᠲᠠᠢ ᠰᠢᠨᠡᠯᠡᠪᠡ᠃ | ᠵᠤᠬᠢᠶᠠᠬᠴᠢ᠄ ᠪᠠᠢ ᠲᠤᠯᠢᠶᠠ ︵ᠤᠯᠠᠭᠠᠨᠬᠤᠳᠠ ᠬᠤᠶᠠᠳᠤᠭᠠᠷ ᠲᠤᠮᠳᠠᠳᠤ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠭᠡᠳᠦ ᠨᠢᠭᠡ ᠶᠢᠨ | ᠬᠤᠶᠠᠷ︶ | ᠵᠢᠯᠤᠭᠤᠳᠤᠬᠰᠠᠨ ᠪᠠᠭᠰᠢ᠄ ᠬᠠᠨᠳᠠ |