| ● ᠱᠤᠸᠡᠭ ᠶᠢᠨ ᠪᠤᠦ | ᠠᠵᠠ ᠵᠠᠪᠰᠢᠶᠠᠨ ᠠᠴᠠ ᠬᠤᠵᠢᠮᠳᠠᠭᠰᠠᠨ ᠬᠦᠮᠦᠨ ᠳᠤ | ᠠᠰᠢᠳᠠ ᠶᠢᠨ ᠬᠠᠷᠠᠮᠰᠠᠯ ᠪᠤᠯᠳᠠᠭ ᠬᠡᠭᠦ ᠳᠤ | ᠠᠷᠬᠠᠭ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠬᠦᠮᠦᠨ ᠳᠤ | ᠠᠩᠬᠠᠨ ᠠᠴᠠ ᠪᠠᠨ ᠰᠡᠷᠡᠮᠵᠢᠯᠡᠭᠰᠡᠨ ᠦᠭᠡᠢ ᠬᠠᠷᠠᠮᠰᠠᠯ ᠪᠤᠢ | ᠤᠯᠠᠨ ᠤ ᠲᠦᠯᠤᠭᠡ ᠵᠢᠳᠭᠦᠭᠰᠡᠨ ᠬᠦᠮᠦᠰ ᠤᠨ | ᠦᠷᠡᠭᠳᠡᠵᠦ ᠰᠦᠢᠳᠬᠦ ᠨᠢ ᠬᠠᠷᠠᠮᠰᠠᠯ ᠬᠡᠭᠦ ᠳᠤ | ᠤᠯᠵᠠ ᠠᠰᠢᠭ ᠲᠤ ᠰᠢᠨᠤᠬᠠᠢᠢᠷᠠᠭᠰᠠᠨ ᠨᠤᠶᠠᠳ ᠤᠨ | ᠤᠯᠤᠰ ᠤᠨ ᠬᠠᠤᠯᠢ ᠪᠠᠷ ᠰᠢᠳᠭᠡᠭᠳᠡᠭᠰᠡᠨ ᠳᠤ ᠪᠠᠨ ᠬᠠᠷᠠᠮᠰᠠᠯ ᠪᠤᠢ | ᠠᠪᠦ ᠶᠢᠨ ᠨᠤᠳᠤᠭ ᠢᠶᠠᠨ ᠠᠷᠠᠯᠵᠢᠶᠠᠯᠠᠭᠰᠠᠨ ᠬᠦᠮᠦᠨ ᠳᠤ | ᠠᠳᠠᠷ ᠬᠠᠭᠠᠯᠪᠤᠷᠢᠯᠠᠭᠠᠳ ᠬᠠᠷᠠᠮᠰᠠᠯ ᠬᠡᠭᠦ ᠳᠤ | ᠡᠪᠦᠭᠡ ᠶᠢᠨ ᠨᠤᠳᠤᠭ ᠢᠶᠠᠨ ᠠᠯᠳᠠᠭᠰᠠᠨ ᠬᠦᠮᠦᠨ ᠳᠤ | ᠦᠶᠡ ᠦᠶᠡ ᠶᠢᠨ ᠬᠠᠷᠠᠮᠰᠠᠯ ᠪᠤᠢ | ᠲᠠᠷᠢᠶᠡ ᠪᠠᠨ ᠤᠷᠬᠢᠭᠠᠳ ᠲᠡᠪᠠ ᠪᠠᠷ ᠢᠶᠠᠨ ᠲᠡᠷᠪᠡᠭᠰᠡᠨ | ᠲᠠᠷᠢᠶᠠᠴᠢᠨ ᠬᠦᠮᠦᠨ ᠳᠤ ᠬᠠᠷᠠᠮᠰᠠᠯ ᠬᠡᠭᠦ ᠳᠤ | ᠨᠤᠳᠤᠭ ᠢᠶᠠᠨ ᠬᠤᠳᠠᠯᠳᠤᠭᠠᠳ ᠨᠢᠳᠤᠨ ᠡᠮᠦᠨᠡᠬᠢ ᠪᠠᠨ ᠪᠤᠳᠤᠯᠬᠢᠯᠠᠭᠠᠳ | ᠮᠠᠯᠴᠢᠨ ᠬᠦᠮᠦᠨ ᠳᠤ ᠴᠦ ᠨᠠᠰᠤᠨ ᠲᠤᠷᠰᠢ ᠬᠠᠷᠠᠮᠰᠠᠯ ᠪᠤᠢ | ᠬᠦᠬᠢᠳᠡᠭᠰᠡᠨ ᠵᠢᠭᠠᠰᠤ ᠪᠠᠨ ᠠᠯᠳᠠᠭᠰᠠᠨ ᠬᠦᠮᠦᠨ ᠳᠤ | ᠭᠡᠮᠰᠢᠯ ᠬᠠᠷᠠᠮᠰᠠᠯ ᠪᠠᠶᠢᠳᠠᠭ ᠬᠡᠭᠦ ᠳᠤ | ᠢᠳᠡᠰᠢᠨ ᠳᠤ ᠨᠢ ᠬᠤᠷᠭᠤᠳᠠᠵᠦ ᠤᠷᠤᠭᠤᠯ ᠢᠶᠠᠨ ᠰᠢᠷᠠᠭᠳᠤᠭᠤᠯᠤᠭᠠᠳ | ᠠᠮᠢ ᠵᠢᠭᠤᠳᠠᠭᠰᠠᠨ ᠵᠢᠭᠠᠰᠤᠨ ᠳᠤ ᠪᠠᠰᠠ ᠬᠠᠷᠠᠮᠰᠠᠯ ᠪᠤᠢ | ᠬᠠᠨᠢ ᠨᠦᠭᠦᠷ ᠢᠶᠠᠨ ᠠᠯᠳᠠᠭᠰᠠᠨ ᠬᠠᠮᠰᠠᠭᠠᠲᠠᠨ ᠤ ᠬᠢᠨᠢ | ᠬᠡᠭᠦᠳᠡᠭ ᠴᠡᠭᠡᠵᠢᠨ ᠳᠤ ᠨᠢ ᠬᠠᠷᠠᠮᠰᠠᠯ ᠬᠡᠬᠦ ᠳᠤ | ᠬᠠᠷᠬᠢᠰ ᠢ ᠲᠠᠨᠢᠵᠦ ᠮᠡᠳᠡᠭᠰᠡᠨ ᠦᠭᠡᠢ ᠬᠦᠮᠦᠨ ᠳᠤ | ᠬᠡᠵᠢᠶᠡ ᠡᠭᠦᠷᠢᠳᠡ ᠶᠢᠨ ᠬᠠᠷᠠᠮᠰᠠᠯ ᠪᠤᠢ | ᠬᠠᠶᠢᠷᠠ ᠰᠡᠳᠬᠢᠯᠬᠡ ᠲᠠᠢ ᠬᠤᠶᠠᠭᠤᠯᠠ ᠶᠢᠨ | ᠬᠠᠭᠠᠴᠠᠵᠦ ᠰᠠᠯᠤᠯᠴᠠᠬᠤ ᠨᠢ ᠬᠠᠷᠠᠮᠰᠠᠯ ᠬᠡᠬᠦ ᠳᠤ | ᠬᠡᠷᠡᠭᠦᠯ ᠮᠠᠷᠭᠤᠭᠠᠨ ᠢᠶᠠᠷ ᠡᠳᠤᠷ ᠢ ᠦᠡᠭᠭᠡᠷᠡᠭᠦᠯᠪᠡᠯ | ᠬᠠᠮᠳᠤᠷᠠᠵᠦ ᠠᠮᠢᠳᠤᠷᠠᠭᠰᠠᠨ ᠴᠦ ᠬᠠᠷᠠᠮᠰᠠᠯ ᠪᠤᠢ | ᠬᠠᠰᠢᠷ ᠠᠩᠴᠢᠨ ᠤ ᠬᠠᠷᠪᠤᠭᠰᠠᠨ ᠰᠤᠮᠦ ᠨᠢ | ᠬᠤᠭᠤᠰᠤᠨ ᠲᠤᠰᠬᠤ ᠨᠢ ᠬᠠᠷᠠᠮᠰᠠᠯ ᠪᠤᠢ | ᠬᠠᠤᠯᠢ ᠶᠢ ᠵᠦᠷᠢᠴᠡᠭᠡᠳ ᠬᠤᠷᠢᠭᠤᠯ ᠳᠤ ᠤᠷᠤᠭᠰᠠᠨ | ᠬᠤᠪᠳᠤᠭ ᠨᠤᠶᠠᠳ ᠲᠤ ᠴᠦ ᠬᠠᠷᠠᠮᠰᠠᠯ ᠪᠤᠢ | ᠠᠪᠳᠠᠷᠡ ᠲᠠᠢ ᠮᠦᠡᠭᠭᠦ ᠪᠠᠨ ᠠᠯᠳᠠᠭᠰᠠᠨ ᠬᠦᠮᠦᠨ ᠳᠤ | ᠠᠭᠤᠯᠠᠨ ᠴᠢᠨᠡᠭᠡ ᠬᠠᠷᠠᠮᠰᠠᠯ ᠪᠤᠢ | ᠠᠪᠤ ᠮᠦᠮᠦ ᠪᠠᠨ ᠰᠤᠪᠢᠯᠠᠵᠦ ᠠᠮᠵᠢᠭᠰᠠᠨ ᠦᠭᠡᠢ ᠬᠦᠮᠦᠨ ᠳᠤ | ᠠᠷᠪᠠᠨ ᠦᠶ ᠡ ᠶᠢᠨ ᠬᠠᠷᠠᠮᠰᠠᠯ ᠲᠠᠢ︕ | ᠦᠶᠡ ᠠᠴᠢ ᠳᠤ ᠪᠠᠨ ᠬᠠᠷᠢᠭᠤᠴᠠᠭᠰᠠᠨ ᠦᠭᠡᠢ ᠬᠦᠮᠦᠨ ᠳᠤ | ᠦᠳᠡᠯᠤᠭᠡ ᠨᠠᠰᠤᠨ ᠤ ᠬᠢᠨ ᠬᠠᠷᠠᠮᠰᠠᠯ ᠬᠡᠭᠦ ᠳᠤ | ᠦᠨᠳᠤᠰᠤᠳᠡᠨ ᠤ ᠦᠭᠡ ᠬᠡᠯᠡ ᠪᠠᠨ ᠰᠤᠷᠤᠭᠰᠠᠨ ᠦᠭᠡᠢ ᠬᠦᠮᠦᠨ ᠳᠤ | ᠦᠬᠦᠨ ᠦᠬᠦᠳᠡᠯᠡ ᠴᠦ ᠬᠠᠷᠠᠮᠰᠠᠯ ᠲᠠᠢ︕ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠵᠠᠯᠠᠶᠢᠳ ᠬᠤᠰᠢᠭᠤᠨ ᠤ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠ |