| ᠮᠣᠩᠭᠤᠯᠴᠣᠳ ᠪᠣᠯ ᠡᠷᠳᠡᠨ ᠤ ᠮᠣᠩᠭᠤᠯ ᠠᠶᠢᠮᠠᠭ ᠢᠶᠠᠷ ᠰᠠᠭᠤᠷᠢᠯᠠᠵᠣ᠂ ᠪᠠᠷᠤᠭ ᠨᠠᠶᠢᠳᠡ ᠶᠢᠨ ᠣᠨ | ᠲᠣᠭᠠᠯᠠᠯ ᠤᠨ 8 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠪᠠᠷ ᠡᠷᠭᠦᠨᠠ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠠᠴᠠ ᠮᠣᠩᠭᠤᠯ ᠤᠨ | ᠦᠨᠳᠦᠷᠯᠢᠭ ᠤᠨ ᠲᠦᠪ ᠣᠷᠣᠨ ᠵᠦᠭ ᠨᠡᠭᠦᠳᠡᠯᠯᠡᠵᠣ᠂ ᠮᠣᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠤᠨ ᠦᠷᠭᠡᠨ ᠠᠭᠤᠳᠠᠮ | ᠨᠤᠳᠤᠭ ᠢᠶᠠᠷ ᠦᠶᠠ ᠣᠯᠠᠷᠢᠨ ᠣᠷᠣᠰᠢᠨ ᠠᠮᠢᠳᠣᠷᠠᠭᠰᠠᠭᠠᠷ ᠢᠷᠡᠵᠡᠢ᠃ ᠪᠠᠶᠢᠭᠠᠯᠢ ᠠᠬᠤᠢ ᠪᠠᠨ ᠲᠦᠰᠢᠨ᠂ | ᠨᠠᠭᠦᠳᠡᠯᠯᠡᠨ ᠠᠮᠢᠳᠣᠷᠠᠬᠤ ᠪᠠᠷ ᠭᠤᠣᠯ ᠠᠷᠭᠠ ᠪᠠᠷᠢᠯ ᠢᠶᠠᠨ ᠪᠣᠯᠭᠠᠭᠰᠠᠨ ᠮᠣᠩᠭᠤᠯᠴᠣᠳ ᠡᠷᠳᠡ ᠲᠡᠭᠡᠳᠦ ᠠᠴᠠ ᠪᠠᠨ | ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠦ ᠯᠦᠭᠡ ᠡᠶᠡ ᠨᠠᠶᠢᠷᠠᠮᠳᠠᠭᠤ ᠣᠷᠣᠰᠢᠵᠣ᠂ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ | ᠬᠠᠮᠠᠭᠠᠯᠠᠵᠣ᠂ ᠠᠵᠣ ᠠᠮᠢᠳᠣᠷᠠᠯ ᠢᠶᠠᠨ ᠦᠭᠡᠳᠡᠯᠡᠭᠦᠯᠦᠭᠰᠡᠭᠡᠷ ᠢᠷᠡᠭᠰᠡᠨ ᠪᠠᠶᠢᠨᠠ᠃ ᠶᠠᠭ ᠡᠶᠢᠮᠣ ᠠᠴᠠ ᠮᠣᠩᠭᠤᠯ ᠤᠨ | ᠡᠷᠳᠡᠨ ᠤ ᠬᠠᠥᠯᠢ ᠲᠦᠷᠢᠮ ᠳᠤ ᠪᠠᠶᠢᠭᠠᠯᠢ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ ᠬᠠᠮᠠᠭᠠᠯᠠᠬᠤ᠂ ᠪᠠᠶᠢᠭᠠᠯᠢ ᠶᠢᠷᠳᠢᠨᠴᠣ | ᠯᠦᠭᠡ ᠡᠶᠡ ᠨᠠᠶᠢᠷᠳᠠᠢ ᠣᠷᠣᠰᠢᠬᠤ ᠣᠬᠠᠮᠰᠠᠷ ᠨᠡᠶᠢᠳᠡᠮ ᠲᠣᠣᠱᠯᠠᠭᠤᠯᠤᠭᠳᠠᠵᠤ ᠪᠤᠢ᠃ ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ | ᠬᠠᠥᠯᠢ ᠲᠦᠷᠢᠮ ᠤᠨ ᠣᠯᠠᠷᠢᠯ ᠬᠦᠭᠵᠢᠯ ᠤᠨ ᠠᠩᠬᠠᠨ ᠤ ᠱᠠᠳᠣ ᠦᠶᠠ ᠪᠣᠯ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 8 | ᠳ᠋ᠣᠭᠠᠷ ᠵᠠᠭᠤᠨ ᠤ ᠰᠡᠭᠦᠯᠴᠢ ᠠᠴᠠ 12 ᠳ᠋ᠣᠭᠠᠷ ᠵᠠᠭᠤᠨ ᠬᠦᠷᠳᠡᠯᠡᠬᠢ ︽ᠶᠣᠰᠣᠨ︾ ᠤ ᠴᠠᠭ ᠦᠶᠠ ᠪᠣᠯᠣᠨᠠ᠃ | ᠶᠣᠰᠣᠨ ᠭᠡᠳᠡᠭ ᠨᠢ ᠮᠣᠩᠭᠤᠯᠴᠣᠳ ᠤᠨ ᠣᠷᠳᠣ ᠬᠤᠭᠤᠴᠠᠭᠠᠨ ᠤ ᠲᠣᠷᠰᠢ ᠰᠠᠬᠢᠨ ᠵᠢᠷᠣᠮᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠬᠡᠪ | ᠠᠵᠢᠯᠯᠠᠭᠠᠨ ᠤ ᠲᠦᠷᠢᠮᠵᠢᠯ ᠪᠣᠯᠬᠤ ᠵᠠᠩᠰᠢᠯ ᠤᠨ ᠴᠡᠭᠡᠷ ᠴᠠᠭᠠᠵᠠ ᠪᠣᠯᠣᠨᠠ᠃ 12 ᠳ᠋ᠣᠭᠠᠷ ᠵᠠᠭᠤᠨ ᠤ ᠡᠬᠢᠨ ᠳᠤ | ᠬᠠᠪᠣᠯ ᠬᠠᠨ ᠬᠠᠮᠤᠭ ᠮᠣᠩᠭᠤᠯ ᠣᠯᠣᠰ ᠤᠨ ᠬᠠᠨ ᠣᠷᠣ ᠶᠢ ᠵᠠᠯᠭᠠᠮᠵᠢᠯᠠᠬᠤ ᠦᠶᠠ ᠳᠤ ᠡᠳᠡᠭᠡᠷ ᠲᠦᠷᠢᠮᠵᠢᠯ ᠨᠢ | ᠨᠢᠭᠡᠨᠳᠡ ᠮᠣᠩᠭᠤᠯ ᠤᠨ ᠪᠣᠭᠤᠯ ᠤᠨ ᠡᠵᠡᠨ ᠠᠩᠬᠢ ᠶᠢᠨ ᠠᠰᠢᠭ ᠲᠣᠰᠠ ᠶᠢ ᠲᠦᠯᠦᠭᠡᠯᠡᠭᠰᠡᠨ ᠵᠠᠩᠰᠢᠯ ᠤᠨ ᠬᠠᠥᠯᠢ | ᠪᠣᠯᠣᠭᠰᠠᠨ ᠪᠠᠶᠢᠨᠠ᠃ ︽ᠶᠣᠰᠣᠨ︾ ᠳᠤ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠣᠷᠭᠤᠮᠠᠯ ᠢ ᠬᠠᠮᠠᠭᠠᠯᠠᠵᠣ᠂ ᠲᠦᠯ ᠮᠠᠯ ᠢ | ᠠᠯᠠᠳᠠᠭ ᠦᠭᠡᠢ᠂ ᠨᠣᠳᠤᠭ ᠪᠡᠯᠴᠢᠭᠡᠷ ᠢ ᠬᠠᠮᠠᠭᠠᠯᠠᠨ᠂ ᠭᠠᠯ ᠲᠦᠢᠮᠡᠷ ᠲᠠᠯᠪᠢᠬᠤ ᠪᠣᠶᠣ ᠠᠳᠠᠷ ᠬᠠᠭᠠᠯᠪᠣᠷᠢᠯᠠᠬᠤ ᠶᠢ | ᠴᠢᠩᠭᠠ ᠴᠠᠭᠠᠵᠠᠯᠠᠳᠠᠭ᠃ ᠣᠰᠣᠨ ᠤ ᠰᠣᠷᠪᠣᠯᠵᠢ ᠶᠢ ᠬᠠᠮᠠᠭᠠᠯᠠᠵᠣ᠂ ᠣᠰᠣ ᠪᠣᠬᠢᠷᠳᠣᠭᠤᠯᠬᠤ ᠶᠢ ᠡᠰᠡ | ᠵᠦᠪᠰᠢᠶᠡᠷᠡᠵᠣ᠂ ᠠᠶᠢᠯ ᠬᠤᠳᠠ᠂ ᠬᠤᠷᠣᠭᠠᠨ ᠤ ᠪᠣᠬᠢᠷᠳᠣᠯ ᠢ ᠴᠠᠭᠠᠵᠠᠯᠠᠳᠠᠭ ᠪᠠᠶᠢᠵᠠᠢ᠃ ︽ᠰᠣᠳᠣᠷ ᠤᠨ | ᠴᠣᠭᠯᠠᠭᠠᠨ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠠᠴᠠ ᠦᠵᠡᠪᠡᠯ ᠨᠢᠭᠡ ᠪᠦᠯᠦᠭ ᠵᠠᠯᠠᠶᠢᠷᠴᠣᠳ ᠠᠯᠳᠠᠨ ᠣᠯᠣᠰ ᠲᠠᠢ ᠪᠠᠶᠢᠯᠳᠣᠵᠦ | ᠢᠯᠠᠭᠳᠠᠭᠠᠳ ᠦᠯᠦᠰᠴᠦ ᠦᠯᠪᠡᠷᠬᠦ ᠳᠡᠭᠡᠨ ᠴᠢᠩᠬᠢᠰ ᠬᠠᠭᠠᠨ ᠤ ᠲᠣᠯᠣᠳᠣᠭᠠᠷ ᠦᠶᠡ ᠶᠢᠨ ᠡᠪᠦᠭᠡ ᠮᠠᠨᠠᠨ | ᠲᠣᠳᠣᠨ ᠤ ᠡᠬᠡᠨᠡᠷ ᠨᠡᠮᠣᠯᠣᠨ ᠬᠠᠳᠣᠨ ᠤ ᠨᠣᠳᠤᠭ ᠲᠤ ᠬᠦᠷᠴᠦ᠂ ᠪᠡᠯᠴᠢᠭᠡᠷ ᠤᠨ ᠰᠦᠳᠦᠨ ᠤ ᠦᠨᠳᠦᠰᠦ ᠶᠢ | ᠮᠠᠯᠳᠠᠵᠣ᠂ ᠮᠣᠷᠢ ᠲᠠᠪᠬᠢᠬᠤ ᠲᠠᠯᠠᠪᠠᠢ ᠶᠢ ᠡᠪᠳᠡᠭᠰᠡᠨ ᠠᠴᠠ ᠬᠤᠶᠠᠷ ᠲᠠᠯᠠ ᠪᠠᠷ ᠢᠶᠠᠨ ᠵᠦᠷᠢᠴᠡᠯ ᠡᠭᠦᠰᠴᠦ | ᠠᠯᠠᠯᠳᠣᠭᠰᠠᠨ ᠲᠡᠮᠳᠡᠭᠯᠡᠯ ᠪᠣᠢ᠃ ᠲᠣᠰᠠᠯᠠᠬᠤ ᠦᠢᠯᠡᠳᠪᠦᠷᠢᠯᠡᠯ ᠪᠣᠯᠵᠣ ᠪᠠᠶᠢᠭᠰᠠᠨ ᠠᠩ ᠠᠩᠨᠠᠬᠤ ᠲᠣᠬᠠᠢ | ᠮᠣᠩᠭᠤᠯ ᠤᠨ ᠶᠣᠰᠣᠨ ᠳᠤ ︽ᠡᠪᠣᠯ ᠤᠨ ᠠᠩᠬᠠ ᠶᠡᠭᠡ ᠴᠠᠰᠣᠨ ᠠᠴᠠ ᠡᠬᠢᠯᠡᠨ ᠲᠠᠷᠠᠭᠠ ᠬᠠᠪᠣᠷ ᠤᠨ ᠨᠣᠭᠤᠭᠠ | ᠰᠣᠶᠣᠭᠠᠯᠠᠳᠠᠯᠠ᠂ ᠶᠡᠭᠡ ᠠᠪᠠ ᠲᠠᠯᠪᠢᠵᠣ ᠪᠦᠬᠦᠭ᠂ ᠪᠣᠭᠤ᠂ ᠴᠢᠬᠢᠳᠡᠢ ᠵᠡᠷᠭᠡ ᠵᠡᠷᠯᠢᠭ ᠠᠷᠢᠶᠠᠳᠠᠨ ᠢ ᠠᠪᠠᠯᠠᠵᠣ | ᠪᠣᠯᠣᠨᠠ︾ ᠭᠡᠵᠣ ᠲᠣᠭᠳᠠᠭᠠᠭᠰᠠᠨ ᠨᠢ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠤ ᠦᠷᠡᠵᠢᠯ ᠲᠦᠯᠵᠢᠯ ᠤᠨ ᠬᠤᠭᠤᠴᠠᠭᠠ ᠠᠴᠠ | ᠵᠠᠶᠢᠯᠠᠰᠭᠢᠵᠣ᠂ ᠣᠭ ᠦᠨᠳᠦᠰᠦ ᠶᠢ ᠲᠠᠰᠣᠯᠬᠤ ᠠᠴᠠ ᠬᠢᠴᠢᠶᠡᠭᠰᠡᠨ ᠶᠠᠪᠣᠳᠠᠯ ᠶᠣᠮ᠃ 12 ᠳ᠋ᠣᠭᠠᠷ ᠵᠠᠭᠤᠨ ᠤ | ᠰᠡᠭᠦᠯᠴᠢ᠂ 13 ᠳ᠋ᠣᠭᠠᠷ ᠵᠠᠭᠤᠨ ᠤ ᠡᠬᠢᠨ ᠢᠶᠠᠷ ᠮᠣᠩᠭᠤᠯᠴᠣᠳ ᠬᠦᠴᠣᠷᠭᠡᠭᠵᠢᠵᠣ᠂ ᠴᠢᠩᠬᠢᠰ ᠬᠠᠭᠠᠨ | ᠮᠣᠩᠭᠤᠯ ᠤᠨ ᠦᠨᠳᠦᠷᠯᠢᠭ ᠢ ᠨᠢᠭᠡᠳᠭᠡᠵᠣ᠂ ᠨᠠᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 1206 ᠣᠨ ᠳᠤ ᠶᠡᠭᠡ ᠮᠣᠩᠭᠤᠯ | ᠣᠯᠣᠰ ᠢ ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠮᠣᠩᠭᠤᠯ ᠦᠨᠳᠦᠰᠦᠳᠡᠨ ᠤ ᠬᠠᠣᠯᠢ ᠲᠦᠷᠢᠮ ᠤᠨ ᠲᠡᠥᠬᠡᠨ ᠳᠠᠬᠢ ᠴᠢᠩᠬᠢᠰ | ᠬᠠᠭᠠᠨ ᠤ ᠶᠡᠭᠡ ᠵᠠᠰᠠᠭ ᠤᠨ ᠦᠶᠠ ᠡᠬᠢᠯᠡᠵᠣ᠂ 13 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠦᠶᠠ ᠬᠦᠷᠳᠡᠯᠠ ᠲᠠᠪᠢᠭᠠᠳ | ᠵᠢᠯ ᠦᠷᠭᠦᠯᠵᠢᠯᠡᠭᠰᠡᠨ ᠪᠠᠶᠢᠨᠠ᠃ 1206 ᠣᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠰᠢᠬᠢᠬᠤᠳᠤᠭ ᠢ ᠶᠡᠭᠡ ᠮᠣᠩᠭᠤᠯ | ᠣᠯᠣᠰ ᠤᠨ ᠶᠡᠭᠡ ᠵᠠᠷᠭᠤᠴᠢ ᠨᠣᠶᠠᠨ ᠤ ᠲᠣᠰᠢᠶᠠᠯ ᠳᠤ ᠲᠣᠮᠢᠯᠠᠵᠣ᠂ ᠬᠠᠥᠯᠢ ᠵᠦᠢᠯ ᠤᠨ ᠬᠡᠷᠡᠭ᠂ ᠡᠵᠡᠨ | ᠴᠢᠩᠬᠢᠰ ᠤᠨ ᠵᠦᠪᠰᠢᠶᠡᠷᠡᠭᠰᠡᠨ ᠡᠯᠠ ᠵᠦᠢᠯ ᠤᠨ ᠲᠦᠷᠢᠮ ᠲᠣᠭᠳᠠᠭᠠᠯ ᠢ ︽ᠬᠦᠬᠡ ᠲᠡᠪᠳᠡᠷ︾ ᠲᠤ | ᠲᠡᠮᠳᠡᠭᠯᠡᠭᠦᠯᠦᠭᠰᠠᠨ ᠪᠠᠶᠢᠨᠠ᠃ ︽ᠴᠢᠩᠬᠢᠰ ᠤᠨ ᠶᠡᠭᠡ ᠵᠠᠰᠠᠭ︾ ᠤᠨ ᠣᠭ ᠡᠬᠡ ᠨᠢ ᠨᠢᠭᠡᠨᠳᠡ ᠭᠡᠭᠡᠭᠳᠡᠭᠰᠡᠨ | ᠪᠣᠯᠪᠠᠴᠣ ᠵᠠᠷᠢᠮ ᠠᠭᠤᠯᠭᠠ ᠨᠢ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠠ ᠲᠣᠪᠴᠢᠶᠠᠨ︾ ᠢᠶᠠᠷ ᠲᠠᠮᠵᠢᠨ ᠣᠳᠣ ᠪᠣᠯᠳᠠᠯᠠ | ᠣᠯᠠᠮᠵᠢᠯᠠᠭᠳᠠᠵᠣ ᠢᠷᠡᠵᠡᠢ᠃ ︽ᠴᠢᠩᠬᠢᠰ ᠤᠨ ᠶᠡᠭᠡ ᠵᠠᠰᠠᠭ︾ ᠲᠤ ᠡᠷᠳᠡᠨ ᠤ ︽ᠶᠣᠰᠣᠨ︾ ᠤ ᠠᠭᠤᠯᠭᠠ ᠶᠢ | ᠶᠡᠬᠡᠪᠡᠷ ᠰᠢᠩᠭᠡᠭᠡᠨ᠂ ᠠᠮᠢ ᠠᠬᠤᠢ ᠶᠢᠨ ᠲᠠᠩᠴᠠᠭᠦᠷᠢ ᠶᠢ ᠲᠦᠢᠯ ᠢᠶᠠᠷ ᠠᠩᠬᠠᠷᠣᠭᠰᠠᠨ ᠪᠠᠶᠢᠪᠠ᠃ ︽ᠴᠢᠩᠬᠢᠰ ᠤᠨ | ᠶᠡᠭᠡ ᠵᠠᠰᠠᠭ︾ ᠲᠤ ︽ᠡᠪᠡᠰᠦ ᠨᠣᠭᠤᠭᠠᠷᠠᠭᠰᠠᠨ ᠬᠤᠶᠢᠨᠠ ᠭᠠᠵᠠᠷ ᠨᠦᠬᠡᠯᠡᠭᠰᠡᠨ ᠪᠠ ᠭᠠᠯ ᠠᠯᠳᠠᠵᠣ ᠪᠡᠯᠴᠢᠭᠡᠷ | ᠰᠢᠳᠠᠭᠠᠭᠰᠠᠳ ᠤᠨ ᠨᠢᠭᠡᠨ ᠭᠡᠷ ᠢ ᠠᠯᠠᠮᠣᠢ︾ ᠭᠡᠵᠣ ᠲᠣᠭᠳᠠᠭᠠᠭᠰᠠᠨ ᠨᠢ ᠬᠠᠥᠯᠢ ᠪᠠᠷ ᠨᠣᠳᠤᠭ ᠪᠡᠯᠴᠢᠭᠡᠷ ᠢ | ᠬᠠᠮᠠᠭᠠᠯᠠᠵᠣ᠂ ᠲᠦᠢᠮᠠᠷ ᠭᠠᠷᠬᠤ ᠪᠠ ᠠᠳᠠᠷ ᠬᠠᠭᠠᠯᠪᠣᠷᠢᠯᠠᠬᠤ ᠶᠢ ᠴᠢᠩᠭᠠ ᠴᠠᠭᠠᠵᠠᠯᠠᠭᠰᠠᠨ ᠶᠠᠪᠣᠳᠠᠯ ᠶᠣᠮ᠃ ᠠᠩ | ᠠᠪᠠ ᠶᠢᠨ ᠲᠦᠷᠢᠮ ᠳᠤ ᠡᠷᠳᠡᠨ ᠤ ᠶᠣᠰᠦᠨ ᠢ ᠴᠢᠩᠭᠠ ᠵᠢᠷᠣᠮᠯᠠᠨ᠂ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠢ ᠶᠡᠬᠡᠪᠡᠷ | ᠬᠤᠷᠣᠭᠠᠬᠤ ᠶᠢ ᠴᠠᠭᠠᠵᠠᠯᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠨᠢ ᠮᠣᠩᠭᠤᠯᠴᠣᠳ ᠤᠨ ᠨᠡᠭᠦᠳᠡᠯ ᠮᠠᠯᠵᠢᠯ ᠤᠨ ᠦᠢᠯᠡᠳᠪᠦᠷᠢᠯᠡᠯ | ᠠᠮᠢᠳᠣᠷᠠᠯ ᠤᠨ ᠦᠢᠯᠡᠳᠦᠯᠭᠡ ᠪᠠᠷ ᠢᠶᠠᠨ ᠨᠣᠳᠤᠭ ᠪᠡᠯᠴᠢᠭᠡᠷ᠂ ᠮᠠᠯ ᠰᠦᠷᠦᠭ ᠪᠣᠯᠣᠨ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠳ ᠤᠨ | ᠬᠤᠭᠤᠷᠣᠨᠳᠣᠬᠢ ᠬᠠᠷᠢᠴᠠᠭᠠ ᠶᠢ ᠲᠣᠲᠣᠷᠬᠠᠢ ᠲᠠᠨᠢᠵᠣ᠂ ᠬᠠᠥᠯᠢ ᠪᠠᠷ ᠠᠮᠢ ᠠᠬᠤᠢ ᠶᠢᠨ ᠲᠡᠩᠴᠡᠭᠦᠷᠢ ᠶᠢ | ᠬᠠᠮᠠᠭᠠᠯᠠᠬᠤ ᠣᠬᠠᠮᠰᠠᠷ ᠲᠠᠢ ᠪᠣᠯᠣᠭᠰᠠᠨ ᠢ ᠬᠠᠷᠠᠭᠤᠯᠵᠣ ᠪᠣᠢ᠃ ᠮᠦᠨᠴᠣ ᠲᠡᠯᠡᠬᠡᠢ ᠶᠢᠨ ᠣᠯᠣᠰ ᠦᠨᠳᠦᠰᠦᠳᠡᠨ ᠤ | ᠲᠣᠳᠣᠷᠠ ᠠᠮᠢ ᠠᠬᠤᠢ ᠶᠢᠨ ᠲᠡᠩᠴᠡᠭᠦᠷᠢ ᠶᠢ ᠪᠠᠳᠣᠯᠠᠬᠤ ᠶᠢ ᠶᠠᠭᠤᠨ ᠤ ᠣᠷᠢᠳ ᠬᠠᠥᠯᠢ ᠳᠤ ᠪᠢᠴᠢᠵᠣ | ᠣᠷᠣᠭᠤᠯᠣᠭᠰᠠᠨ ᠶᠠᠪᠣᠳᠠᠯ ᠪᠣᠯᠬᠤ ᠶᠣᠮ᠃ ᠶᠣᠸᠠᠨ ᠣᠯᠣᠰ ᠤᠨ ᠦᠶᠡ ᠬᠦᠷᠦᠭᠡᠳ ᠮᠣᠩᠭᠤᠯ ᠣᠷᠣᠨᠠ ︽ | ᠴᠢᠩᠬᠢᠰ ᠤᠨ ᠶᠡᠭᠡ ᠵᠠᠰᠠᠭ︾ ᠢ ᠦᠷᠬᠦᠯᠵᠢᠯᠠᠨ ᠬᠡᠷᠡᠭᠵᠢᠭᠦᠯᠦᠭᠰᠡᠨ ᠤ ᠵᠡᠷᠭᠡᠪᠡᠷ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠵᠣ | ᠂ ᠬᠡᠭᠡᠯ ᠲᠠᠢ ᠭᠦᠷᠦᠭᠡᠰᠦ ᠶᠢ ᠠᠯᠠᠬᠤ ᠶᠢ ᠴᠠᠭᠠᠵᠠᠯᠠᠬᠤ ᠮᠣᠩᠭᠤᠯ ᠦᠨᠳᠦᠰᠦᠳᠠᠨ ᠤ ᠣᠯᠠᠮᠵᠢᠯᠠᠯᠳᠤ ᠬᠠᠥᠯᠢ | ᠲᠦᠷᠢᠮ ᠢ ᠪᠦᠬᠦ ᠣᠯᠣᠰ ᠤᠨ ᠬᠡᠪᠴᠢᠶᠠᠨᠠ ᠲᠡᠯᠭᠡᠷᠡᠭᠦᠯᠦᠨ ᠭᠡᠷᠡᠭᠵᠢᠬᠦᠯᠦᠭᠰᠠᠨ ᠪᠠᠶᠢᠨᠠ᠃ ᠲᠣᠮᠳᠠᠳᠣ ᠣᠷᠣᠨ ᠢ | ᠨᠢᠭᠡᠳᠭᠡᠬᠦ ᠠᠴᠠ ᠡᠮᠦᠨᠠ ᠮᠦᠩᠬᠡ ᠬᠠᠭᠠᠨ᠄ ︽ᠴᠠᠭᠠᠨ ᠰᠠᠷᠠ ᠠᠴᠠ ᠵᠢᠷᠭᠤᠭᠠᠨ ᠰᠠᠷᠠ ᠬᠦᠷᠳᠡᠯᠠ ᠬᠡᠬᠡᠯ ᠲᠠᠢ | ᠠᠷᠢᠶᠠᠳᠠᠨ ᠢ ᠠᠯᠠᠵᠣ ᠪᠣᠯᠬᠤ ᠦᠭᠡᠢ︾ ᠭᠡᠵᠣ ᠵᠠᠷᠯᠢᠭ ᠪᠠᠭᠤᠯᠭᠠᠵᠣ ᠦᠩᠭᠡᠷᠡᠪᠡ᠂ ᠬᠤᠪᠢᠯᠠᠢ ᠬᠠᠭᠠᠨ ᠠᠪᠠᠯᠠᠬᠤ | ᠴᠠᠭ ᠣᠯᠠᠷᠢᠯ ᠢ ᠴᠢᠩᠭᠠ ᠲᠣᠭᠳᠠᠭᠠᠵᠠᠢ᠃ ︽ᠶᠣᠸᠠᠨ ᠣᠯᠣᠰ ᠤᠨ ᠲᠡᠥᠬᠡ᠂ ᠡᠷᠡᠭᠦᠥ ᠶᠢᠨ ᠬᠠᠥᠯᠢ ᠶᠢᠨ ᠲᠡᠮᠳᠡᠭᠯᠡᠯ | ︾ ᠳᠤ᠄ ︽ᠰᠠᠷᠠ ᠪᠦᠷᠢ ᠶᠢᠨ ᠰᠢᠨᠠ ᠶᠢᠨ ᠨᠢᠭᠡᠨ᠂ ᠠᠷᠪᠠᠨ ᠲᠠᠪᠣᠨ ᠤ ᠡᠳᠦᠷ ᠠᠯᠢᠪᠠ ᠴᠠᠭ ᠠᠷᠢᠶᠠᠳᠠᠨ ᠠᠯᠠᠬᠤ ᠶᠢ | ᠬᠤᠷᠢᠭᠯᠠᠮᠣᠢ᠃ ᠵᠢᠶᠦ᠋ᠨ ᠰᠢᠶᠠᠨ ᠪᠦᠷᠢ ᠴᠠᠭᠠᠨ ᠰᠠᠷᠠ ᠪᠣᠯᠭᠠᠨ ᠳᠤ ᠠᠷᠪᠠᠨ ᠡᠳᠣᠷ ᠠᠩᠨᠠᠬᠤ ᠶᠢ ᠴᠠᠭᠠᠵᠠᠯᠠᠨᠠ︾ | ᠭᠡᠵᠣ ᠲᠡᠮᠳᠡᠭᠯᠡᠵᠣ ᠪᠣᠢ᠃ ᠬᠤᠪᠢᠯᠠᠢ ᠬᠠᠭᠠᠨ ᡁᠢ ᠶᠣᠸᠠᠨ ᠤ ᠬᠤᠷᠢᠨ ᠲᠦᠷᠪᠠᠨ ᠣᠨ ︵ᠨᠠᠶᠢᠳᠡ ᠶᠢᠨ ᠤᠨ | ᠲᠤᠭᠠᠯᠠᠯ ᠤᠨ 1287︶ ᠤ ᠬᠤᠶᠠᠳᠣᠭᠠᠷ ᠰᠠᠷᠠ ᠳᠤ᠄ ︽ᠣᠢᠢᠭᠤᠷ ᠲᠤ ᠵᠢᠭᠦᠷᠳᠡᠨ ᠠᠷᠢᠶᠠᠳᠠᠨ ᠬᠡᠭᠡᠯᠳᠦᠵᠣ | ᠦᠷᠡᠵᠢᠬᠦ ᠴᠠᠭ ᠲᠤ ᠠᠩᠨᠠᠬᠤ ᠶᠢ ᠬᠤᠷᠢᠭᠯᠠᠨᠠ︾ ᠬᠡᠵᠣ᠂ ᠲᠠᠷᠠᠭᠠ ᠵᠢᠯ ᠨᠢ ︽ᠯᠢᠶᠣᠣᠨᠢᠩ ᠳᠤ ᠵᠢᠭᠠᠰᠣ ᠠᠩᠨᠠᠬᠤ | ᠬᠤᠷᠢᠭᠠ ᠶᠢ ᠲᠠᠶᠢᠯᠵᠣ᠂ ᠭᠠᠭᠴᠠ ᠬᠡᠭᠡᠯᠳᠣ ᠠᠮᠢᠳᠠᠨ ᠢ ᠠᠩᠨᠠᠵᠣ ᠦᠯᠦ ᠪᠣᠯᠣᠮᠣᠢ︾ ᠭᠡᠵᠣ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ | ᠪᠠᠶᠢᠨᠠ᠃ ︽ᠶᠣᠸᠠᠨ ᠣᠯᠣᠰ ᠤᠨ ᠬᠠᠥᠯᠢ ᠲᠦᠷᠢᠮ︾ ᠳᠤ ᠳ᠋ᠨ ᠳ᠋ᠧ ᠶᠢᠨ ᠠᠷᠪᠠᠨ ᠣᠨ ᠳᠤ ᠦᠯᠵᠡᠶᠢᠳᠣ ᠬᠠᠭᠠᠨ | ᠵᠠᠷᠯᠢᠭ ᠪᠠᠭᠤᠯᠭᠠᠵᠣ᠄ ︽᠁ ᠁ ᠡᠳᠦᠭᠡ ᠠᠴᠠ ᠡᠬᠢᠯᠡᠨ ᠴᠠᠭᠠᠨ ᠰᠠᠷᠠ ᠶᠢᠨ ᠰᠢᠨᠠ ᠶᠢᠨ ᠨᠢᠭᠡᠨ ᠠᠴᠠ | ᠲᠣᠯᠣᠭᠠᠨ ᠰᠠᠷᠠ ᠶᠢᠨ ᠬᠤᠷᠢᠨ ᠤ ᠡᠳᠦᠷ ᠬᠦᠷᠳᠡᠯᠡ ᠬᠡᠨ ᠴᠦ ᠠᠳᠣᠭᠠᠢ ᠠᠩᠨᠠᠨ ᠠᠪᠠᠯᠠᠵᠣ ᠪᠣᠯᠬᠤ ᠦᠭᠡᠢ᠂ | ᠠᠪᠠᠯᠠᠬᠤ ᠬᠦᠮᠦᠰ ᠢ ᠶᠠᠯᠠᠳᠤᠭᠠᠢ︾ ᠭᠡᠵᠦ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ ᠲᠡᠮᠳᠡᠭᠯᠡᠯ ᠪᠣᠢ᠃ ᠶᠣᠸᠠᠨ ᠣᠯᠣᠰ ᠤᠨ | ᠦᠶᠡ ᠳᠤ ᠬᠤᠪᠢᠯᠠᠢ ᠬᠠᠭᠠᠨ ᠠᠴᠠ ᠡᠬᠢᠯᠡᠨ ᠪᠦᠷ ᠯᠡ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠵᠠᠷᠯᠢᠭ ᠪᠠᠭᠤᠯᠭᠠᠭᠰᠠᠨ | ᠪᠦᠭᠡᠳ ᠠᠪᠠ ᠬᠤᠷᠢᠭᠠᠨ ᠤ ᠭᠠᠵᠠᠷ ᠣᠯᠠᠨ ᠭᠠᠷᠭᠠᠵᠣ᠂ ᠬᠡᠭᠡᠷᠠ ᠶᠢᠨ ᠭᠠᠭ᠋ᠠᠢ᠂ ᠬᠤᠯᠠᠨ ᠲᠠᠬᠢ᠂ ᠪᠣᠭᠤ᠂ ᠠᠷᠳᠣ᠂ | ᠲᠠᠥᠯᠠᠢ᠂ ᠬᠤᠨ ᠭᠠᠯᠠᠭᠤ᠂ ᠨᠣᠭᠤᠰᠣ᠂ ᠲᠣᠭᠤᠷᠣᠥ᠂ ᠪᠦᠷᠭᠦᠳ᠂ ᠬᠦᠰᠦᠨ ᠲᠠᠰ᠂ ᠣᠰᠣᠨ ᠲᠠᠰ᠂ ᠡᠮᠦᠨᠡᠴᠢ | ᠰᠢᠪᠠᠭᠤ᠂ ᠪᠦᠳᠦᠨᠠ ᠵᠡᠷᠭᠡ ᠠᠷᠢᠶᠠᠳᠡᠨ ᠵᠢᠭᠦᠷᠳᠡᠨ ᠢ ᠬᠠᠮᠠᠭᠠᠯᠠᠵᠣ ᠪᠠᠶᠢᠪᠠ᠃ ᠲᠣᠮᠳᠠᠳᠣ ᠣᠯᠣᠰ ᠤᠨ ᠬᠠᠭᠠᠨᠳᠣ | ᠲᠦᠷᠦ ᠶᠢᠨ ᠲᠡᠥᠬᠡᠨ ᠳᠤ ᠬᠡᠭᠡᠷᠠ ᠶᠢᠨ ᠠᠮᠢᠳᠠᠨ ᠠᠷᠢᠶᠠᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠲᠠᠯᠠ ᠪᠠᠷ ᠶᠣᠸᠠᠨ ᠣᠯᠣᠰ ᠬᠠᠮᠤᠭ ᠤᠨ | ᠲᠣᠪᠤᠶᠢᠮᠠ ᠵᠢᠳᠭᠦᠯ ᠭᠠᠷᠭᠠᠭᠰᠠᠨ ᠢ ᠡᠨᠡᠬᠦ ᠬᠠᠥᠯᠢ ᠲᠦᠷᠢᠮ ᠤᠨ ᠲᠣᠭᠳᠠᠭᠠᠯ ᠬᠡᠷᠡᠴᠢᠯᠡᠵᠣ ᠪᠣᠢ᠃ ᠶᠤᠸᠠᠨ | ᠤᠯᠤᠰ ᠤᠨ ᠳᠤᠮᠳᠠᠳᠤ ᠤᠷᠤᠨ ᠳᠠᠬᠢ ᠨᠤᠶᠠᠷᠬᠠᠯ ᠳᠠᠭᠤᠰᠤᠬᠰᠠᠨ ᠤ ᠳᠠᠷᠠᠭᠠ᠂ ᠮᠤᠩᠭᠤᠯᠴᠤᠳ ᠪᠤᠭᠤᠮᠳᠠ ᠶᠢᠨ | ᠭᠠᠳᠠᠨᠠ ᠤᠬᠤᠷᠢᠨ ᠭᠠᠷᠴᠥ᠂ ᠤᠮᠠᠷᠠᠳᠤ ᠶᠤᠸᠠᠨ ᠤᠯᠤᠰ ᠤᠨ ᠳᠡᠤᠬᠡ ᠡᠬᠢᠯᠡᠭᠰᠡᠨ ᠶᠤᠮ᠃ ᠡᠨᠡᠬᠦ ᠱᠠᠳᠤᠨ ᠳᠤ | ᠮᠤᠩᠭᠤᠯ ᠤᠨ ᠨᠠᠶᠢᠬᠡᠮ ᠤᠷᠳᠤ ᠬᠤᠭᠤᠴᠠᠭᠠ ᠪᠠᠷ ᠹᠸᠤᠳᠠᠯ ᠤᠨ ᠬᠡᠰᠡᠭᠯᠡᠨ ᠡᠵᠡᠮᠰᠢᠭᠰᠡᠨ ᠪᠠᠶᠢᠳᠠᠯ ᠳᠤ ᠤᠷᠤᠰᠢᠵᠥ᠂ | ᠹᠸᠤᠳᠠᠯ ᠤᠨ ᠨᠤᠶᠠᠷᠬᠠᠬᠴᠢᠳ ᠬᠡᠰᠡᠭᠯᠡᠨ ᠡᠵᠡᠮᠰᠢᠭᠰᠡᠨ ᠤᠷᠤᠨ ᠳᠠᠭᠠᠨ ᠦᠪᠡᠷ ᠦᠪᠡᠷ ᠤᠨ ᠬᠠᠤᠯᠢ ᠳᠦᠷᠢᠮ | ᠳᠤᠬᠳᠠᠭᠠᠨ ᠬᠡᠷᠡᠭᠵᠢᠬᠦᠯᠵᠥ ᠪᠠᠶᠢᠪᠠ᠃ ᠡᠬᠦᠨ ᠳᠤ ᠨᠡᠯᠢᠶᠡᠳ ᠲᠥᠯᠥᠬᠡᠯᠡᠬᠦ ᠴᠢᠨᠠᠷ ᠲᠠᠢ ᠨᠢ ︽ᠠᠯᠳᠠᠨ ᠬᠠᠭᠠᠨ ᠤ | ᠴᠠᠭᠠᠵᠠ︾᠂ ︽ᠬᠠᠯᠬᠠ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠤ ᠴᠠᠭᠠᠵᠠ︾᠂ ︽ᠮᠤᠩᠭᠤᠯ — ᠤᠢᠢᠷᠠᠳ ᠤᠨ | ᠴᠠᠭᠠᠵᠠ ᠶᠢᠨ ᠪᠢᠴᠢᠭ︾ ᠪᠤᠯᠬᠤ ᠶᠤᠮ᠃ ᠠᠮᠢᠳᠤᠷᠠᠯ ᠠᠬᠤᠢ ᠨᠢ ᠮᠠᠯ ᠠᠵᠦ ᠠᠬᠤᠢ ᠪᠠ ᠠᠩ ᠠᠩᠨᠠᠯ ᠤᠨ | ᠤᠢᠢᠯᠡᠰ ᠢᠶᠠᠷ ᠭᠤᠤᠯᠯᠠᠵᠦ ᠪᠠᠶᠢᠭᠰᠠᠨ ᠢᠶᠠᠷ ᠪᠠᠶᠢᠭᠠᠯᠢ ᠶᠢᠨ ᠤᠷᠴᠢᠨ ᠲᠤᠭᠤᠷᠢᠨ ᠢᠶᠠᠨ ᠬᠠᠮᠠᠭᠠᠯᠠᠨ᠂ ᠪᠠᠶᠢᠭᠠᠯᠢ | ᠶᠢᠷᠳᠢᠨᠴᠤ ᠯᠦᠭᠡ ᠡᠶᠡ ᠵᠤᠬᠢᠴᠠᠯ ᠲᠠᠢ ᠲᠨᠩᠴᠡᠬᠦᠷᠢᠳᠤ ᠬᠠᠷᠢᠴᠠᠭᠠ ᠶᠢ ᠪᠠᠳᠤᠯᠠᠬᠤ ᠪᠤᠯ ᠮᠤᠩᠭᠤᠯᠴᠤᠳ ᠤᠨ | ᠤᠷᠤᠰᠢᠯ ᠲᠤᠭᠳᠠᠨᠢᠯ ᠳᠤ ᠬᠤᠯᠪᠤᠭᠳᠠᠬᠤ ᠲᠤᠮᠤ ᠤᠴᠢᠷ ᠪᠤᠯᠵᠦ ᠪᠠᠶᠢᠵᠠᠢ᠃ ᠡᠨᠡ ᠨᠢ ᠤᠮᠠᠷᠠᠳᠤ ᠶᠤᠸᠠᠨ ᠤ | ᠥᠶᠠ ᠶᠢᠨ ᠬᠠᠤᠯᠢ ᠲᠥᠷᠢᠮ ᠳᠤ ᠲᠤᠳᠤᠬᠠᠨ ᠢᠯᠡᠷᠡᠭᠰᠡᠨ ᠪᠠᠶᠢᠨᠠ᠃ ︽ᠠᠯᠳᠠᠨ ᠬᠠᠭᠠᠨ ᠤ ᠴᠠᠭᠠᠵᠠ︾ ᠠᠴᠠ | ᠥᠵᠡᠬᠦ ᠳᠤ ᠬᠡᠬᠡᠷᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠵᠦᠢᠯ ᠵᠤᠷᠪᠤᠰ ᠢ ᠤᠨᠴᠠᠭᠠᠢ ᠨᠠᠷᠢᠨ ᠲᠤᠳᠤᠷᠬᠠᠢ ᠲᠤᠭᠳᠠᠭᠠᠵᠦ᠂ | ᠬᠤᠯᠠᠨ ᠲᠠᠬᠢ᠂ ᠵᠡᠭᠡᠷᠠ᠂ ᠪᠤᠭᠤ᠂ ᠪᠤᠳᠤᠩ ᠭᠠᠭ᠋ᠠᠢ᠂ ᠲᠠᠷᠪᠠᠭᠠ᠂ ᠲᠠᠤᠯᠠᠢ ᠵᠡᠷᠬᠡ ᠠᠮᠢᠳᠠᠨ ᠢ ᠲᠤᠷᠠᠪᠡᠷ | ᠠᠩᠨᠠᠬᠤ ᠶᠢ ᠴᠠᠭᠠᠵᠠᠯᠠᠵᠦ᠂ ᠡᠳᠡᠬᠡᠷ ᠠᠮᠢᠳᠠᠨ ᠢ ᠠᠯᠠᠪᠠᠯ ᠲᠤᠷᠭᠠᠬᠤ ᠲᠥᠷᠢᠮ ᠲᠤᠭᠳᠠᠭᠠᠯ ᠢ ᠴᠤ ᠨᠠᠷᠢᠨ ᠲᠤᠳᠤᠷᠬᠠᠢ | ᠲᠤᠭᠳᠠᠭᠠᠵᠦ᠂ ᠡᠯᠢᠶᠠ᠂ ᠬᠡᠷᠢᠶᠠ᠂ ᠱᠠᠭᠠᠵᠠᠭᠠᠢ᠂ ᠵᠢᠭᠠᠰᠤ ᠵᠡᠷᠬᠡ ᠠᠮᠢᠳᠠᠨ ᠢ ᠯᠡ ᠠᠯᠠᠬᠤ ᠶᠢ ᠵᠥᠪᠰᠢᠶᠡᠷᠡᠭᠰᠡᠨ | ᠪᠠᠶᠢᠨᠠ᠃ ︽ᠬᠠᠯᠬᠠ ᠶᠢᠨ ᠲᠤᠯᠤᠭᠠᠨ ᠬᠤᠰᠢᠭᠤᠨ ᠤ ᠴᠠᠭᠠᠵᠠ︾ ᠳᠤ ᠲᠦᠢᠮᠡᠷ ᠠᠯᠳᠠᠵᠦ ᠨᠤᠳᠤᠭ ᠪᠡᠯᠴᠢᠭᠡᠷ | ᠰᠢᠳᠠᠭᠠᠭᠰᠠᠳ ᠢ ᠨᠢᠬᠡ ᠲᠠᠪᠤ ︵ᠮᠠᠯ︶ ᠪᠠᠷ ᠲᠤᠷᠭᠠᠵᠦ᠂ ᠬᠦᠮᠦᠨ ᠥᠬᠦᠬᠦᠯᠦᠭᠰᠡᠳ ᠢ ᠠᠮᠢᠨ ᠬᠡᠷᠡᠭ ᠢᠶᠠᠷ | ᠰᠢᠢᠳᠪᠦᠷᠢᠯᠡᠨᠠ᠃ ᠬᠤᠯᠠᠳᠠᠢ ︵ᠬᠤᠯᠠᠨ ᠲᠠᠬᠢ︶ ᠶᠢ ᠠᠯᠠᠪᠠᠰᠤ ᠴᠠᠭᠠᠵᠠ ᠪᠠᠷ ᠰᠢᠳᠬᠡᠨᠠ ᠬᠡᠵᠦ ᠲᠤᠭᠳᠠᠭᠠᠭᠰᠠᠨ | ᠪᠠᠶᠢᠳᠠᠭ᠃ ︽ᠮᠤᠩᠭᠤᠯ — ᠤᠢᠢᠷᠠᠳ ᠤᠨ ᠴᠠᠭᠠᠵᠠ ᠶᠢᠨ ᠪᠢᠴᠢᠭ︾ ᠤᠨ 60 ᠳ᠋ᠤᠭᠠᠷ ᠵᠤᠷᠪᠤᠰ ᠲᠤ᠄ ︽ | ᠨᠡᠬᠦᠭᠰᠡᠨ ᠤᠳᠤᠭ ᠠᠴᠠ ᠭᠠᠯ ᠤᠨᠳᠠᠷᠠᠭᠠᠬᠤᠯᠠ ᠬᠤᠨᠢ ᠠᠪ︾ ᠬᠡᠵᠦ ᠲᠤᠭᠳᠠᠭᠠᠵᠦ᠂ 61 ᠳ᠋ᠤᠬᠡᠷ ᠵᠤᠷᠪᠤᠰ ᠲᠤ᠄ | ︽ᠥᠰᠢᠵᠦ ᠲᠦᠢᠮᠡᠷ ᠲᠠᠯᠪᠢᠬᠤᠯᠠ ᠶᠡᠭᠡ ᠪᠡᠷᠬᠡ ᠪᠠᠷ ᠪᠤᠯᠳᠤᠭᠠᠢ︾ ︵ᠪᠡᠷᠬᠡ — ᠮᠠᠯ ᠢᠶᠠᠷ ᠲᠤᠷᠭᠠᠬᠤ ᠲᠥᠷᠢᠮ︶ | ᠬᠡᠵᠦ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠴᠢᠩ ᠤᠯᠤᠰ ᠲᠤ ᠲᠠᠭᠠᠭᠰᠠᠨ ᠨᠠᠶᠢᠳᠡ ᠶᠢᠨ ᠤᠨ | ᠲᠤᠭᠠᠯᠠᠯ ᠤᠨ 1709 ᠠᠴᠠ 1770 ᠤᠨ ᠤ ᠬᠤᠭᠤᠷᠤᠨᠳᠤ ᠬᠠᠯᠬᠠ ᠶᠢᠨ ᠭᠤᠷᠪᠠᠨ ᠬᠠᠨ ᠠᠶᠢᠮᠠᠭ ᠤᠨ ᠬᠠᠨ | ᠨᠤᠶᠠᠳ ᠴᠢᠭᠤᠯᠭᠠᠨ ᠬᠤᠷᠠᠬᠤ ᠪᠠᠷ ᠲᠠᠮᠵᠢᠨ 18 ᠢᠵᠢ ᠬᠠᠤᠯᠢ ᠲᠥᠷᠢᠮ ᠲᠤᠭᠳᠠᠭᠠᠭᠰᠠᠨ ᠢ ᠲᠡᠤᠬᠡᠨᠠ | ᠬᠤᠷᠢᠶᠠᠩᠭᠤᠢᠢᠯᠠᠭᠠᠳ ︽ᠬᠠᠯᠬᠠ ᠵᠢᠷᠤᠮ︾ ᠬᠡᠳᠡᠭ᠃ ︽ᠬᠠᠯᠬᠠ ᠵᠢᠷᠤᠮ︾ ᠳᠤ ᠬᠡᠬᠡᠷᠠ ᠶᠢᠨ ᠠᠮᠢᠳᠠᠨ ᠢ | ᠬᠠᠮᠠᠭᠠᠯᠠᠬᠤ ᠪᠠᠷ ᠥᠯᠥ ᠪᠠᠷᠠᠮ᠂ ᠤᠷᠢᠳᠦ ᠶᠢᠨ ᠬᠠᠤᠯᠢ ᠲᠥᠷᠢᠮ ᠳᠤ ᠶᠡᠷᠤ ᠥᠵᠡᠭᠳᠡᠭᠡ ᠥᠬᠡᠢ ᠤᠢ ᠮᠤᠳᠤ | ᠬᠠᠮᠠᠭᠠᠯᠠᠬᠤ ᠲᠥᠷᠢᠮ ᠢ ᠤᠯᠠᠨ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠲᠤᠬᠠᠢ ᠬᠡᠳᠤᠨ ᠵᠦᠢᠯ ᠵᠤᠷᠪᠤᠰ ᠢ ᠰᠡᠶᠢᠷᠡᠭᠦᠯᠪᠡᠯ | ᠄ ︽ᠪᠠᠰᠠ ᠬᠦᠷᠢᠶᠠ ᠵᠠᠰᠠᠭᠰᠠᠨ ᠭᠠᠵᠠᠷᠠ᠃ ᠬᠦᠷᠢᠶᠡᠨ ᠠᠴᠠ ᠲᠤᠳᠤᠭᠰᠢ ᠬᠠᠭᠤᠷᠠᠢ ᠨᠦᠢᠳᠠᠨ ᠠᠯᠢ ︵ᠴᠢᠬᠢ︶ | ᠮᠤᠳᠤ ᠤᠭᠳᠤᠯᠬᠤ ᠥᠬᠡᠢ᠃ ᠬᠦᠷᠢᠶᠡᠨ ᠤ ᠵᠠᠬᠠ ᠠᠴᠠ ᠭᠠᠳᠠᠭᠰᠢ ᠬᠠᠷᠠᠪᠠᠯ ᠤᠨ ᠲᠤᠰᠴᠤ ᠬᠦᠷᠬᠦ ᠠᠴᠠ ᠢᠨᠠᠭᠰᠢ | ᠨᠦᠢᠳᠠᠨ ᠮᠤᠳᠤ ᠤᠭᠳᠤᠯᠬᠤ ᠥᠬᠡᠢ᠃ ᠬᠡᠨ ᠬᠦᠮᠦᠨ ᠤᠭᠳᠤᠯᠤᠬᠤᠯᠠ ᠪᠠᠭᠠᠵᠢ ᠶᠢ ᠲᠤᠨᠤᠭ ᠢ ᠢᠨᠤ ᠴᠥᠮ ᠠᠪᠬᠤ | ᠃ ᠲᠡᠷᠡ ᠲᠤᠨᠤᠭ ᠢ ᠬᠡᠨ ᠥᠵᠡᠭᠰᠡᠨ ᠬᠦᠮᠦᠨ ᠠᠪᠬᠤ ᠁ ᠮᠥᠴᠢᠷ ᠤᠨ ᠲᠤᠰ ᠨᠦᠢᠳᠠᠨ ᠮᠥᠴᠢᠷ ᠨᠦᠢᠳᠠᠨ | ᠮᠤᠳᠤᠨ ᠤ ᠶᠤᠰᠤᠭᠠᠷ᠃ ᠬᠠᠭᠤᠷᠠᠢ ᠮᠥᠴᠢᠷ ᠬᠠᠭᠤᠷᠠᠢ ᠮᠤᠳᠤᠨ ᠤ ᠴᠠᠬᠠᠵᠠ ᠪᠠᠷ ᠪᠤᠯᠬᠤ ᠁ ᠬᠠᠭᠤᠷᠠᠢ ᠮᠤᠳᠤ | ᠤᠭᠳᠤᠯᠤᠭᠰᠠᠨ᠂ ᠨᠦᠢᠳᠠᠨ ᠮᠤᠳᠤᠨ ᠢ ᠬᠤᠭᠤ ᠲᠠᠬᠠᠷᠢᠬᠤᠯᠠ᠂ ᠰᠢᠯᠤᠷᠥᠭᠰᠡᠨ ᠢ ᠴᠠᠬᠠᠵᠠ ᠪᠠᠷ ᠰᠥᠬᠡᠨ ᠢ ᠠᠪ︾᠂ | ︽ᠡᠮᠭᠡᠭ ᠥᠬᠡᠢ ᠮᠤᠷᠢ᠂ ᠬᠤᠩᠬᠤᠷ ᠬᠠᠯᠬᠤ᠂ ᠮᠤᠭᠠᠢ᠂ ᠮᠡᠨᠡᠭᠡᠢ᠂ ᠠᠭᠬᠢᠷ᠂ ᠨᠢᠯᠬᠠ ᠢᠨᠵᠠᠭᠠ᠂ ᠪᠠᠯᠵᠤᠮᠤᠷ᠂ | ᠨᠠᠬᠠᠢ ᠡᠳᠡᠨ ᠢ ᠪᠤᠤ ᠠᠯᠠ᠂ ᠠᠯᠠᠭᠰᠠᠨ ᠢ ᠬᠡᠨ ᠬᠦᠮᠦᠨ ᠥᠵᠡᠪᠡᠰᠥ ᠮᠤᠷᠢ ᠠᠪ︾ ᠬᠡᠬᠦ ᠵᠡᠷᠬᠡ ᠪᠠᠷ ᠲᠤᠭᠳᠠᠭᠠᠭᠰᠠᠨ | ᠪᠠᠶᠢᠨᠠ᠃ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠬᠠᠤᠯᠢ ᠲᠥᠷᠢᠮ ᠤᠨ ᠬᠡᠬᠡᠷᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠲᠡᠤᠭᠡᠨ | ᠤᠯᠠᠮᠵᠢᠯᠠᠯ ᠤᠨ ᠠᠭᠤᠯᠭᠠ ︽ᠬᠠᠯᠬᠠ ᠵᠢᠷᠤᠮ︾ ᠳᠤ ᠥᠷᠭᠡᠳᠴᠤ᠂ ᠪᠤᠯᠵᠤᠮᠤᠷ᠂ ᠨᠤᠬᠠᠢ ᠶᠢ ᠬᠦᠷᠳᠡᠯᠠ | ᠬᠠᠮᠠᠭᠠᠯᠠᠬᠤ ᠪᠤᠯᠤᠭᠰᠠᠨ ᠨᠢ ᠰᠢᠷᠠ ᠶᠢᠨ ᠱᠠᠰᠢᠨ ᠤ ᠠᠮᠢᠨ ᠥᠯᠥ ᠲᠠᠰᠤᠯᠬᠤ ᠴᠡᠭᠡᠷᠯᠡᠯ ᠤᠨ ᠨᠥᠯᠥᠬᠡ ᠠᠴᠠ | ᠪᠤᠯᠤᠭᠰᠠᠨ ᠠᠪᠠᠴᠤ ᠬᠡᠬᠡᠷᠠ ᠶᠢᠨ ᠠᠮᠢᠳᠠᠨ ᠢ ᠬᠠᠮᠠᠭᠠᠯᠠᠬᠤ ᠳᠤ ᠢᠳᠡᠪᠬᠢᠳᠠᠢ ᠤᠢᠢᠯᠡᠳᠤᠯ ᠥᠵᠡᠬᠦᠯᠦᠭᠰᠡᠨ ᠪᠠᠶᠢᠨᠠ᠃ | ᠲᠤᠰ ᠬᠠᠤᠯᠢ ᠶᠢᠨ 185 ᠳ᠋ᠤᠭᠠᠷ ᠵᠤᠷᠪᠤᠰ ᠲᠤ ᠨᠤᠳᠤᠭ ᠰᠤᠩᠭᠤᠨ ᠨᠡᠭᠦᠳᠡᠯᠯᠡᠵᠦ ᠪᠠᠭᠤᠬᠤ ᠳᠠᠭᠠᠨ ᠲᠦᠢᠮᠡᠷ | ᠠᠯᠳᠠᠬᠤ ᠶᠢ ᠴᠢᠩᠭᠠ ᠴᠠᠭᠠᠵᠡᠯᠠᠵᠦ᠂ ᠨᠡᠬᠦᠭᠰᠡᠨ ᠨᠤᠳᠤᠭ ᠲᠤ ᠲᠦᠢᠮᠡᠷ ᠠᠯᠳᠠᠬᠤ ᠬᠠᠷᠢᠭᠤᠴᠠᠯᠭᠠ ᠶᠢᠨ ᠲᠥᠷᠢᠮ | ᠲᠤᠭᠳᠠᠭᠠᠯ ᠢ ᠲᠤᠭᠳᠠᠭᠠᠭᠰᠠᠨ ᠪᠠᠶᠢᠨᠠ᠃ ᠮᠤᠩᠭᠤᠯᠴᠤᠳ ᠤᠨ ᠠᠮᠢ ᠠᠬᠤᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠨᠢ | ᠥᠨᠳᠤᠰᠤᠨ ᠳᠡᠭᠡᠨ ᠮᠤᠩᠭᠤᠯ ᠥᠨᠳᠤᠰᠤᠳᠡᠨ ᠪᠦᠷᠢᠯᠳᠤᠬᠦ ᠯᠦᠭᠡ ᠵᠡᠷᠭᠡᠪᠡᠷ ᠪᠤᠢ ᠪᠤᠯᠵᠦ᠂ ᠠᠭᠠᠵᠢᠮ ᠳᠠᠭᠠᠨ | ᠮᠤᠩᠭᠤᠯ ᠤᠨ ᠨᠡᠶᠢᠬᠡᠮ ᠤᠨ ᠵᠠᠩᠰᠢᠯ ᠤᠨ ᠬᠠᠤᠯᠢ — ︽ᠶᠤᠰᠤᠨ︾ ᠪᠤᠯᠵᠦ ᠲᠥᠯᠥᠪᠰᠢᠷᠡᠨ᠂ ᠮᠤᠩᠭᠤᠯ ᠤᠨ | ᠨᠡᠶᠢᠬᠡᠮ ᠠᠩᠬᠢᠳᠤ ᠨᠡᠶᠢᠭᠡᠮ ᠳᠤ ᠰᠢᠯᠵᠢᠬᠦ ᠶᠢ ᠲᠠᠭᠠᠯᠳᠤᠨ ᠠᠯᠪᠠᠳᠡᠯᠭᠠ ᠶᠢᠨ ᠬᠦᠴᠦᠨ ᠪᠦᠬᠦᠢ ᠬᠠᠤᠯᠢ ᠴᠠᠭᠠᠵᠠ | ᠬᠠᠤᠯᠢ ᠲᠥᠷᠢᠮ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ ᠮᠤᠩᠭᠤᠯ ᠤᠨ ᠡᠷᠳᠡᠨ ᠤ ᠬᠠᠤᠯᠢ ᠳᠤ ᠲᠤᠤᠱᠯᠠᠭᠳᠠᠭᠰᠠᠨ ᠡᠨᠡᠬᠦ | ᠤᠬᠠᠮᠰᠠᠷ ᠨᠢ ᠤᠳᠤ ᠴᠤ ᠬᠡᠰᠡᠨ ᠵᠠᠩ ᠤᠢᠢᠯᠡ᠂ ᠴᠡᠬᠡᠷ ᠶᠤᠰᠤᠨ ᠤ ᠬᠡᠯᠪᠡᠷᠢ ᠪᠠᠷ ᠮᠤᠩᠭᠤᠯᠴᠤᠳ ᠤᠨ | ᠠᠮᠢᠳᠤᠷᠠᠯ ᠳᠤ ᠴᠢᠬᠤᠯᠠ ᠨᠥᠯᠥᠬᠡ ᠥᠵᠡᠬᠦᠯᠵᠦ ᠪᠠᠶᠢᠭᠠ ᠶᠤᠮ᠃ ᠮᠤᠩᠭᠤᠯᠴᠤᠳ ᠤᠨ ᠪᠠᠶᠢᠭᠠᠯᠢ ᠠᠬᠤᠢ ᠪᠠᠨ | ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠨᠢ ᠮᠤᠩᠭᠤᠯᠴᠤᠳ ᠤᠨ ᠠᠮᠢᠳᠤᠷᠠᠨ ᠤᠷᠤᠰᠢᠵᠦ ᠪᠠᠶᠢᠭᠠ ᠤᠷᠴᠢᠨ ᠲᠤᠭᠤᠷᠢᠨ᠂ ᠠᠵᠦ | ᠲᠥᠷᠥᠵᠤ ᠪᠠᠶᠢᠭᠠ ᠮᠠᠯᠵᠢᠯ᠂ ᠠᠩᠨᠠᠯ ᠤᠨ ᠠᠵᠦ ᠠᠬᠤᠢ ᠯᠤᠭᠠ ᠰᠠᠯᠵᠦ ᠪᠤᠯᠤᠰᠢ ᠥᠬᠡᠢ ᠬᠤᠯᠪᠤᠭᠠ ᠲᠠᠢ ᠪᠢᠯᠡ᠃ | ᠤᠷᠳᠤ ᠤᠳᠠᠭᠠᠨ ᠬᠤᠭᠤᠴᠠᠭᠠ ᠪᠠᠷ ᠮᠤᠩᠭᠤᠯ ᠤᠨ ᠥᠨᠳᠦᠷᠯᠢᠭ ᠲᠤ ᠮᠠᠯᠵᠢᠯ᠂ ᠠᠩᠨᠠᠯ ᠤᠨ ᠠᠵᠦ ᠠᠬᠤᠢ | ᠡᠷᠬᠢᠯᠡᠭᠰᠡᠨ ᠨᠢ ᠮᠤᠩᠭᠤᠯᠴᠤᠳ ᠤᠨ ᠪᠠᠶᠢᠭᠠᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠤᠬᠠᠮᠰᠠᠷ ᠢ ᠪᠤᠢ ᠪᠤᠯᠭᠠᠵᠦ᠂ ᠡᠨᠡ ᠨᠢ | ᠮᠤᠩᠭᠤᠯ ᠤᠨ ᠥᠨᠳᠦᠷᠯᠢᠭ ᠤᠨ ᠪᠠᠶᠢᠭᠠᠯᠢ ᠠᠬᠤᠢ ᠶᠢᠨ ᠤᠩᠭᠤᠨ ᠲᠥᠷᠬᠦ ᠤᠯᠠᠨ ᠵᠠᠭᠤᠨ ᠤ ᠲᠤᠷᠰᠢ ᠲᠡᠷᠡ | ᠬᠡᠪ ᠢᠶᠠᠷ ᠢᠶᠠᠨ ᠬᠠᠳᠠᠭᠠᠯᠠᠭᠳᠠᠭᠰᠠᠭᠠᠷ ᠢᠷᠡᠬᠦ ᠳᠤ ᠲᠦᠢᠯ ᠤᠨ ᠴᠢᠬᠤᠯᠠ ᠤᠢᠢᠯᠡᠳᠤᠯ ᠥᠵᠡᠬᠦᠯᠦᠭᠰᠡᠨ ᠬᠡᠵᠦ ᠬᠡᠯᠡᠵᠦ | ᠪᠤᠯᠤᠨᠠ᠃ ︵︽ᠪᠠᠶᠠᠨᠨᠠᠭᠤᠷ ᠮᠤᠩᠭᠤᠯ ᠰᠦᠯᠵᠢᠶᠠ︾ ᠠᠴᠠ ᠰᠢᠯᠵᠢᠬᠦᠯᠪᠡ︶ |