| ● ᠰᠤᠷᠪᠤᠯᠵᠢᠯᠠᠭᠴᠢ ᠪᠤᠤ ᠤᠷᠠᠨᠳᠤᠳᠢ ᠪᠤᠤ ᠱᠤᠸᠠᠩ ᠴᠢᠥᠸᠠᠨ ᠳ᠋ᠦᠩ ᠯᠢ ᠫᠢᠩ | 2024 ᠤᠨ ᠤ 12 ᠰᠠᠷᠠ ᠶᠢᠨ 10 ᠤ ᠡᠳᠥᠷ | ᠡᠷᠳᠡ ᠶᠢᠨ 5 ᠴᠠᠭ 30 ᠮᠢᠨᠦ᠋ᠲ᠂ ᠭᠠᠳᠠᠨᠠ ᠭᠡᠭᠡ ᠤᠷᠤᠭᠠᠳᠥᠢ ᠁ | ᠮᠠᠨ ᠤ ᠰᠤᠷᠪᠤᠯᠵᠢᠯᠠᠭᠠ ᠶᠢᠨ ᠪᠦᠯᠬᠦᠮ ᠲᠦᠬᠦᠮ ᠬᠤᠭᠤᠯᠠ ᠢᠳᠡᠴᠢᠭᠡᠭᠡᠳ ᠬᠢᠨᠭ᠍ᠭᠠᠨ ᠠᠶᠢᠮᠠᠭ ᠤᠨ ᠷᠠᠰᠢᠶᠠᠨ | ᠬᠤᠳᠠ ᠶᠢᠨ ᠢᠷᠪᠢᠰ ᠪᠠᠯᠭᠠᠰᠥᠨ ᠳᠤ ᠬᠦᠷᠥᠭᠡᠳ ᠷᠠᠰᠢᠶᠠᠨ ᠤ ᠬᠢᠯᠢ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠶᠡᠭᠡ ᠠᠩᠬᠢ ᠶᠢᠨ ᠬᠢᠯᠢ | ᠬᠠᠮᠠᠭᠠᠯᠠᠭᠴᠢ ᠸᠠᠩ ᠢᠤᠢ ᠹᠠ ᠨᠠᠷ ᠲᠠᠢ ᠵᠤᠯᠭᠤᠨ᠂ ᠳᠡᠳᠡᠨᠥᠰ ᠲᠠᠢ ᠬᠠᠮᠳᠥ ᠳᠤᠮᠳᠠᠳᠥ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰ ᠤᠨ | ᠬᠢᠯᠢ ᠶᠢᠨ ᠱᠤᠭᠤᠮ ᠵᠦᠭ ᠮᠤᠷᠳᠡᠨ᠂ ᠳᠡᠳᠡᠨᠥᠰ ᠤᠨ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠭᠠ ᠨᠢᠭᠡ ᠡᠳᠥᠷ ᠤᠨ ᠠᠵᠢᠯ | ᠠᠮᠢᠳᠤᠷᠠᠯ ᠢ ᠨᠢ ᠪᠡᠶᠡᠴᠢᠯᠡᠨ ᠤᠶᠢᠯᠠᠭᠠᠪᠠ᠃ | ᠮᠠᠨᠥᠰ ᠲᠠᠢ ᠬᠠᠮᠳᠥ ᠶᠠᠪᠤᠭᠠ ᠬᠦᠮᠥᠰ ᠤᠨ ᠲᠤᠳᠤᠷᠠ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠸᠠᠩ ᠢᠤᠢ ᠹᠠ᠂ ᠶᠠᠩ ᠶᠦᠨ ᠵᠣ᠋᠂ ᠳ᠋ᠢ | ᠸᠧᠢ ᠪᠢᠨ ᠪᠤᠯᠤᠨ ᠠᠷᠠᠳ ᠤᠨ ᠴᠠᠭᠳᠠᠭᠠ ᠯᠢᠥ ᡁᠢ ᠴᠢᠶᠠᠩ᠂ ᠰᠢᠤᠢ ᠱᠧᠩ ᠸᠧᠢ ᠪᠠᠶᠢᠨᠠ᠃ ᠵᠠᠮ ᠳᠤᠷᠰᠢ᠂ ᠬᠢᠯᠢ | ᠬᠠᠮᠠᠭᠠᠯᠠᠭᠴᠢ ᠸᠠᠩ ᠢᠤᠢ ᠹᠠ ᠪᠢᠳᠡᠨ ᠳᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ 22 ᠵᠢᠯ ᠤᠨ ᠳᠤᠷᠰᠢᠬᠢ | ᠦᠯᠢᠭᠡᠷ ᠢᠶᠠᠨ ᠶᠠᠷᠢᠵᠤ ᠦᠭᠬᠦᠯᠡ᠃ ᠸᠠᠩ ᠢᠤᠢ ᠹᠠ ᠡ᠊ᠨᠡ ᠵᠢᠯ ᠵᠢᠷᠠᠨ ᠳᠤᠯᠤᠭᠠᠳᠠᠢ᠂ ᠡᠪ ᠬᠠᠮᠳᠤ ᠨᠠᠮ ᠳᠤ | ᠡᠯᠰᠡᠭᠳᠡᠭᠡᠤᠨ 40 ᠵᠢᠯ ᠤᠨ ᠨᠢᠭᠤᠷ ᠢ ᠦᠵᠡᠵᠤ ᠪᠤᠢ᠃ ᠳᠡᠷᠡᠪᠡᠷ ᠬᠠᠷᠠᠬᠠᠨ ᠪᠠᠭᠠ ᠠᠴᠠ ᠪᠠᠨ ᠴᠡᠷᠢᠭ ᠲᠤ ᠤᠷᠤᠬᠤ | ᠬᠦᠰᠡᠯ ᠲᠠᠢ᠂ ᠬᠡᠳᠡᠯᠡ ᠤᠯᠠᠨ ᠰᠢᠯᠳᠠᠭᠠᠨ ᠠᠴᠠ ᠪᠤᠯᠵᠤ ᠦᠨᠥ ᠬᠦᠰᠡᠯ ᠢᠶᠠᠨ ᠪᠡᠶᠡᠯᠡᠬᠦᠯᠵᠤ ᠳᠡᠶᠢᠯᠥᠭᠰᠡᠨ ᠦᠬᠡᠢ᠃ ᠳᠡᠷᠡ | ᠪᠤᠯ ᠨᠢᠭᠡᠨ ᠤᠢ ᠰᠢᠭᠤᠢ ᠶᠢᠨ ᠠᠵᠢᠯᠳᠠᠨ᠂ 2003 ᠤᠨ ᠳᠤ 46 ᠨᠠᠰᠥᠳᠠᠢ ᠸᠠᠩ ᠢᠤᠢ ᠹᠠ ᠦᠨᠥ ᠠᠵᠢᠯ ᠢᠶᠠᠨ | ᠳᠠᠶᠠᠭᠳᠠᠨ᠂ ᠬᠢᠯᠢ ᠶᠢᠨ ᠱᠤᠭᠤᠮ ᠠᠴᠠ 5 ᠺᠢᠯᠥᠮᠧᠲᠷ ᠵᠠᠶᠢᠳᠠᠢ ᠬᠠᠪᠤᠷᠵᠢᠶᠠ ᠳᠤ ᠨᠤᠳᠤᠭᠰᠢᠨ ᠮᠠᠯᠵᠢᠬᠤ ᠠᠮᠢᠳᠤᠷᠠᠯ ᠢ | ᠡᠳ᠋ᠯᠡᠭᠰᠡᠨ ᠪᠠᠶᠢᠨᠠ᠃ ᠮᠦᠨ ᠳᠡᠷᠡ ᠴᠠᠭ ᠠᠴᠠ ᠡᠬᠢᠯᠡᠨ ︽ᠬᠢᠯᠢ ᠪᠠᠨ ᠬᠠᠮᠠᠭᠠᠯᠠᠬᠤ ᠨᠢ ᠳᠠᠷᠤᠢ ᠭᠡᠷ ᠢᠶᠠᠨ ᠬᠠᠮᠠᠭᠠᠯᠠᠵᠤ | ᠪᠠᠶᠢᠭᠠ ᠤᠴᠢᠷ︾ ᠭᠡᠰᠡᠨ ᠪᠤᠳᠤᠯ ᠤᠷᠤᠵᠤ᠂ ᠬᠠᠪᠤᠷᠵᠢᠶᠠ ᠶᠢᠨ ᠬᠠᠵᠠᠭᠤᠳᠡᠬᠢ 1378 ᠬᠢᠯᠢ ᠶᠢᠨ ᠬᠦᠰᠢᠶᠡ ᠠᠴᠠ | 1381 ᠬᠢᠯᠢ ᠶᠢᠨ ᠬᠦᠰᠢᠶᠡ ᠬᠦᠷᠳᠡᠯᠡᠬᠢ 25.928 ᠺᠢᠯᠥᠮᠤᠳ᠋ᠷ ᠤᠨ ᠬᠢᠯᠢ ᠶᠢᠨ ᠱᠤᠭᠤᠮ ᠢ ᠭᠠᠷᠠᠭ ᠪᠦᠷᠢ ᠬᠤᠶᠠᠷ | ᠤᠳᠠᠭᠠ ᠳᠤᠭᠤᠷᠢᠨ ᠪᠠᠶᠢᠴᠠᠭᠠᠵᠤ ᠶᠠᠪᠤᠳᠠᠭ ᠪᠤᠯᠪᠠ᠃ | 2019 ᠤᠨ ᠳᠤ᠂ ᠷᠠᠰᠢᠶᠠᠨ ᠬᠢᠯᠢ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠶᠡᠭᠡ ᠠᠩᠬᠢ ᠶᠢᠨ ᠬᠢᠨ ᠬᠢᠯᠢ ᠬᠢᠵᠠᠭᠠᠷ ᠤᠨ | ᠬᠠᠮᠠᠭᠠᠯᠠᠬᠴᠢ ᠶᠢᠨ ᠡᠩᠨᠡᠭᠡ ᠶᠢ ᠪᠠᠶᠢᠭᠤᠯᠬᠤ ᠳᠤ᠂ ᠸᠠᠩ ᠢᠤᠢ ᠹᠠ ᠬᠠᠮᠤᠭ ᠳᠡᠷᠢᠬᠦᠨ ᠳᠤ ᠨᠡᠷᠡ ᠮᠡᠳᠡᠬᠦᠯᠥᠨ᠂ ᠦᠡᠭᠭᠡ | ᠬᠡᠷᠡᠯᠳᠡᠢ ᠪᠠᠷ ᠨᠢᠭᠡᠨ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠪᠤᠯᠪᠠ᠃ ︽ᠲᠠᠨᠥᠰ ᠬᠤᠷᠳᠥᠨ ᠬᠠᠷᠠᠭᠠᠷᠠᠢ︕ ᠴᠠᠰᠥᠨ ᠳᠤ ᠪᠤᠷᠤ ᠬᠦᠷᠥᠭᠡᠰᠥ | ᠬᠦᠶᠥᠵᠤ ᠪᠠᠶᠢᠨᠠ︕︾ ᠭᠡᠵᠦ ᠸᠠᠩ ᠢᠤᠢ ᠹᠠ ᠳᠡᠷᠭᠡᠨ ᠴᠤᠩᠬᠤ ᠶᠢ ᠨᠡᠭᠡᠭᠡᠵᠤ ᠮᠠᠨᠤᠰ ᠲᠤ ᠬᠡᠯᠡᠨᠡ᠃ ᠳᠡᠷᠡ ᠪᠠᠰᠠ ︽ | ᠷᠠᠰᠢᠶᠠᠨ ᠤ ᠠᠮᠢ ᠠᠬᠤᠢ ᠶᠢᠨ ᠤᠷᠴᠢᠨ ᠳᠤᠭᠤᠷᠢᠨ ᠰᠠᠶᠢᠨ᠂ ᠭᠡᠭᠡᠷᠡ ᠶᠢᠨ ᠠᠮᠢᠳᠠᠨ ᠤᠯᠠᠨ ᠪᠠᠶᠢᠨᠠ᠂ ᠡ᠊ᠨᠡ ᠬᠡᠳᠥᠨ ᠵᠢᠯ᠂ | ᠵᠡᠭᠡᠷᠡ ᠶᠢ ᠠᠪᠤᠷᠠᠭᠰᠠᠨ᠂ ᠬᠠᠷᠠ ᠪᠠᠭᠠᠪᠠᠭᠠᠢ ᠠᠴᠠ ᠳᠤᠳᠠᠭᠠᠭᠰᠠᠨ ᠵᠡᠷᠭᠡ ᠶᠠᠪᠤᠳᠠᠯ ᠤᠯᠠᠨ ᠳᠠᠭᠠᠷᠠᠯᠳᠤᠯᠠ︾ ᠭᠡᠵᠤ ᠬᠢᠯᠢ | ᠬᠢᠵᠠᠭᠠᠷ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠳᠤᠮᠳᠠ ᠳᠤᠬᠢᠶᠠᠯᠳᠤᠭᠰᠠᠨ ᠤᠴᠠᠷᠠᠯ ᠢᠶᠠᠨ ᠮᠠᠨᠤᠰ ᠲᠤ ᠦᠯᠢᠭᠡᠷ ᠰᠢᠭ ᠭᠡᠯᠡᠵᠤ ᠦᠭᠬᠦᠯᠠ᠃ | ᠦᠷᠯᠥᠭᠡ ᠶᠢᠨ 7 ᠴᠠᠭ 30 ᠮᠢᠨᠦ᠋ᠲ ᠤᠨ ᠦᠶᠡ ᠪᠠᠷ᠂ ᠮᠠᠨ ᠤ ᠳᠡᠷᠭᠡ ᠳᠤᠮᠳᠠᠳᠥ ᠮᠤᠩᠭᠤᠯ ᠬᠤᠶᠠᠷ ᠤᠯᠤᠰ ᠤᠨ | ᠬᠢᠯᠢ ᠶᠢᠨ ᠬᠠᠮᠢᠶᠠᠷᠤᠯᠳᠠ ᠶᠢᠨ ᠤᠷᠤᠨ ᠳᠤ ᠬᠦᠷᠪᠡ᠂ ᠳᠡᠷᠭᠡ ᠪᠠᠭᠠ ᠶᠠᠪᠤᠭᠠᠳ ᠵᠤᠭᠰᠤᠪᠠ᠂ ︽ᠬᠦᠷᠴᠢᠭᠡᠭᠰᠡᠨ ᠤᠤ︖︾ | ᠭᠡᠵᠤ ᠰᠤᠷᠪᠤᠯᠵᠢᠯᠠᠭᠴᠢ ᠠᠰᠠᠭᠤᠬᠤ ᠳᠤ᠂ ᠸᠠᠩ ᠢᠤᠢ ᠹᠠ ᠢᠨᠢᠶᠡᠮᠰᠥᠭᠯᠡᠨ᠄ ︽ᠦᠬᠡᠢ᠂ ᠡᠮᠥᠨᠡ ᠳᠠᠯᠠ ᠳᠤ ᠴᠠᠰᠥ | ᠨᠡᠯᠢᠶᠡᠳ ᠬᠦᠨ ᠬᠤᠷᠠᠵᠠᠢ᠂ ᠳᠡᠷᠭᠡ ᠤᠷᠤᠭᠰᠢᠯᠠᠵᠤ ᠳᠡᠶᠢᠯᠬᠦ ᠦᠬᠡᠢ᠂ ᠪᠢᠳᠡ ᠠᠯᠬᠤᠵᠤ ᠶᠠᠪᠤᠬᠤ ᠯᠡ ᠬᠡᠷᠡᠭᠳᠡᠢ ᠪᠤᠯᠵᠠᠢ᠂ | ᠭᠡᠪᠡᠴᠤ ᠬᠤᠯᠠ ᠦᠬᠡᠢ᠂ 2 ᠺᠢᠯᠥᠮᠧᠲᠷ ᠵᠠᠶᠢᠳᠠᠢ︾ ᠭᠡᠵᠤ ᠬᠠᠷᠢᠭᠤᠯᠪᠠ᠃ ᠬᠦᠪᠡᠭᠡ ᠬᠢᠵᠠᠭᠠᠷ ᠨᠢ ᠬᠠᠷᠠᠭᠳᠠᠬᠤ ᠦᠬᠡᠢ | ᠮᠦᠡᠭᠬᠦᠨ ᠴᠠᠭᠠᠨ ᠶᠢᠷᠳᠢᠨᠴᠤ ᠨᠢᠳᠥᠨ ᠡᠮᠥᠨᠡ ᠳᠡᠯᠭᠡᠭᠳᠡᠪᠡ᠂ ᠴᠠᠰᠥᠨ ᠦᠵᠡᠮᠵᠢ ᠨᠡᠭᠡᠷᠡᠨ ᠭᠤᠶᠤ ᠪᠠᠶᠢᠨᠠ ᠭᠡᠵᠤ ᠮᠠᠨ ᠤ | ᠰᠤᠷᠪᠤᠯᠵᠢᠯᠠᠭᠴᠢ ᠨᠠᠷ ᠭᠠᠷ ᠤᠳᠠᠰᠥ ᠪᠠᠨ ᠭᠠᠷᠭᠠᠨ ᠰᠡᠬᠦᠳᠡᠷ ᠠᠪᠴᠤ ᠪᠠᠶᠢᠯᠠ᠃ ᠬᠦᠢᠳᠡᠨ ᠤ ᠡᠷᠴᠢ ᠴᠢᠩᠭᠠᠷᠠᠵᠤ | ᠶᠠᠰᠥᠨ ᠳᠤ ᠤᠷᠤᠳᠠᠯᠠ ᠵᠢᠭᠡᠬᠦᠨ᠂ ᠨᠢᠭᠤᠷ ᠴᠢᠷᠠᠢ ᠶᠢ ᠬᠢᠳᠤᠭᠠ ᠪᠠᠷ ᠵᠦᠰᠤᠵᠤ ᠪᠠᠶᠢᠭᠠ ᠮᠡᠳᠥ ᠬᠥᠢᠳᠡᠨ ᠪᠠᠶᠢᠯᠠ᠂ | ᠮᠠᠨᠥᠰ ᠲᠠᠢ ᠬᠠᠮᠳᠥ ᠶᠠᠪᠤᠭᠠ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠪᠤᠯᠤᠨ ᠴᠠᠭᠳᠠᠭᠠ ᠨᠠᠷ ᠨᠤᠤᠰᠥᠨ ᠳᠡᠪᠡᠯ ᠢᠶᠠᠨ ᠮᠠᠨᠥᠰ ᠲᠤ ᠦᠭᠴᠤ | ᠡᠮᠥᠰᠭᠡᠪᠡ᠂ ᠭᠠᠷ ᠳᠠᠭᠠᠷᠠᠭᠠᠳ ᠭᠠᠷ ᠤᠳᠠᠰᠥ᠂ ᠭᠡᠷᠡᠯ ᠵᠢᠷᠤᠭ ᠤᠨ ᠮᠠᠰᠢᠨ ᠢᠶᠠᠨ ᠠᠳᠬᠤᠵᠤ ᠳᠡᠶᠢᠯᠬᠦ ᠦᠬᠡᠢ ᠪᠤᠯᠪᠠ᠃ | 8 ᠴᠠᠭ 14 ᠮᠢᠨᠦ᠋ᠲ ᠲᠤ ᠭᠠᠷ ᠤᠳᠠᠰᠥ ᠪᠠᠨ ᠭᠠᠷᠭᠠᠵᠤ ᠦᠵᠡᠬᠦ ᠳᠤ᠂ ᠭᠠᠷ ᠤᠳᠠᠰᠥ ᠬᠦᠯᠳᠡᠬᠦ ᠰᠢᠬᠠᠵᠤ᠂ | ᠭᠠᠳᠠᠭᠰᠢ ᠪᠠᠨ ᠤᠳᠠᠰᠥ ᠶᠠᠪᠤᠭᠤᠯᠵᠤ ᠳᠡᠶᠢᠯᠬᠦ ᠪᠠᠨ ᠪᠤᠯᠢᠪᠠ᠃ ᠰᠤᠷᠪᠤᠯᠵᠢᠯᠠᠭᠴᠢ ᠳᠡᠩᠭᠡᠭᠡ ᠠᠯᠳᠠᠨ᠂ ᠵᠤᠵᠠᠭᠠᠨ | ᠴᠠᠰᠥᠨ ᠳᠤ ᠰᠠᠭᠤᠭᠠᠳ ᠪᠠᠭᠠ ᠠᠮᠠᠷᠠᠰᠬᠢᠬᠦ ᠤᠤ ᠭᠡᠵᠤ ᠡᠷᠡᠭᠡᠯᠵᠡᠵᠤ ᠪᠠᠶᠢᠳᠠᠯᠠ᠂ ᠸᠠᠩ ᠢᠤᠢ ᠹᠠ ᠮᠠᠨ ᠤ ᠬᠠᠵᠠᠭᠤ ᠳᠤ | ᠢᠷᠡᠵᠤ᠄ ︽ᠤᠳᠥ ᠬᠠᠭᠠᠰ ᠴᠠᠭ ᠶᠠᠪᠤᠪᠠᠯ ᠪᠠᠷᠤᠭ ᠬᠦᠷᠴᠢᠭᠡᠨᠡ᠂ ᠪᠢ ᠲᠠᠨᠥᠰ ᠲᠤ ᠵᠠᠮ ᠭᠠᠷᠭᠠᠵᠤ ᠦᠭᠬᠦᠶᠡ︾ ᠭᠡᠵᠤ | ᠬᠦᠷᠵᠡ ᠪᠠᠷ ᠢᠶᠠᠨ ᠵᠠᠮ ᠭᠠᠷᠭᠠᠬᠤ ᠶᠢᠨ ᠵᠠᠭᠤᠷᠠ ᠮᠠᠨᠥᠰ ᠢ ᠵᠤᠷᠢᠭᠵᠢᠭᠤᠯᠵᠤ ᠶᠠᠷᠢᠯᠠ᠃ ᠪᠦᠭᠰᠡ ᠳᠠᠪᠠᠮᠠᠷ ᠬᠦᠨ | ᠴᠠᠰᠥᠨ ᠳᠤ ᠭᠤᠳᠤᠷᠢᠨ ᠠᠯᠬᠤᠬᠤ ᠭᠡᠵᠤ ᠦᠨᠡᠭᠡᠷ ᠶᠠᠳᠠᠷᠠᠨᠠ᠂ ᠬᠦᠨ ᠨᠢᠭᠡ ᠠᠯᠬᠤᠮ ᠬᠥᠢᠭᠡᠨ ᠨᠢᠭᠡ ᠠᠯᠬᠤᠮ ᠭᠡᠵᠤ | ᠶᠠᠪᠤᠭᠰᠠᠭᠠᠷ ᠸᠠᠩ ᠢᠤᠢ ᠹᠠ ᠶᠢᠨ ᠬᠠᠪᠤᠷᠵᠢᠶᠠ ᠶᠢ ᠤᠯᠵᠤ ᠬᠠᠷᠠᠪᠠ᠃ ᠬᠦᠷᠢᠶᠡᠨ ᠳᠤᠮᠳᠠ ᠨᠢ ᠤᠯᠤᠰ ᠤᠨ ᠲᠤᠭ | ᠰᠠᠯᠬᠢᠨ ᠤ ᠠᠶᠠ ᠪᠠᠷ ᠨᠠᠮᠢᠷᠠᠨ᠂ ᠪᠢᠳᠡᠨ ᠤ ᠤᠷᠤᠭᠰᠢᠯᠠᠬᠤ ᠵᠤᠷᠢᠭ ᠢ ᠤᠯᠠᠮ ᠬᠦᠪᠴᠢᠯᠡᠪᠡ᠃ | ᠸᠠᠩ ᠢᠤᠢ ᠹᠠ ᠶᠢᠨ ᠬᠠᠪᠤᠷᠵᠢᠶᠠ ᠳᠤ ᠬᠦᠷᠥᠯᠡ᠂ ᠴᠠᠭ ᠢᠶᠠᠨ ᠭᠠᠷᠭᠠᠵᠤ ᠦᠵᠡᠬᠦ ᠳᠤ᠂ ᠶᠠᠭ ᠰᠠᠶ᠋ᠢᠬᠠᠨ | ᠦᠳᠡ ᠶᠢᠨ ᠡᠮᠥᠨᠡᠬᠢ 10 ᠴᠠᠭ᠃ ᠬᠤᠶᠠᠷ ᠺᠢᠯᠥᠮᠧᠲᠷ ᠦᠨᠡᠨᠳᠡᠭᠡᠨ ᠬᠤᠯᠠ ᠪᠢᠰᠢ᠂ ᠬᠡᠳᠡᠯᠡ ᠬᠦᠯ ᠬᠦᠷᠥᠭᠡ ᠦᠬᠡᠢ | ᠬᠦᠨ ᠴᠠᠰᠥᠨ ᠳᠤ 2 ᠴᠠᠭ ᠭᠠᠷᠤᠢ ᠠᠯᠬᠤᠪᠠ᠃ ᠸᠠᠩ ᠢᠤᠢ ᠹᠠ ᠶᠢᠨ ᠬᠠᠪᠤᠷᠵᠢᠶᠠ ᠶᠢᠨ ᠭᠡᠷ ᠲᠤ ᠨᠢ ᠤᠷᠤᠵᠤ | ᠦᠵᠡᠬᠦ ᠳᠤ᠂ ᠳᠡᠬᠦᠨ ᠤ 20 ᠭᠠᠷᠤᠢ ᠵᠢᠯ ᠤᠨ ᠳᠤᠷᠰᠢ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠭᠰᠠᠨ ᠤᠯᠠ | ᠮᠦᠷ ᠢ ᠨᠢ ᠳᠡᠮᠳᠡᠭᠯᠡᠭᠰᠡᠨ ᠬᠡᠷᠡᠯ ᠵᠢᠷᠤᠭ ᠤᠳ ᠪᠠ ᠦᠨᠡᠮᠯᠡᠯ ᠤᠨ ᠳᠡᠪᠳᠡᠷ ᠤᠳ ᠨᠢ ᠬᠡᠷᠡᠮ ᠲᠦᠬᠦᠷᠡᠩ ᠡᠯᠬᠦᠭᠡᠰᠥᠳᠡᠢ | ᠪᠠᠶᠢᠯᠠ᠃ ︽ᠬᠡᠥᠭᠡᠳ ᠡ᠂ ᠡ᠊ᠨᠳᠡ ᠰᠠᠭᠤᠭᠠᠷᠠᠢ︾ ᠭᠡᠳ ᠪᠤᠭᠴᠤᠨ ᠠᠴᠠ ᠪᠠᠨ ᠬᠤᠶᠠᠷ ᠤᠭᠤᠳᠠ ᠪᠤᠭᠤᠷᠰᠤᠭ ᠭᠠᠷᠭᠠᠵᠤ | ᠰᠢᠷᠡᠭᠡᠨ ᠳᠡᠭᠡᠷᠡ ᠪᠠᠨ ᠳᠠᠯᠪᠢᠪᠠ᠃ ᠠᠯᠬᠤᠭᠠᠳ ᠶᠠᠳᠠᠷᠠᠭᠰᠠᠨ ᠤ ᠶᠤᠮ ᠤᠤ᠂ ᠦᠨᠥ ᠪᠤᠭᠤᠷᠰᠤᠭ ᠨᠢ ᠮᠠᠰᠢ ᠠᠮᠳᠠᠳᠠᠢ | ᠰᠠᠨᠠᠭᠳᠠᠪᠠ᠃ ᠵᠢᠭᠠᠬᠠᠨ ᠠᠮᠠᠷᠠᠭᠠᠳ ᠪᠢᠳᠡ ᠸᠠᠩ ᠢᠤᠢ ᠹᠠ ᠶᠢᠨ ᠭᠡᠷ ᠢ ᠨᠢ ᠳᠤᠭᠤᠷᠢᠨ ᠦᠵᠡᠯᠡ᠃ ᠳᠡᠷᠡ ᠴᠤ | ᠮᠠᠨᠥᠰ ᠲᠤ ᠳᠡᠯᠭᠡᠭᠳᠡᠨ ᠳᠠᠯᠪᠢᠭᠳᠠᠵᠤ ᠪᠠᠶᠢᠭᠠ ︽ᠡᠷᠳᠡᠨ ᠤ ᠶᠠᠭᠤᠮᠠ︾ ᠶᠢᠨ ᠢᠶᠠᠨ ᠳᠤᠬᠠᠢ ᠶᠠᠷᠢᠵᠤ ᠦᠭᠬᠦᠯᠡ᠃ ᠳᠡᠷᠡ | ᠬᠤᠯᠠ ᠶᠢᠨ ᠠᠭᠤᠯᠠ ᠶᠢ ᠵᠢᠭᠠᠴᠢᠬᠠᠭᠠᠳ᠄ ︽ᠡᠮᠥᠨᠡ ᠬᠡᠳᠥᠨ ᠵᠢᠯ ᠪᠢ ᠠᠭᠤᠯᠠᠨ ᠳᠡᠭᠡᠷᠡ ᠴᠢᠯᠠᠭᠤ ᠪᠠᠷ ︿ᠬᠢᠯᠢ ᠪᠠᠨ | ᠬᠠᠶᠢᠷᠠᠯᠠᠨ᠂ ᠬᠢᠯᠢ ᠪᠠᠨ ᠬᠠᠮᠠᠭᠠᠯᠠᠨ᠂ ᠬᠢᠯᠢ ᠪᠠᠨ ᠰᠠᠬᠢᠵᠤ᠂ ᠬᠢᠯᠢ ᠬᠢᠵᠠᠭᠠᠷ ᠤᠷᠤᠨ ᠢᠶᠠᠨ ᠬᠦᠴᠥᠷᠭᠡᠭᠵᠢᠬᠦᠯᠬᠦ﹀ ᠭᠡᠰᠡᠨ | ᠬᠡᠳᠥᠨ ᠦᠰᠥᠭ ᠢ ᠪᠤᠰᠬᠠᠵᠤ ᠳᠠᠯᠪᠢᠪᠠ᠃ ᠤᠳᠥ ᠲᠠᠨᠥᠰ ᠤᠯᠵᠤ ᠬᠠᠷᠠᠬᠤ ᠦᠬᠡᠢ ᠯᠠᠢ᠂ ᠪᠦᠷ ᠴᠠᠰᠥᠨ ᠳᠤ ᠬᠤᠴᠢᠭᠳᠠᠪᠠ | ︾ ᠭᠡᠵᠤ ᠸᠠᠩ ᠢᠤᠢ ᠹᠠ ᠡᠭᠡᠯ ᠶᠡᠷᠥᠮᠳᠡᠭ ᠦᠭᠡ ᠪᠠᠷ ᠮᠠᠨᠥᠰ ᠲᠤ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠭᠰᠠᠨ | ᠦᠯᠢᠭᠡᠷ ᠢᠶᠠᠨ ᠬᠠᠭᠤᠴᠢᠯᠠᠵᠤ ᠦᠭᠬᠦᠯᠡ᠃ | ᠷᠠᠰᠢᠶᠠᠨ ᠤ ᠡᠪᠤᠯ ᠤᠨ ᠡᠳᠥᠷ ᠲᠤᠩ ᠤᠬᠤᠷ᠂ ᠪᠢᠳᠡ ᠸᠠᠩ ᠢᠤᠢ ᠹᠠ ᠶᠢᠨ ᠭᠡᠷ ᠲᠤ ᠨᠢ ᠳᠡᠮᠡᠢ ᠤᠳᠠᠭᠰᠠᠨ ᠦᠬᠡᠢ | ᠂ ᠬᠡᠳᠥᠨ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠪᠤᠯᠤᠨ ᠠᠷᠠᠳ ᠤᠨ ᠴᠠᠭᠳᠠᠭᠠ ᠶᠢᠨ ᠳᠠᠭᠠᠭᠤᠯᠭᠠ ᠪᠠᠷ ᠬᠢᠯᠢ ᠬᠠᠮᠠᠭᠠᠯᠠᠬᠤ ᠪᠠᠷ ᠮᠤᠷᠳᠠᠯᠠ᠃ | ᠵᠠᠮ ᠳᠤ ᠪᠠᠨ ᠬᠢᠯᠢ ᠶᠢᠨ ᠱᠤᠭᠤᠮ ᠤᠨ ᠬᠠᠵᠠᠭᠤᠳᠡᠬᠢ ᠳᠡᠮᠥᠷ ᠳᠤᠤᠷ ᠤᠨ ᠡᠪᠳᠡᠷᠡᠭᠰᠡᠨ ᠡᠰᠡᠬᠦ ᠶᠢ ᠪᠠᠶᠢᠴᠠᠭᠠᠵᠤ ᠦᠵᠡᠯᠡ᠂ | ᠳᠤᠷᠠᠨ ᠢᠶᠠᠷ ᠬᠤᠯᠠ ᠶᠢ ᠬᠠᠷᠠᠵᠤ᠂ ᠬᠢᠯᠢ ᠶᠢᠨ ᠠᠮᠥᠷ ᠲᠦᠪᠰᠢᠨ ᠤ ᠪᠠᠶᠢᠳᠠᠯ ᠢ ᠠᠵᠢᠭᠯᠠᠵᠤ ᠦᠵᠡᠯᠡ᠃ ᠦᠳᠡ ᠶᠢᠨ | ᠬᠤᠭᠤᠯᠠ ᠶᠢᠨ ᠴᠠᠭ ᠳᠤᠯᠤᠯᠠ᠃ ᠸᠠᠩ ᠢᠤᠢ ᠹᠠ ᠮᠠᠨ ᠢ ᠳᠠᠭᠠᠭᠤᠯᠥᠨ ᠴᠠᠰᠥ ᠬᠥᠢᠭᠡᠨ ᠰᠢᠭ ᠭᠠᠵᠠᠷ ᠡᠷᠢᠵᠤ | ᠬᠠᠮᠳᠥ ᠳᠤ ᠪᠠᠨ ᠰᠠᠭᠤᠵᠤ ᠦᠳᠡ ᠶᠢᠨ ᠬᠤᠭᠤᠯᠠ ᠢᠳᠡᠯᠡ᠃ ᠡᠪᠤᠷ ᠲᠤ ᠨᠢ ᠪᠠᠶᠢᠭᠰᠠᠨ ᠬᠡᠳᠥᠨ ᠪᠤᠷᠴᠠᠭ ᠲᠠᠢ ᠪᠤᠤᠪᠤ ᠨᠢ | ᠪᠦᠯᠢᠶᠡᠨ ᠪᠠᠶᠢᠭᠰᠠᠭᠠᠷ᠂ ᠬᠡᠳᠥᠨ ᠬᠡᠰᠡᠭ ᠬᠠᠳᠠᠭᠠᠭᠰᠠᠨ ᠦᠭᠡᠷ ᠤᠨ ᠮᠢᠬᠠ ᠶᠢᠨ ᠪᠤᠷᠴᠠ ᠪᠠ ᠤᠭᠤᠳᠠ ᠲᠠᠢ | ᠳᠠᠪᠤᠰᠤᠯᠠᠭᠰᠠᠨ ᠨᠤᠭᠤᠭᠠ ᠪᠠᠨ ᠭᠠᠷᠭᠠᠵᠤ᠂ ᠬᠠᠮᠳᠥ ᠳᠤ ᠪᠠᠨ ᠰᠤᠯᠠ ᠵᠤᠭᠤᠭ ᠶᠠᠷᠢᠯᠴᠠᠬᠤ ᠶᠢᠨ ᠳᠠᠭᠠᠥ ᠡ᠊ᠨᠡᠬᠦ ᠴᠠᠭ ᠤᠨ | ᠤᠨᠴᠠᠭᠠᠢ ᠪᠦᠭᠡᠳ ᠮᠠᠷᠳᠠᠭᠳᠠᠰᠢ ᠦᠬᠡᠢ ᠬᠤᠭᠤᠯᠠ ᠪᠠᠨ ᠠᠮᠳᠠᠳᠠᠶᠢᠬᠠᠨ ᠢᠳᠡᠭᠰᠡᠨ᠃ ᠬᠤᠭᠤᠯᠠ ᠢᠳᠡᠬᠦ ᠵᠠᠭᠤᠷᠠ᠂ ᠸᠠᠩ | ᠢᠤᠢ ᠹᠠ ᠮᠠᠨᠥᠰ ᠲᠤ ᠬᠢᠯᠢ ᠬᠠᠮᠠᠭᠠᠯᠠᠭᠰᠠᠨ ᠡᠴᠢᠨᠡᠭᠡᠨ ᠵᠢᠯ ᠤᠨ ᠳᠤᠷᠰᠢ᠂ 80 ᠰᠢᠬᠠᠮ ᠭᠡᠭᠡᠷᠡ ᠶᠢᠨ ᠠᠮᠢᠳᠠᠨ | ᠠᠪᠤᠷᠠᠭᠰᠠᠨ ᠵᠢᠴᠢ ᠬᠢᠯᠢ ᠠᠯᠤᠰᠯᠠᠨ ᠳᠤᠳᠠᠭᠠᠬᠤ ᠪᠠᠷ ᠪᠠᠶᠢᠭᠰᠠᠨ ᠬᠡᠷᠡᠭ ᠤᠨ ᠰᠡᠵᠢᠭᠳᠡᠨ ᠢ ᠰᠡᠷᠡᠵᠤ ᠮᠡᠳᠡᠨ ᠳᠡᠭᠡᠭᠰᠢ | ᠮᠡᠳᠡᠬᠦᠯᠥᠭᠰᠡᠨ ᠵᠡᠷᠭᠡ ᠦᠯᠢᠭᠡᠷ ᠤᠳ ᠢᠶᠠᠨ ᠶᠠᠷᠢᠵᠤ ᠦᠭᠬᠦᠯᠡ᠃ ᠬᠢᠯᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠳᠤ ᠤᠯᠠᠨᠳᠠ ᠬᠤᠪᠢ ᠨᠡᠮᠡᠷᠢ | ᠦᠵᠡᠬᠦᠯᠥᠭᠰᠡᠨ ᠲᠤᠯᠠ᠂ ᠤᠷᠢᠳ ᠬᠤᠵᠢᠳ ᠦᠪᠤᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ︽ᠰᠢᠯᠢᠳᠡᠭ | ᠬᠢᠯᠢ ᠶᠢᠨ ᠠᠷᠠᠳ︾᠂ ᠬᠢᠨᠭ᠍ᠭᠠᠨ ᠠᠶᠢᠮᠠᠭ ᠤᠨ ︽ᠠᠷᠪᠠᠨ ᠰᠢᠯᠢᠳᠡᠭ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ︾ ︽ᠳᠤᠮᠳᠠᠳᠥ ᠤᠯᠤᠰ ᠤᠨ | ᠰᠦᠯᠵᠢᠶᠡᠨ ᠦᠯᠢᠭᠡᠷ ᠢ ᠶᠠᠷᠢᠬᠤ · ᠦᠪᠤᠷ ᠮᠤᠩᠭᠤᠯ ᠢ ᠳᠤᠭᠳᠤᠯᠤᠭᠤᠯᠤᠭᠰᠠᠨ︾ 2023 ᠤᠨ ᠤ ᠠᠷᠪᠠᠨ ᠶᠡᠭᠡ | ᠰᠦᠯᠵᠢᠶᠡᠨ ᠤᠳᠥᠨ ᠢᠶᠠᠷ ᠬᠦᠬᠢᠬᠦᠯᠥᠭᠳᠡᠪᠡ᠃ | ᠳᠡᠭᠷᠢ ᠬᠠᠷᠠᠩᠭᠤᠶᠢᠯᠠᠪᠠ᠂ ᠪᠢᠳᠡ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠨᠠᠷ ᠢ ᠳᠠᠭᠠᠵᠤ ᠨᠢᠭᠡ ᠡᠳᠥᠷ ᠤᠨ ᠬᠢᠯᠢ ᠬᠠᠮᠠᠭᠠᠯᠠᠬᠤ | ᠠᠵᠢᠯ ᠢᠶᠠᠨ ᠳᠡᠬᠦᠰᠭᠡᠪᠡ᠃ ᠸᠠᠩ ᠢᠤᠢ ᠹᠠ ᠮᠠᠨᠥᠰ ᠢ ᠳᠡᠷᠭᠡᠨ ᠳᠤ ᠭᠠᠷᠭᠠᠵᠤ ᠦᠪᠡᠷ ᠤᠨ ᠢᠶᠠᠨ ᠳᠡᠷᠭᠡᠨ ᠵᠦᠭ ᠢᠶᠠᠨ | ᠶᠠᠪᠤᠬᠤ ᠦᠶᠡ ᠳᠤ ᠳᠦᠨᠳᠥᠷ ᠮᠦᠨᠳᠥᠷ ᠠᠯᠬᠤᠵᠤ ᠪᠠᠶᠢᠯᠠ᠃ ᠮᠠᠨᠥᠰ ᠲᠠᠢ ᠬᠠᠮᠳᠥ ᠶᠠᠪᠤᠭᠠ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠶᠢᠨ | ᠬᠡᠯᠡᠬᠦ ᠪᠠᠷ᠂ ᠸᠠᠩ ᠢᠤᠢ ᠹᠠ ᠬᠡᠳᠥᠨ ᠵᠢᠯ ᠤᠨ ᠡᠮᠥᠨᠡ 2 ᠤᠳᠠᠭᠠᠨ ᠤ ᠵᠢᠷᠥᠭᠡᠨ ᠤ ᠮᠡᠰᠡ ᠵᠠᠰᠠᠯ ᠬᠢᠯᠭᠡᠪᠡ ᠭᠡᠨᠡ᠂ | ᠬᠠᠮᠳᠥ ᠠᠵᠢᠯᠳᠠᠳ ᠨᠢ ᠳᠡᠬᠦᠨ ᠢ ᠬᠢᠯᠢ ᠬᠠᠮᠠᠭᠠᠯᠠᠬᠤ ᠠᠵᠢᠯ ᠢᠶᠠᠨ ᠬᠠᠶᠠᠵᠤ᠂ ᠭᠡᠷ ᠲᠤ ᠪᠠᠨ ᠰᠠᠭᠤᠵᠤ ᠪᠡᠶᠡ ᠪᠠᠨ ᠰᠠᠶᠢᠳᠥᠷ | ᠰᠤᠪᠢᠯᠠᠴᠢᠬᠠ ᠭᠡᠵᠤ ᠢᠳᠬᠠᠬᠤ ᠳᠤ᠂ ᠳᠡᠷᠡ ᠶᠡᠷᠥᠨᠢ ᠰᠡᠳᠬᠢᠯ ᠰᠢᠭᠤᠳᠴᠤ᠂ ᠬᠦᠳᠡᠯᠵᠤ ᠪᠠᠷᠢᠵᠤ ᠳᠡᠶᠢᠯᠬᠦ ᠦᠬᠡᠢ | ᠪᠤᠯᠳᠠᠯᠠ ᠬᠢᠯᠢ ᠬᠢᠵᠠᠭᠠᠷ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠨᠠ ᠭᠡᠪᠡ᠃ | ᠠᠮᠥᠷ ᠠᠮᠥᠭᠤᠯᠠᠩ ᠬᠢᠯᠢ ᠬᠢᠵᠠᠭᠠᠷ ᠤᠨ ᠪᠦᠳᠥᠭᠡᠨ ᠪᠠᠶᠢᠭᠤᠯᠤᠯᠳᠠ ᠨᠢ ᠨᠢᠭᠡ ᠳᠠᠯᠠ ᠪᠠᠷ ᠬᠢᠯᠢ ᠶᠢᠨ ᠠᠷᠠᠳ ᠤᠨ | ᠰᠠᠶᠢᠨ ᠰᠠᠶᠢᠬᠠᠨ ᠠᠮᠢᠳᠤᠷᠠᠯ ᠲᠠᠢ ᠬᠤᠯᠪᠤᠭᠳᠠᠵᠤ᠂ ᠨᠦᠬᠦᠭᠡ ᠳᠠᠯᠠ ᠪᠠᠷ ᠴᠢᠨᠠᠷ ᠰᠠᠶᠢᠳᠠᠢ ᠬᠦᠭᠵᠢᠯᠳᠡ ᠲᠠᠢ ᠬᠤᠯᠪᠤᠭᠳᠠᠵᠤ | ᠪᠠᠶᠢᠳᠠᠭ᠃ ᠬᠢᠨᠭ᠍ᠭᠠᠨ ᠠᠶᠢᠮᠠᠭ ᠤᠨ 130.283 ᠺᠢᠯᠥᠮᠧᠲᠷ ᠤᠷᠳᠥ ᠬᠢᠯᠢ ᠶᠢᠨ ᠱᠤᠭᠤᠮ ᠳᠡᠭᠡᠷᠡ᠂ ᠸᠠᠩ ᠢᠤᠢ ᠹᠠ | ᠮᠡᠳᠥ ᠶᠢᠨ ᠠᠵᠢᠯ ᠳᠤ ᠪᠠᠨ ᠬᠠᠷᠢᠭᠤᠴᠠᠯᠭᠠ ᠲᠠᠢ᠂ ᠡᠭᠡ ᠤᠷᠤᠨᠴᠢ ᠦᠵᠡᠯ ᠲᠠᠢ ᠬᠢᠯᠢ ᠬᠠᠮᠠᠭᠠᠯᠠᠭᠴᠢ ᠪᠠᠰᠠ ᠮᠠᠰᠢ ᠤᠯᠠᠨ | ᠪᠤᠢ᠃ ᠳᠡᠳᠡ ᠡᠪᠤᠯ ᠤᠨ ᠳᠡᠰᠬᠢᠮᠡ ᠬᠥᠢᠳᠡᠨ ᠪᠠ ᠵᠤᠨ ᠤ ᠠᠭᠠᠬᠢᠮᠡ ᠬᠠᠯᠠᠭᠤᠨ ᠢ ᠬᠠᠶᠢᠬᠤᠷᠤᠯ ᠦᠬᠡᠢ ᠪᠠᠷ ᠬᠢᠯᠢ ᠶᠢᠨ | ᠱᠤᠭᠤᠮ ᠢᠶᠠᠨ ᠪᠠᠳᠤ ᠰᠠᠬᠢᠵᠤ᠂ ᠠᠮᠢ ᠨᠠᠰᠥ ᠪᠠᠨ ᠬᠠᠶᠢᠷᠠᠯᠠᠵᠤ ᠪᠠᠶᠢᠭᠠ ᠰᠢᠭ ᠢᠶᠠᠷ ᠬᠢᠯᠢ ᠪᠠᠨ ᠬᠠᠮᠠᠭᠠᠯᠠᠵᠤ ᠪᠠᠶᠢᠳᠠᠭ᠃ | ᠠᠷᠢᠭᠤᠨ ᠳᠠᠷᠬᠠᠨ ᠨᠤᠳᠤᠭ ᠳᠡᠪᠢᠰᠭᠡᠷ ᠤᠨ ᠰᠠᠬᠢᠨ ᠬᠠᠮᠠᠭᠠᠯᠠᠭᠴᠢ᠂ ᠵᠤᠯ ᠵᠢᠷᠭᠠᠯᠳᠥ ᠭᠡᠷ ᠤᠷᠤᠨ ᠤ ᠪᠦᠳᠥᠭᠡᠨ | ᠪᠠᠶᠢᠭᠤᠯᠤᠭᠴᠢ ᠪᠤᠯᠤᠭᠰᠠᠨ ᠬᠢᠨᠭ᠍ᠭᠠᠨ ᠨᠤᠳᠤᠭ ᠤᠨ ᠦᠨᠳᠥᠰᠥᠳᠡᠨ ᠨᠦᠭᠦᠳ ᠤᠨ ᠤᠯᠠᠨ ᠲᠦᠮᠡᠨ ᠬᠠᠮᠳᠥ ᠪᠠᠷ ᠬᠢᠯᠢ | ᠬᠢᠵᠠᠭᠠᠷ ᠢᠶᠠᠨ ᠰᠠᠬᠢᠨ ᠬᠠᠮᠠᠭᠠᠯᠠᠵᠤ᠂ ᠤᠯᠤᠰ ᠢᠶᠠᠨ ᠬᠠᠮᠠᠭᠠᠯᠠᠵᠤ ᠬᠢᠯᠢ ᠪᠠᠨ ᠰᠠᠬᠢᠬᠤ ᠪᠤᠯᠤᠳ ᠬᠡᠷᠡᠮ ᠢ ᠴᠢᠷᠮᠠᠶᠢᠨ | ᠴᠤᠭᠴᠠᠯᠠᠵᠤ᠂ ᠡᠭᠡ ᠤᠯᠤᠰ ᠤᠨ ᠤᠮᠠᠷᠠᠳᠥ ᠬᠢᠯᠢ ᠶᠢᠨ ᠠᠮᠥᠷ ᠲᠦᠪᠰᠢᠨ ᠤ ᠬᠠᠯᠬᠠᠪᠴᠢ ᠶᠢ ᠪᠠᠳᠥ ᠴᠤᠭᠴᠠᠯᠠᠬᠤ ᠳᠤ | ᠳᠠᠬᠢᠨ ᠰᠢᠨᠡ ᠭᠠᠪᠢᠶᠠ ᠪᠠᠶᠢᠭᠤᠯᠬᠤ ᠨᠢ ᠯᠠᠪᠳᠠᠢ ᠶᠤᠮ᠃ |