| ● ᠠ᠊ · ᠴᠣᠭᠵᠣ | ︽ᠰᠠᠶᠢᠨ ᠦᠦ︖ ᠬᠤᠳᠠᠴᠢ ᠶᠢ ᠬᠤᠯᠠ ᠶᠢᠨ ᠰᠠᠳᠣᠨ ᠳᠤ ᠬᠢᠨᠵᠢᠯᠡᠵᠦ ᠦᠭᠭᠦᠯᠡ ᠭᠡᠳᠡᠭ ᠢ ᠮᠡᠳᠡᠵᠦ | ᠪᠠᠶᠢᠭᠠᠳ ᠶᠠᠭᠤᠨ ᠳᠤ ᠲᠡᠭᠡᠵᠦ ᠬᠢᠴᠢᠶᠡᠭᠰᠡᠨ ᠪᠣᠢ︖︾ | ︽ᠵᠠ᠂ ᠰᠠᠶᠢᠨ︕ ᠲᠠ ᠴᠦ ᠠᠯᠪᠠᠨ ᠠᠵᠢᠯ ᠢᠶᠠᠨ ᠰᠠᠶᠢᠬᠠᠨ ᠠᠮᠵᠢᠭᠤᠯᠣᠭᠠᠳ ᠠᠮᠠᠷᠠᠯᠲᠠ ᠬᠢᠵᠦ ᠪᠠᠶᠢᠳᠠᠭ | ᠵᠣᠯ ᠲᠠᠢ ᠣᠯᠣᠰ ᠶᠤᠮ ᠰᠠᠨ︕︾ | ︽ᠨᠢᠭᠡ ᠶᠡᠭᠡ ᠠᠮᠠᠷᠠᠬᠤ ᠴᠢᠨᠢ ᠪᠠᠰᠠ ᠬᠢᠳᠡᠯ ᠠᠯᠳᠠᠬᠤ ᠠᠶᠣᠮᠠᠷ ᠡ︕ ᠬᠡᠯᠡᠪᠡᠴᠦ ᠬᠦᠬᠡᠳᠦᠯᠦ ᠶᠢᠨ | ᠬᠤᠷᠢᠮ ᠤᠨ ᠡᠳᠦᠷ ᠨᠢ ᠭᠠᠷᠴᠢᠬᠠᠯᠠ ᠪᠠ︖︾ | ︽ᠵᠠ᠂ ᠰᠢᠨᠡ ᠰᠠᠷᠠ ᠶᠢᠨ ᠠᠷᠪᠠᠨ ᠵᠢᠷᠭᠤᠭᠠᠨ ᠡ︕ ᠴᠠᠭ ᠵᠢᠭᠠᠬᠠᠨ ᠪᠠᠴᠢᠮ ᠪᠣᠯᠴᠢᠬᠠᠭᠰᠠᠨ᠃ | ᠪᠠᠩᠬᠢ ᠶᠢᠨ ᠵᠢᠬᠡᠯᠡᠯᠭᠡ ᠣᠯᠣᠶᠠ ᠭᠡᠳ ᠭᠠᠭᠴᠠ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠣᠯᠬᠤ ᠳᠤ ᠭᠠᠴᠢᠭᠳᠠᠵᠣ ᠪᠠᠶᠢᠨᠠ᠃ | ᠲᠠᠨ ᠢ ᠭᠤᠶᠣᠬᠤ ᠪᠠᠷ ᠢᠷᠡᠯᠡ︕︾ | ᠪᠠᠳᠣᠬᠤᠶᠠᠭ ᠵᠣᠷᠢᠵᠣ ᠢᠷᠡᠭᠰᠡᠨ ᠣᠴᠢᠷ ᠢᠶᠠᠨ ᠰᠢᠭᠤᠳ ᠶᠠᠷᠢᠴᠢᠬᠠᠵᠣ᠂ ᠪᠠᠷᠠᠭᠤᠨ ᠬᠠᠨᠴᠣᠢ ᠪᠠᠷ ᠢᠶᠠᠨ | ᠣᠷᠣᠯᠳᠣᠨ ᠱᠠᠯᠠ ᠰᠢᠷᠲᠡᠨ ᠭᠤᠬᠤᠶᠢᠵᠣ ᠰᠠᠭᠤᠵᠠᠢ᠃ ᠲᠡᠷᠭᠡᠨ ᠬᠦᠷᠳᠦ ᠲᠡᠭᠡᠷᠡ ᠲᠠᠢ ᠲᠣᠣᠷᠠ ᠲᠠᠢ ᠭᠡᠳᠡᠭ | ᠦᠨᠡᠨᠲᠡᠢ᠃ ᠬᠤᠶᠠᠷ ᠵᠠᠭᠤᠨ ᠪᠣᠭ ᠮᠠᠯ ᠲᠠᠢ ᠬᠤᠯᠠ ᠣᠶᠢᠷᠠ ᠳᠤ ᠪᠠᠨ ᠮᠠᠯᠵᠢᠯ ᠤᠨ ᠳᠣᠰᠬᠠᠢ ᠡᠷᠦᠬᠡ ᠭᠡᠮᠡᠨ | ᠣᠭᠰᠦ᠋ᠢᠵᠣ ᠶᠠᠪᠣᠭᠰᠠᠨ ᠪᠠᠳᠣᠬᠤᠶᠠᠭ ᠦᠨᠦᠳᠦᠷ ᠭᠠᠭᠴᠠ ᠬᠦᠦ ᠪᠠᠨ ᠬᠤᠷᠢᠮᠯᠠᠭᠤᠯᠬᠤ ᠭᠡᠬᠦ ᠳᠤ ᠪᠠᠩᠬᠢ ᠠᠴᠠ | ᠵᠢᠭᠡᠯᠡᠯᠬᠡ ᠠᠪᠳᠠᠭ ᠬᠡᠮᠵᠢᠶᠡᠨ ᠳᠤ ᠬᠦᠷᠴᠡᠢ᠃ ᠡᠪᠡᠳᠴᠢᠨ ᠬᠠᠭᠤᠴᠢᠨ ᠳᠣᠰᠤᠭᠠ ᠦᠭᠡᠢ ᠴᠤ ᠡᠳᠦᠷᠵᠢᠨ ᠮᠠᠯ | ᠠᠬᠤᠢ ᠭᠡᠵᠦ ᠬᠦᠶᠦᠭᠡᠳ ᠵᠦᠭ ᠲᠠᠢ ᠠᠮᠢᠳᠣᠷᠠᠵᠣ ᠴᠢᠳᠠᠭᠠ ᠦᠭᠡᠢ ᠪᠠᠨ ᠲᠡᠷᠡ ᠦᠪᠡᠷᠲᠡᠭᠡᠨ ᠴᠦ ᠣᠶᠢᠯᠠᠭᠠᠵᠣ | ᠶᠠᠳᠠᠨ ᠮᠡᠭᠡᠶᠢᠷᠡᠨᠡ᠃ ᠢᠩᠬᠢᠵᠦ ᠰᠠᠭᠠᠬᠠᠯᠲᠠ ᠶᠢᠨ ᠢᠶᠠᠨ ᠣᠯᠠᠭᠠᠨ ᠨᠢᠭᠤᠷ ᠢ ᠬᠠᠷᠠᠬᠤ ᠪᠠᠷ ᠲᠣᠳᠣᠷᠠ ᠨᠢ ᠨᠢᠭᠡ ᠯᠠ | ᠡᠪ ᠦᠭᠡᠶᠢᠷᠡᠨᠡ᠃ ᠡᠷᠳᠡᠨᠢᠪᠣᠯᠠᠭ᠂ ᠭᠡᠭᠡᠪᠴᠢ ᠪᠠᠷ ᠭᠠᠳᠠᠭᠰᠢ ᠰᠢᠷᠳᠡᠭᠰᠡᠨ ᠪᠣᠯᠣᠭᠠᠳ᠄ | ︽ᠣ᠂ ᠶᠠᠮᠠᠷ ᠠᠷᠭᠠ ᠪᠠᠷ ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠣᠯᠵᠣ ᠴᠢᠳᠠᠭᠰᠠᠨ ᠪᠣᠢ︖ ᠬᠡᠳᠦᠢ ᠳᠣᠭᠠᠨ ᠤ | ᠵᠢᠭᠡᠯᠡᠯᠭᠡ ᠠᠪᠣᠭᠰᠠᠨ ᠪᠣᠢ︖︾ ᠭᠡᠬᠦ ᠳᠤ ᠪᠠᠨ ᠣᠨᠢᠭᠠᠷ ᠨᠢᠳᠦ ᠨᠢ ᠣᠨᠴᠠ ᠶᠢᠨ ᠭᠡᠷᠡᠯᠳᠦᠨᠡ᠃ ᠪᠠᠳᠣᠬᠤᠶᠠᠭ᠄ | ︽ᠭᠠᠴᠠᠭᠠ ᠶᠢ ᠳᠠᠭᠠᠭᠠᠴᠢᠯᠠᠭᠰᠠᠨ ᠰᠣᠮᠣᠨ ᠤ ᠺᠠᠳ᠋ᠷ ᠢ ᠡᠷᠢᠭᠡᠳ ᠯᠠ ᠣᠯᠣᠯᠠ᠃ ᠲᠠᠪᠣᠨ ᠲᠦᠮᠡ︕︾ ᠭᠡᠵᠦ | ᠲᠦᠩᠭᠡᠵᠢ ᠰᠣᠨᠣᠰᠳᠠᠮᠠ ᠬᠠᠷᠢᠭᠤᠯᠵᠠᠢ᠃ ᠢᠩᠬᠢᠭᠡᠳ ᠡᠷᠡᠮᠡᠯᠵᠡᠯ ᠤᠨ ᠬᠠᠭᠤᠳᠠᠰᠣ ᠲᠠᠭᠯᠠᠬᠤ ᠦᠶᠡ ᠶᠢᠨ ᠪᠠᠶᠢᠳᠠᠯ | ᠪᠠᠳᠣᠬᠤᠶᠠᠭ ᠤᠨ ᠨᠢᠳᠦᠨ ᠳᠤ ᠨᠢ ᠳᠣᠳᠣᠷᠠᠨᠠ᠃ | ᠪᠠᠳᠣᠬᠤᠶᠠᠭ ᠢ ᠭᠠᠴᠠᠭᠠᠨ ᠤ ᠠᠯᠪᠠᠨ ᠭᠡᠷ ᠲᠤ ᠣᠷᠣᠬᠤ ᠳᠤ ᠣᠯᠠᠭᠠᠨᠪᠠᠷᠰ᠂ ᠡᠷᠬᠢᠬᠦᠯᠳᠦ ᠰᠠᠨᠳᠠᠯᠢ ᠳᠤ ᠪᠠᠨ | ᠮᠢᠳᠠᠶᠢᠭᠠᠳ ᠭᠠᠷ ᠣᠳᠠᠰᠣ ᠪᠠᠨ ᠮᠠᠯᠲᠠᠨᠠ᠃ | ︽ᠶᠠᠭᠤᠨ ᠤ ᠬᠦᠮᠦᠨ ᠪᠣᠢ︖ ᠶᠠᠮᠠᠷ ᠣᠴᠢᠷ ᠲᠠᠢ ᠪᠣᠢ︖︾ | ᠣᠯᠠᠭᠠᠨᠪᠠᠷᠰ᠂ ᠬᠠᠵᠠᠭᠤ ᠳᠠᠬᠢ ᠰᠠᠨᠳᠠᠯᠢ ᠲᠡᠶᠢᠰᠢ ᠪᠠᠨ ︽ᠰᠠᠭᠤ︾ ᠭᠡᠰᠡᠨ ᠲᠦᠯᠦᠪ ᠲᠠᠢ ᠡᠷᠡᠦ ᠳᠣᠬᠢᠨᠠ᠃ | | ︽ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠣᠯᠣᠶᠠ ᠭᠡᠵᠦ ᠲᠠᠨ ᠢ ᠭᠤᠶᠣᠬᠤ ᠪᠠᠷ ᠢᠷᠡᠯᠡ︕︾ | ︽ᠪᠠᠩᠬᠢ ᠶᠢᠨ ᠬᠢᠨ ᠮᠠᠨ ᠤ ᠭᠠᠴᠠᠭᠠᠨ ᠳᠤ ᠵᠢᠭᠡᠯᠡᠯᠭᠡ ᠳᠠᠯᠪᠢᠬᠤ ᠲᠦᠰᠦᠪ ᠬᠡᠳᠦ᠋ᠢᠨ ᠳᠠᠭᠤᠰᠴᠢᠬᠠᠭᠰᠠᠨ︕ | ︾ | ︽ᠬᠦᠦ ᠬᠤᠷᠢᠮᠯᠠᠬᠤ ᠭᠡᠳ ᠵᠠᠷᠣᠳᠠᠯ ᠲᠠᠢ ᠪᠣᠯᠴᠢᠬᠠᠵᠠᠢ︕ ᠲᠠ ᠠᠷᠭᠠᠯᠠᠵᠣ ᠣᠯᠣᠭᠠᠳ ᠦᠭᠬᠦᠭᠡᠷᠡᠢ ᠳ᠋ᠠ | ︕︾ ᠬᠡᠰᠡᠭ ᠣᠳᠠᠲᠠᠯᠠ ᠨᠠᠮ ᠵᠢᠮ ᠲᠠᠭ ᠴᠢᠮᠡᠭᠡ ᠦᠭᠡᠢ ᠰᠠᠭᠤᠬᠤ ᠳᠤ ᠴᠠᠷᠳᠠᠮᠠᠯ ᠵᠠᠮ ᠢᠶᠠᠷ ᠦᠩᠭᠡᠷᠡᠬᠦ | ᠪᠠᠷᠠᠭᠠᠨ ᠤ ᠮᠠᠰᠢᠨ ᠤ ᠳᠠᠭᠤ ᠪᠦᠦᠷ ᠲᠦᠦᠷ ᠰᠣᠨᠣᠰᠳᠠᠨᠠ᠃ ᠣᠯᠠᠭᠠᠨᠪᠠᠷᠰ᠂ ᠪᠠᠳᠣᠬᠤᠶᠠᠭ ᠢ ᠲᠣᠣᠭᠤᠷ ᠰᠢᠷᠪᠢᠨ | ᠬᠠᠷᠠᠵᠣ᠄ | ︽ᠲᠠᠨᠣᠰ ᠲᠡᠭᠡᠭᠡᠳ ᠬᠤᠨᠢᠳ ᠢᠶᠠᠨ ᠲᠣᠷᠠ ᠪᠠᠷ ᠨᠢ ᠪᠡᠯᠴᠢᠭᠡᠷᠯᠡᠭᠦᠯᠵᠦ ᠪᠠᠶᠢᠭᠠ ᠰᠢᠳᠡ︕ ᠪᠠᠰᠠ | ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠣᠯᠬᠤ ᠰᠠᠨᠠᠭᠠ ᠲᠠᠢ︕︾ ᠭᠡᠪᠡ᠃ | ︽ᠪᠢᠳᠡ ᠬᠤᠨᠢᠳ ᠢᠶᠠᠨ ᠬᠠᠰᠢᠶᠠᠯᠠᠵᠣ ᠪᠠᠶᠢᠭᠠ ᠰᠢᠣ︕ ᠲᠣᠷᠠ ᠪᠠᠷ ᠪᠡᠯᠴᠢᠭᠡᠷᠯᠡᠭᠦᠯᠵᠦ ᠪᠠᠶᠢᠬᠤ ᠦᠭᠡᠢ | ᠡ︕︾ | ︽ᠠᠷᠪᠠᠨ ᠭᠤᠷᠪᠠᠨ ᠤ ᠰᠦᠨᠢ ᠬᠤᠨᠢᠳ ᠢᠶᠠᠨ ᠬᠤᠶᠢᠳᠣ ᠵᠢᠯᠠᠭᠠᠨ ᠳᠤ ᠲᠠᠪᠠᠲᠠᠢ ᠪᠡᠯᠴᠢᠭᠡᠷᠯᠡᠭᠦᠯᠵᠦ | ᠪᠠᠶᠢᠭᠰᠠᠨ ᠢᠶᠠᠨ ᠴᠡᠭᠡᠵᠢᠯᠡᠵᠦ ᠪᠠᠶᠢᠨᠠ ᠦᠦ︖︾ | ᠪᠠᠳᠣᠬᠤᠶᠠᠭ ᠤᠨ ᠬᠠᠮᠠᠷ ᠨᠢ ᠱᠤᠤᠬᠢᠨᠡᠨ ᠰᠠᠭᠤᠳᠠᠯ ᠳᠤ ᠪᠠᠨ ᠣᠪᠣᠯᠵᠠᠨᠠ᠃ ᠬᠤᠨᠢᠳ ᠢᠶᠠᠨ ᠭᠤᠣᠯ ᠳᠤ | ᠣᠰᠣᠯᠠᠬᠤ ᠭᠡᠵᠦ ᠪᠠᠶᠢᠭᠠᠳ ᠬᠠᠰᠢᠵᠣ ᠳᠡᠶᠢᠯᠦᠭᠰᠡᠨ ᠦᠭᠡᠢ ᠬᠤᠶᠢᠳᠣ ᠵᠢᠯᠠᠭᠠᠨ ᠳᠤ ᠣᠷᠣᠭᠤᠯᠣᠭᠰᠠᠨ ᠢᠶᠠᠨ | ᠪᠠᠳᠣᠬᠤᠶᠠᠭ ᠶᠠᠭᠤᠨ ᠮᠠᠷᠳᠠᠬᠤ ᠠᠵᠢ᠃ ᠬᠢᠯᠢᠰᠳᠡᠭᠰᠡᠨ ᠢᠶᠠᠨ ᠳᠠᠷᠣᠢ ᠳᠤ ᠨᠢ ᠳᠣᠳᠣᠷᠬᠠᠶᠢᠯᠠᠭᠰᠠᠨ ᠴᠦ ᠵᠠᠰᠠᠭ ᠤᠨ | ᠨᠣᠶᠠᠳ ᠢᠲᠡᠭᠡᠬᠦ ᠦᠭᠡᠢ ᠶᠤᠮ ᠴᠢᠨᠢ ᠨᠡᠩ ᠣᠳᠣ ᠶᠠᠷᠢᠭᠠᠳ ᠶᠠᠮᠠᠷ ᠲᠣᠰᠠ ᠭᠠᠷᠬᠤ ᠪᠢᠯᠡ︖ | ︽ᠮᠠᠯ ᠢ ᠬᠠᠰᠢᠶᠠᠯᠠᠵᠣ ᠪᠠᠶᠢᠬᠤ ᠨᠢ ᠡᠪᠡᠰᠦ ᠪᠡᠯᠴᠢᠭᠡᠷ ᠤᠨ ᠣᠷᠭᠤᠯᠲᠠ ᠶᠢ ᠪᠠᠳᠣᠯᠠᠬᠤ ᠶᠢᠨ ᠲᠦᠯᠦᠭᠡ᠃ | ᠣᠷᠴᠢᠨ ᠲᠣᠭᠤᠷᠢᠨ ᠢ ᠰᠠᠶᠢᠵᠢᠷᠠᠭᠤᠯᠬᠤ ᠶᠢᠨ ᠲᠦᠯᠦᠭᠡ︕ ᠪᠦᠷ ᠲᠠᠨ ᠤ ᠮᠠᠯᠴᠢᠳ ᠤᠨ ᠲᠦᠯᠦᠭᠡ ᠰᠢᠦ︕ | ᠮᠡᠳᠡᠪᠡ ᠦᠦ︖︾ | ᠪᠠᠳᠣᠬᠤᠶᠠᠭ᠂ ᠪᠣᠰᠴᠣ ᠦᠨᠳᠡᠶᠢᠭᠡᠳ᠄ | ︽ᠵᠠ ᠵᠠ᠂ ᠮᠡᠳᠡᠭᠰᠡᠨ︕ ᠮᠡᠳᠡᠯᠡ︕︾ ᠭᠡᠵᠦ ᠲᠣᠯᠣᠭᠠᠢ ᠲᠣᠬᠢᠯᠵᠠᠯᠠ᠃ ᠣᠯᠠᠭᠠᠨᠪᠠᠷᠰ᠂ ᠣᠷᠣᠭᠰᠢ | ᠲᠦᠭᠦᠵᠦ᠄ | ︽ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠵᠠᠷᠣᠬᠤ ᠰᠠᠨᠠᠭᠠ ᠲᠠᠢ ᠪᠣᠯ ᠮᠠᠯ ᠢᠶᠠᠨ ᠬᠠᠰᠢᠶᠠᠯᠠᠵᠣ ᠲᠡᠵᠢᠭᠡᠬᠦ ᠭᠡᠳᠡᠭ | ᠪᠠᠳᠣᠯᠠᠭᠠ ᠶᠢᠨ ᠪᠢᠴᠢᠭ ᠢᠶᠠᠨ ᠪᠢᠴᠢᠵᠦ᠂ ᠪᠠᠳᠣᠯᠠᠭᠠ ᠶᠢᠨ ᠮᠦᠩᠭᠦ ᠪᠠᠨ ᠳᠣᠰᠢᠶᠠ︕ ᠲᠡᠭᠡᠬᠦ ᠦᠬᠡᠢ ᠪᠣᠯ | ᠭᠤᠷᠢ ᠪᠠᠨ ᠲᠠᠲᠠ︕︾ ᠭᠡᠳ ᠬᠠᠰᠬᠢᠷᠪᠠ᠃ ᠪᠠᠳᠣᠯᠠᠭᠠ ᠶᠢᠨ ᠪᠢᠴᠢᠭ ᠭᠡᠵᠦ ᠦᠨᠡᠨ ᠳᠤ ᠪᠠᠨ ᠪᠡᠯᠡᠨ ᠪᠠᠶᠢᠭᠠ | ᠵᠦᠢᠯ᠂ ᠲᠡᠭᠦᠨ ᠳᠤ ᠨᠢ ᠭᠠᠷ ᠤᠨ ᠦᠰᠦᠭ ᠵᠢᠷᠣᠬᠤ ᠲᠡᠳᠦᠢ᠃ ᠪᠠᠳᠣᠬᠤᠶᠠᠭ᠂ ᠰᠦᠯᠳᠡ ᠶᠢᠨ ᠳᠠᠪᠠᠭᠠᠨ ᠤ | ᠳᠡᠮᠣᠷ ᠤᠨ ᠠᠭᠤᠷᠬᠠᠢ ᠶᠢ ᠨᠡᠭᠡᠭᠡᠬᠦ ᠦᠶᠡ ᠶᠢᠨ ᠪᠠᠳᠣᠯᠠᠭᠠ ᠶᠢᠨ ᠪᠢᠴᠢᠭ ᠲᠤ ᠭᠠᠷ ᠤᠨ ᠦᠰᠦᠭ ᠵᠢᠷᠣᠭᠰᠠᠨ ᠰᠢᠭ᠋ | ᠨᠡᠷᠡ ᠪᠠᠨ ᠲᠠᠪᠤ ᠬᠤᠪᠢᠶᠠᠨ ᠪᠣᠯᠭᠤᠮᠵᠢᠲᠠᠶᠢᠬᠠᠨ ᠪᠢᠴᠢᠵᠡᠢ᠃ ᠲᠡᠷᠡ᠂ ᠣᠪᠣᠭ ᠢᠶᠠᠨ ᠳᠠᠭᠠᠭᠤᠯᠵᠣ ᠪᠠᠶᠢᠭᠰᠠᠨ | ᠡᠰᠡᠬᠦ ᠪᠠᠨ ᠬᠠᠷᠢᠨ ᠳᠠᠰᠣ ᠮᠠᠷᠳᠠᠵᠣ ᠣᠷᠬᠢᠭᠰᠠᠨ᠃ ᠬᠠᠷᠢᠨ ︽ᠭᠠᠵᠠᠷ ᠢᠶᠠᠨ ᠣᠬᠤᠪᠠᠯ ᠭᠠᠴᠢᠭᠳᠠᠬᠤ ᠦᠭᠡᠢ᠃ | ᠪᠠᠶᠠᠨ ᠴᠢᠨᠡᠭᠡᠯᠢᠭ ᠠᠮᠢᠳᠣᠷᠠᠬᠤ ᠶᠢ ᠪᠠᠳᠣᠯᠠᠵᠣ ᠴᠢᠳᠠᠨᠠ︕︾ ᠭᠡᠳᠡᠭ ᠠᠩᠬᠠᠨ ᠤ ᠣᠳᠣᠷᠢᠳᠣᠯᠭᠠ ᠶᠢᠨ | ᠶᠠᠷᠢᠶᠠ ᠶᠢ ᠰᠠᠨᠠᠭᠠᠯᠵᠠᠪᠠ᠃ ᠣᠳᠤᠭᠠ ᠰᠢᠭ᠋ ᠬᠠᠷᠠᠯᠠᠵᠣ ᠣᠶᠢᠴᠢᠭᠰᠠᠨ ᠰᠦᠯᠳᠡ ᠶᠢᠨ ᠳᠠᠪᠠᠭᠠ ᠪᠣᠳᠣᠯ ᠳᠤ ᠨᠢ | ᠴᠣᠬᠤᠢᠢᠬᠤ ᠪᠠᠷ ᠪᠠᠳᠣᠬᠤᠶᠠᠭ ︽ᠠᠯᠢ ᠨᠢᠭᠡ ᠡᠳᠦᠷ ᠣᠪᠣᠭᠠ ᠡᠷᠳᠡᠨᠢ ᠭᠠᠷᠣᠭᠠᠳ ᠪᠢᠲᠡᠨ ᠢ ᠪᠠᠶᠠᠵᠢᠭᠤᠯᠳᠠᠭ ᠪᠣᠯ | ᠳ᠋ᠠ︕︾ ᠭᠡᠵᠦ ᠳᠣᠳᠣᠷᠠ ᠪᠠᠨ ᠵᠠᠯᠪᠠᠷᠢᠪᠠ᠃ ᠣᠳᠣ ᠠᠳᠠᠯᠢ ᠦᠭᠡᠢ ᠨᠢ ᠭᠡᠪᠡᠯ᠂ ᠲᠡᠭᠦᠨ ᠳᠤ ᠮᠦᠩᠭᠦ ᠦᠭᠬᠦ | ᠭᠡᠵᠦ ᠪᠠᠶᠢᠭᠠ ᠪᠢᠰᠢ᠂ ᠬᠠᠷᠢᠨ ᠴᠦ ᠬᠦᠰᠡᠭᠡᠳ ᠣᠯᠬᠤ ᠦᠭᠡᠢ ᠣᠯᠠᠭᠠᠨ ᠡᠷᠢᠶᠡᠨ ᠢ ᠨᠢ ᠮᠢᠩᠭᠠ ᠳᠣᠰᠢᠶᠠᠯᠭᠠᠬᠤ | ᠭᠡᠵᠦ ᠪᠠᠶᠢᠳᠠᠭ᠃ ᠣᠯᠠᠩᠬᠢ ᠶᠠᠭᠤᠮᠠ ᠬᠦᠮᠦᠨ ᠤ ᠰᠠᠨᠠᠭᠠ ᠪᠠᠷ ᠪᠣᠯᠳᠠᠭ ᠦᠭᠡᠢ ᠡ᠃ ᠪᠠᠳᠣᠬᠤᠶᠠᠭ ᠮᠠᠷᠭᠠᠰᠢ ᠨᠢ | ᠪᠠᠳᠣᠯᠠᠭᠠ ᠶᠢᠨ ᠮᠦᠩᠭᠦ ᠬᠡᠮᠡᠨ ᠮᠢᠩᠭᠠᠨ ᠲᠦᠭᠦᠷᠢᠭ ᠳᠣᠰᠢᠶᠠᠭᠠᠳ ᠰᠠᠶ᠋ᠢ ᠣᠯᠠᠭᠠᠨᠪᠠᠷᠰ ᠠᠴᠠ ᠪᠠᠩᠬᠢ ᠶᠢᠨ | ᠵᠢᠭᠡᠯᠡᠯᠭᠡ ᠬᠦᠷᠲᠡᠬᠦ ᠶᠣᠰᠣᠳᠠᠢ ᠪᠠᠳᠣᠯᠠᠭᠠ ᠶᠢᠨ ᠬᠠᠭᠤᠳᠠᠰᠣ ᠬᠢᠵᠦ ᠠᠪᠣᠭᠰᠠᠨ᠃ ᠮᠦᠩᠭᠦᠲᠡᠢ ᠭᠠᠴᠠᠭᠠᠨ ᠤ | ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠶᠢᠨ ᠪᠠᠳᠣᠯᠠᠭᠠ ᠶᠢ ᠬᠠᠮᠢᠶᠠᠷᠳᠠᠭ ᠨᠢ ᠮᠠᠨᠰᠠᠩ ᠭᠡᠳᠡᠭ ᠲᠦᠴᠢᠭᠡᠳ ᠨᠠᠰᠣᠨ ᠤ ᠡᠷᠡ ᠪᠢᠯᠡ᠃ | ᠦᠨᠦ ᠵᠢᠷᠣᠮᠠᠯ ᠬᠦᠮᠦᠰᠭᠡ ᠲᠠᠢ ᠠᠪᠣᠭᠠᠢ ᠪᠠᠳᠣᠯᠠᠭᠠ ᠶᠢᠨ ᠬᠠᠭᠤᠳᠠᠰᠣ ᠶᠢ ᠬᠡᠳᠦᠨᠲᠡ ᠣᠷᠪᠠᠭᠤᠯᠣᠨ ᠱᠠᠭᠠᠶᠢᠭᠠᠳ᠄ | ︽ᠵᠠ ᠪᠣᠯᠣᠨᠠ᠃ ᠠᠰᠠᠭᠤᠳᠠᠯ ᠦᠭᠡᠢ︕ ᠣᠳᠣ ᠡᠳ᠋ ᠤᠨ ᠵᠠᠰᠠᠭ ᠠᠴᠠ ᠴᠠᠯᠢᠩ ᠢᠳᠡᠵᠦ ᠪᠠᠶᠢᠭᠠ ᠨᠢᠭᠡ | ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠢ ᠣᠯᠵᠣ ᠭᠠᠷ ᠤᠨ ᠦᠰᠦᠭ ᠵᠢᠷᠣᠭᠤᠯᠬᠤ ᠬᠡᠷᠡᠭᠲᠡᠢ ᠪᠠᠶᠢᠨᠠ︕︾ ᠭᠡᠵᠦ ᠵᠠᠬᠢᠪᠠ᠃ | ︽ᠬᠦᠶ᠋ᠢ᠂ ᠪᠣᠯᠠᠭ ᠡ︕ ᠠᠬᠠ ᠳᠤ ᠪᠠᠨ ᠬᠦᠯ ᠵᠠᠯᠭᠠᠭᠤᠯᠣᠭᠠᠳ ᠦᠭ ᠳ᠋ᠠ︕ ᠣᠳᠠᠯ ᠦᠭᠡᠢ ᠦᠭᠡᠷ | ᠬᠤᠳᠠᠯᠳᠣᠪᠠᠯ ᠵᠢᠭᠡᠯᠡᠯᠭᠡ ᠶᠢᠨ ᠵᠣᠭᠤᠰᠣᠨ ᠤ ᠶᠡᠭᠡᠩᠬᠢ ᠬᠠᠭᠠᠰ ᠢ ᠨᠢ ᠲᠦᠯᠦᠵᠦ ᠳᠡᠶᠢᠯᠦᠨᠡ︕︾ | ᠪᠠᠳᠣᠬᠤᠶᠠᠭ᠂ ᠨᠢᠭᠤᠷ ᠢᠶᠠᠨ ᠰᠢᠷᠢᠯᠡᠨ ᠨᠠᠮ ᠳᠠᠭᠤᠨ ᠢᠶᠠᠷ ᠨᠦᠭᠦᠭᠡᠳᠡᠬᠢ ᠪᠠᠨ ᠱᠠᠯᠠᠭᠠᠵᠠᠢ᠃ ᠲᠡᠭᠡᠬᠦ ᠠᠴᠠ | ᠨᠠᠭᠠᠭᠤᠷ ᠲᠡᠭᠦᠨ ᠳᠤ ᠦᠭᠡᠷᠡ ᠲᠣᠬᠢᠲᠠᠢ ᠠᠷᠭᠠ ᠣᠯᠳᠠᠭᠰᠠᠨ ᠦᠭᠡᠢ᠃ ᠡᠷᠳᠡᠨᠢᠪᠣᠯᠠᠭ᠂ ᠲᠡᠭᠦᠨ ᠳᠤ ᠠᠶᠠᠭᠠ ᠴᠠᠢ | ᠣᠶᠢᠷᠠᠳᠣᠭᠤᠯᠵᠣ᠄ | ︽ᠲᠠᠨ ᠢ ᠢᠳᠡᠭᠡᠬᠦ ᠦᠭᠡᠢ ᠭᠠᠵᠠᠷ ᠦᠭᠡᠢ ᠡ᠃ ᠭᠤᠣᠯ ᠨᠢ ᠪᠢ ᠦᠪᠡᠷᠳᠡᠭᠡᠨ ᠲᠠᠷᠢᠶᠠᠯᠠᠩ ᠤᠨ | ᠪᠠᠩᠬᠢ ᠳᠤ ᠵᠢᠭᠡᠯᠡᠯᠭᠡ ᠶᠢᠨ ᠮᠦᠩᠭᠦᠨ ᠤ ᠦᠷᠢ ᠲᠠᠢ᠃ ᠳᠠᠬᠢᠪᠠᠯ᠂ ᠲᠦᠷᠪᠡᠨ ᠢᠲᠡᠭᠡᠮᠵᠢ ᠶᠢᠨ ᠺᠠᠷᠲ ᠬᠡᠷᠡᠭᠯᠡᠵᠦ | ᠪᠣᠢ ᠰᠢᠣ︕ ᠮᠠᠭᠤ ᠳᠡᠭᠦᠦ ᠴᠢᠨᠢ ᠪᠢ ᠲᠡᠭᠦᠨ ᠤ ᠲᠣᠭᠤᠷᠢᠨ ᠳᠤ ᠦᠷᠢ ᠲᠦᠯᠦᠭᠡᠳ ᠬᠤᠷᠯᠣ ᠡᠷᠬᠢᠳᠡᠭ᠃ | ᠨᠠᠲᠠ ᠪᠠᠷ ᠪᠠᠳᠣᠯᠠᠭᠤᠯᠬᠤ ᠶᠢ ᠪᠠᠩᠬᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠳ᠋ᠠ︕︾ ᠭᠡᠵᠦ ᠢᠨᠢᠶᠡᠮᠰᠦᠭᠯᠡᠨ ᠳᠣᠳᠣᠷᠬᠠᠶᠢᠯᠠᠨᠠ᠃ | ᠪᠠᠳᠣᠬᠤᠶᠠᠭ᠂ ᠣᠷᠳᠣ ᠠᠮᠢᠰᠬᠤᠭᠠ ᠠᠪᠴᠣ ︽ᠣᠳᠣ ᠶᠠᠭᠠᠬᠢᠨᠠ︖︾ ᠭᠡᠰᠡᠨ ᠪᠠᠶᠢᠷᠢ ᠲᠠᠢ ᠲᠦᠷᠪᠡᠯᠵᠢᠨ | ᠰᠢᠷᠡᠭᠡᠨ ᠤ ᠦᠨᠴᠦᠭ ᠢ ᠲᠣᠯᠣᠪᠣᠷ ᠬᠤᠷᠣᠭᠤ ᠪᠠᠷ ᠢᠶᠠᠨ ᠱᠦᠷᠭᠦᠭᠡᠵᠦ ᠯᠠ ᠰᠠᠭᠤᠨᠠ᠃ ᠡᠷᠳᠡᠨᠢᠪᠣᠯᠠᠭ᠄ | ︽ᠲᠡᠭᠡᠬᠦ ᠦᠭᠡᠢ ᠪᠣᠯ ᠲᠡᠭᠦᠦ ᠴᠢᠨᠢ ᠬᠤᠶᠢᠰᠢ ᠣᠬᠤᠷᠢᠬᠤ ᠦᠭᠡᠢ ᠰᠢᠣ︕ ᠴᠠᠯᠢᠩ ᠦᠷᠢᠳᠦᠵᠦ | ᠪᠠᠶᠢᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠠᠬᠠ ᠲᠠ ᠬᠤᠷᠠᠭᠠ ᠬᠤᠳᠠᠯᠳᠣᠭᠰᠠᠨ ᠵᠣᠭᠤᠰ ᠢᠶᠠᠨ ᠮᠠᠨ ᠳᠤ ᠬᠦᠦ ᠮᠦᠩᠬᠦ ᠦᠭᠡᠢ | ᠵᠢᠭᠡᠯᠡᠭᠦᠯᠵᠦ ᠪᠠᠶᠢᠭᠰᠠᠨ ᠢ ᠬᠡᠵᠢᠶᠡᠲᠡ ᠮᠠᠷᠳᠠᠬᠤ ᠦᠭᠡᠢ ᠡ︕︾ ᠭᠡᠵᠦ ᠬᠠᠷᠠᠮᠰᠠᠨ ᠨᠦᠭᠦᠪᠦᠷᠢᠯᠡᠪᠡ᠃ | ᠡᠷᠳᠡᠨᠢᠪᠣᠯᠠᠭ ᠭᠡᠭᠴᠢ ᠦᠴᠦᠭᠡᠨ ᠵᠢᠷᠦᠬᠡ ᠲᠠᠢ ᠬᠡᠷᠰᠡᠦ ᠪᠣᠯᠭᠤᠮᠵᠢᠲᠠᠢ ᠨᠢᠭᠡᠨ ᠶᠤᠮ᠃ ᠦᠪᠡᠷᠲᠡᠬᠡᠨ ᠦᠷᠢ | ᠰᠢᠷᠢ ᠲᠠᠢ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠪᠣᠯᠵᠣ ᠲᠡᠶᠢᠯᠬᠦ ᠦᠭᠡᠢ ᠭᠡᠬᠦ ᠳᠤ ᠦᠷᠦᠭᠡᠯ ᠪᠠᠰᠠ ᠴᠢᠨᠠᠭᠰᠢ ᠵᠢᠭᠤᠷᠠᠭᠠᠳ | ᠪᠠᠶᠢᠪᠠᠯ ᠲᠡᠷᠡ ᠪᠦᠰᠡᠭᠦᠢ ᠵᠦᠪᠰᠢᠶᠡᠷᠡᠬᠦ ᠦᠭᠡᠢ ᠬᠡᠮᠡᠨ ᠨᠢᠭᠡᠮᠦᠰᠦᠨ ᠲᠦᠯᠬᠢᠵᠦ ᠣᠷᠬᠢᠳᠠᠭ᠃ ᠡᠴᠦᠰ ᠲᠤ ᠨᠢ ︽ | ᠲᠡᠷᠡ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠪᠣᠯᠵᠣ ᠴᠢᠳᠠᠨᠠ᠃ ᠭᠡᠬᠦ ᠳᠤ ᠪᠠᠨ ᠨᠠᠮᠠ ᠶᠢ ᠬᠡᠯᠡᠯᠡ ᠭᠡᠵᠦ ᠪᠣᠣ ᠶᠠᠷᠢ︕︾ | ᠭᠡᠳ ᠮᠡᠷᠭᠡᠯᠡᠵᠦ ᠰᠠᠶᠢᠮᠰᠣᠷᠠᠳᠠᠭ᠃ ᠪᠣᠰᠣᠳ ᠲᠤ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠣᠷᠣᠭᠠᠳ ᠬᠡᠷᠡᠭ ᠲᠤ ᠣᠷᠢᠶᠠᠭᠳᠠᠵᠣ | ᠰᠢᠭᠦᠬᠦ ᠳᠤ ᠳᠠᠭᠤᠳᠠᠭᠳᠠᠭᠰᠠᠨ︔ ᠬᠠᠷᠠ ᠳᠠᠩᠰᠠᠨ ᠳᠤ ᠣᠷᠣᠵᠣ ᠴᠠᠯᠢᠩ ᠤᠨ ᠺᠠᠷᠲ ᠢᠶᠠᠨ ᠲᠦᠭᠵᠢᠭᠦᠯᠦᠭᠰᠡᠨ | ᠮᠡᠳᠦ ᠶᠢᠨ ᠠᠮᠢᠳᠣ ᠵᠢᠱᠢᠶᠡ ᠴᠦ ᠮᠣᠩ ᠦᠭᠡᠢ ᠣᠯᠠᠨ ᠪᠣᠢ᠃ ᠲᠡᠭᠡᠬᠦ ᠪᠠᠷ ᠠᠯᠪᠠᠲᠠᠳ ᠤᠨ ᠢᠩᠬᠢᠵᠦ ᠬᠤᠶᠢᠰᠢ | ᠣᠬᠤᠷᠢᠵᠣ ᠬᠢᠴᠢᠶᠡᠬᠦ ᠶᠢ ᠪᠣᠷᠣᠭᠤ ᠭᠡᠬᠦ ᠳᠤ ᠪᠠᠰᠠ ᠪᠡᠷᠬᠡ᠃ ᠡᠷᠳᠡᠨᠢᠪᠣᠯᠠᠭ᠂ ᠮᠦᠷᠦ ᠪᠠᠨ ᠰᠢᠯᠭᠡᠭᠡᠵᠦ᠄ | ︽ᠬᠠᠳᠠᠴᠢᠯᠠᠭᠤ ᠶᠢᠨ ᠬᠢ ᠠᠰᠠᠷ ᠴᠦ ᠠᠪᠣᠭᠠ ᠦᠭᠡᠢ᠃ ᠬᠤᠶᠠᠷ ᠬᠡᠣᠬᠡᠳ ᠨᠢ ᠪᠦᠷ ᠶᠡᠭᠡ | ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠣᠯᠭᠠ ᠪᠠᠨ ᠲᠡᠭᠦᠰᠭᠡᠴᠢᠭᠡᠭᠰᠡᠨ᠃ ᠲᠡᠳᠡ ᠯᠠᠪᠲᠠᠢ ᠲᠠᠨ ᠳᠤ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠪᠣᠯᠵᠣ | ᠲᠡᠶᠢᠯᠦᠨᠡ︕︾ ᠭᠡᠵᠦ ᠣᠯᠵᠠᠭᠤᠷᠬᠠᠨ ᠶᠠᠷᠢᠯᠠ᠃ ᠪᠠᠳᠣᠬᠤᠶᠠᠭ᠂ ᠪᠣᠰᠴᠣ ᠦᠨᠳᠡᠶᠢᠭᠡᠳ᠄ | ︽ᠶᠠᠭᠠᠷᠠᠪᠠᠯ ᠰᠠᠭᠠᠷᠠᠨᠠ ᠭᠡᠳᠡᠭ᠃ ᠪᠢ ᠶᠠᠭᠠᠬᠢᠭᠠᠳ ᠬᠠᠳᠠᠴᠢᠯᠠᠭᠤ ᠶᠢ ᠪᠣᠳᠣᠵᠣ ᠣᠯᠣᠭᠰᠠᠨ ᠦᠭᠡᠢ ᠪᠣᠢ︖ | ︾ ᠭᠡᠵᠦ ᠮᠠᠩᠨᠠᠢ ᠪᠠᠨ ᠠᠯᠠᠭᠠᠳᠠᠪᠠ᠃ ᠲᠡᠷᠡ᠂ ᠲᠣᠮᠣ ᠰᠠᠷᠠᠪᠴᠢᠳᠣ ᠮᠠᠯᠠᠭᠠᠢ ᠪᠠᠨ ᠪᠠᠷᠠᠭᠤᠨ ᠭᠠᠷ ᠢᠶᠠᠷ ᠢᠶᠠᠨ | ᠪᠠᠵᠠᠵᠣ ᠠᠪᠣᠯᠠ᠃ | ︽ᠲᠠ ᠲᠡᠭᠡᠭᠡᠳ ᠶᠠᠪᠣᠬᠤ ᠦᠦ︖︾ | ︽ᠲᠡᠭᠡᠶᠡ︕ ᠬᠠᠳᠠᠴᠢᠯᠠᠭᠤ ᠦᠴᠦᠭᠡᠳᠦᠷ ᠬᠤᠰᠢᠭᠤ ᠪᠠᠯᠭᠠᠰᠣ ᠣᠷᠣᠨᠠ ᠭᠡᠵᠦ ᠸᠢᠴᠠᠲ ᠲᠡᠭᠡᠷᠡ | ᠶᠠᠷᠢᠵᠣ ᠪᠠᠶᠢᠭᠰᠠᠨ᠃ ᠠᠷᠠᠢ ᠬᠦᠳᠡᠯᠦᠭᠡ ᠦᠭᠡᠢ ᠪᠣᠯ ᠰᠠᠶᠢᠨ︕︾ | ᠰᠢᠷᠠ ᠭᠦᠯᠦᠭᠡ ᠬᠤᠪ ᠬᠤᠪ ᠬᠡᠳᠦ ᠬᠤᠴᠠᠭᠠᠳ ᠵᠠᠯᠬᠠᠭᠤᠷᠠᠭᠰᠠᠨ ᠪᠣᠯᠣᠯᠲᠠᠢ ᠳᠠᠬᠢᠵᠣ ᠨᠠᠭᠠᠰᠢ ᠪᠣᠷᠠᠭᠰᠠᠨ | ᠦᠭᠡᠢ ᠡᠭᠦᠷ ᠲᠤ ᠪᠠᠨ ᠰᠢᠷᠭᠤᠵᠠᠢ᠃ ᠪᠠᠳᠣᠬᠤᠶᠠᠭ᠂ ︽ᠣᠳᠠᠰᠣᠳᠠᠬᠤ ᠦᠦ︖︾ ᠬᠡᠮᠡᠨ ᠡᠷᠡᠭᠡᠯᠵᠡᠨ | ᠵᠣᠭᠰᠣᠲᠠᠯᠠ ᠬᠠᠳᠠᠴᠢᠯᠠᠭᠤ ᠶᠢᠨ ᠪᠦᠰᠡᠭᠦᠢ ᠦᠷᠡᠵᠢᠮᠢᠰ ᠬᠠᠭᠠᠯᠭᠠ ᠣᠩᠭᠤᠶᠢᠯᠭᠠᠨ ᠣᠭᠳᠣᠵᠠᠢ᠃ | ︽ᠠᠶᠢᠯ ᠤᠨ ᠠᠬᠠ ᠰᠠᠶᠢᠨ ᠶᠠᠪᠣᠵᠣ ᠢᠷᠡᠪᠡ ᠦᠦ︖︾ | ︽ᠵᠠ᠂ ᠰᠠᠶᠢᠨ ᠰᠠᠶᠢᠨ᠃ ᠳᠠᠩᠰᠤᠭ ᠨᠠᠮᠣᠷ ᠪᠣᠯᠵᠣ ᠪᠠᠶᠢᠨᠠ ᠦᠦ︖︾ | ︽ᠨᠢᠳᠦᠨᠦᠨ ᠰᠢᠭ ᠵᠦᠩᠳᠡᠭᠡᠨ ᠪᠣᠷᠤᠭᠠ ᠱᠠᠪᠰᠢᠭᠰᠠᠨ ᠪᠢᠰᠢ ᠰᠢᠦ᠃ ᠴᠡᠪᠡᠷ ᠨᠠᠮᠣᠷ ᠪᠣᠯᠬᠤ ᠨᠢ ᠡ︕︾ | | ᠦᠷᠡᠵᠢᠮᠢᠰ᠂ ᠠᠷᠣ ᠶᠢᠨ ᠬᠠᠰᠢᠶᠠᠨ ᠳᠤ ᠨᠣᠭᠤᠭᠠ ᠣᠰᠣᠯᠠᠵᠣ ᠪᠠᠶᠢᠭᠰᠠᠨ ᠬᠠᠳᠠᠴᠢᠯᠠᠭᠤ ᠶᠢ ᠳᠠᠭᠤᠳᠠᠯᠠ᠃ | ᠬᠤᠶᠠᠭᠤᠯᠠ ᠡᠬᠢᠯᠡᠩᠭᠦᠲᠡ ᠬᠤᠷᠠ ᠪᠣᠷᠤᠭᠠ ᠨᠣᠭᠤᠭᠠ ᠲᠠᠷᠢᠶᠠ ᠶᠢᠨ ᠲᠣᠬᠠᠢ ᠪᠠᠭ᠋ᠠᠨ ᠵᠣᠭᠤᠭᠳᠠᠪᠠ᠃ ᠪᠠᠳᠣᠬᠤᠶᠠᠭ᠂ | ᠳᠠᠮᠠᠬᠢ ᠠᠴᠠ ᠨᠢᠭᠡ ᠭᠤᠳᠣᠯᠢ ᠨᠣᠴᠣᠭᠠᠵᠣ᠄ | ︽ᠮᠢᠨᠦ ᠡᠷᠲᠡ ᠳᠤ ᠬᠡᠯᠡᠵᠦ ᠪᠠᠶᠢᠳᠠᠭ ᠦᠨᠦ ᠪᠠᠩᠬᠢ ᠶᠢᠨ ᠵᠢᠭᠡᠯᠡᠯᠭᠡ ᠶᠢ ᠣᠯᠴᠢᠬᠠᠭᠰᠠᠨ᠃ ᠣᠳᠣ | ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠬᠡᠷᠡᠭᠲᠡᠢ ᠪᠣᠯᠣᠭᠠᠳ ᠲᠡᠭᠦᠦ ᠶᠢ ᠡᠷᠢᠵᠦ ᠢᠷᠡᠭᠰᠡᠨ︕︾ ᠭᠡᠵᠦ ᠣᠴᠢᠷ ᠢᠶᠠᠨ ᠬᠡᠯᠡᠵᠦ | ᠭᠠᠷᠭᠠᠵᠠᠢ᠃ ᠬᠠᠳᠠᠴᠢᠯᠠᠭᠤ ᠬᠤᠭᠤᠯᠠᠢ ᠵᠠᠰᠠᠵᠣ᠄ | ︽ᠬᠠᠮᠢᠶᠠ ᠦᠭᠡᠢ᠂ ᠪᠢ ᠪᠠᠶᠢᠬᠤ ᠳᠤ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠤ ᠲᠦᠯᠦᠭᠡ ᠵᠣᠪᠠᠭ᠋ᠣ ᠶᠠᠭᠤᠨ︕ | ᠶᠠᠪᠣᠶᠠ︕︾ ᠭᠡᠳ ᠭᠠᠷ ᠣᠳᠠᠰᠣ ᠶᠠᠭᠤᠮᠠ ᠪᠠᠨ ᠬᠠᠮᠣᠵᠣ ᠬᠠᠷᠮᠠᠯᠠᠯᠠ᠃ | ︽ᠪᠡᠶᠡ ᠶᠢᠨ ᠦᠨᠡᠮᠯᠡᠯ ᠪᠣᠯᠣᠨ ᠣᠷᠤᠭ ᠤᠨ ᠦᠨᠡᠮᠯᠡᠯ ᠢ ᠠᠪᠣᠭᠠᠳ ᠦᠭ ᠡ ᠬᠦᠶ᠋ᠢ︕︾ | ᠴᠠᠭᠠᠨᠠ ᠨᠢ ᠠᠪᠳᠠᠷᠠ ᠪᠠᠨ ᠵᠦᠯᠭᠦᠵᠦ ᠵᠣᠭᠰᠣᠭᠰᠠᠨ ᠦᠷᠡᠵᠢᠮᠢᠰ ᠠᠯᠴᠢᠭᠤᠷ ᠢᠶᠠᠨ ᠬᠦᠰᠡᠷ ᠴᠢᠯᠠᠭᠤᠳᠠᠵᠣ | ᠄ | ︽ᠴᠢ ᠳᠣᠬᠤᠨ ᠤ ᠬᠢᠨᠢ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠪᠣᠯᠬᠤ ᠪᠣᠢ︖ ᠬᠡᠳᠡᠰᠦᠨ ᠳᠤ ᠪᠠᠨ ᠵᠦᠪ ᠲᠠᠢ | ᠪᠣᠯᠣᠭᠠᠳ ᠬᠡᠳᠦᠨ ᠡᠳᠦᠷ ᠪᠣᠯᠵᠣ ᠪᠠᠶᠢᠬᠤ ᠪᠣᠢ︖ ᠵᠠᠭᠤᠨ ᠲᠦᠮᠡᠨ ᠳᠦᠭᠦᠷᠢᠭ ᠤᠨ ᠵᠢᠭᠡᠯᠡᠯᠭᠡ ᠠᠪᠣᠨᠠ᠃ ᠴᠢ | ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠪᠣᠯᠣᠨᠠ ᠦᠦ︖︾ ᠭᠡᠳ ᠦᠰᠦᠷᠬᠢᠯᠡᠪᠡ᠃ ᠲᠠᠶᠢᠪᠣᠩ ᠪᠠᠶᠢᠭᠰᠠᠨ ᠭᠡᠷ ᠤᠨ ᠠᠭᠤᠷ | ᠠᠮᠢᠰᠬᠤᠯ ᠲᠡᠷᠡ ᠲᠣᠣᠷᠠ ᠪᠠᠨ ᠲᠦᠢᠮᠡᠷ ᠰᠢᠳᠠᠭᠰᠠᠨ ᠰᠢᠭ᠋ ᠪᠠᠴᠢᠮ ᠬᠤᠪᠢᠷᠠᠯᠲᠠ ᠲᠠᠢ ᠪᠣᠯᠣᠭᠰᠠᠨ᠃ | ︽ᠢᠳᠡᠭᠰᠡᠨ ᠬᠤᠳᠳᠤᠭ ᠲᠤ ᠪᠠᠨ ᠪᠠᠭᠠᠳᠠᠭ ᠮᠠᠭᠤ ᠡᠮᠡ ᠴᠢ︕ ᠪᠠᠳᠣᠬᠤᠶᠠᠭ ᠠᠬᠠ ᠪᠣᠰᠣᠳ ᠲᠠᠢ | ᠠᠳᠠᠯᠢ ᠦᠭᠡᠢ᠃ ᠴᠢᠮᠠ ᠳᠤ ᠰᠠᠪᠠᠭᠠ ᠦᠭᠡᠢ︕︾ | ᠬᠠᠳᠠᠴᠢᠯᠠᠭᠤ ᠴᠦ ᠬᠡᠭᠰᠡᠶᠢᠵᠦ ᠵᠣᠭᠰᠣᠵᠠᠢ᠃ ᠲᠡᠷᠡ ᠶᠡᠷᠦ ᠨᠢ ᠠᠭᠤᠰᠬᠢᠨ ᠣᠢᠮᠠᠨ ᠳᠤ ᠨᠡᠷᠪᠡᠭᠳᠡᠵᠦ | ᠦᠩᠭᠡᠷᠡᠭᠰᠡᠨ ᠬᠦᠮᠦᠨ᠃ ᠬᠢᠷᠢᠨ ᠤ ᠠᠷᠠᠳ ᠤᠨ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠠ ᠳᠤ ᠡᠮᠨᠡᠭᠦᠯᠬᠦ ᠪᠣᠯᠣᠭᠠᠳ ᠮᠦᠩᠬᠦ ᠪᠠᠷ | ᠭᠠᠴᠢᠭᠳᠠᠵᠣ ᠪᠠᠶᠢᠬᠤ ᠳᠤ ᠪᠠᠳᠣᠬᠤᠶᠠᠭ ᠦᠭᠡᠷ ᠢᠶᠠᠨ ᠬᠤᠳᠠᠯᠳᠣᠵᠣ ᠳᠣᠰᠠᠯᠠᠭᠰᠠᠨ᠃ ᠦᠷᠦᠭᠡᠯ ᠤᠨ ᠨᠢᠩᠵᠢᠨ | ᠰᠡᠳᠬᠢᠯ ᠬᠠᠶᠢᠷᠠ ᠬᠠᠯᠠᠮᠵᠢ ᠬᠡᠵᠢᠶᠡᠲᠡ ᠬᠦᠮᠦᠰ ᠤᠨ ᠣᠢ ᠳᠣᠢ ᠠᠴᠠ ᠣᠷᠣ ᠦᠭᠡᠢ ᠠᠷᠴᠢᠭᠳᠠᠬᠤ ᠶᠣᠰᠣ ᠦᠭᠡᠢ | ᠪᠠᠶᠢᠬᠤ ᠳᠤ ᠵᠠᠷᠢᠮ ᠬᠦᠮᠦᠨ ᠦᠯᠦ ᠮᠡᠳᠡᠬᠦ ᠴᠢᠷᠠᠶᠢᠯᠠᠵᠣ ᠶᠠᠪᠣᠳᠠᠭ ᠨᠢ ᠰᠣᠨᠢᠨ ᠪᠢᠰᠢ᠃ ᠬᠠᠳᠠᠴᠢᠯᠠᠭᠤ ᠡᠷᠡ ᠡᠮᠡ | ᠬᠤᠶᠠᠭᠤᠯᠠ ᠣᠯᠠᠭᠠᠨ ᠬᠡᠷᠡᠭᠦᠯ ᠳᠠᠳᠠᠵᠠᠢ᠃ ᠪᠠᠳᠣᠬᠤᠶᠠᠭ ᠴᠦ ᠡᠨᠡ ᠠᠶᠢᠯ ᠳᠤ ᠬᠠᠪᠰᠣᠷᠣᠮᠵᠢ ᠬᠦᠰᠡᠵᠦ | ᠢᠷᠡᠭᠰᠡᠨ ᠠᠴᠠ ᠪᠢᠰᠢ ᠬᠡᠷᠡᠭᠦᠯ ᠰᠣᠨᠢᠷᠬᠠᠬᠤ ᠪᠠᠷ ᠬᠦᠶᠦᠭᠰᠡᠨ ᠪᠢᠰᠢ ᠶᠤᠮ᠃ ᠶᠠᠪᠣᠳᠠᠯ ᠪᠦᠳᠦᠭᠰᠡᠨ ᠦᠭᠡᠢ | ᠳᠡᠭᠡᠷᠡ ᠪᠠᠨ ᠶᠠᠷᠰᠢᠭ ᠶᠡᠭᠡ ᠭᠠᠷᠣᠯᠠ᠃ ᠪᠠᠳᠣᠬᠤᠶᠠᠭ᠂ ᠬᠠᠳᠠᠴᠢᠯᠠᠭᠤ ᠡᠷᠡ ᠡᠮᠡ ᠬᠤᠶᠠᠭᠤᠯᠠ ᠶᠢ ᠪᠠᠶᠢᠨ ᠳᠠᠬᠢᠨ | ᠭᠤᠶᠣᠭᠰᠠᠭᠠᠷ ᠪᠠᠶᠢᠵᠣ ᠬᠡᠷᠡᠭᠦᠯ ᠢ ᠨᠢ ᠲᠦᠩᠭᠡᠵᠢ ᠵᠣᠭᠰᠣᠭᠠᠨ᠂ ᠨᠠᠷᠠ ᠳᠠᠰᠢᠬᠤ ᠶᠢᠨ ᠦᠶᠡ ᠪᠠᠷ ᠭᠡᠷ ᠲᠤ ᠪᠠᠨ | ᠪᠣᠴᠠᠵᠠᠢ᠃ ᠲᠡᠷᠡ᠂ ᠦᠨᠦᠳᠦᠷ ᠤᠨ ᠦᠢᠯᠡ ᠣᠴᠠᠷᠠᠯ ᠢᠶᠠᠨ ᠡᠬᠡᠨᠡᠷ ᠲᠤ ᠪᠠᠨ ᠴᠦ ᠳᠣᠳᠣᠷᠬᠠᠢ ᠶᠠᠷᠢᠭᠠ ᠦᠭᠡᠢ᠃ | ᠪᠠᠳᠣᠬᠤᠶᠠᠭ ᠤᠨ ᠬᠤᠭᠤᠯᠠᠢ ᠳᠤ ᠨᠢ ᠶᠠᠭᠤ ᠨᠢᠭᠡ ᠶᠠᠭᠤᠮᠠ ᠵᠠᠩᠬᠢᠷᠠᠭᠠ ᠲᠠᠢ ᠰᠢᠭ᠋᠃ ᠲᠡᠷᠡ᠂ ᠲᠧᠯᠧᠢᠰ ᠦᠵᠡᠵᠦ | ᠪᠠᠶᠢᠬᠤ ᠳᠤ ᠪᠠᠨ ︽ᠠᠳᠠᠭ ᠤᠨ ᠮᠠᠭᠤ ᠮᠠᠯᠴᠢᠨ ᠳᠤ ᠪᠠᠳᠣᠯᠠᠭᠠ ᠬᠢᠵᠣ ᠦᠭᠬᠦ ᠬᠦᠮᠦᠨ ᠦᠭᠡᠢ ᠡ︕︾ ᠭᠡᠵᠦ | ᠣᠷᠳᠣ ᠰᠡᠭᠦᠷᠡᠰᠦᠯᠡᠵᠡᠢ᠃ ᠲᠡᠭᠡᠭᠡᠳ ᠪᠠᠳᠣᠬᠤᠶᠠᠭ᠂ ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠤ ᠳᠣᠬᠠᠢ ᠳᠠᠬᠢᠨ ᠴᠢᠨᠠᠭᠰᠢ | ᠪᠣᠳᠣᠬᠤ ᠪᠠᠨ ᠴᠦ ᠬᠠᠯᠠᠰᠢᠷᠠᠪᠠ᠃ | ᠮᠣᠳᠣᠳ ᠤᠨ ᠨᠠᠪᠴᠢᠰ ᠮᠡᠳᠡᠭᠳᠡᠮᠡ ᠰᠢᠷᠠᠯᠠᠵᠣ ᠵᠦᠭᠡᠯᠡᠨ ᠰᠠᠯᠬᠢᠨ ᠳᠤ ᠭᠠᠩᠬᠤᠨᠠ᠃ ᠪᠠᠳᠣᠬᠤᠶᠠᠭ᠂ ᠭᠠᠷ | ᠣᠳᠠᠰᠣ ᠪᠠᠨ ᠦᠵᠡᠭᠰᠡᠨ ᠳᠤ ᠸᠢᠴᠠᠲ ᠤᠨ ᠴᠣᠭᠯᠠᠷᠠᠯ ᠳᠤ ᠨᠢ ︽ᠬᠠᠳᠠᠴᠢᠯᠠᠭᠤ ᠡᠮᠨᠡᠯᠭᠡ ᠳᠤ ᠣᠷᠣᠭᠰᠠᠨ︾ | ᠭᠡᠬᠦ ᠪᠠᠷ ᠶᠠᠷᠢᠵᠣ ᠴᠣᠣᠬᠢᠯᠳᠣᠨᠠ᠃ ᠪᠠᠳᠣᠬᠤᠶᠠᠭ ᠤᠨ ᠲᠣᠯᠣᠭᠠᠢ ᠨᠢ ᠲᠦᠨᠡᠷᠡᠨᠡ᠃ ︽ᠮᠢᠨᠦ ᠣᠷᠰᠢᠭ ᠠᠴᠠ | ᠪᠣᠯᠣᠯᠠ︕︾ ᠭᠡᠳᠡᠭ ᠢᠶᠠᠨ ᠬᠡᠯᠡᠵᠦ ᠳᠣᠪᠴᠢᠳᠠᠶᠠ ᠭᠡᠬᠦᠯᠡᠷ ᠴᠣᠭᠯᠠᠷᠠᠯ ᠳᠤ ᠶᠠᠷᠢᠭᠠᠳ ᠡᠪ ᠦᠭᠡᠢ ᠰᠢᠭ | ᠰᠠᠨᠠᠭᠳᠠᠵᠠᠢ᠃ ᠨᠢᠭᠡ ᠴᠠᠭ ᠤᠨ ᠳᠠᠷᠠᠭᠠ ᠬᠠᠳᠠᠴᠢᠯᠠᠭᠤ ᠸᠢᠴᠠᠲ ᠳᠡᠭᠡᠷᠡ ᠪᠠᠨ ᠢᠯᠡᠷᠡᠨ ᠭᠠᠶᠢᠭᠤᠢ ᠭᠡᠳᠡᠭ ᠢᠶᠠᠨ | ᠶᠠᠷᠢᠵᠣ ᠰᠠᠭᠤᠬᠤ ᠨᠢ ᠬᠠᠷᠠᠭᠳᠠᠭᠠᠳ᠂ ᠪᠠᠳᠣᠬᠤᠶᠠᠭ ᠤᠨ ᠦᠷᠦᠴᠡ ᠶᠢ ᠨᠢ ᠣᠩᠭᠤᠶᠢᠯᠭᠠᠵᠠᠢ᠃ ᠲᠡᠭᠡᠲᠡᠯᠡ᠂ | ᠭᠠᠳᠠᠨᠠ ᠪᠠᠷᠰᠳᠦ ︵ᠬᠤᠳᠠᠴᠢ ᠨᠣᠬᠠᠢ︶ ᠶᠢᠨ ᠰᠦᠷᠡᠬᠡᠢ ᠪᠣᠷᠠᠬᠤ ᠴᠢᠮᠡᠭᠡ ᠳᠣᠭᠤᠯᠳᠠᠯᠠ᠃ ᠭᠠᠷᠣᠭᠠᠳ ᠬᠠᠷᠠᠭᠰᠠᠨ | ᠴᠢᠨᠢ ᠪᠠᠳᠣᠬᠤᠶᠠᠭ ᠲᠠᠢ ᠣᠳᠠᠭᠠᠨ ᠵᠢᠯ ᠵᠣᠰᠠᠯᠠᠩ ᠳᠤ ᠬᠦᠷᠰᠢᠯᠡᠵᠦ ᠪᠠᠭᠤᠳᠠᠭ ᠭᠠᠩᠳᠡᠮᠦᠷ ᠮᠣᠲ᠋ᠣᠷ ᠬᠠᠪᠴᠢᠨ | ᠣᠭᠤᠬᠢᠯᠠᠭᠤᠯᠣᠨᠠ ᠬᠦ᠋᠃ | ︽ᠬᠦᠶ᠋ᠢ ᠬᠦ᠋︕ ᠭᠠᠩᠳᠠᠭᠤᠨ ᠡᠪᠦᠭᠡᠨ ᠮᠠᠨᠢ ᠭᠠᠯᠲᠠᠢ ᠴᠣᠭᠲᠠᠢ ᠬᠢᠯᠠᠷᠠᠭᠤᠯᠵᠣ ᠶᠠᠪᠣᠭᠠ ᠤᠸ᠋︕︾ | ︽ᠵᠠ᠂ ᠶᠠᠭᠤ ᠭᠡᠬᠦᠪ︕ ᠬᠦᠭᠰᠢᠨ ᠴᠡᠷᠢᠭ ᠢᠶᠠᠨ ᠰᠠᠨᠠᠭᠠᠳ ᠬᠠᠷᠠ ᠡᠷᠲᠡ ᠠᠴᠠ ᠨᠠᠭᠠᠰᠢ ᠭᠠᠯᠬᠢᠭᠤᠯᠣᠯᠠ | ᠬᠦ᠋︕︾ | ᠬᠤᠶᠠᠭᠤᠯᠠ ᠬᠠᠭ᠋ᠠᠯᠠᠨ ᠢᠨᠢᠶᠡᠯᠴᠡᠪᠡ᠃ ᠣᠣᠯ ᠨᠢ ᠭᠠᠩᠲᠡᠮᠦᠷ᠂ ᠠᠨᠲᠠ ᠶᠢᠨ ᠢᠶᠠᠨ ᠸᠢᠴᠠᠲ ᠠᠴᠠ | ᠪᠠᠳᠣᠬᠤᠶᠠᠭ ᠤᠨ ᠵᠣᠭᠤᠰ ᠢᠶᠠᠷ ᠭᠠᠴᠢᠭᠳᠠᠵᠣ ᠪᠠᠶᠢᠭᠠ ᠰᠣᠷᠠᠭ ᠢ ᠲᠣᠭᠤᠯᠣᠭᠠᠳ ᠲᠠᠪᠣᠨ ᠮᠢᠩᠭᠠᠨ ᠲᠦᠭᠦᠷᠢᠭ | ᠳᠣᠰᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ ᠪᠠᠶᠢᠵᠠᠢ᠃ ᠵᠠᠯᠭᠠᠭᠠᠳ ᠪᠠᠰᠠ ᠠᠷᠪᠠᠨ ᠨᠢᠭᠡᠨ ᠮᠠᠯᠴᠢᠨ ᠪᠠᠳᠣᠬᠤᠶᠠᠭ ᠲᠤ ᠠᠳᠠᠯᠢ ᠪᠣᠰᠣ | ᠬᠡᠮᠵᠢᠶᠡᠨ ᠤ ᠵᠣᠭᠤᠰ ᠳᠣᠰᠠᠯᠠᠬᠤ ᠪᠠᠷ ᠢᠷᠡᠭᠰᠡᠨ᠃ ᠡᠭᠦᠨ ᠳᠤ ᠬᠡᠳᠦᠨ ᠮᠢᠩᠭᠠᠨ ᠲᠦᠭᠦᠷᠢᠭ ᠤᠨ ᠬᠢ ᠨᠢ ᠠᠷᠪᠢᠨ᠂ | ᠠᠷᠠᠢ ᠮᠢᠩᠭᠠ ᠬᠦᠷᠬᠦ ᠦᠭᠡᠢ ᠴᠦ ᠪᠣᠢ᠃ ᠳᠣᠭᠠᠯᠠᠭᠠᠳ ᠦᠵᠡᠪᠡᠯ᠂ ᠨᠡᠶᠢᠲᠡ ᠬᠤᠶᠠᠷ ᠲᠦᠮᠡ ᠬᠤᠶᠠᠷ ᠮᠢᠩᠭᠠᠨ | ᠲᠦᠭᠦᠷᠢᠭ ᠪᠠᠶᠢᠪᠠ᠃ ᠨᠠᠶᠢᠷ ᠤᠨ ᠰᠢᠷᠡᠭᠡ ᠵᠠᠰᠠᠭᠳᠠᠵᠣ᠂ ᠣᠵᠣᠭᠤᠷ ᠤᠨ ᠬᠠᠯᠠᠭᠤᠨ ᠲᠠᠢ ᠵᠣᠭᠤᠭ ᠲᠡᠯᠭᠡᠭᠳᠡᠯᠡ᠃ | ᠲᠡᠭᠡᠲᠡᠯᠡ᠂ ᠪᠠᠳᠣᠬᠤᠶᠠᠭ ᠤᠨ ᠭᠠᠷ ᠣᠳᠠᠰᠣ ᠨᠢ ᠳᠠᠭᠤᠯᠠᠵᠣ ᠡᠬᠢᠯᠡᠵᠡᠢ᠃ | ︽ᠵᠠ᠂ ᠠᠮᠣᠷᠰᠠᠶᠢᠨ ᠮᠢᠨᠢ ᠰᠠᠶᠢᠨ ᠪᠢᠵᠠ︖ ᠬᠠᠳᠣᠯᠠᠩ ᠳᠤ ᠪᠠᠨ ᠪᠣᠴᠠᠭᠠ ᠦᠭᠡᠢ ᠦᠦ︖︾ | ︽ᠵᠠ᠂ ᠠᠨᠳᠠ ᠮᠢᠨᠢ ᠰᠠᠶᠢᠨ ᠪᠠᠶᠢᠨᠠ︕ ᠶᠡᠭᠡ ᠪᠠᠷ ᠬᠦᠳᠡᠯᠴᠢᠭᠡᠮᠡᠷ ᠬᠠᠳᠣᠯᠠᠩ ᠣᠷᠭᠤᠭᠠ ᠦᠭᠡᠢ ᠳ᠋ᠣᠣ | ᠃ ᠬᠠᠷᠢᠨ ᠴᠢᠮᠠ ᠳᠤ ᠰᠠᠶᠢᠨ ᠴᠢᠮᠡᠭᠡ ᠲᠠᠮᠵᠢᠭᠤᠯᠤᠶᠠ ᠭᠡᠰᠡᠨ ᠰᠢᠣ︕ ᠪᠠᠩᠬᠢ ᠠᠴᠠ ᠵᠢᠭᠡᠯᠡᠯᠭᠡ ᠠᠪᠬᠤ ᠳᠤ | ᠮᠠᠯᠴᠢᠳ ᠬᠤᠭᠤᠷᠣᠨᠳᠣ ᠪᠠᠨ ᠨᠢᠭᠡ ᠨᠢ ᠨᠢᠭᠡ ᠶᠢ ᠪᠠᠨ ᠪᠠᠳᠣᠯᠠᠵᠣ ᠪᠣᠯᠣᠨᠠ ᠭᠡᠳᠡᠭ ᠰᠢᠨᠡ ᠳᠣᠭᠲᠠᠭᠠᠯ ᠭᠠᠷᠣᠯᠠ | ᠭᠡᠨᠡ᠃ ᠴᠢ ᠬᠤᠷᠳᠣᠨ ᠠᠰᠠᠭᠤᠵᠣ ᠮᠡᠳᠡ︕︾ | ︽ᠵᠠ᠂ ᠰᠠᠶᠢᠨ ᠪᠣᠯᠣᠯᠠ︕ ᠳᠠᠷᠠᠭᠠ ᠪᠠᠷ ᠬᠤᠶᠠᠭᠤᠯᠠ ᠰᠠᠶᠢᠬᠠᠨ ᠶᠠᠷᠢᠯᠴᠠᠶᠠ ᠭᠡᠮ︕︾ | ᠪᠠᠳᠣᠬᠤᠶᠠᠭ᠂ ᠵᠠᠯᠭᠠᠭᠠᠳ ᠮᠠᠨᠰᠠᠩ ᠳᠤ ᠣᠳᠠᠰᠣᠳᠠᠯᠠ᠃ | ︽ᠰᠠᠶᠢᠨ ᠦᠦ︖ ᠪᠢ ᠪᠠᠳᠣᠬᠤᠶᠠᠭ ᠪᠠᠶᠢᠨᠠ᠃ ᠲᠠ ᠠᠵᠢᠯᠯᠠᠵᠣ ᠪᠠᠶᠢᠭᠠ ᠪᠢᠵᠠ︖︾ | ︽ᠵᠠ᠂ ᠠᠯᠪᠠᠨ ᠠᠵᠢᠯ ᠳᠤ ᠪᠠᠨ ᠪᠠᠶᠢᠨᠠ᠃ ᠲᠠ ᠶᠠᠮᠠᠷ ᠣᠴᠢᠷ ᠲᠠᠢ ᠪᠣᠢ︖︾ | ︽ᠪᠠᠩᠬᠢ ᠠᠴᠠ ᠵᠢᠭᠡᠯᠡᠯᠭᠡ ᠠᠪᠬᠤ ᠳᠤ ᠮᠠᠯᠴᠢᠳ ᠬᠤᠭᠤᠷᠣᠨᠳᠣ ᠪᠠᠨ ᠨᠢᠭᠡ ᠨᠢ ᠨᠢᠭᠡ ᠪᠠᠨ ᠪᠠᠳᠣᠯᠠᠵᠣ | ᠪᠣᠯᠣᠨᠠ ᠭᠡᠳᠡᠭ ᠦᠨᠡᠨ ᠪᠢᠵᠠ︖︾ | ︽ᠣ︕ ᠲᠠ ᠴᠢᠨᠢ ᠦᠨᠦ ᠵᠢᠭᠡᠯᠡᠯᠭᠡ ᠠᠪᠣᠨᠠ ᠭᠡᠳᠡᠭ ᠪᠠᠳᠣᠬᠤᠶᠠᠭ ᠰᠢᠳᠡ᠃ ᠮᠠᠯᠴᠢᠳ ᠬᠠᠷᠢᠯᠴᠠᠨ | ᠪᠠᠳᠣᠯᠠᠵᠣ ᠪᠣᠯᠣᠨᠠ᠃ ᠭᠡᠬᠦ ᠳᠤ ᠪᠠᠨ ᠣᠷᠢᠳᠠᠯ ᠨᠢ ᠪᠦᠷ ᠪᠠᠩᠬᠢ ᠳᠤ ᠬᠠᠭᠤᠴᠢᠨ ᠦᠷᠢᠲᠠᠢ ᠪᠠᠶᠢᠵᠣ ᠪᠣᠯᠬᠤ ᠦᠭᠡᠢ | ᠰᠢᠣ ᠳ᠋ᠠ︕︾ | ︽ᠲᠡᠶᠢᠮᠦ ᠡ᠂ ᠪᠢ ᠶᠠᠭ ᠲᠡᠷᠡ ᠪᠠᠳᠣᠬᠤᠶᠠᠭ ᠪᠠᠶᠢᠨᠠ᠃ ᠰᠠᠶᠢᠨ ᠪᠣᠯᠣᠯᠠ︕ ᠮᠠᠷᠭᠠᠰᠢ ᠪᠢ | ᠪᠠᠳᠣᠯᠠᠭᠠ ᠶᠢᠨ ᠬᠦᠮᠦᠨ ᠢᠶᠠᠨ ᠠᠪᠣᠭᠠᠳ ᠣᠴᠢᠬᠤ ᠦᠦ︖︾ | ︽ᠣᠷᠴᠢᠮ ᠤᠨ ᠬᠡᠳᠦᠨ ᠡᠳᠦᠷ ᠪᠢ ᠬᠦᠳᠡᠭᠡ ᠪᠠᠭᠤᠨᠠ᠃ ᠳᠠᠷᠠᠭᠠ ᠭᠠᠷᠠᠭ ᠤᠨ ᠨᠢᠭᠡᠨ ᠳᠤ ᠢᠷᠡᠴᠢᠭᠡ | ᠪᠠ︕ ᠬᠦᠮᠦᠨ ᠪᠦᠷᠢ ᠵᠦᠪᠬᠡᠨ ᠨᠢᠭᠡ ᠲᠦᠮᠡ ᠶᠢ ᠯᠠ ᠪᠠᠳᠣᠯᠠᠵᠣ ᠲᠡᠶᠢᠯᠦᠨᠡ ᠰᠢᠦ︕︾ | ᠠᠯᠠᠭᠠ ᠳᠠᠰᠢᠵᠣ ᠬᠦᠭᠡᠷᠦᠯᠳᠦᠬᠦ ᠳᠠᠭᠤᠨ ᠰᠣᠨᠣᠰᠳᠠᠪᠠ᠃ ᠨᠠᠶᠢᠷ ᠰᠦᠨᠢ ᠲᠦᠯᠢ ᠪᠣᠯᠲᠠᠯᠠ | ᠦᠷᠭᠦᠯᠵᠢᠯᠡᠪᠡ᠃ | ᠠᠯᠲᠠᠨ ᠨᠠᠷᠠᠨ ᠳᠣᠶᠠᠭᠠᠷᠠᠭᠰᠠᠨ ᠠᠳᠠᠪᠠᠰᠢ ᠰᠠᠶᠢᠬᠠᠨ ᠡᠳᠦᠷ᠃ ᠮᠦᠩᠬᠦ ᠢᠯᠡᠭᠦᠳᠡᠭᠡᠳ ᠭᠠᠷ ᠢ | ᠬᠠᠳᠬᠤᠬᠤ ᠪᠢᠰᠢ᠂ ᠣᠯᠬᠤ ᠳᠤ ᠠᠮᠠᠷ ᠪᠣᠯ ᠢᠯᠡᠬᠦᠦ ᠲᠦᠮᠡ ᠠᠪᠣᠴᠢᠬᠠᠶᠠ ᠭᠡᠬᠦ ᠨᠢ ᠪᠠᠳᠣᠬᠤᠶᠠᠭ ᠤᠨ ᠪᠣᠳᠣᠯ᠃ | ᠡᠩᠬᠡᠪᠠᠶᠠᠷ᠂ ᠠᠯᠲᠠᠨᠰᠠᠩ᠂ ᠡᠷᠳᠡᠮᠲᠡᠭᠦᠰ᠂ ᠠᠮᠣᠷᠰᠠᠨᠠᠭᠠ᠂ ᠪᠠᠳᠣᠬᠤᠶᠠᠭ ᠲᠡᠳᠡ ᠲᠠᠪᠣᠭᠤᠯᠠ ᠡᠶᠡ ᠪᠦᠯᠬᠦᠮᠳᠡᠯ ᠲᠠᠢ | ᠬᠦᠳᠡᠭᠡ ᠳᠣᠰᠬᠤᠨ ᠤ ᠢᠲᠡᠭᠡᠮᠵᠢ ᠶᠢᠨ ᠪᠠᠩᠬᠢ ᠳᠤ ᠣᠴᠢᠯᠠ᠃ ᠭᠡᠪᠡᠴᠦ᠂ ᠵᠢᠭᠡᠯᠡᠯᠭᠡ ᠦᠭᠬᠦᠨᠡ ᠭᠡᠵᠦ | ᠵᠣᠪᠰᠢᠶᠡᠷᠡᠭᠰᠡᠨ ᠮᠠᠨᠰᠠᠩ ᠠᠯᠪᠠᠨ ᠭᠡᠷ ᠲᠤ ᠪᠠᠨ ᠪᠠᠶᠢᠭᠰᠠᠨ ᠦᠭᠡᠢ ᠨᠢ ᠲᠡᠳᠡᠨᠦᠰ ᠢ ᠲᠦᠪᠡᠭᠳᠡᠭᠦᠯᠵᠡᠢ᠃ | ᠪᠠᠳᠣᠬᠤᠶᠠᠭ᠂ ᠮᠠᠨᠰᠠᠩ ᠤᠨ ᠭᠠᠷ ᠣᠳᠠᠰᠣ ᠶᠢ ᠨᠢ ᠠᠪᠬᠤ ᠳᠤ ᠬᠠᠷᠢᠨ ᠲᠦᠭᠵᠢᠭᠡᠰᠦᠲᠡᠢ᠃ ᠨᠡᠯᠢᠶᠡᠳ ᠣᠳᠠᠭᠠᠳ | ᠲᠡᠳᠡ ᠲᠢᠩᠬᠢᠮ ᠤᠨ ᠦᠢᠯᠡᠴᠢᠯᠡᠭᠴᠢ ᠠᠴᠠ ᠰᠣᠷᠠᠭᠯᠠᠬᠤ ᠳᠤ᠂ ᠵᠠᠯᠠᠭᠤ ᠬᠡᠣᠬᠡᠨ ᠲᠡᠳᠡ ᠲᠠᠪᠣᠭᠤᠯᠠ ᠶᠢ ᠡᠭᠡᠯᠵᠢᠯᠡᠨ | ᠰᠢᠷᠲᠡᠭᠡᠳ᠄ | ︽ᠮᠠᠨᠰᠠᠩ ᠢ ᠪᠠᠶᠢᠴᠠᠭᠠᠬᠤ ᠬᠤᠷᠢᠶᠠᠨ ᠤ ᠬᠢᠨ ᠠᠪᠠᠴᠢᠭᠰᠠᠨ᠃ ᠡᠭᠦᠨ ᠢ ᠰᠠᠶᠢᠬᠠᠨ ᠦᠵᠡ︕︾ ᠭᠡᠵᠦ | ᠪᠠᠷᠠᠭᠤᠨ ᠬᠠᠨᠠ ᠳᠤ ᠨᠠᠭᠠᠯᠳᠣᠭᠤᠯᠣᠭᠰᠠᠨ ᠠᠯᠪᠠᠨ ᠨᠡᠶᠢᠲᠡᠯᠡᠯ ᠢ ᠵᠢᠭᠠᠪᠠ᠃ | | ᠵᠤᠬᠢᠶᠠᠬᠴᠢ ᠶᠢᠨ ᠬᠠᠶ᠋ᠢᠭ᠄ ᠬᠤᠷᠴᠢᠨ ᠪᠠᠷᠠᠭᠤᠨ ᠭᠠᠷᠣᠨ ᠳᠣᠮᠳᠠᠳᠣ ᠬᠤᠰᠢᠭᠤᠨ ᠤ ᠪᠠᠶᠠᠨᠬᠤᠰᠢᠭᠤ | ᠵᠢᠷᠭᠤᠳᠣᠭᠠᠷ ᠳᠣᠮᠳᠠᠳᠣ ᠰᠣᠷᠭᠠᠭᠤᠯᠢ | |